玉桃軒酒家 (利舞臺廣場)

营业中

休息中

近期常常與朋友一起做運動，銅鑼灣是我們經常出入的中心點。大家都喜歡食下點心飲杯茶，所以我們選擇了位於利舞臺廣場的玉桃軒酒家，喜歡它的地利位置方便，喜歡它的點心和小菜選擇多，更喜歡它上午11時便開始營業。剛坐下客人還不多，靠窗開揚的觀景感覺舒服。食品種類也蠻多，我們最終選擇了四式點心、上湯豆腐魚雲煲、順德鯪魚釀涼瓜和花生甜薄撑。四式點心對我倆來說剛好，因蝦餃、燒賣、乾蒸牛肉、粉果，每款各兩件，適合二人同行的朋友。上湯豆腐魚雲煲是我的至愛，餸料十足，湯底入味幼滑。久違了的花生甜薄撑是朋友點選的，賣相已吸引，皮薄而內裡滿是甜甜的花生碎和椰絲，剛奉上枱我們便立即品嚐，暖暖而甜絲絲的感覺真的另人回味。這裡真是不錯的聚腳好地點，難怪凝聚了不少熟客。

約左長輩出銅鑼灣飲茶，想揀間地點方便、環境舒適、唔好咁嘈、乾淨衛生有質素既酒樓；最終揀左「玉桃軒」，佢的確滿足曬我咁多個願望😎12點半左右黎到唔洗等位就可以入坐，但1點左右就開始多人滿座了～除左點心，亦有盅飯、粉麵等選擇交完點心紙後，食物好快就上枱，好有效率鳳爪排骨飯，熱辣辣，蒸飯粒粒分明且沾有排骨既香味、排骨肥瘦適中菠蘿叉燒包菠蘿咬落脆口，麵包軟熟，叉燒亦足料燒賣蝦很爽口，肥豬肉唔算多，食落唔會覺得膩香煎鮮蝦腐皮卷外層又薄又脆、整條都充滿蝦肉雞絲滑粉卷，味道不錯，但略嫌皮有點厚硬，如果薄一點就更正！坐得舒服、乾淨衛生又好食

今天只有兩小口子晚飯，所以決定不在家煮，出外找間酒樓食晚飯，休爐一天。之前曾到訪利舞台廣場20樓的玉桃軒飲茶，覺得OK，所以今晚就去了那裏食晚飯。酒樓門口裝修得好清雅，給人好舒服的感覺。脆皮燒腩仔之前食過這間酒樓的推介叉燒覺得唔錯，所以今晚叫了另一燒味「燒腩仔」。果然同叉燒有得比。燒腩仔上枱時還是暖暖的，瘦肉和脂肪的比例差不多七比三，食落唔會太肥，而且肉質鬆軟，最正的還是燒得又鬆又脆的皮。法式焗釀鮮響螺釀進螺殻的材料有海鮮粒（包括響螺肉粒，蝦肉粒，帶子粒...），蔬菜和芝士等，食落好棉口，而且口感豐富，size 亦不算細,＄58 一隻都算抵食。石鍋蝦乾蝦醬唐生菜石鍋的熱力使蝦乾和蝦醬味揮發得淋漓盡致，一上枱已經聞到好香，使本來沒有什麼味道的生菜變得惹味十足。柚子杏片煎雞脯雞脯是用雞脾肉，非常嫩口，更撲上杏仁片一起炸，多一層口感，異於一般炸雞柳，而且非常脆口，柚子汁亦很清新醒胃，餸飯一流。

今日同家父兩口子吃晚飯，而銅鑼灣的中色酒家選擇雖然多，但質素參差。所以我帶他到水準不俗的玉桃軒酒家，吃一頓簡便晚飯。玉桃軒的格局舒適開陽，菜式選擇多，而且價錢經濟實惠。見新餐牌上有特價鮑魚，於是就叫了份蠔皇原隻10頭鮑魚，慰勞一下工作辛苦的家父及自己。鮑魚有嚼頭，醬汁入味，千萬不要錯過旁邊的鵝掌，入口濃郁細嫩，送飯一流。香蔥焗美國桶蠔煲一打開已經是香氣四溢，蠔肉大大隻，外脆內軟，吃下更滲出淡淡的蔥香，蔥段吸收了蠔肉的鮮味，更覺鮮甜。魚香茄子煲這一道家常菜也不俗，肉燥汁剛好包裹着茄子，整體不會覺得太油膩。玉桃軒酒家價錢相宜，地理位置方便，很適合一家大細聚首一堂吃個便飯。

