玉子造屋 (已結業)

星期六晚諗住同屋企人去試下新開張嘅餐廳 入座後嗌左三個玉子蓋飯 味道還好 但啲飯係暖嘅都算喇 食完個飯諗住飲埋杯水都走 點知啲侍應已經不斷望住令人極唔自在 之後屋企人都sense到諗住埋單 點知都未嗌 佢就掉張單黎 簽完卡個侍應比番張卡嗰隻陣 竟然講話 攞住😐全餐飯由入座到埋單嘅時間不過係半個鐘但就好似已經坐左好耐 仲被人趕👎🏼其實如果係咁等位用 好聲好氣講可能仲好？直接掉張單黎叫人埋單真係好冇禮貌😶真係第一次食飯有唔愉快嘅經歷😐希望就寫番個review比大家參考呢間野真係冇下次🙄😤

我不嬲都冇寫食評既習慣，但呢間真心差到極致想其他人唔好再有呢啲咁差既待遇。今晚同屋企人食飯，諗住試下間試業既舖頭，叫左一個半熟磨菇洋蔥雞肉蛋蓋飯...個飯唔熱都算😓同屋企人食完半個鐘都未夠，個staff就收哂飯盤，話：“黎齊啦嘛？“ 另一個staff就由個飯食到一半就不斷望過黎。我同屋企人食完，坐多一陣都諗住埋單走(食完都未夠半粒鐘)..佢掉低張單，一擺低張credit card..連價錢都未睇到，就拎左去碌，之後比番張底單仲叫我“攞住“態度超級差👎👎👎👎👎👎👎👎👎👎👎👎👎👎好冇禮貌，如果我地食完賴死唔走，你咁既態度都可能合理啲，但諗住食個飯，都要比人咁冇禮貌對待，真心好差，間餐廳仲理直氣壯收加一，請問服務在哪？我看不到

約了朋友嚐嚐新滋味 就慕名來到這餐廳吃晚飯從第一印象講起，感覺都唔差 一入到去見到冇咩空位剩 都算幾熱鬧 而且裝潢還好 夠光猛餐點方面，選擇比較少 很多在正式餐牌上既菜式都貼住「coming soon」，店舖說明皆因試業期間，餐廳想保持食物質素，讓人感覺認真。可惜，食物卻比我預期中遜色。我點了半熟玉子配咖哩吉烈豬排飯($78)，朋友則點了半熟玉子配蕃茄咖哩豬軟骨飯($82)。首先，咖哩與蕃茄咖哩的分別不大，味道圴不辣，有的只是咖哩既香味。第二，我食完自己碟飯之後，發現有一半既豬排都係肥肉，豬排亦無豬排既香味，然而係炸得幾香脆既。第三，我朋友話佢個豬軟骨唔夠軟熟。去到差唔多食完，佢好似急住收餐牌收碟咁，仲要係正我地隔離做清潔，我地一路坐一路聞到啲清潔劑既味，真係扣晒分！裝修、賣相確是不錯 一坐下亦有暖水提供，挺窩心，但總體來說，味道及服務卻是一般。

繼早兩日在商場試過另一間cherry嘅中日餐廳， 今天就跟老爺試底層另一間新派食店(玉子造屋)、 餐廳店址較為偏離了商場內的中心地 ，所以人流較為稀少、 這個地方從前是美心香港地的舊址， 所以尋找方面很容易就搵到。。。店子裝修以米色作主調感覺舒服， 平日下午客人不算太多、 入座時間目測大約有三、四枱~看看餐牌以平日嚟計算亦無套餐之供應， 感覺上價錢較為企硬、 試業中的《玉子》餐牌上分別有沙律、小食、主菜和pancake等， 主食方面價錢就由HK$65.起跳-Hk$95.元不等~主菜分別有一式叉燒飯 、醬煮豬軟骨湯烏冬、 特盛鰻魚丼三食、 溫泉玉子卡邦尼、 洋蔥蘑菇汁雞肉飯、紅酒汁漢堡飯、 菠菜奶油三文魚飯、 蕃茄咖哩豬軟骨飯等等~講明是以玉子(蛋)做主題, 蛋的造型亦分別有以下三款、 (醬油流心蛋/ 半熟玉子蓋飯/ 和風太陽蛋~)等待時間不算太長,首先上場的是老爺叫來的醬煮豬骨湯烏冬HK$65. 偷呷一口湯頭濃度不算太強, 如果你是一個吃得較為濃味之人、這個湯你可能若然他教為單薄， 但在於老人家卻吃得津津樂道、而且肉質剛好入口淋身而不過嚡， 半伴上側旁的半份流心蛋 、熟成度目測亦剛好

