貓竇 (已搬遷) 新店位置

一星期內到了貓竇二次，第一次係openrice 見到這餐廳評語不錯及有貓貓一起玩，便上去試下，叫了個三文魚定食 加10元轉了蛋包飯 及和牛漢堡定食， 味道不錯。接着朋友生日食飯，想起朋友喜歡貓，便再預約晚飯，問了可以在甜品寫生日快樂，朋友好高興，很喜歡貝貝，安安好貪食，食物好味道，環境好放鬆。定食可以選二款半份小吃，半份都有二件玉子燒，三件章魚燒，薯餅都有一塊，份量都不小。令我最欣賞及敬佩，其他貓餐廳係用貓來賺錢，貓竇係賺錢俾流浪貓，值得支持

第一次去貓cafe 就揀左黎貓竇，我地有幾個小朋友都好鐘意貓貓，一入到店，店長就好詳細地同我地介紹每一隻貓貓，仲有講佢地嘅故事因為有小朋友今日生日，店長超級好人，寫咗生日碟，仲播生日歌，真係夠晒驚喜😍食物方面，有好多選擇，小朋友仲有兒童餐，分量仲好足夠，都幾好食😋期待下次黎探貓貓，要健康快樂地成長

我係個😸貓痴! 經常去吾同嘅貓cafe.今日午餐時候嘅尖沙咀, 周圍都咁多人, 偶然之下在openrice book 到呢間cafe.一上到去店主開門, 已經見到一位貓😸店員迎賓。之後經過店主介紹番餐廳內嘅貓貓, 我感受到店主對貓無私偉大嘅❤️愛.打開餐牌, 發覺呢度嘅午餐價錢比起其他貓cafe更大衆化, 🍔🍜🍚食物質數好, 性價比超高! 呢度所有員工非常有密契, 在店主準備餐時, 有幾位貓😸店員就主動黎招呼客人, 喺短短十幾分鐘內, 我愛❤️上左貝貝😸.我喺餐廳度逗留左1個半鐘, 見到店主對😸貓貓照顧到無微不至, 亦都吸收左好多照顧貓嘅經驗.一間非常用心, 非常有❤️愛, 絕對值得支持💪!

我一向好鍾意貓🐱，不過暫時屋企唔適合養，所以我好熱衷去貓cafe~第一次嚟依間貓cafe，網上見少人介紹，但係真係十分高質！ 好多貓cafe只有飲品提供，同要收入場費，而依度有厚厚嘅menu，小食、主食、甜品、飲品⋯⋯好多款，可以滿足同貓貓玩嘅慾望，又唔洗捱肚餓~每人只需消費$50就可以，仲全日免加一，真係良心店家！ 一入到嚟，男女店主就好熱心咁同我哋介紹唔同貓貓嘅名、特性，令我哋對貓貓有基本了解先。貓貓都好親人，會上嚟我哋枱做親善大使~ 而且作為貓cafe，食物嘅味道竟然出乎意料地好味，大大份，性價比好高，尤其轉定食套餐有主食、小食、飲品、甜品，好豐富~我揀咗比較少見嘅西蘭花湯，好飲，上面仲畫咗好得意嘅貓貓圖案！炒黑松露雜菌烏冬唔錯，牛油蒜香雜菜好足料，有蒜片、娃娃菜、荷蘭豆、金菇、粟米仔⋯⋯熱辣辣上枱，好香好吸引，配旋風蛋包飯同忌廉汁好夾，入面仲係炒飯底，好有誠意🤤兩款小食貓屎波波同海苔貓poopoo都好好味，特別推介飲品😋飲品嘅草莓牛奶好好飲，味道唔係啲好假嘅糖漿，真係落咗果肉同鮮奶！湯、雪糕上都畫咗貓貓公仔，配合貓貓碗碟，好可愛~

