玉子造屋 (已結業)

上次行過睇佢menu有個旋風蛋，好似好吸引今次我同另一個食貨友子決定試呢間玉子造屋，試一試佢地既蛋我地先叫左2杯飲品，分別係抽子蘇打同白桃蘇打。味道夠出，唔會太甜之餘，蘇打唔會cover左個favor 但如果冰可以再少d就更加perfect 接住就叫左1凍1熱既前菜小食 有我最愛既蟹柳魚子沙拉，絕無偷工減料好多蟹柳同魚子，再配一條條清新既白蘿絲又一我覺得必定要介紹俾大家既小食，炸粟米粒 好特別，大家必試，睇落好似無乜特別同好普通，但口感認真幾過引 吉烈豬扒半熟玉子蓋飯omg...個蛋..蛋..蛋...真係好滑 個咖哩汁甜甜的，厚厚的豬扒，肉質唔乾仲好juicy唔錯 有飯當然另一個就會叫麵，可以開心share 2樣試哂啦 如果飯同麵俾我選一樣我比較喜歡既話，我會選呢個明太子意粉。個味調到剛剛好，唔會太淡，剛出到明太子本身個味，重要係個麵有咬口，唔會太軟最後每人173蚊，又再一次抱住個肚走以上食評只係本小姐個人食後感

將軍澳中心裝修後，引入不少小特色餐廳，重新定位成美食王國。我的一位蛋控朋友，在這新的國度內，發現她的新寵 ，一間以日本空運無菌蛋為主打的日式餐廳。她近日試過後，念念不忘，極力推介。 今日終於跟她去朝一朝聖。呢間「玉子造屋」是一般日式西餐廳裝修，我們給安排坐在近窗邊卡位，感覺很不錯。蛋控朋友已經急不及待介紹我知，日本無菌蛋，蛋味較一般蛋香濃，而且更美味健康。打開menu，朋友推介「玉子の盛典」，主食配搭不同玉子及醬汁選擇，玉子有3種煮法，分別是醬油流心蛋、半熟玉子蓋飯、和風太陽蛋。朋友已經試過和風太陽蛋，所以今次決定試其他兩款。 朋友發板 ，她點了蕃茄咖哩豬軟骨飯加醬油流心蛋。 又幫我點了紅酒汁漢堡飯加半熟玉子蓋飯。因為我係雞翼控，我即時追加七味炸雞翼。 飲野我就要左菠蘿梳打，朋友就要宇治玄米茶。 至於甜品需要花點製作，所以同時點埋士多啤梨，鮮忌廉 ，班戟。飲品宇治玄米茶同菠蘿梳打先到，宇治玄米茶都係一般玄米茶，菠蘿梳打唔錯，鮮菠蘿同真梳打水，最怕有啲餐廳用7up扮梳打。七味炸雞翼，好香口，不過比較咸同埋太乾，如果送啤酒會更配會合。跟住出場係蕃茄咖哩豬軟骨飯，醬油流心蛋都是食拉麵果啲流心

行過將軍澳中心見到新開咗依間玉子造屋，見個名幾特別，所以就入咗去試下。一坐低就見到大大個開放式廚房可以望到個廚師炮製美食，環境都唔錯，幾有格調。餐牌有極之多選擇既然舖頭名叫得玉子造屋，二話不說就叫咗兩個半熟玉子蓋飯嚟試下！第一道送上嚟就係醬油魷魚軟骨，之前都未食過依樣嘢，食落個口感同豬軟骨差唔多，但依個有加到少少辣椒調味，食落酸酸辣辣咁，加上係凍食都幾開胃。日式炸雞球個炸皮唔會太厚，但又夠脆身，一啲都唔油膩，食落都幾惹味！吉列豬排好厚身，有正常嘅二倍厚度份量好夠，而且肉質唔會韌仲好多肉汁。飯入面撈咗飯素 好有心思，同咖哩幾夾食落味道好豐富。蕃茄咖喱個味道幾特別，有咖喱嘅味道又有少少蕃茄味幾開胃，兩樣嘢加埋一齊都好夾！豬軟骨煮到好軟腍，同個蕃茄咖喱味道都好夾，送飯一流。不得不提就係佢個旋轉半熟玉子個做得幾好，睇得出好有心思製作，而且唔會太熟好滑，面頭仲有少少芝士味 。士多啤梨水果茶唔會太甜，有少少果肉喺入面，飲落幾清新啱啱好。白桃水果茶，雖然望唔到有白桃，但飲落就有濃濃嘅白桃味，唔會係嗰種溝出嚟嘅白桃味。埋單加埋一兩個人夾埋都係三百五十，將軍澳餐廳嚟講定價唔算太貴，絕對值得一試。