Lunch 附近試新嘢，入到去坐嘅位置可以望到open kitchen。座定落嚟侍應呈上餐牌，原来未有lunch set，只有試業中餐牌，唔包嘢飲，感覺唔係好抵。我同同事每人叫咗個飯，我叫咗番茄豬軟骨飯配流心蛋，同事就叫咗個吉列大蝦飯配煎蛋。食落又覺得幾好味，豬軟骨夠淋，番茄咖喱幾特別，隻流心蛋個黃好靚食落好甜。再試下同事個南瓜汁都幾好味，不過佢就好似唔係好夠汁同埋煎雙蛋唔係好特別。同事隻碟好多崩口，希望可以改善。

屋企樓下開咗間以蛋做主題嘅餐廳，同老闆娘落去試下。1) 可能係新開嘅關系，只係可以係試業中嘅餐牌到算擇。唔算多嘢揀，我就揀咗個吉烈豬扒咖哩配蛋蓋飯。出嚟個賣相其實幾好，豬扒夠晒厚，正常日式咖哩，蛋味好好 (本身係蛋控) 最有驚喜係個飯，好野味。2) 老闆娘就叫咗個紅酒汁漢堡，冇食到，不過個樣都ok嘅。3) 最後再同老闆娘share咗個Pancake好鬆化，我本身麻麻地甜嘢，都一再食多啖。最後埋單$210幾，合理，冇投訴。

睇完之前啲人寫既食評，我都頗認同。😑 食品款式少，似碟頭飯，價錢貴唔抵食。但服務態度ok，唔需要等位，食物亦都好快送上。吉列咖哩豬扒飯（$ 85）豬扒大大塊， 但係完全冇肉汁，乾爭爭鞋恰恰， 流心蛋ok的，咖哩汁ok。👌🏽叉燒雙蛋飯普通到不能再普通，非常有碟頭飯嘅感覺，但味道是ok的，只係覺得唔抵食，份量還可以。豬軟骨湯烏冬 （$65）分量很細，湯底普通，豬軟骨隔離啲肉唔嫩滑，感覺有渣。烏冬彈牙，口感ok。

喺門口見到佢賣相好好,又見排哂隊攞飛,以為好出名or好好味🤧點知........🤕我叫左洋蔥蘑菇汁雞肉飯,配玉子蓋飯(姐係炒蛋咁包住個飯)坦白講,個玉子係唔差既~不過個飯個汁就失望呀🤦🏻‍♀️我係蘑菇控黎 但呢個完全無菇味 反而係有點煲燶南瓜的味道😹有點古怪的味道🤨但雞肉還好! 汁量亦算標準🤔填肚黎講係ok的😂然後我朋友試了日式叉燒玉子飯我亦吃了幾口 又係好失望!! 我期望的是拉麵的半肥瘦叉燒🤤但它只係似燒味店的叉燒但沒有蜜汁味道(唔知大家明唔明) 我在門口等飛時想叫呢個!! 比張圖呃左唯一值得一讚既係 飯𥚃有飯素(姐係有少少配料令白飯無咁齋既粉,非味精) 佢喺呢方面係幾慷慨既~~lol最後喇~嗌左野飲!!唯一算無得彈既item😸士多啤梨水果茶$28好彩唔係藥味! 都算幾好嫁喇!!! 但飲品士多啤梨唔多!最多係蘋果😹總括而言,將軍澳中心最近重開,有更多餐廳選擇!

係Facebook到瘋狂見到依間餐廳落既廣告，加上自己極度喜愛玉子，所以本身對間野有好高既期望，開業第二日已經急不及待留左個晚飯時間去食。可能去既時間比較早，人唔多唔洗等位就入到去。入到去其實個裝修好靚好有日本風，個餐牌既相都好正，咁就叫左個咖喱雞粒飯配旋風玉子。可能新開業廚房做野比較慢，得三枱客都整左成15分鐘先上枱。上到枱個賣相其實好靚，但食落就出事啦。雞粒暖既咖喱暖既飯直頭係又凍又硬，得個玉子係熱既，但個玉子都太熟啦，近乎無蛋汁，個飯太硬又唔熱，真係一個敗筆。味道還可以但雞粒份量少左啲啲，其實咁樣好似食緊高級碟頭飯咁，依個價錢只此一次。

其實食物都算ok，係個飯細左啲，本身都諗住會再返黎，但侍應態度真係好一般只係啱啱食完個飯放低支匙，佢收完啲碗碟就即刻放低張單示意要即刻埋單....... 我地都呆一呆，因為我地真係啱啱食完，杯水都未飲，仲撩緊牙，諗住轉頭都想叫個甜品試下，但佢問都唔問就直接放低張單，即係叫你快啲走啦...... 其實我地食左只係大半個鐘左右，就趕人走算，咁我地都照埋單啦，埋完單，之後只係想同屋企人傾多兩句計，飲埋杯水咁啫，佢就行過黎連啲水都要收走埋！！！點呀？食譚仔都唔會咁樣趕人走啦！其實如果有限時個半鐘嘅話咪入座嗰時同人講聲囉，又乜都冇提！依家唔好話個半鐘，只係大半個鐘就趕人走喇，都未叫埋單就掉張單落黎，好無禮貌！！！

