玉桃軒酒家 (利舞臺廣場)

营业中

休息中

見好耐冇飲過茶就同老豆去左附近嘅利舞臺飲。今次揀左親戚介紹過嘅玉桃軒！認真唔錯！一入門口已經覺得景觀好開揚，地方都寬敞，坐得舒適。裝修亦都比較高級。放左好多華麗水晶燈飾，而且樓底高，空間感十足望一望餐牌，除左有點心之外仲有唔同套餐揀，餐牌上嘅選擇好多！1.蝦餃皇入面相當足料，而家蝦肉亦十分新鮮！2.韓式泡菜鮮蝦春卷一見到泡菜搭蝦春卷咁新鮮嘅配搭就即刻嗌左碟。果然黎到之後冇令到我地失望，蝦都係咁新鮮，夾埋泡菜酸酸辣辣好開胃，唔錯嘅嘗試！3.叉燒加燒肉燒肉個皮燒得好脆好香口，而且夠曬熱，好好食！叉燒亦都唔太肥，肉質鬆軟，口感好好4.揚州炒飯味道唔錯，炒得乾身亦唔油，料都好足好多蝦5.其他點心都有水準，牛肉球都好大粒認真唔錯！想去銅鑼灣飲茶嘅朋友可以諗諗！下次會再幫襯。