犢食 (已結業)

新開，係工廠大廈入面，日本風裝修，環境都幾chill，入面嘅位置唔多，大概坐到二十人到。出示學生證有八折，唔收加一。每個丼都會配漬物同玄米茶/味噌湯。丼飯用外賣碗裝，份量適中，賣相幾靚。啲飯全部都係珍珠米。要左犢食牛肉灸燒丼（＄52），好食過吉xx好多。牛肉入哂味，份量又多，係如果多啲汁會再送飯啲。豚角煮丼（＄58）有埋溏心蛋，蛋黄煮得啱啱好，有預先沉過入味。仲有椰菜絲同秋葵粒，食落有柚子醋嘅清香，連配菜都甘用心，抵讚。南蠻炸雞丼（＄62），炸得好香口，調味好，嗰雞炸得仲好滑。煮得好食兼用料正，推介下次會去觀塘嘅人一定要去試下。希望之後都keep到水準！