平時我最喜愛的炸蝦及三文魚，這間餐廳的蛋包飯都可以選雙併配菜，可以滿足經常三心兩意的朋友！餐廳以南瓜汁配上炸蝦，雖汁有少許甜但又不會太膩可接受，而三文魚配忌廉菠菜汁，本來就是perfect match吧；三文魚是幾塊上碟，絕對無用三文魚碎敷衍客人！好多時炸蝦會因皮太厚身時，我會「了」岀多餘脆皮，不過呢個粉漿非常薄身，整個吃掉也沒問題！蛋同飯一向係完美組合，但有時候餸太少或飯太爛都會令到我不想再吃下去。飯本身非白飯，加上飛木魚同紫菜碎等，夠香之餘更有比白飯易入口。一行兩人一個飯當然不夠，另外亦點了蟹親子沙津(HKD 58) 及炒野菜(HKD 35)。值得一讚是沙津竟用了白蘿蔔絲，既清甜又硬身一點點更有口感！炒野菜分量較少，不過對得起價錢，菜的種類也不少。到了另一重頭原味班戟(HKD60)及65%黑朱古力雪糕班戟(HKD65)！因為甜品只有班戟，證明好有保障是用心烹調，需時要預半小時，即叫即整！班戟幾鬆軟，有點像百貨公司展示的那種蛋餅。朱古力味道不太強亦不夠醬，建議再突出一點朱古力味會比較好。

日本人對於食物嘅專注相信唔少人都見識過, 呢個商場最近翻新過, 進駐左一D新食店, 呢間係其中一間, 望見店名已知係一間以蛋做主題嘅食店半開放式設計, 走日式路線餐牌上有小食, 沙律, 主食, 食物選擇都適中仲有飲品及甜品供應在外用餐, 慣常有沙律都會叫個沙律, 為身體加多點綠色嘛!  呢客胡麻豆腐野菜沙律 ($48), 爽脆沙律菜伴以秋葵及嫩滑豆腐, 胡麻醬汁加添香味及味道, 清新得黎又唔會味淡!小食選擇都幾多樣化, 相當鷄翼無咩人唔鍾意食, 呢客七味炸鷄翼 ($36), 單骨令到進食更方便!炸至金黄色再係外皮灑上七味粉, 味道有少少辛辣, 肉嫩唔會食到一口油!以日式醬汁配以椰菜, 蓮耦, 露荀, 洋蔥, 雜菇等炒成嘅炒野菜 ($45), 味道偏甜, 用黎伴飯食都唔錯!以蛋做主角, 主食可以從流心蛋 / 和風太陽蛋 / 半熟玉子等幾款選擇煮法, 幾款煮法都吸引咖喱吉列豬扒飯配(和風太陽蛋) ($78) - 兩隻靚仔太陽蛋伴在咖喱吉列豬扒飯厚切吉列豬扒炸至外脆內軟, 豬扒肉質鬆軟, 呈現少許粉紅色, 而個吉列炸漿唔厚, 唔會食到一口粉都未食到食材!飯之中加入飯素, 三個食法 : 單食/