與友人去完花展，順道到銅鑼灣晚飯。我們怕限時，所以選擇中菜，可以慢慢食。這裡環境寬敞，坐得舒適，沒有一般酒樓的嘈吵聲，真是一所高級的食府！我們一行四人，一見到有個四位用的「家鄉自選套餐」，價錢合理、食物都有很多選擇，所以就決定選這個套餐。我們點了「栗米魚肚羹」、「清蒸游水海石斑」、「燒味雙式拼」、「菠蘿咕嚕肉」及「蒜香海蝦粉絲煲」。栗米魚肚羹，足料，香甜美味！燒味雙式拼，叉燒拼燒腩仔！店員很好，話會盡量安排蜜汁叉燒皇給我們。到這裡當然要食下招牌菜啦！蜜汁叉燒皇果然好好味 叉燒肥瘦適中，蜜味香甜，邊位都燒得剛剛好，很惹味 當然仲有燒腩仔，皮脆肉嫩，很香口！清蒸游水海石斑，魚夠鮮，肉質嫰滑！菠蘿咕嚕肉，外脆內鬆軟，酸酸甜甜的咕嚕汁，醒胃 蒜香海蝦粉絲煲，蝦很入味，粉絲較乾身！如果有少少汁，會更惹味！

今日同朋友喺銅鑼灣附近搵嘢食，上咗利舞臺樓上其中一間食肆 - 玉桃軒。 我哋坐低咗之後，見到有個本月推介，每一台都可以用一個特惠價食到佢哋廚師本月推介，而我哋選擇用優惠價食北京片皮鴨。另外我哋仲叫咗個小食，椒鹽豆腐粒，我哋仲叫咗個小菜肘子片蚊津白。最後叫咗兩個甜品，分別係椰汁紅豆糕同薑汁糕。 過咗冇幾耐，椒鹽豆腐粒送上，豆腐好細粒，但分量好多，豆腐外脆內滑，味道不錯。 之後北京片皮鴨都送上，除咗片皮鴨，佢另外仲有個蒸籠裝薄餅，仲有青瓜條同北京填鴨醬，鴨肉同皮都好香，而且份量好多，兩個人係食唔曬。 之後係肘子炆津白，津白味好鮮甜，肘子味好濃厚。 最後係兩個甜品，紅豆糕同椰汁糕，紅豆糕椰汁味好重，椰汁糕層次分明。

今日好想食片皮鴨，所以就同太太一齊上咗喺銅鑼灣嘅"玉桃軒"因為聽朋友講做緊$178仲要係好食嗰隻~首先叫咗個小食先,椒鹽豆腐食落去外皮唔係好似出面食開咁硬，而入面就用咗滑豆腐十分香滑!終於到我最想食嘅片皮鴨上枱啦～見到經理用好純熟嘅手勢去片隻鴨!片每一下都可以感受到呢隻鴨皮非常脆肉汁都隨即見到~終於上枱啦我比較鍾意有多肉嘅片皮鴨呢一間中菜嘅做法好啱我口味!佢個皮都做得好煙韌唔會好似食麵粉餅咁最後食埋個石頭鍋飯!用超熱石鍋嘅好處係可以令到啲飯慢慢變飯焦但係又唔會燶晒。又食到飽飽啦～

