玉桃軒酒家 (利舞臺廣場)

营业中

休息中

大大幫媽咪跟小妹特訂的鞋到貨，是夜收工隨母同行到住利舞臺附近的她試鞋，拿完鞋子後一家人也難得吃餐飯，於是又隨意到了大大推介的餐廳吃飯去。真係超攪笑，估唔到一入到去撞到上等人一家大細既，你話係咪真係世界真細小。哈哈哈，呢度裝修好新好靚，而且坐得好濶落，兩個人都被安排坐四人台，平日又唔洗等位，冷氣又好足夠，剛剛行來成身汗，抖一陣舒服曬。精明的消費者，一定選晚飯套餐吧，才不過298，當然精明的是娘親啦。看見餐牌個人也覺ok，首先有我喜的斬件雞，又有媽媽喜愛的蒸魚。上菜好快手，員工又幾好服務，問佢拎碟辣椒油都有禮周到。一品蒜香雞雞有半隻是足夠分享的份量，炸得金黃香脆，皮軟又沒太肥膩，肉倒嫌棄不夠滑溜，蒜香味雖然唔多覺但就幾入味因為本身掩左，但個蒜醬汁就幾正斗大，個雞仲幾多肉呢，半隻真是滿足了我吃雞願。清蒸海石班媽的一尾魚沒想像的迷你，竟然係一家四口都夠食咁大條，真係平到笑，魚肉蒸得沒過火，肉質淋淋的蠻軟糯，向來不太吃魚就沒多嚐，媽鍾意食但都多到食唔曬。瑤柱粉絲什菜煲媽咪同我都一起共同選擇了這款自選菜，瑤池幾香呀，什菜冬菇煮得亦剛好，粉絲好QQ，加上魷魚蝦干都唔寡，撈得好啱key，而且有菜有澱粉

午膳時間雖要到銅鑼灣辦點事，順道到附近玉桃軒飲茶吃飯。這份午市點心靚湯餐，可自選三款點心、一款靚湯、一款小食、一款小菜及一款飯麵，足夠三至四人享用。蟹籽蒸燒賣皇口感富咬口，味道 OK 喇！香脆蝦多士以蝦膠取代原隻鳳尾蝦，賣相固然不及預期。以半煎炸模式製作，雖然少了一份膩口，但同一時間也少了一份脆感。魚湯鮮竹卷以爽口食材為主要餡料，鮮竹搭上清甜魚湯有不錯的效果。即日老火煲湯為粟米合掌瓜煲瘦肉，味道甜香。菠蘿咕嚕肉製作外脆內軟，甜酸汁味道調較恰宜。建議咕嚕肉可切得大件一點，口感更佳。蜜汁叉燒皇肉香濃，質感鬆軟，肉紋清晰，好吃！豉椒牛肉炒河河粉算上炒得分明，不會黏著在一起。豉椒汁味道都算可口，牛肉水準普通喇！餐後有糖水甜點送贈，腐竹薏米糖水甜感適中，滑口滋潤。楊枝甘露糕味淡。黑芝麻卷略帶煙韌，含蓄泛著芝麻清香。

見好耐冇飲過茶就同老豆去左附近嘅利舞臺飲。今次揀左親戚介紹過嘅玉桃軒！認真唔錯！一入門口已經覺得景觀好開揚，地方都寬敞，坐得舒適。裝修亦都比較高級。放左好多華麗水晶燈飾，而且樓底高，空間感十足望一望餐牌，除左有點心之外仲有唔同套餐揀，餐牌上嘅選擇好多！1.蝦餃皇入面相當足料，而家蝦肉亦十分新鮮！2.韓式泡菜鮮蝦春卷一見到泡菜搭蝦春卷咁新鮮嘅配搭就即刻嗌左碟。果然黎到之後冇令到我地失望，蝦都係咁新鮮，夾埋泡菜酸酸辣辣好開胃，唔錯嘅嘗試！3.叉燒加燒肉燒肉個皮燒得好脆好香口，而且夠曬熱，好好食！叉燒亦都唔太肥，肉質鬆軟，口感好好4.揚州炒飯味道唔錯，炒得乾身亦唔油，料都好足好多蝦5.其他點心都有水準，牛肉球都好大粒認真唔錯！想去銅鑼灣飲茶嘅朋友可以諗諗！下次會再幫襯。

