貓竇 (已搬遷) 新店位置

老細好有愛心，收養左好多浪浪，又出錢醫好佢地，良心小店，應該要支持。----------野食唔錯，喜出望外，會再黎。有4隻可愛bb貓，趁佢地未變大個要去多次🥳

一直好想同小朋友去貓Cafe，係open rice 揾左好幾間，就決定去呢間地點比較方便嘅<貓竇>。入到餐廳，雖然唔係好大，不過小店嘅佈置比較家庭式，感覺都算舒服。現場都有唔同嘅貓咪，自由自在，走來走去。有啲貓貓就比較怕醜，躲在一角，有啲就好跟人。我哋lunch time嚟到，order咗三份套餐，全部都有包飲品、甜品、湯及小食。以小型cafe來講，呢間餐廳供應嘅食物質素水準非常之唔錯，佢哋嘅旋風蛋包飯同日式咖哩汁都好好味，做得相當出色，個人覺得非常好食。另外還叫咗醬燒豬仔骨，同樣非常美味，值得推薦呀！店主仲講咗好多流浪貓貓經歷嘅事情，令我哋都覺得店主非常之有愛心，佢哋付出咗好多時間同心血，來照顧呢啲流浪貓仔，令到佢哋有一個溫馨嘅家，絕對令人佩服～！整體嚟講，我覺得餐廳嘅食物質素水準唔錯，而且佢哋嘅價錢非常之抵食，另外仲有咁多可愛嘅貓貓，值得再嚟呀！

環境ok 會播好多舒服既音樂，野食唔錯，另外有埋生日驚喜，店主好有愛，照顧好多流浪貓，講左好多故事俾我地聽，每隻貓貓都好可愛，第一次黎講好有驚喜，好快會再次探訪5粒糯米糍！

店主愛心救貓、細心講每隻貓嘅故事。愛心 同細心嘅態度都體現咗喺客人身上。食物好食有水準，而且有兒童餐單。店主唔要求除鞋，可以噴定消毒酒精先入內。可以帶定風扇仔，簡單貓玩具。一個身心滿足的體驗

一入間餐廳聞到成陣煙味, 好心真係對流浪貓好就唔好係室內食煙, 講就講到對D 貓幾好幾多故事, 同貓貓玩又規矩多多, 做就寛己嚴人, 自己就係入面煲煙, 成屋10幾隻貓就長期食2手煙, 香港已經室內禁煙左好多年, 在情在理都講唔通, 另外, 雖然有部分窗有索帶綁上, 但係唔係全部窗都有綁上索帶, 全屋亦只得1個窗有貓網, 安全根本都沒有做足, 檯布亦都污跡斑斑, 又不要求所有顧客除鞋, 只係係兒童區才要, 貓就全屋跑, 2位老闆黑口黑面, 問多2句就俾說話客人聽, 非常趕客, 我本身有養貓多年, 個女人就不斷要求同貓貓玩要專心, 又唔好玩玩下唔玩, d 貓會唔開心, 貓有性格我知, 但係你又會唔會睇得d 貓太玻璃做, 食物都係d 頹野, 但係lunch 都100-200蚊一個set

我係一位愛貓之人，間唔中都會去下貓cafe食下野，同d貓玩下，呢次就去咗呢間貓cafe啦！我總共order咗兩款食物同埋一杯飲品，食物好好味，之後就睇下餐廳嘅環境，同cafe嘅同事傾計，原來間cafe係主要收留d浪浪，同埋餐廳大廚會去出去餵浪浪，好有❤️❤️嘅餐廳，仲有剛出世嘅貓B❤️❤️❤️我仲記得靜靜，貝貝，威威，安安有出嚟招呼我哋，尤其貝貝同靜靜，佢哋真係好熱情，一定會再去❤️❤️❤️❤️❤️

網上偶爾搜尋到這間貓cafe，用餐當天遇上颱風迫近，心裡正猶疑要不要過去，當我們詢問店主颱風期間的營業安排，他們說因為要照顧貓貓，所以就算8號風球也會照常營業，於是我們便照訂座時間到cafe用餐。很慶幸我們沒有因颱風而取消預約，因為這裡除了有美味的食物，還有滿滿的愛心，店主更非常樂意與客人分享每隻貓貓的故事，聽著聽著，心裡便會有無比的暖意，以及感受到店主對貓貓們的愛心。如果你想找一個被小貓療癒心靈，又有美味食物療癒你的胃的地方，我推薦你們來這個貓竇😊🥰

食物質素很普通，環境很凌亂。。 被安排到窗邊位坐，剛剛西斜，所以曬到背脊都熱。我要求了店員調位，因我看到另一座位有客離開，店員堅持說，閂埋窗簾就唔熱。。。 我再要求，佢都係同一答覆。。。 (如果唔熱我就唔會要求啦。。 )之後佢行埋離同我講有客訂咗位，指定要嗰個位喎。。。但到我離開一刻。。 那位『顧客』都沒有來。。。 我唔會再去了

