貓竇 (已搬遷) 新店位置

第1次光顧，本人在OpenRice 看見預約。先說菜後說貓。一個餐是有一定的價錢，不過好處是：店家不設時限（營業時間內），重覆：不設時限！而且定食是非常豐富，我order了茄汁鰻魚定食，包括了南瓜湯、飲品和甜品，價錢來說是值得的！重點說貓，這裡的店主比起一般貓cafe不同的地方，是他主動向我們介紹貓貓的故事。而這裡基乎都是收留和救助流浪貓，看到店主和知道其夫人親力親為照顧和幫助浪貓，雖然有受貓傷也堅定繼續，必須給予肯定。而在這裡學到貓和人類一樣都應被平等看待，這是一個不錯的教育，尤其適合教導小朋友做個愛動物的人。（如果有心支持這裡幫助浪浪，可以聯絡店主去溝通和捐合適的貓糧）另外，這裡的布置很warm，坐梳化很舒服。非常好！不劇透那麼多了，願大家有空來發掘和支持。

去過唔同貓主題嘅Cafe，大部份都係圍繞着一啲名種貓只有好少數既唐貓今次去到呢間貓Cafe，大部份貓貓都係店主喺唔同地方，因為緣份收容返嚟嘅浪浪貓，呢一點好值得支持。店主好主動介紹每一隻嘅浪浪，例如一啲有病、有經歷嘅浪浪。食物方面，雖然簡單，但睇到店主有心機去整，味道不錯。環境方面，貓味不算套重，不過覺得需要多加注意衛生～呢度冇任何限時，可以坐耐少少都得唔同一般嘅貓Cafe限時一至兩個鐘好適合愛貓人士逗留。

可以帶小朋友接觸貓貓🐱嘅地方入店店員會叫我哋換咗鞋先入店再逐一介紹每隻貓嘅來歷，大部分貓貓🐈都係比人遺棄，甚至乎係有病，經店主店員照顧後都健康好得意😍食物方面都唔差仲有甜品泡芙或湯圓選擇👍🏻雖然環境麻麻，但係會幫到浪浪🐈支持小店💪🏻

作為貓奴的我同老公，之前都有去貓cafe，但這一次卻有不一樣的感受，充滿愛的貓竇！店主黃/王先生對每一位小毛孩的經歷都詳細分享，同樣亦深深感受到毛孩對呢個大家庭（cafe)的愛護，貓咪睡得很甜很隨心，又有很懂招呼客人的經理毛孩子，在這裡絕對感受到貓竇對貓毛孩的無私大愛！另外食物亦相當吸引，除了賣相討好，味道同樣高質，而且份量十足，這一次確是美好滿足的經驗，一定會再幫襯👍👍👍👍👍

1.環境 1/10分一間小店十幾隻貓連一部空氣清新機都無，油煙及貓味充斥整環境，梳化上面鋪嘅毛氈絕對超過兩星期冇洗，我懷疑係從來未洗過，與友人上去兩個都不斷打乞嗤，自問不是鼻敏感體質2.衛生 1/10分衛生問題一：與友人打算分享食物，叫佢比隻碗仔，隻碗竟然係臭嘅，個種臭係無法想像，就好似洗完衫放咗喺洗衣機入面遺忘一個星期後打開個洗衣機撲面而來嗰陣味，只可以用恐怖來形容，嗰一刻我叫嘅野食已經食咗少少，杯飲品亦都飲咗幾啖，即刻聞一聞自己嗰碟野食同埋隻杯飲品有無味，發現原來我杯飲品都係有個種臭味，成餐飯之後都冇食過。衛生問題二：上邊有10幾隻貓，並且有大約兩至三隻病咗嘅貓(店員自己講話嗰度嘅貓係病貓貓)，都只係放咗喺個廳嘅側邊用貓籠困住，病咗嘅貓同無病嘅貓喺同一個空間，癲！養貓嘅都知道所謂隔離係要喺第二間房、第二個空間，兩者不能互相接觸，打着收養流浪貓旗號，這一點是最令我生氣的。3.態度 1/10分情況一：到店面要換鞋，友人將對鞋放咗喺鞋櫃頂，隨即迎來惡劣的態度 : 對鞋唔可以擺嗰到！情況二：請佢幫忙換隻有味嘅碗，友人：唔該隻碗有啲味，可以幫我換一隻？情況三：摸貓嘅時間被監視的感覺，完全可以

