玉葉甜品

营业中

休息中

約左貧友黎中環食食食第2站就來玉葉甜品其實之前亦食過1,2次可能時間仲早(未夠13:00)佢似乎o岩o岩開檔, 凳都未擺好因為頭先食完番茄麵已經成個人出晒汗最o岩就係黎哩度嘆返個冰凍綠豆沙真係好夠冰凍, 入面直頭有d碎冰未溶得晒添左右有大大塊的係海帶綠豆沙中間的係香草綠豆沙其實兩款差唔多睇大家鍾意食海帶/香草o者

一個悶熱的晚上,要到 PQM 工作,在等候期間實在悶熱難耐,便沿荷里活道走,打算買點什麼冰飲料,卻看見玉葉就在路上,二話不說便坐下。明明有人在工作,明明沒有其他客人,但我坐下了 1 分鐘也沒有人理我,不管了, 就大聲叫出想點的凍綠豆沙,也不知他們有沒有聽到,反正沒有人回應。再一分鐘後,綠豆沙到了,挺夠凍的,有起沙也不太甜,  加上大大塊的海帶,慢慢的吃下,登時暑氣全消。老闆如我所料的黑著臉收錢,際此炎夏之夜,吃到了碗透心涼的綠豆沙,什麼火氣都消去了,也沒怎麼計較服務不服務。

野食越來越差不在話下，個老板娘仲不知所謂，諗住老街坊而且中上環又無咩糖水舖咪幫襯下，仲要串咀，又黑口黑面，嬲到想即時唔買走人！(本人係有禮貌地落單) 下次再想食糖水最多搭車去遠啲食，都唔食呢間！而且佢啲野食真係越來越差，無必要幫襯！！！！

身為八十後，已經很少把傳統的糖水當甜品吃。不過每逢經過中環這間歷史悠久的糖水麵檔，我都總會停下腳步，坐下品嚐碗一味難尋的傳統味道。尤其是天氣稍熱的時候，來一碗凍豆沙就最好不過。是日我就點了碗香草綠豆沙！雖然一直以來我都不清楚香草是什麼傢伙，不過香草味道特別且非處處有售，所以應當一試！而且這兒的糖水很足料，味道也很正宗，不會甜到膩。綠豆雖然煲到起沙，但還吃得出綠豆的成分，卻不是坊間那種水、豆不溶的味道，非常出色！再且價錢亦很親民，即使環境是差了點，但細心一想，其實這也是親民的一種表現，可說是食味道也食風味！

rude, obnoxious owners that just yell and wail at you for no reason.  and won't offer a second spoon so i could share with my friend.  the dessert isnt even good enough to justify the rude treatment.  the black sesame soup tasted like it was from a box and was watered down, and the coconut sago was just standard.no thanks. i go to dai pai dong all the time, so this isnt an issue of not being acclimated to this style of dining. 

忙左成日約埋朋友一齊去中環Happy Hour兼食飯，食完飯意猶未盡，行行下經過斜路旁既玉葉甜品，不過舖頭旁既位置都已經坐滿，所以我地去放喺斜路上既摺枱摺櫈到坐低左，睇住手寫既餐牌，綠色的鐵皮檔，真係別有一番風味！ 我地叫左海帶綠豆沙＋紅豆沙＋糖不甩。 呢到既糖不甩帶有微微既姜味，而且丸子正處於暖暖軟糯的狀態，撈埋花生碎、砂糖同椰絲，煙靭中夾雜香脆，有口感又好味，值得推介！ 另外，我食既紅豆沙味道吾錯，略嫌稀左啲，勝左價錢相宜；至於朋友食既海帶綠豆沙佢遺覺得冇咩特別。。。背著斜路坐櫈，係會有啲搖搖欲墜既感覺，不過同時亦覺得好得意，因為坐喺斜路所望既景致又有別於平時行過斜路所望到既，所以大家不妨試下坐斜路嗰邊既櫈食野㗎~