本身對呢間都幾有期待但啲蛋 只可以話好食過m記早餐蛋少少飯加左飯素 都好似無乜味咖喱豬排飯 我覺得同銀咖喱差唔多級數不過 佢既粟米天婦羅都幾特別既 但唔係話好好食錦千奇唔好有期望！

站附近開左好多新鋪，有人氣餐廳進駐，都有啲新開業嘅店鋪黎試一試水溫。而我  ──  乜都食嘅雜食犀犀牛最愛試新野，睇下經過我一輪雜食之後你仲有冇得留底 ！✌本牛甚喜茶餐廳，價廉物美又有效率，但好食嘅茶餐廳唔係咁易搵嫁！呢度就有一間啦。  其實位置都算，位於將軍澳中心，但唔熟路就麻煩啲，因為要係商場中穿梭。枱與枱之間空間都算足夠，下午茶時間去試，得3-4枱客人。 但係！同我上網睇嘅Menu唔一樣。小食都係啲好普通嘅雞翼薯條嘅野，飲品類別除咗花茶之外比茶餐廳少。主食仲衰，得6-8個選擇，來來去去都係咖哩汁、白汁以及蕃茄汁，加少少肉，再自行選配咩以上，就係專食「玉子」嘅玉子造屋裡面可以食到嘅。_´ཀ`」∠):_另外，旁邊仲寫着「試業期間為保障食物質素，上菜時間可能較長」.......Maybe人手唔夠啦~  呢個價位以為都算抵，仲有6塊嫁！但原來雞翼一開二黎炸，所以其實得3隻左右，味道一般，微微辣，啱啱炸起好香口好脆身。  一上菜我同朋友異口同聲咁講。而且....呃...嗯......呢個唔似咖哩汁囉，似燒汁。豬軟骨好冧好上色但唔入味。玉子係滑，但係無乜味，可能日本無菌蛋唔洗落鹽呱    白

哩個LUNCH食到眼火爆,哩世都唔會再去哩間野因為新店開張,我第2日到就去試下廣告做到咁勁既餐廳.同事既叉燒飯正常,不過無野飲就咁一個飯要65蚊加10%..太貴啦個份量當係正常女仔份量到我個蕃茄咖哩牛肉飯,一心個食個旋轉蛋.....唔係掛,黎果時邊忽有旋轉............一pat蛋咁放面....不過唔緊要,GIMMICK野黎,最緊要味道一整開D牛肉,佢竟然係比水煮肥牛片,仲要係老到喊果D...大佬,日式咖哩牛肉喎,個名都改錯,你應該叫日式咖哩配街市煮過頭肥牛...我比68蚊加10%比你賺,我真係寧願去大家X食個港式咖哩牛肉飯算啦算啦,我地一齊食甜品.11:55分入去,已經同佢講左所有食物一齊上,佢12:53分上個班戟比我地...咩班戟要煮一個鐘....最終我地外賣走,又無刀叉比,又無CREAM....我地真係食空氣啦....真心間餐廳唔好做咁多GIMMICK野,做好D食物質素先啦....最後,賣單無任何加10%字眼,但總數自動加10%,真心有比人呃左既感覺囉.....唔會再幫襯...!!!!!!!

第一次食，食物差到爆！一開始已等很久，但不是因為已滿位，而是因為個服務員慢，慢慢叫人入餐廳。之後等很久先有一樣野上台，但飯凍到死， 飯的份量又少。完全唔係日本飯！服務員態度又差！最最最重要是食餐飯未試過要等超過9個字都未來到！！等等下都有人生氣到走左！未試過食餐飯這樣生氣。希望它可以改善。

以玉子做賣點嘅呢間玉子造屋終於開啦！今日同朋友以蛋會友，滿足下朋友嘅玉子魂🕺🏻🔥🔥地鋪嚟講唔算太大，直望廚房可以睇住出餐，安心又放心！有8安士嘅豬扒，真係勁厚！旋風蛋好滑！覆蓋晒成個飯面，蛋汁同啲飯一齊食一流啊！講返豬排先，完全唔乾，炸漿唔厚，真材實料太陽蛋漢堡仲會跟熱辣辣嘅薯條～～～不過要自己砌就有啲唔方便啦～～但蛋黃醬點薯條都勁好食🤣😋😋記得要一上就砌起 唔係塊芝士就會乾身一啲～～