一間充滿愛心的小店，給一些被遺棄的小貓一個溫暖的安樂窩。店主親切招待，也向我們分享貓貓的背景與有趣的生活點滴。一進屋便換上拖鞋， 大約有20隻貓貓周圍走，小店空間不大但佈置如家一樣溫馨，食物美味，造形可愛，份量足夠。 很喜歡足料的南瓜湯及西蘭花湯， 鰻魚飯， 蜜糖芥末雞翼 ，炸南瓜餅 ，燒排骨都出色， 白飯也是貓貓的形狀很可愛， 拌飯的是店主自製的番茄汁，用新鮮番茄做的番茄汁， 甜品是店主親手製的湯圓，有貓貓形狀的薑汁湯圓， 非常特別。 店主細心照顧貓貓，它們都很乖巧，一面享受美食，一面逗貓貓玩，很高興與好友能悠閒享受一個下午。愛心小店，支持！！

店主親切有禮，主動和小朋友說貓貓的故事，是很好的生命教育。意外的是食物樣子很可愛，味道十分好，份量很大，令人滿意。地方不大，佈置像家居，是帶小朋友去親近貓貓的好地方。

孩子一直嚷要養貓！於是就係生日，帶佢去貓Cafe,感受吓俾貓圍！一入門口就換拖鞋，叫嘢食！食物新鮮，份量足，價錢相宜！上菜速度又快！老闆兩位都好俾心機照顧貓貓。又會講吓關於各隻貓貓的生活事！好有Heart!一定會再幫襯！

人生試過唔少次中伏 但今次必須警惕世人避雷⚠一路以來中伏只會同自己講自己比OpenRice好評呃到自己笨 開飲食原本就辛苦 開間舖搵兩啖飯食 唔好打爛人地飯碗 1.環境 1/10分一間小店十幾隻貓連一部空氣清新機都無，油煙及貓味充斥整環境，梳化上面鋪嘅毛氈絕對超過兩星期冇洗，我懷疑係從來未洗過，與友人上去兩個都不斷打乞嗤，自問不是鼻敏感體質2.衛生 1/10分衛生問題一：與友人打算分享食物，叫佢比隻碗仔，隻碗竟然係臭嘅，個種臭係無法想像，就好似洗完衫放咗喺洗衣機入面遺忘一個星期後打開個洗衣機撲面而來嗰陣味，只可以用恐怖來形容，嗰一刻我叫嘅野食已經食咗少少，杯飲品亦都飲咗幾啖，即刻聞一聞自己嗰碟野食同埋隻杯飲品有無味，發現原來我杯飲品都係有個種臭味，成餐飯之後都冇食過。衛生問題二：上邊有10幾隻貓，並且有大約兩至三隻病咗嘅貓(店員自己講話嗰度嘅貓係病貓貓)，都只係放咗喺個廳嘅側邊用貓籠困住，病咗嘅貓同無病嘅貓喺同一個空間，癲！養貓嘅都知道所謂隔離係要喺第二間房、第二個空間，兩者不能互相接觸，打着收養流浪貓旗號，這一點是最令我生氣的。3.態度 1/10分情況一：到店面要換鞋，友人將對鞋放咗

朋友話想揾貓貓玩，就suggest 左哩間之前為拎應援黎過一次嘅貓cafe😂因為感覺上哩度啲貓貓係精神健康啲，佢地有活動足夠空間，或者主動揾你討摸，店主s(?) 都好留意貓貓嘅情況。 好似有隻貓媽媽孕肚，兩位店主都即刻過去關心佢。食物方面，我地叫左套餐有兩款小食，轉埋旋渦蛋飯。餐湯可以揀南瓜或者西蘭花湯，另外揀左mocha 做餐飲。師傅好有心機咁畫左貓貓喺湯面。 南瓜湯飲落有好多南瓜蓉同好似有啲肉碎咩，滿意☺️ mocha 就唔係好似出面咁有拉花嗰類咁濃嘅，都唔會話太淡，店主都盡咗力整左隻貓貓喺面😆然後我地個餐是咁的：叫左三文魚，煎到表面有啲脆，有肉汁。小食係芝士玉子卷，我好似太遲食拉唔到絲😂 但見啲芝士係融左嘅樣嘅。小丸子都係食到中間先開始食，仲暖，唔會話太粉定點嗰啲。仲有個滑蛋真係滑嫁，啱啱好。食物整體都滿意☺️☺️去到貓貓方面，有兩隻好主動黎招呼客人，有啲就掛住訓。見到佢地反晒肚咁訓得好安心，證明店主真係好錫佢地，同啲客嘅相處都好平衡🥰啲貓貓動作真係想幫佢地整sticker😂跟餐係有甜品嘅，我地揀左泡芙，有唔同味最後我地坐左好耐，玩左好耐🙈 多謝店主s 咁照顧啲貓貓，加油！！❤️❤️後記，