提前同媽咪食母親節飯，特別揀咗有免費泊車既地方，好耐之前都食過呢間，質素唔錯又唔多人，服務都幾貼心，最好係帶蛋糕唔收切餅費。當晚無叫套餐散叫，因為只得8個人，費時食唔晒又要打包。迷你冬瓜盅 $188話就話係迷你，但都可以分到10碗，而家D冬瓜好費架，所以呢個價錢好抵，仲要真材實料又好味喎北京填鴨 $138 (半價)首先想讚下個餅皮，好熱辣辣好薄，等於泰豊廔一開二，個個都讚搓得薄。鴨方面雖然變咗厚切，但勝在唔多肥膏，肉質嬾唔膩晚膳三寶 $298賽螃蟹～蛋白唔鞋好滑，雖然無生蛋同瑤柱絲，但我覺得加少少醋己經好好味，試得過蒜香鷄半隻～皮脆雞嫩，啖啖肉又無雪藏味清蒸細石斑～魚有魚味好新鮮，細細條肉質先嫩滑，必食推介瑤柱蛋白炒飯味道較清淡，飯炒得幾乾身又唔多油，唔想食白飯既另一選擇青芥末香脆窩巴蝦球造型靚味道好，窩巴又熱又脆，青芥末加上少少沙律醬中和返個辣度，而蝦球彈牙爽口無雪味，值得推介鎮江醋排骨煲呢個煲唔好味，醋唔夠香同酸，排骨太瘦多碎骨又唔入味，不值一試9人共消費: $1159

We had a good dinner experience at this restaurant, so we dicided to try the lunch.  During our lunch time, the sunshine thru into the room, it made comfortable and relaxing, and the service was not too fussy althought that day was bz sunday noon time  Finally we ordered a few dim sum.  Firstly, steamed fresh prawns dumpling which i was unexpected that it had 2 BIG prawns inside and those were fresh n tasty.  My favourite steamed egg sponge cake was soft and not too sweet, but a bit salty, which

週六早上打電話到玉桃軒酒家，成功為晚餐訂座一圍。下午茶時間卻收到酒樓來電，告知全店滿座，要取消細佬張枱 ！！！時間緊迫，週六晚成圍人要轉場食飯真係唔容易，而且餐店突然取消實無道理，小肥唯有與接線生理論，提出超額訂座屬店員疏忽，不應任意取消細佬張枱，而應盡量作出合理o既掉配或安排。點知佢居然提出喺門外加張枱俾我地，因座上客大多已年過花甲，小肥當然係拒絕啦，真係估唔到仲要俾人切埋條線 ，當真成肚氣，故不得不在此道出店員之惡行，以警戒其他有意幫襯o既食客。 “The Graces Restaurant”??? NO GRACE WHATSOEVER!!!

與幾位相識幾十年的老友聚會，當中有一兩位自稱識食之人提議今次聚會在這店，主要從價錢着眼，原因就是有個套餐好底食，聚會主要是"吹水"，所以無乜反對聲音，就一致同意這晚在這店食該套餐作聚會。當晚去到見酒樓裝飾尚算華麗，坐位不算擠迫，經理及侍應的招呼也算殷勤，由於一早訂位時已訂了餐，坐下後大家吹下水，等人齊就通知經理上菜。上湯波士頓龍蝦伊麵，上檯所見龍蝦件數不算太少，數埋都有士、二件，但就以爪居多，超過一半，肉就不多見，鉗都有兩隻，套餐菜，也不能太多要求，龍蝦非常新鮮，挑出的肉不霉，味道就略為偏咸，伊麵也較為漿淋。乳豬半隻，原本是五福喜臨門，估計這會是燒味拼盤，一班老朋友想食好些，就一致通過加錢改為食乳豬，豬皮夠脆，味道還不錯，肉沒有太咸，可惜油膩太厚，頗為肥膩。醬皇碧綠花姿蚌片，XO醬味道不夠濃郁，魷魚有點韌但尚算咬得開，蚌片其實是珊瑚蚌(大家都知珊瑚蚌不是真正的蚌)，但夠爽口，西芹就非常新鮮，外表嫩綠，清甜爽口。南京素鵝拼紫菜卷，素鵝腐皮太厚，餡料太小，表面尚有小小脆，由於腐皮太厚，口感始終不足，味道也淡；紫菜卷，魚肉夠彈牙，但用紫菜包起後再炸也不見得特色，入口只像吃魚蛋，但卻又淡而無味