第一次黎，感覺超級溫馨初初見食評話店主真心真意愛貓貓，就黎左喇食物方面唔差架 真心好食所以有個唔記得影相⋯係日式燒豬頸肉配飯豬頸肉份量好多，男士都夠食下面呢張係小丸子同飯團 🍙 食左一半😂同埋會有啲貓貓造形 好可愛！同貓貓玩果陣，店主都會主動介紹啲貓貓仲會分享佢地嘅小故事，可以了解佢地多啲，同埋都學到其他有關貓貓嘅知識呢度個感覺唔會商業化，係舒服同埋周圍都充滿愛嘅地方一定會再黎❤️店主真係好有愛心😻我信了

入門坐低…貓貓：黃小小主動頭撞式歡迎店主話佢要拉票點都好..票已投左比小小貓貓大部份都好親人….環境舒服無壓力！餐桌前有每隻貓的資料簡介！店員亦會親自作詳細講述每隻貓的身世，個性及喜好！食物方面，主食點左一個曼魚飯，一個三文魚腩飯…飯的造型是個貓頭，好特別份量都好多！ 有餐湯有甜品。賣相都好精緻。睇得出店主用心經營..亦盡己所能給浪浪一個家小弟第一次寫食評..希望大家支持用心的小店！支持店主，支持浪浪。

餐廳內每隻貓都很可愛。雖然曾經是流浪貓，但十分親人。從貓貓健康的外表和放鬆的神情，看得出兩位店主對貓貓滿滿的愛。感覺到店內的貓很幸福店長也很親切，樂意分享貓貓的趣事和照片。雖然衝著貓貓而來，但食物質素也沒有令人失望。點了鰻魚蛋包飯、帆立貝蛋包飯、蘋果梳打及熱柚子茶，味道和份量都到位！光顧當日是週末，店主準備了假日限定的抽獎扭蛋機，100%中獎率店長也太慷慨了吧！今次抽中的是貓小食一包，即場拆開餵貓貓，馬上成了與貓貓最親近的時刻「比貓圍」的感覺實在是既不真實又太開心，現在的我還在回味中…這間Cafe是充滿了愛貓的氣氛，我對店長為貓付出無私的愛也十分感動。希望有更多人來支持貓竇！

接待的兩位店員十分有禮貌，而且能夠從佢地照顧既毛孩身上睇得出佢地對喵喵係十分有愛心，責任感同對浪浪既使命感。咁岩原來我地食飯日子係其中一pair 毛孩既大概生日日子，所以聽多左店員既分享，睇得出每一個毛孩都係佢地寶貝兒女，每一個都同店員有唔同既故事。食物方面我地兩個人分別叫左帆立貝同饅魚蛋包飯，味道都唔錯，份量亦好足夠。店員亦都好有心 。餐廳設計都好舒服，裝修都好有親切感同埋有足夠空間同設施俾人同毛孩，坐得耐都無太大問題。所以十分推薦呢間喵餐廳，佢地既喵喵係不自覺地流露出好窩心既幸福，希望店員繼續加油。

小朋友中意貓貓前一晚search就即刻book左雖然以前唔係去過好多間貓cafe但係印象就只係餵好多零食去吸引貓貓同你影相入到去第一個感覺已經比主子包圍佢地真係主動搵你摸同時覺得佢地好自在最欣賞係去到一定感受到裡面嘅誠意認識每一隻浪浪食物方面我哋嘗試左咖喱蛋包飯同埋兒童餐兒童餐嘅雞扒黎到嘅時候仲係脆皮證明唔係只係得外貌好佩服食物種類多之餘每一樣都係好味 已經同印象中樓上Cafe完全唔同男朋友最欣賞豬仔骨蛋包飯太出色一定係你出去食專門店嘅水準小食佢揀咗牛肉薯餅同埋年糕我就揀咗牛舌雖然真係好鍾意想私心bookmark 🤣不過實在太欣賞成個體驗佢唔算係一間比你打卡able嘅餐廳但係比起商業性真心覺得店主們係分享緊主子們嘅故仔比大家其次係 你會見到在場嘅貓貓可以做自己而唔係比人係咁追同抱祝所有貓貓一路身體健康🐈