聽講將軍澳開左呢間餐廳，出名鐘意食蛋既我緊係要黎試下啦。一黎到，見到呢度環境裝修好靚呀，好有日本feel。睇完menu，見到好多蛋既料理，全部都好吸引呀，睇到花多眼亂呢。最後我就叫左呢個咖哩吉列豬排飯，蛋就叫左半熟玉子蓋飯，一上台見到個飯勁靚啊，咁就緊係相機食先啦。咖喱汁超級好味，比平時專食日式咖喱既餐廳更出色。最重要既蛋方面，真係好好味，夠哂香又夠哂滑，配埋個咖喱汁真係perfect match呀。朋友就叫左呢個醬煮豬軟骨烏冬，試左佢一舊豬軟骨，味道岩岩好，夠哂入味又唔會太硬。d烏冬亦係夠哂彈牙既日本烏冬，襯埋個湯底都勁好味。小食方面，我地叫左個七味炸雞翼同黑松露牛油焗菌。兩個都好好味呀，我就會比較推介個炸雞翼。佢係單骨雞翼，比較易食而且又夠哂入味，雞翼出面夠脆，裡面夠嫩，簡直令人食唔停口啊。而野飲都好多選擇，我地就揀左橙汁同芒果梳打。兩個飲落都好fresh唔會太甜，而且夠哂大杯好抵飲呀。呢間餐廳既蛋真係整得好出色好有水準，而其他食物都好好味，非常推薦大家黎試啊。

是日同公司同事一齊去試下依間玉子造屋，平日行過望到依間野都幾冷清，好少老人家食，比較多年輕人光顧。今次我淨係叫左最保險既咖哩豬扒飯，食完好推介👍🏻其餘女同事食既餐都表示唔錯，唔會好咸。男同事就表示飯的份量太少，其中一個點了叉燒飯，食完d飯唔夠食，問左個男侍應有無得添飯，該男侍應望到佢碟上仲剩3舊叉燒，1個煎蛋，話無得添，可能要加錢。所以女士們會夠食，男士就真係要諗諗餸多過d飯。咖哩豬扒蛋飯:吉烈豬扒有意外驚喜，真係啖啖肉，新鮮，7成肉3成脂肪👍🏻👍🏻👍🏻👍🏻👍🏻5個like。光是賣相都好吸引，少女心溶化食後感: 相同價錢，會選擇返食cocoxxx番唔好問點解

Went biking with a couple friends at Tseung Kwan O, after along day we couldn't decide what to have for dinner, came across Egg Factory. Place looks clean, and jap eggs is one of my favorite food, tasty protein. yum yum. So, might as well give it go. It turned out pretty great, cuz it fulfilled my cravings for good tasty protein. Will definately give it another go for the pancakes with my wife on my next visit.

店内大量吉位，客人不多。但職員望見我們好似透明甘。我自己行入去搵位坐。條友終於講嘢問幾多位。之後甘多位係要我地企係度等一張執緊的枱。可以埋位之後張枱同Chair 都有食物碎碎點餐了。樓面有三個人。廚房見到有六七個人。舉左分幾鐘，終於見到我地隻手🙄豬排油到是全肥膏。唔好食。饅魚飯正常。呢個是三食。我問個waiter 點樣三食。他dead air ......我上網搵下三食是點，自己三食。食物有待改進，員工也是。空間很大個隻。短期內不會再光顧。

第一次寫食評 性價比低到我忍唔住手朋友見到推介 於是我就陪佢一齊去試本身見d食評都係一般 抱住試伏心態去食我就嗌左豬軟骨烏冬 但啲豬軟骨係一啲都唔軟 湯底無特別好似食緊一碗自己都可以喺屋企煮到嘅烏冬完全唔值呢個價錢 仲要收加一😢果然OpenRice嘅食評係無講錯至於朋友就叫左一個蕃茄咖哩飯 佢食完都係話唔值呢個價錢 無乜特別之餘又貴計埋加一 朋友呢個餐要90蚊埋單仲要唔包野飲食物嘅外貌係就係幾好 但食落味道就一般建議大家可以喺屋企煮或者去茶餐廳食都抵過嚟呢到食🤦🏻‍♀️又或者將軍澳有好多餐廳食物同服務水準都高好多 洗錢去第二啲性價比高嘅餐廳仲值啲啦大家