晚飯聚舊好地方一行4人, 來到CWB聚聚舊, 傾下偈. 一出LIFT, 門面幾靚, 好新好光猛. <<栗米魚肚羹>>入口夠香夠味, 魚肚仲含有豐富嘅膠原蛋白! 跟住最先上枱嘅係<<燒味雙式拼>>, 叉燒拼燒腩仔.叉燒肥瘦適中,  有少少燶邊, 連蜜汁都好好味!燒腩仔皮脆肉軟, 夠哂脆口好食! 連D蠔油豆都好食. <<清蒸游水海石斑>>石斑原條上, 夠滑唔腥. 蒸魚汁拌飯一流. 差D骨都畀我地食埋!!  <<蒜香海蝦粉絲煲>>海蝦大大隻, 埋枱時仲Bob-Bob聲, 一揭煲蓋D香氣香味即刻出哂來!粉絲吸晒D精華, 又係另一拌飯之選. <<菠蘿咕嚕肉>>唔止香噴噴, 味道酸酸甜甜, 胃口大開!! 加多個飯後甜品, <<宮廷薑汁糕>>一層層咁, 有口感, 有薑味, 有少少甜, 又有少少辣, 為呢餐豐富晚餐加分!!

兩年前曾經去過官塘分店食過，味道同食物質素非常不錯！呢次咁啱約咗朋友係銅鑼灣利舞臺...所以又即本試吓呢間...睇吓佢跟官塘店既水盡有咩分別先😄上到去發覺地方冇官塘嗰間咁大...但環境格調同裝修相若！中午一點左右去到等檯都只係等咗10分鐘！食物方面除咗鮮竹卷做得比較偏咸一點外...其他㸃心都做得相當不錯！尤其是個臘腸卷同酥皮蛋撻仔...超正👍😋😋😋 但樓面伙記人手方面就看似有點不足...😅

新年約朋友出嚟, 一定離不開去飲茶, 因為我至愛, 過到香港這邊, 我最喜歡就係去利舞臺的"玉桃軒"飲茶, 因為地點方便就腳, 平日十一點鐘先開始營業， 這段時間又容易有枱，同時我喜歡這間酒樓寬敞開揚和最重要食物有一定質素。 今次打算試他們的小炒和點心， 因為之前都是order他們的招牌蜜汁叉燒和精選午巿套餐。不知道是否新年期間今次有酸蕎頭前菜，不是有好多酒樓用酸蕎頭， 先醒醒胃口豆腐魚頭煲， 味道鮮甜，魚湯都好香濃南乳羅漢齋， 細細煲熱辣辣做得好惹味再叫埋蝦餃燒賣和薑汁紅棗糕

闊別半年，再黎到玉桃軒，不過係銅鑼灣分店，本想推薦友人吃片皮鴨，可惜剛來到時才發現要正價，還未完新春價錢，唯有勒緊肚皮食少啲。要過多一排才有優惠套餐再推出。因為媽媽太耐冇煲湯，我地幾位女士又想滋潤一下，點了老火靚湯！係瘦肉蓮藕湯！好開心竟然有我喜歡嘅蓮藕，全部湯渣都煲到好淋好淋，而湯底好入味，冇味精，唔會太咸。一煲大概分到八碗，果然物有所值。XO醬鮮菌炒花姿，微辣醬汁，而鮮菌有最易入味的杏鮑菇，加花姿有咬口又香味四溢！環境衛生，而且收碟速度都快，果然屹立於銅鑼灣咁耐的酒樓，水準必有保證！

銅鑼灣分店的玉桃軒，地理位置極佳，就在利舞台樓上。實在太耐沒有試過朋友約會到中式酒樓，今晚難得咁有興緻就try try佢！估唔到2月28日這裡仍然做緊新春套餐，突然覺得仲有新年氣氛，不過新年實在和親戚吃得太多應節菜式，所以就不選擇了。朋友都有聽過這裏叉燒皇最出名，點了一客例牌，果然非比尋常！外皮像麥芽糖甜甜蜜蜜，整體叉燒很圓厚，鬆軟滑潤！油脂同瘦肉比例均勻，加上炭燒香味真係配一流。另外一碟小炒是黑椒西芹腰果牛柳粒，因為仲係新年價錢所以沒有特價，不過水準的確是物有所值。最喜歡係腰果炒完燴上汁，但是也不會過淋仍有脆口的感覺。牛柳粒亦夠鬆軟，而且有牛油香味！唔錯唔錯！好在朋友都喜歡這裡，因為店內位置寬躺，可以暢談又不會被隔離聲浪蓋過。下次會推介家人一齊來這裏吃飯！

