犢食 (已結業)

因疫情關係，返工放 lunch 都會避免堂食，於是就觀塘區唔同食店既外賣。今次我就試下呢一間新開既日本菜💛店，支持一下。食物：鰹魚炸豆腐 (HK$18) - 外皮香脆，豆腐都夠滑，可惜入面唔夠熱- 調味唔錯灸燒豚肉煮丼(HK$58) - 正常普通- 豚肉唔入味- 醬汁唔夠，成個飯偏淡- 加秋葵有少少唔夾（成個飯變到好淡好清新）總結：價錢偏高，性價比低，食物味道還可以，份量就未必夠飽。優點：- 外賣落單，十分鐘內就有得拎- 員工服務態度良好- 店內環境都乾淨企理- 💛缺點：- 性價比低- 味道普通

今日就去咗一間觀塘工業大廈內嘅黃店，食日式丼飯🍱叫左兩個餐，配有前菜小食及玄米茶，或可選麵豉湯。價值唔貴，性價比好高！觀塘上班族之選🥚溫泉蛋牛肉丼飯同平時食開嘅差唔多，值得推介嘅係碗飯有好多汁同埋特別多洋蔥🧅 再加上少少日式紅薑絲🐖炙燒豚角煮丼豚肉好大舊同埋都唔少架！再配上糖心蛋另外，再叫多咗個小食：免治雞軟骨串值得一試！燒得好好食，入面軟身仲有好多汁，咬落去都有好多雞軟骨，口感好！值得再去

🍱牛肉湯咖喱定食(配味增湯) $62咖喱唔辣，味道濃厚，配烏冬/飯都十分好。是日漬物有蘿蔔，茄子，唔肯定西蘭花係咪漬物，我淨係知佢好硬，少啲牙力都唔掂😅😂 加咗隻醬油煮蛋 ($9)味道正常，煮得啱啱好。另外再加咗鰹魚炸豆腐 ($18)粉漿唔厚，好脆，裏面滑捋捋，點滿鰹魚汁食好美味😋

犢食係工廈入面,亦設有少量堂食位~主打日式便當.店舖內亦有賣光時所代理既飲品.*️⃣ 灸燒豚角煮丼 $58丼飯既賣相都唔錯,睇落唔係hea既,雖然只有三件豚肉,不過都相當厚切,對住一個女仔來講係絕對夠飽的~至於味道都唔錯! 豚肉燒得好香口.不過佢係用腩肉部位,所以相對就肥少少啦.另外朋友叫左個溫泉蛋牛丼，佢話好好食呀！下次我應該都會揀牛角丼～亦會再encore!!.支持！💛💛💛💛💛💛💛💛💛.@fatpet_natalie

朋友介紹既餐廳疫情關係決定買外賣呢間可以外賣自取 非常方便我就叫左個犢食牛肉丼有小配菜 野飲同埋湯 $52如果你係學生既話仲有8折姐係45蚊就可以食到咁多野 超級抵食首先講下牛肉 好嫩 份量都多 好食過吉XX飯既份量中等 女仔既話係食得飽既唯一需要改善係無乜汁 有少少淡我覺得如果叫溫泉蛋牛肉丼可能會更好味更juicy 而小配菜就比較酸酸甜甜值得一讚既係佢外賣餐具有包膠袋依家用唔著都可以儲起下次再用筷子上下都尖好特別會再食~

喺觀塘返工，附近餐廳選擇繁多，但往往中伏嘅機率都好高🤢最近巧明街工廠開左間黃店，決定lunch嚟試下🥶餐廳坐位唔多，如果lunch遲少少上嚟都可能無位😢食物主打丼飯及湯咖哩，見平時無乜機會食到湯咖哩，所以揀左個野菜湯咖哩試下🍛每個餐都跟一個漬物、主食同味噌湯或玄米茶🍵野菜湯咖哩定食嘅餸分別有秋葵、茄子🍆南瓜、蕃茄🍅薯仔🥔菇同西蘭花🥦十分豐富😋湯咖哩味道幾濃，用嚟送飯一流👍🏻值得一提係野菜全部都煎過先放入湯咖哩，所以帶有少少煎過嘅油香味，我就覺得茄子最高質🥳份量女仔食就一定夠，男仔如果大食啲就可以追加小食或者餸菜💪🏻價錢方面亦都好抵，一般定食都只需要$60-70，學生更加有8折優惠💛值得再encore🤤

中午同朋友一齊出街食飯，朋友話想試下呢間新開黃店，上去open rice 睇過menu 都幾吸引，主要食日式丼飯，所以就決定揀呢間餐廳。上到去餐廳，位置不多，大約十幾個位，三個人分別叫左溫泉蛋牛肉丼，灸燒豚角煮丼，牛肉湯咖哩定食，個個餐都有漬物同湯或茶。比左錢落單後，等左一陣就有餐送到，我食個個係溫泉蛋牛肉丼，味道幾好，朋友都覺得佢地個飯都唔錯，份量適中，而且只需$58一個套餐，十分之平。雖然位置唔多，如果係附近返工都可以叫外賣試下，真係唔錯架。