雖然之前經過已經好想試，但係我估佢新店開張，啲質素都可能未係咁穩定，加埋睇過佢係OpenRice嘅食評又好似唔係咁好咁，所以都冇俾個機會佢。但係我真係好鍾意食玉子，加埋見佢成日都好旺，所以今日收工就俾個機會佢，俾個機會自己試吓啦！玉子造屋嘅環境幾舒服，夠光猛舒服。同埋啲服務叫做中規中矩啦，未至於好似講到咁差。不過有進步嘅空間。我叫左咖喱豬扒半熟玉子蓋飯同菠蘿水果茶。整體來講呢個價錢食到呢一個質素我覺得冇得頂，味道道好似屋企整嘅感覺（以一個一日三餐都唔係屋企食嘅人嚟講)！下次一定會再去試埋其他野。

Egg Factory has its soft opening recently in Tseung Kwun O, and it already set an exemplary standard for its food and dessert!This Grilled Salmon in Spinish Cream Sauce with Dress De Omelet came with a huge piece of quality salmon. The omelet was cooked right to the point, not too raw and not too dry. The Spinish Cream Sauce is absolutely fantastic, it thickness was just perfect to go with the rice, but not too stuffy. Bonus point is the rice underneath the omelet was cooked and flavored with me

一直中意食日本滑蛋，看了好多雜誌介紹，一直期待，終於等到開。同家人一試叫左紅酒汁漢堡排飯加滑蛋，同豬軟骨烏冬。豬軟骨烏冬- 下午茶份量，細細碗。平時D豬軟骨係軟架，吾知點解可以炆得吾夠時間或用大火，有些乾。紅酒汁漢堡排飯加滑蛋-個蛋面係有蛋汁，但下面全熟，個飯吾夠熱，暖暖地，最大件事係個漢堡排又乾又硬，我自問都食好多漢堡排，呢間都算好差，但都慢慢食完，如果牙齒差D都食吾到。環境-因爲新舖，好乾淨最貼心係枱上有暖水，喺咁凍既日子留意呢點，係好sweet既。只是食物質素要改善，短期內應不會再來。因為沒乜心機，所以冇照相

食物質素：新開張得幾款飯供應叫咗個雞扒玉子飯啲雞扒腥到乜咁d汁好似水咁淡難食到....服務質素：操不正宗廣東話女經理有欠禮貎即使得幾個學生哥客人 消費唔高唔代表你可以hea臨走仲要唔講多謝 禮貎去咗邊？總結：試業都咁趕客，相信正式開張都唔會好得去邊，唔會再食。

呢個係小編走上食評家的第一篇評論。星期六訓到自然醒。2點幾先自己一個出去食個出去食個飯。其實都唔知食咩好，一個人行咗去啱啱翻新完嘅將軍澳中心，無話諗住食咩。行行下見水牌見到都有唔少新餐廳。好似無乜邊間啱一個人食，最後見到間好似幾特別嘅餐廳－玉子造屋。門口個餐牌望落去幾吸引，可能新開，好多寫住COMING SOON。入到去，個MENU都係寫住試業中，唔係好多嘢揀。呢間餐廳故名思義係以蛋蛋做主題，身邊件隔離枱食緊個豬扒蛋包飯，都幾靚嘅。不過啱啱起身，好似勁Heavy咁，先叫咗杯芒果梳打同最後揀咗個黯然銷魂飯 （日式叉燒蛋飯）試下。杯芒果梳打幾得意，有啲芒果肉係底，同埋有塊檸檬 （應該係裝飾），望落去都幾醒目。再來個日式叉燒蛋飯，老老實實，隻蛋係嘅靚嘅，不過都係隻煎雙蛋。叉燒有啲薑味，ok嘅，可以Juicy啲。真係唔算好特別。反而我想讚一讚個豉油，甜甜地又有啲日式咩，同件事都幾夾。之後就係用咗十二秒完成咗個飯，然後埋單黯然離去。