今日忙完一整天, 周圍走, 又去金鐘影下相咁, 行到咁熱同個fd話去食綠豆沙由金鐘專程行到去上環探下"細佬", 就係為左佢碗香草綠豆沙其實佢個雲吞鹼水撈麵我都好想食, 不過飽左.佢個香草綠豆沙真係好好食! o個種香草既清新加埋綠豆真係好有田園風味, 又唔係太甜.好似o係中環城市中既一個綠洲咁.以前都食過海帶綠豆沙, 但海帶太多變相好似食海帶多過飲糖水, 冇左解渴既感覺所以我都係stick to 香草綠豆沙, 加糖不甩

女老闆無禮貌已經是第n次，她老公仍然好很多已經習慣左都會嚇一下。我尼次帶了外國朋友來，她被老闆娘嚇死了。anyway 外國人比較喜歡吃的是西米露 叫了西米露和紅豆沙，她如我所料比較喜歡西米露喔！我們share 左糖不甩。尼度最好是糖不甩的姜味！冬天吃真係好正架！我喝紅豆沙水準仍然不錯啊。不過都係果句，老闆娘唔好甘緊張啦。。。。。。The female boss is very rude since ages ago don't be too shocked or put off - the food is still great and they are in their 3rd generation The guy is much nicer so you can speak to him slower. But the female boss is very impatient. So decide quickly and point to what you want + hot/cold PRECISELY AND CONCISELY LOLLLLIt's very tradit

不知所謂玉葉甜品！第一次俾人激嬲要寫食評，叫左兩個甜品，一碗芝麻糊，雖然似係自已磨，唔係開水，但係好稀，又甜，好似淨係糖＋水＋芝麻粒咁！另一樣係糖不甩就不過不失，無咩特別。對食物既要求本身不高，諗住食個懷舊＋人情味，點知一肚氣就真！和友人只係坐左半個鐘，居然俾老闆娘鬧我hae客，阻住佢做生意！但當時係仲有好多位無人坐！我話以後唔會再嚟！佢話佢啲客係嚟食嘢，唔係hae！跟住俾錢既時候，仲不停鬧，真係好差既服務態度！

你有多久没在斜斜的馬路邊吃東西？或從未試過？這是舊香港的風味，總覺得各位應趕快去體驗一下這消失中的本土情懷！在微傾斜的摺枱及圓凳子搭枱而坐，先點了牛腩湯河，要耐心等待，河粉幼細也滑，牛腩份量不少，灑上葱花，調味也恰好，不過肉質未夠腍，湯頭也沒甚特別。再吃其招牌香草綠豆沙，質地未達到起沙程度，仍看見綠豆粒及衣，不過，吃入口清甜感十足，亦嚐到香草的清新，成個人感覺舒爽不少，值得再回味！在這兒吃的是風味，也可見識到老板及伙計不賣帳的真性情，不知為何，想起<十月圍城>的舊香港！

昨天的LUNCH 是吃西餐，今天轉轉口味，選擇中環的人氣排檔~ 玉葉甜品沒有吃過的同行同事，以爲玉葉甜品只有甜品lol雖然排檔在斜坡上， 坐著其實不算的舒服，但也算風味的一種。Lunch Time 有很多OL 和西裝骨骨的人在吃飯呢！選擇不算很多，但貴精不貴多嘛雲吞麵 $24 好吃！ 物超所值！！雲吞有五粒，麵很爽口，鹼水味剛剛好。水準不會差過外面幾十元一碗的。香草綠豆沙(凍) $12也是好好吃!! 首先味道不會太過甜，我很怕那種只有糖漿味道的糖水。而且，因爲加了香草，吃的時候有種很淡的香味，不會太過濃郁。很特別，LIKE吃完麵， 再加碗糖水，都只是$36!!!!推介給中環上班的你們！！