Bookmark左好耐，昨天星期六有空，見到OpenRice 可以book位就相約朋友一齊到訪。Book位後不久就收到店員WhatsApp提醒位置，很貼心。四點鐘上到黎，店員既驚且喜地告訴我們今朝有隻流浪貓媽媽剛生左5隻貓bb，所以用布圍起左一個位置，讓貓媽媽同bb有私人空間休息。我相信是老闆的兩位店員好細心介紹貓貓的名字、特徵、性格，感受到他們兩位都好愛貓貓，照顧得佢地好好。食物飲品選擇都好多，我哋點了花茶、芒果飲品和芝士年糕味道唔錯，走既時候見到其他客人點了鰻魚飯，好吸引，下次要來試下。逗留左兩個鐘，有隻貓貓叫靜靜好親人，一直係我隔離靜靜地攤同瞓，忍唔住不停摸佢，佢好乖，到我走既時候仲追住我出黎太可愛了！一定會再來

跟一般主流的貓cafe不同﹐這裡沒有許多品種的貓任君選擇﹐貓的數量也不多﹐也沒有名種貓﹐職員數量亦不多但這裡感受到的卻是滿滿的愛是店主對救回來浪浪及客人的愛，店主對每隻貓咪的過去及現在非常了解，店主也會樂意告知客人貓貓的故事及相處要點也是貓咪對人類滿滿的愛﹐這裡的貓咪會用臉主動靠近親人﹐也會任人抱抱摸摸﹐也會趁大家進食時偷偷靠近偷食雖是家庭式小店，但能感受到主流貓cafe感受不到的親密感而食物方面，雖然是小店職員有限，但店內食物飲料選擇種類繁多，主要都是一般日式輕食（如玉子燒，烏冬）食物味道不錯，價錢合理，惟因人手有限煮食時間較耐﹐但因餐廳沒有限時，亦有不同貓店員招呼客人所以問題不大總括而言﹐如果你是愛貓之人﹐又想感受家庭式小店貓cafe的溫暖，這裡是你一個好選擇店員推介 - 細粒貝貝，貪食安安，親人靜靜 

平時都好鍾意去開唔同嘅貓Cafe玩貓之前七月嗰陣預約過呢一間 但係嗰陣時啲貓有啲事 唔方便開放 依家八月再黎有好多貓仔 全部都好細隻好可愛貝貝好怕羞但係好可愛 靜靜一啲都唔靜 係咁過嚟磨你仲有威威同你爭野食啲食物都好好味 夜晚套餐都係百幾蚊 有湯 有野飲 有飯 有小食 仲有甜品啲湯都落足料蛋包飯有水準 跟茄汁好搭芝士年糕都好好味仲有四粒唔同味嘅雪糕泡芙 店主好好人 會好有耐性咁介紹每隻貓貓既性格同故事 仲俾張卡我地寫張情信俾你最愛既貓貓 🐱

星期六唔知去邊好，自己無養貓，所以book左之前黎過既貓竇黎探下貓貓☺️。先講野食，依家有野食既貓貓cafe越黎越少，而且質素唔錯之餘價錢合理，主要係日式風味，百幾蚊一個set有齊湯、主食、兩份小食、野飲同甜品，唔收加一。假期上去好似仲有抽獎，有貓零食、小食或者小禮物送添，百抽百中永不落空架！😆😆重點就係貓貓，今次黎個陣發現之前第一次到訪時見到既貓貓全部返曬貓星球🥺，同老闆老闆娘傾計個陣先知有客自己帶野食上去，貪食貓貓食完之後全部都感染病菌相繼離開曬，所以唔該亂咁喂🐱🐱食野，店主用左一段時間先平復到心情重新出發咋，今次提返我地都眼濕濕🥺大家要珍惜小生命呀🙏🏼依家係場既貓貓都係老闆之後帶返黎既有緣喵，有貓媽媽有貓BB，有幾隻好唔怕人，仲自己主動痴埋黎比你摸☺️。最後附上訓覺貓圖，店主好有心架，場內全部都係流浪貓，請大家多多支持佢地🥰

久違嘅逗貓生活，無意搵到lee一間貓cafe，見評價都唔錯就去試下，一上到去明顯地比其他貓cafe 乾淨 企理，唔會好大陣貓味之餘仲有家ge感覺，空間雖然細但一d壓迫感都冇，好舒服。叫左個玉子燒同兩杯飲品，份量好夠食，足料又好味，但要小心為食貓偷襲😂。同貓貓玩ge過程，了解到佢哋都係店主救返黎ge流浪貓，都係同病魔作戰過ge勇士黎，宜家仲精靈活潑同我哋玩，睇得岀店主好用心照顧佢哋。去完除左被貓貓治癒，個人輕鬆晒，仲被鼓勵到面對人生ge挑戰。推薦比想放鬆ge朋友

第一次去貓貓cafe 的我們令我哋印象深刻的係2位老闆超有愛心，對我們分享每一位毛孩背後故事。餐廳地點方便，擺設舒適o(^▽^)o人流控制得好好不會十分嘈吵。食物方面味道好好簡直係性價比高👍🏻價錢大眾化。所有食物造型+碗碟都係貓咪圖案10分可愛貓咪十分乖乖親人🥹這點係我10分意外的令到我和小孩子都冧到爆。仲有多謝老闆教導我們如何同貓貓打招呼🙋‍♂️和抱貓貓。日後一定會繼續支持和介紹俾朋友同事

非常可愛嘅一個cafe，雖然環境唔大，但勝在夠安靜，可以邊擼貓邊食野，食物都好食，價錢合理，唔貴。貓貓都好乖，不過要注意唔好俾佢地食左d野食，老闆好好人，希望下次去果陣可以見到更多嘅貓貓