貓竇 (已搬遷) 新店位置

店主好錫貓貓，叫左1個兒童餐同1個定食都食唔曬，好大份，好美味！貓貓都超級可愛，非常有heart嘅cafe！最正係無論咖啡、湯都整左貓貓圖案，同埋店主好照顧我朋友個女，對小朋友好有耐性！

喺社交平台睇到有新貓貓cafe~就嚟試試佢，感覺係穩世貓貓屋～要按門鐘，店長一開門就見到貓貓迎接我，入到去有梳化位同榻榻米，我揀梳化位，貓貓好活潑，主動行埋我度～好可愛呀我揀左人氣之選豬仔骨套餐，好多野食喎，有豬仔骨，同2款小食，有飯，飲品同甜品，我揀左雞翼同牛肉薯餅，差啲食唔哂，貓貓好為食咁嗡我啲野食，好得意～lee間貓貓cafe可以比我抱下貓貓，仲可以買貓零食餵貓貓tim! 真係好開心呀！今晚無嚟錯呀！一定會再嚟探貓貓🤣

好少有貓 cafe 啲食物咁好食，貓貓咁有活力咁得意，而且價錢合理，亦唔會好似其他 pet cafe 逐個小時收費。性價比高，極度推介！店長非常親切，好 friendly 好有耐性，向我地逐隻貓介紹，教小朋友點抱貓，仲送左貓貓口罩套俾我地。今日點左漢堡蛋包飯，送飲品。個蛋包飯好好食，有相為證，睇到都流口水。小朋友點左兒童餐，非常之豐富，有湯、飲品、貓貓飯團加主菜加好幾款配菜，仲有雪糕，雪糕有六種口味選擇。飽到食唔哂 😂下次一定會再來 👍🏻👏🏻👏🏻👏🏻

餐廳環境方面，好乾淨整齊！又坐得舒服～！唔會因為有貓貓而周圍都係貓毛或者一陣味～食物方面，算大碟，幾抵食！啲嘢食唔洗等好耐～啲飯好有心思砌咗個貓貓嘅頭^o^湯又有個貓樣XD菠菜湯好特別（係好飲嘅XD），唔係到到有。非常喜歡個牛舌！簿切但依然有嗰個煙靭感～又入味，正！如果鐘意食榴連嘅人，可以試吓個榴連波波。好香榴連味，但又唔會話過分濃味，可以頂下口癮🤣P.s. 貓貓sss非常可愛、活潑！！！又唔太驚人☺️