玉桃軒酒家 (利舞臺廣場)

营业中

休息中

今日同朋友喺銅鑼灣附近搵嘢食，上咗利舞臺樓上其中一間食肆 - 玉桃軒。 我哋坐低咗之後，見到有個本月推介，每一台都可以用一個特惠價食到佢哋廚師本月推介，而我哋選擇用優惠價食北京片皮鴨。另外我哋仲叫咗個小食，椒鹽豆腐粒，我哋仲叫咗個小菜肘子片蚊津白。最後叫咗兩個甜品，分別係椰汁紅豆糕同薑汁糕。 過咗冇幾耐，椒鹽豆腐粒送上，豆腐好細粒，但分量好多，豆腐外脆內滑，味道不錯。 之後北京片皮鴨都送上，除咗片皮鴨，佢另外仲有個蒸籠裝薄餅，仲有青瓜條同北京填鴨醬，鴨肉同皮都好香，而且份量好多，兩個人係食唔曬。 之後係肘子炆津白，津白味好鮮甜，肘子味好濃厚。 最後係兩個甜品，紅豆糕同椰汁糕，紅豆糕椰汁味好重，椰汁糕層次分明。