襯復活節假去玩下貓仔，恰好可能臨近堂食限令時間，沒有太多人。每隻貓仔似乎都訓醒了主動撩人玩，而且不怕陌生人。對比上一次去，貓仔都長大了不小，看出店主花了不少心機照料。因接近5:30才去，沒有叫太多食物，只點了章魚燒以及南瓜薯餅，質素維持上一次水準，價錢亦好相宜，看到餐牌上還有午市定食，下次再早點到會試下。雖然Cafe 不算大，但勝在環境舒適，而且貓貓願意跟客人玩，還可以參加抽獎，有貓食可嘗試餵食，不過要小心貓仔都好活躍，會爭相靠近食，不過聽店員的指示就可以😌 這間cafe除了食物/多貓仔， 值得推薦給朋友們去～支持下

第二次黎貓竇了，一間好舒服，食物又好味但唔貴的貓cafe，依家有十二隻可愛貓貓，隻隻都唔同性格，老闆老闆娘會主動講解每隻貓咪的獨特之處和來歷，每隻貓貓本身都是浪浪。今次陪住我食lunch的有 小怪 和 小玲，小怪 係飲管神偷，食客小心睇好自己杯裡面的飲管啦；靚女小玲，只容許你讚佢靚，讚佢就會主動坐你旁邊。小朋友最喜歡同小貓玩，小小 小卡係小朋友至愛。仲有大阿哥 小虎，暖男一名，心口既白毛真係好靚好好摸。還有最細的兩隻貓貓 小滿 小么，老闆老闆娘在垃圾車救番佢兩個，好可惜小么最後捱唔住返了貓星，希望小滿 要出埋小么果份努力，要健健康康的長大，下次再黎抱你。期待下一次再來探貓貓們。

唔講得笑😌入去貓竇😮小心比貓圍你😏又或者唔覺意比偷飲管嘅喵喵怪😽 拎走咗你支飲管😹 咁你飲凍飲, 你就要走塑啦😸環保貓咪！ 🐱但係最唔講得笑係貓竇嘅食物😋好味😽可愛😺超值㗎😮 最重要係, 圍你嘅貓咪🐱貼身睇住你用餐🍛☕🧆服侍週到㗎😁如果星期六 , 日去食嘢！ 重可以抽波波一次, 包你次次中小禮物比貓侍應享用😏貓咪侍應會等待你嘅小禮物㗎😻 呢班貓星人應該係嚟五湖四海㗎！ 佢哋有唔同身世🤔背景😌 想知多D😊不防入貓竇一探便知實况🤭

店舖內貓咪活躍，會主動親近顧客。裝修非常有心思，四周都被貓咪包圍。價格收費相宜，只有每人最低消費，坐多久也不怕。店主非常有心，分享各貓故事，對貓事瞭如指掌，又會拯救浪浪。

店主職員超有愛心，有耐性解答，分享領養及收養被遣棄的貓咪經驗。整體感覺很好。貓咪平易近人小店舖裝修可愛，食物配搭也很可愛，有貓咪做型小朋友玩得開心🥳可以encore

夢寐以求嘅體驗😚😚從來無唸過可以一路食野一路摸貓。由一坐底，d貓已經自動伸個頭埋黎認識你，每隻都有自己個性，鍾意俾人叫靚女，鍾意偷飲管，鍾意偷食你嘅餐品，可愛到不行。野食都正常價 唔會好貴 又唔限時 味道都唔錯。我會成日黎幫襯 探下d喵喵😍😍😍任摸肉球 好幸福目測起碼9隻貓 鍾意陸續有新貓 睇得出店主好愛護佢地 仲要星期六日有抽獎 有貓食同人食 100%有獎。好可惜隻臭手 害到我無得餵食貓貓 中左杯人飲果汁only，sosad🥲🥲