新開，係工廠大廈入面，日本風裝修，環境都幾chill，入面嘅位置唔多，大概坐到二十人到。出示學生證有八折，唔收加一。每個丼都會配漬物同玄米茶/味噌湯。丼飯用外賣碗裝，份量適中，賣相幾靚。啲飯全部都係珍珠米。要左犢食牛肉灸燒丼（＄52），好食過吉xx好多。牛肉入哂味，份量又多，係如果多啲汁會再送飯啲。豚角煮丼（＄58）有埋溏心蛋，蛋黄煮得啱啱好，有預先沉過入味。仲有椰菜絲同秋葵粒，食落有柚子醋嘅清香，連配菜都甘用心，抵讚。南蠻炸雞丼（＄62），炸得好香口，調味好，嗰雞炸得仲好滑。煮得好食兼用料正，推介下次會去觀塘嘅人一定要去試下。希望之後都keep到水準！

舖名「犢食」源自「初生之犢不畏虎」，指年輕人不畏強權。喺觀塘新開張不久的丼飯日式小食堂，由五位90後男生開，一開lift就已經睇到門口貼住「企硬」二字，一邊牆身貼滿CD作裝飾，另一邊牆貼上來自蘋果日報的黑警知法犯法專欄，收銀處有個放光時的飲品櫃，亦有個小型文宣站擺放貼紙及義賣品。店內約十多個座位全是高枱椅，雖然空間唔算好大不過環境寬敞舒服，堂食客唔算多不過見有好多外賣單。⭐️出示學生證可享八折💛黃店認證：店內大量文宣，收銀處有個放光時的飲品櫃，亦有個小型文宣站擺放貼紙及義賣品；ig有明確表態立場。.所有丼飯湯咖喱都配飯、漬物(帶點甜的豆干黃豆粒）、玄米茶/味噌湯。👓炙燒豚角煮丼 $58因政見的關係同外國肉質較好，主要食材會用非中國的製品。西班牙豬腩肉先慢煮再焗，所以肉質好淋亦好夠醬油味，共有三塊厚切片，半肥瘦唔會太油膩亦香口。另有半隻溏心蛋和木魚，飯量足夠。評分：6.5/10👓南蠻炸大雞丼 $62炸雞超大塊！係塊好大同厚嘅雞扒，而且炸得好香脆，個皮同邊脆卜卜，吾係又凍又淋又油溢嘅貨料。雞扒好入味不過稍為鹹咗少少，擠上附有嘅檸檬塊反而令檸檬汁平衡返好食啲。仲有碎蛋沙律、酸蘿蔔薄片同紫菜絲，

又一間新進場黃店🤗。犢食由九十後手足開辦，主打日式丼飯及湯咖哩，標榜唔用國產食材，仲有寄賣光時供應嘅飲品。第一次幫襯，先試下牛肉湯咖哩定食，套餐配有白飯，漬物，玄米茶或味噌湯。定食嘅餸除咗牛肉同洋蔥外，仲有茄子，西蘭花，南瓜，本菇同薯仔，非常豐富。日式湯咖哩味道清甜，一啲都唔辣，嗜辣者可能會覺得唔太夠喉，不過我就非常鍾意喇，將成碗白飯撈落去連湯一齊食，滋味無窮😋。唯一要彈嘅就係個飯，唔似日本米，比較碎濕濕，口感麻麻😐。

呢間店新開無幾耐，上ig見到唔少人好評，於是今日lunch time 即刻外賣溫泉蛋牛肉丼試下。飯煮出黎一粒粒，牛肉唔會太老，係個汁太油，整體感覺可以再encore!

黃色經濟圈今次去到觀塘工廈試下間小店 — 犢食，主打丼飲同湯咖哩。店舖空間闊落，窗口位街景望住axa商廈。犢食牛肉丼、牛肉湯咖喱定食 — 店舖嘅主打。牛肉丼嘅牛肉份量好足，而且冇煮得太耐令啲肉質變硬，雖然個汁有少少鹹，不過撈飯食都算減輕番個鹹味，可以一試。👍🏼👍🏼牛肉湯咖喱定食比預期出色😆本來抱住湯咖喱會好水，無咖喱味嘅心態嚟食，反而有驚喜。咖喱味濃，湯唔會太稀亦唔會太澀，而伴碟方面有茄子🍆西蘭花🥦菇🍄 薯仔🥔 ，咖喱幾入味，唔係嗰啲用水煮完就鋪上面。湯咖喱可以選擇跟飯或者轉烏冬都可以😄蜜糖漬小番茄，男朋友覺得釀得幾入味，味道特別，唔似食緊番茄🍅，創意加分👍🏼而免治雞軟骨串，不錯之選。雖然呢個雞軟串同其他餐廳味道差唔多，不過外層塊又燒得幾爽，幾香。🆗黃店經濟圈，一齊去懲罰黃店。

係觀塘食厭左未？又有新餐廳推介一下。呢間係三月先開，係巧明街樓上鋪。上到去位置唔算多，二十幾個左右，都係高枱椅，先到先有。用左CD做一邊牆身做裝飾，店亦播放著輕快歌曲。價錢算係親民，以觀塘黎講。南蠻炸大雞丼，62元，另加10元要左烏冬。雞炸得好好食，外面超脆，肉嘅汁亦鎖住，唔會乾。佢嘅烏冬係一份，都無呃秤，而且非常好食。灸燒豚肉煮丼，58元。唔好睇少只得三塊豚肉，豚肉係超好食，落左小小芝麻，佢個汁小小甜，配落好好味，肥肉亦不太過。食得出佢哋用左靚料去整。另加18元要左鰹魚汁炸豆腐，好juicy，個豆腐好實，唔虛。用嘅餐具都係好嘢，好唔捨得用一次就扔。。。幫襯個日好多外賣單，堂食嘅都等左好一段時間，幸好離公司唔遠，如果唔係就遲。