犢食 (已結業)

中午同朋友一齊出街食飯，朋友話想試下呢間新開黃店，上去open rice 睇過menu 都幾吸引，主要食日式丼飯，所以就決定揀呢間餐廳。上到去餐廳，位置不多，大約十幾個位，三個人分別叫左溫泉蛋牛肉丼，灸燒豚角煮丼，牛肉湯咖哩定食，個個餐都有漬物同湯或茶。比左錢落單後，等左一陣就有餐送到，我食個個係溫泉蛋牛肉丼，味道幾好，朋友都覺得佢地個飯都唔錯，份量適中，而且只需$58一個套餐，十分之平。雖然位置唔多，如果係附近返工都可以叫外賣試下，真係唔錯架。