因為已經訂枱, 所以不用等侯, 不過觀乎整晚樓面, 不訂枱也是沒問題的3 個人, 叫了 4 個菜, 1 個甜品蠔豉鬆生菜包: 很好味, 很香, 咬落啖啖肉汁, 加上生菜爽口, 實在好食汁燒雜菌豬頸肉: 這道菜全靠燒汁的味道, 因為雜菌是沒味道的...蝦乾上湯豆苗: 過鹹了... 不過蝦乾卻很淡口海鮮豆腐煲: 普普通通而已.壽包: 體積比以往小了, 不過依然好吃, 不太甜, 也不太油服務方面, 實在有點問題, 小菜上菜時間太長, 食完一樣才另一樣, 很不過癮吧, 我又不是去飲...而且到 10 點, 酒樓竟然熄燈趕客... 這裡好像是銅鑼灣吧...

原材料貴哂, 連份量都少哂.....><蘿蔔糕- 點解可以薄到得半件, 不多蘿蔔絲, 臘腸份量材料少, 煎了都香口,但入口好似食粉咁囉, 南乳豬手- 點解又係變了一口豬手, 真係細粒到不得了, 平時豬皮都大大件,隻碟已經細, 食完好似冇食過咁, 味道很重南乳味, 濃而不咸, 豬手亦很入味蝦餃-份量正常,大約一粒都有2隻蝦,水份夠, 蝦算彈牙,新鮮, 皮不厚

新入職, 同事說訂了檯一起去飲茶, (後來才知道是Welcome Lunch) 跟著同事走, 行到來利舞臺, 來刑這一家門面都幾華麗下的酒家, 玉桃軒.說華麗, 因為整個佈置格局是為了擺婚宴而設計的. 現在有不少的酒家, 都set到個場靚靚, 預哂所有facility黎擺婚宴. 說真, 酒樓, 真若是一個星期有幾單包場婚宴, 真係好過做散客. 而這一家令人感覺華麗的酒樓, 想係週末黎食個晚飯, 可能真係要先打個電話問下有冇人擺酒先.一行4人, 決定叫一個午市套餐. 不用問誰喜歡吃什麼, 不用費心的去慢慢選. 而首先來的, 是味部的小食, 一份叉燒併燒腩仔. 燒味, 一向都沒有熱辣辣的感覺, 食落, 帶點微暖, 叉燒蜜味, 肉質腍, 而燒腩仔, 皮脆, 肉嫩, 不過有部份的皮位, 就因為皮較厚的關係, 咬落有少許帶硬. 炸點, 叉燒酥, 春卷, 同一個炸鮮奶球. 叉燒酥, 皮夠哂酥化, 內餡的叉燒, 混合了濃濃的醬. 雖不是熱食, 但也食得出叉燒酥的香. 春卷, 我就嫌佢大條左少少. 炸得雖然不錯, 但包得太大條, 始終唔習慣, 我喜歡細條的.

由於姨甥在中秋節前的週末騰不出時間一起吃團圓飯，所以大家便決定提早一星期慶祝這佳節，而揀選酒樓的重責就交由這位已多年沒有在港生活的年靑人負責。我的家人一向對菜式要求不高，不過就頗注重健康，所以飯菜盡可能是少油、少鹽、少脂肪，不過由於每次做節都人多勢眾，總難迎合每一個人口味，故點吃套餐是最穩陣之選，亦可省回不少腦汁。這次揀選的酒家「玉桃軒」以粵菜為主打，已屹立在銅鑼灣區達十年之久，店內裝修頗為優雅，加上坐落於利舞台 20 樓，令人有種高高在上、舒適清靜之感。我和老公晚上約七時到達酒樓，原來細心的姨甥早已為眾人訂下兩圍「仲夏宴」，包括六款前菜，七個主菜、魚餃、甜品、鮮果盆、啤酒和汽水各六罐，每席為 $2380， 另設加一。六前菜每碟份量也絕不欺場，泰式牛柳粒，牛柳外形活像骰子般大小，味道其實挺不錯，肉質幼嫩，不韌不乾，肉汁甜美，而豆干口感紮實，清涼爽脆，與牛柳粒一濃一淡，配搭得宜。涼辦雞絲粉皮，雞肉質地鮮嫩可口，而粉皮咬落亦頗滑溜，拌著麻醬同吃，入口開胃醒神。滬江素鵝驟看還以為是腐皮卷，素鵝外皮雖然炸得色澤金黃，可惜脆得來帶點硬口，加上吃得滿嘴油膩，連平日不愛浪費的老公也無法清碟。北海鮑