今日睇左好幾間貓cafe ,有啲就食嘢重多過睇貓，有啲環境就人貓都好迫，有啲就係連鎖式經營，最後揀咗呢間，店主好好人同親切，主動同我哋介紹啲貓咪,又講好多同貓咪既野比我聽讓我增加左好多對貓咪的認知同了解🐱睇得出佢哋真係好愛借貓咪同好用心經營，好難得同自己都較喜歡去啲有人情味的鋪。🥰因為冇咩人，所以可以比我地係個到hea左二個幾鐘😆不過衛生上可以建議係除鞋著襪/提供一次性拖鞋/襪會較為理想。Anyway 整體上都係乾淨舒服。支持你地，下次會再嚟😊

account開左咁耐淨係用黎訂位，平時都冇寫過一篇食評，不過今次真係想支持下呢間咁有心嘅小店。先講下野食。我地叫左一個貓奴湯烏冬，以為佢48蚊應該得個烏冬同幾塊鳴門卷咁樣，但估佢唔到48蚊都有菜呀菇呀蝦呀紫菜呀咁，另外再叫左三文魚扒定食，有餐湯，叫左個西蘭花湯，超入味同creamy，正～另外有貓形嘅飯，揀左章魚小丸子，南瓜薯餅，個三文魚扒好大塊又好食，跟餐仲有飲品同甜品，要左杯焙茶latte同泡芙。仲要有得抽一次獎，獎品包括人嘅食品或者係貓貓嘅食物，抽中左杯果汁，咁又多杯野飲～整體黎講野食方面好抵食亦好好食。（抱歉得一張相 唔知點解upload唔到其他相）其實我都唔止一次去貓貓cafe，今次去呢間嘅感覺係真係家嘅溫暖feel。出面嘅貓cafe，食物，裝修各樣都係比較商業d嘅餐廳，貓亦都比較多品種，多數好靚咁嘅。而呢間小店雖然地方唔係超級大，但地方絕對都足夠，仲真係好似一個屋企咁嘅佈置，令到客人同貓貓都會覺得返左屋企咁溫暖。另外店主好好，會同我地介紹唔同貓貓叫咩名同埋佢地嘅故事，聽完都覺得佢地心地好好，貓貓都好堅強。雖然d貓貓有部分係比較瘦d，但一樣咁可愛，甚至可以仲痴人過出面貓caf

即興同朋友想搵個地方坐下，加上我哋兩個都好喜歡貓貓，諗起另有朋友曾經介紹過呢間cafe，係唔多檯但係好有溫情嘅地方。就膽粗粗whatsapp問下有無位，好彩有。真係一個好sweet嘅地方，店主真係會逐一同你介紹每隻貓貓嘅背景，佢地真係好努力真心地照顧每一位貓貓主子。食物方面，好日式家庭feel嘅套餐同小食(唔記得影添)，玩抽獎中多咗杯特飲❤️味道亦都唔錯👍🏻下次要試蛋包飯🥰貓貓們(尤其係黃伯男神)真係溶化咗我地個心，希望蛋蛋要健康地完成療程，快d可以出嚟一齊玩！

囡囡好鐘意貓貓，之前都去過其他貓貓cafe。今次上黎openrice無意中見到哩間幾多好評，同埋佢有兒童餐，即係歡迎小朋友啦😆 所以就wtapp預約！上到去，環境似家庭式，周圍都貼滿左寫上有關貓貓既memo紙，未坐低已經有貓貓走埋黎痴人😂 兩個囡囡好興奮！店主親切介紹，講下貓貓既背景故事，有愛心。食物有驚喜！蛋包飯蛋好滑，份量合適，另外煎羊架好香口，好食！兒童餐仲用左貓型餐盤，貓型飯👍 飲品就比較普通。整體黎講，性價比高，因為只有食物費用，無需另外收取費用(之前去過其他貓貓cafe會另收費)，就可以同貓貓玩下放鬆下。不過個人覺得，全場除鞋或者用鞋套會較好，始終貓貓會踩黎踩去周圍訓。

今日去有21隻貓🐈‍⬛🐈🐈‍⬛🐈🐈‍⬛🐈唔係收入場費，餐牌價錢平民，野好食對得住價錢，地方舒適乾淨👍🏻👍🏻另外有人生日都有播生日歌祝賀睇得出店主係非常有愛心❤亦歡迎小朋友貓貓會主動埋黎🐈🐈‍⬛🐈🐈‍⬛🐈🐈‍⬛店主會身體力行去拯救浪浪，十分敬佩💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻💪🏻請大家多多幫忙