我哋係第一次嚟呢間, 喺OpenRice見到呢間有一啲想食嘅嘢 於是訂位. 本來都好哋哋 幫我哋落單嗰職員都好有耐性. 埋單嗰時同另外一位阿姐話要埋單 順便問下有冇信用卡優惠. 冇咪算囉 好多人都會順便問下㗎啦 點知轉個頭 (喺隔離枱)佢同其他職員講我哋是非(話我哋問有冇信用卡優惠喎). 我想知 食客冇權問咩??? 要講是非都行遠啲啦！跟住張單嚟啦 有條數叫“酸菜”. 佢話每枱都有花生之類 但係根本冇嚟過呢啲嘢 而且我哋第一次嚟 根本唔知佢哋有冇呢啲. 我都知好多餐廳都會有 但係如果有嘅話我更係唔會問佢呢條數啦 冇嘅話更係同佢講冇嚟過啦 我又唔係想食霸王嘢. 好彩最後佢肯退返條數 雖然黑黑哋面. 食呢餐飯之前 因為見到好多comments話呢間飲茶唔錯都想嚟試 但係經過呢餐後就唔會啦. 食餐飯真係唔係食物質素最重要 其他因素都好重要. 今次食後感就好似食完感覺良好嘅main course, 跟住食咗好難食嘅dessert, 破壞心情!

與舊同學相聚一刻, 越大越懂什麼叫珍惜, 原因是相識多年的好朋友從加拿大回來探親, 當然會約我這些老朋友由於朋友是住港島區, 我們便選擇了銅鑼灣的這一家好朋友今次回來太頻撲, 所以希望飲返一些湯水滋潤一下再從餐牌中選擇我們選擇了虎蝦, 蝦肉鮮甜彈牙, 薑蔥配菜 也是很重要的, 索了蝦汁的鮮甜味, 所以一般我們也會把所有配菜吃掉花膠響螺湯水 ,我們這些愛美的女士為了補充, 僅有的骨膠原, 把整碗湯連渣吃掉, 很是滿足朋友想吃點米飯, 我們便叫了臘味煲仔飯, 熱辣辣香噴噴的臘味, 可能由於是很久沒有吃煲仔飯, 這個煲仔飯能夠把兒時的味道從回憶帶回來, 食過返尋味之餘仲好開心除了辣味鄉之外 飯亦剛剛好, 當然飯燒 也是 吃煲仔飯的一個主角朋友說他會帶屋企人來這家食肆 再吃一次

同屋企人食飯通常都係上中菜廳之前來過呢間覺得d野食唔錯見有做特價我地再來超抵食優惠三寶都唔貴三百幾蚊就有雞有魚同一款自選小菜好耐未食過北京片皮鴨見做特價半價＄178好抵食片皮鴨d皮燒得好香好脆顏色平均同有光澤生菜片鴨鬆 （加＄68轉二食）呢款菜式係要用生菜包住來食炒香左gei鴨肉加埋d新鮮生菜一齊食真係好夾生菜食落好爽口鴨肉整得好惹味 籠仔糯米蒸走地雞＄128雞肉香味十足口感嫩滑個蒸飯吸曬雞肉香味同油脂食落特別有味道白靈菇蝦球燒豆腐＄98份量比想像中多蝦球超彈牙燒豆腐吸曬d菇味好好食鎮江香醋排骨煲＄98鎮江骨酸酸甜甜食落開胃個汁真係好正滷炸軟心豆腐 $58豆腐外脆內滑估唔到咁大份花膠燉鮮奶每位 $38材料十分足料唔太甜飲完感覺好滋潤（$38有好多花膠超抵食）四個人食平均每人二百蚊左右都真係好抵食無來一排質素都保持得好好值得再來幫襯