朋友擺25圍喜酒, 包場1. 樓底矮仲要用七彩旋轉射燈, 強光射住賓客, 睇到眼都花2. 播片時, 等咗成個字都播唔到, 播到就有畫無聲, 原來無播線, 一播就爆炸咁大聲3. 上乳豬時, 出菜位在酒樓門口, 侍應楝晒喺度唔郁, 新人講完嘢後, 叫大家開飯後, 等了10分鐘都唔上菜, 原來係要等播音樂同攪射燈的大帝開始播音樂先可以行, 氣氛尷尬, 賓客肚皮餓到打鼓. 4. 侍應唔會幫手分食物, 擺低就行開喇 (有時仲以為自己去咗茶餐廳叫小菜咁, 半掟半飛咁將食物放上檯)5. 賓客食物碟唔勤換, 成碟都係乳豬骨, 又要用番來食第二三四味菜色. 到食瓜甫+鮑魚+魚, d餸汁"共冶一碟"溝埋一齊,好鬼核突. 要三催四請, 侍應先肯幫人客換6. 席間十分太擠逼, 一係背脊頂背脊, 一係就背脊頂窗, 頂龍擺20圍勉強可以.7. 食物份量ok, 味道一般飲宴咁既款式8. 食到尾聲, 食雞那味大家都已經無掂過食物了. 而我地那檯朋友興起猜枚, 侍應竟然可以連炒飯炒麵糖水同橙都唔俾. 我地唔食雞同掛住玩, 唔等於唔食之後既食物喎.總之, 奉勸打算在這裡擺酒的新人, 留意吓如果擺多過20圍, 唔建議大家考

走咗上去利舞臺搵食，景就一流。坐底叫嘢食，不過傳統點心少，反而好多新款點心，即管試試。1. 玉桃晶瑩蝦餃皇 - 呢餐最好食嘅點心，真係落足料，蝦又新鮮又大，皮薄饀靚，讚~!2. 蛋黃千層糕 - 口感好古怪，好似發唔起嘅麵包，不知所謂。3. 鮮竹香茜牛肉球 - 牛肉冇特別，腐竹算又大塊又新鮮。4. 蜜汁叉燒滑腸粉 - 其他ok，係皮太厚，但係對於腸粉呢道點心就太嚴重了。5. 蒜茸蝦春卷 - 粉太厚了，而且唔夠鬆，唔好食。6. 椰汁紫米露 - 冇椰汁香味，啲料煲得太耐，已經淋哂，冇咬口，太多西米，低水平。Comments : 食view多過食嘢，成日諗住搞啲新花款，連傳統嘅都未做好，應該冇下次。

叫左個父親節套餐. 另加焗釀嚮螺+砵酒焗蠔父親節套餐有蝦, 翅, 雞, 魚, 海參, 鮑汁炒飯, 糖水, 美點.蝦 - 豉油煎蝦 - 4隻, 超大隻, 個汁好好味翅 - 似平時去飲果d, 都好好鮮味, 唔落醋都得雞 - 蔥油雞, 咩汁都唔駛點已經好入味, 又滑海參 - 好味鮑汁炒飯 - 好味焗釀嚮螺 - 好大, d料多到出晒黎砵酒焗蠔 - 係桶蠔, 有5隻, 好大隻, 夠入味, 好味道. 仲有金菇同紅蔥頭一齊焗糖水 - 係紅棗海底椰美點 - 紅豆糕 (好滑, 唔太甜) +　合桃so (好味) 好味, 食到好飽.

今日爹娘黎銅鑼灣飲茶,帶佢地黎試0下.一入門口已經有唔係幾好的印象..."支客位"無人,超過2分鐘至蒲頭.坐低發現䒷 面斜斜地><點了以下點心:蝦餃- D皮"林Pat Pat",蝦有D韌同"押"味(即係唔新鮮囉)重收"特點"0添><芋茸飽- 這個OK!巴蜀牛孖根- 同普通牛孖根無分別白灼芥蘭- 菜質OK,但太油芝麻雞海蜇煎軟餅- 味道OK,但好多油又唔用隔油紙><芋絲炸春卷- 唔熱以下2個是最好的...百菌白果魚湯浸魚腐- 魚湯鮮甜又夠熱砂鍋鯪魚球煲- 鯪魚球彈牙兼爽口總括: 點心質數麻麻地,服務有改善空間(點心售罄又唔通知客人,要問至講).