今日同朋友行都非常熱。見到呢度好評咁多咪諗住唔會中伏。就係咁，中左個大伏！個度既老闆態度差，好似全世界得罪佢甘。甘我就估一定係綠豆沙好好味先仲有甘多好評。點知綠豆沙沒有想像中好食，太過甜。朋友食既芝麻糊很稀，完全沒味。分分鐘沖粉個啲仲好味過佢。。。總括貼錢買難受我就唔會再幫襯。。。

快快手係公司食完lunch之後同同事去食糖水～香港既大排檔已經唔多～衣到保留到香港惜日既情懷～之前Lunch黎食麵都要等位，今日可能比較熱，人唔算多～叫咗碗凍海帶綠豆沙，好鐘意佢有大大塊海帶，好好食～不過今次啲綠豆比較少，而且比較甜，之前比較傑身，有時重會有碎冰塊，透心涼～12蚊一碗，係中環黎講都算幾平～幾抵食～

HAPPY FRIDAY梗係要搵D特別野做下, 夜工行完街去左PMQ night market, 結果好似無咩夥睇又多人, 諗住係night market會食野, 所以dinner淨係食左少少野, 11點幾就有d肚餓喇, 行去PMQ已經經過呢間糖水舖架喇, 朋友仲話呢間夠晒特別, 因為係條斜路上面, 坐得辛苦不過有風味, 所以行完PMQ就去左食綠豆沙!平時綠豆沙配香草定海帶都係間舖決定, 我就無咩所謂2樣都食, 點知呢度有得揀! 佢煲晒2隻綠豆沙, 令我有D suprise, 而且見佢舖面咁簡陋, 以為無凍既 (之後諗返都有d唔make sense, 香港咁熱, 凍應該好賣過熱 xd), 最後同朋友一齊叫左碗凍既海帶綠豆沙原諒太黑影唔到相, 海帶好大塊而且都幾多, 煲到林晒架喇, 不過仍然有咬口, 唔係一pat pat既, 不過我地都覺得甜左少少, 其他唔錯!  之後我地好辛苦咁終於加到個糖不甩!  黎到仲好熱, 上面既花生椰絲好香, 配埋一齊幾好食!其實見到人地d麵都好似幾好食, 幾香又有料! 下次有機會再試!ps, 老闆娘睇黎脾氣唔係太好, 可能因為熱左一日...  叫野食都係一次

不知道大家對這個地方有印象嗎？作為電視精的我，在TVB的《新抱喜相逢》的滕麗名倒追麥包的地方，一睇就認得出來了！在同事口中經常聽到玉葉玉葉，到達後才知原來就是這個經常出現在TVB劇的場景！玉葉甜品位於蘇豪區內，大家都知道蘇豪區的餐廳非富則貴，或許這間玉葉甜品的價位應該會讓你有另眼相看的感覺。玉葉是由鐵皮屋搭建而成，鐵皮屋的好處就是建築工序簡單，但屋易生鏽、漏風、漏雨、不隔音、空氣不流通，遇到惡劣天氣時更有倒塌危險，不知道之前的大雨又令他們失去了多少生意，而他們又在這鐵皮屋內度過了多少天的晚上呢？玉葉建在斜路的旁邊，鐵皮屋以下的放有枱櫈，而座位是微微斜上，某程度上坐得挺不舒服的。顧名思義，玉葉甜品售賣的是甜品，可是並不是到處可見的西式的甜品如芝士凍餅或是港式的甜品 芒果西米露等款式，他們賣的是中式甜品，例如：紅豆沙，綠豆沙，芝麻糊，糖不甩等等。而因為迎合大眾的口味，這種傳統的糖水店在香港已經少之又少了！中式傳統糖水店加上粉麵，也為他們帶來不少客人，粉麵店到處也是，可能有糖水的售賣令玉葉更勝一籌，還是有其他原因呢？我不知道。但可見的是有不少的街坊，一來到不用看餐單就能點餐，幾位大哥似是老顧