牧羊少年咖啡館 (Fashion Walk)

营业中

休息中

平時比較少行入去呢個商場入面，所以發現唔到牧羊少年開咗嚟呢度。今日黎試食下呢間牧羊少年~黃金苦瓜鹹蛋忌廉雞肉意大利粉苦瓜嘅味道唔係好出，不過為意粉增添色彩，顏色配搭令人食指大動。有新意之餘，鹹蛋黃同忌廉比想象中味道要更加搭配，係全晚我最欣賞既菜式。鮮忌廉鮮菌日本帆立貝意大利粉呢個味道都唔差，正正常常，帆立貝可以煎得香啲。不過比起另一個意粉就無咩驚喜。士多啤梨窩夫我地食完煮菜等咗一陣，發現甜品未到就問下，原來要自己叫起先會即刻煮，所以又再等左一陣。甜品份量唔細，而且窩夫味道好香，記得要趁熱連雪糕，士多啤梨醬一齊食。菠蘿lemonade配伯爵茶鳳梨酥因為想試下個新出嘅鳳梨酥，所以叫咗呢杯飲品。鳳梨酥嘅伯爵茶外皮茶味香濃，土鳳梨餡偏酸，兩者頗夾。

幾年前去過牧羊少年咖啡館嘅葵芳店，當時覺得唔錯！幾年後，已經開咗6、7分店，而且菜式味道都大有進步，仲係良心店，推介！牛油果香芒烤雞沙律$108材料非常豐富，份量亦都好多！有香甜嘅芒果粒，軟滑嘅牛油果，飽滿嫩滑嘅烤雞，新鮮爽甜嘅生菜及車厘茄，再加上胡麻醬及杏仁片，真係大滿足！正呀！照燒汁煎乾蒜牛柳粒$78牛柳粒夠軟淋，加上乾蒜粒及照燒汁，好惹味！意式本地烘焙咖啡雪糕$58咖啡除了加入咗雪糕，仲有忌廉及朱古力醬，整體更甜美，nice!

好耐之前聽過呢間cafe但一路無試過，原來喺港島開咗分店。三個人去dinner都等咗好耐位，反而二人枱就好快。店內二人枱較多，多過兩個人真係要預多少少時間等位。味道方面都係一貫cafe口味，無太大驚喜。不過份量都算大碟，性價比唔錯。唯獨係唔知點解每碟菜式都落好多醬⋯忌廉鮮牛油果烤雞肉長通粉$98:賣相唔算特別吸引不過味道尚算唔錯。牛油果香芒烤雞沙律$108:好足料好清新～不過略嫌多醬。炙燒荷蘭汁豬肉排$78:性價比極高嘅一道小食。雖然係小食但仈量十足十主菜～唔好以為佢就係得咁多，其實佢下面仲有一層肉，剩食呢個都好飽。豬肉排食落一啲都唔韌，好好味😋不過都係太多醬，好heavy⋯走醬或少醬嘅話應該會好食好多👍🏻另外我哋每人叫咗杯嘢飲Peach yogurt $56清清哋幾開胃～Rose cafe latte$46咖啡味幾香不過玫瑰味就唔多夠。玫瑰可可朱古力$48好香朱古力味～總括嚟講可以一試不過如果等太耐位就唔多值得。

高質良心店牧羊少年咖啡館喺年初開到過港島喇！銅鑼灣店以「旅遊 x 漂書 x 未來的信」為主題，文青味濃厚，食物出品依舊高質穩定，價錢仲要幾親民添！牧羊少年浪人手工生啤 $72牧羊少年咖啡館的唯一酒精飲品，入口爽滑而帶一點幽雅的花香，真的不錯！芝士沙律醬吞拿魚焗酥盒 $68靚靚嘅前菜！酥盒即叫即焗，酥脆可口而且「芝」味十足！夾埋吞拿魚蓉同埋沙律醬喺中間，入口真係會令人Ummmmm 一聲！香煎加拿大保濕豬鞍配蘋果泥 $158豬鞍煎至微焦，肉質極軟嫩，而且極Juicy，果然係保濕！配菜的薯蓉極細滑，帶極香的牛油味和適量的香草味，千萬不要錯過！

今次嚟到銅鑼灣同朋友仔佢呢一間牧羊少年cafe食飯， 地方非常容易玩好方便， 而且環境亦都非常唔錯， 鋪頭裏面有上下兩層， 真係幾舒服同幾號錯至於食物質素方面亦都幾好， 叫咗一個牛油果雞肉沙律 ，非常大份，而且好好食， 仲有佢個pizza亦都好好味， 叫咗兩杯水果茶 ，唔係好甜好啱健康人士嘅選擇， 甜品方面值得推薦係薑汁梳乎厘，真係超濃沃嘅薑汁喺裏面 ，配合雪糕簡直天衣無縫，非常好味，另一款叫咗一個手工咖啡雪糕亦都幾唔錯嘅選擇。

牧羊少年開到黎港島！呢間係港島第一間分店銅鑼灣Fashion Walk，行完街梗係要黎醫醫肚，原來呢度嘅價錢都相對中等，而且位置都幾多，裝修亦適合打卡。今次點左以下食物：蒜茸牛油炒鬼佬雜菜（$68）首先食啲蔬菜類打打底，蒜蓉味令味道更自然，雜菜煮得好軟身。炙燒荷蘭汁豬肉排（$78）豬肉排肉質超嫩，啖啖口感都好juicy，加上無法抗拒嘅荷蘭汁，實在太正。黃金鹹蛋忌廉鳳尾蝦意大利粉（$108）鹹蛋黃味唔會太鹹，加上忌廉平衡味道，更易入口，意大利粉口感有咬口，加上幾隻蝦，口味更豐富。是日甜品係雜莓芝士蛋糕，味道唔會好酸，而且調味係自然味道，唔會好膩。

好耐之前食過牧羊少年咖啡館嘅葵芳店，好鍾意佢嘅旅遊主題，可以隨便借啲旅遊書嚟睇～原來而家已經不知不覺開咗咁多分店！銅鑼灣呢間位置非常方便，所以都好受歡迎。七點到達，等咗一陣就可以入座。每個菜式都非常之美味，我哋叫咗牛油果香芒烤雞沙律$108，烤雞非常嫩滑，再淋上胡麻醬，正！仲叫咗個日式大阪燒風味煙三文魚pizza$128，我覺得Pizza係必點菜式之一，佢係非常香脆嘅薄批，上面迫爆配料，勁多三文治，再加上大阪燒同埋芥辣汁，相當美味。是拉叉醬法國雞翼$68，好熱好脆。甜品仲叫咗個法式黑糖薑汁疏乎厘配雲呢拿雪糕$88，呢個真係強烈推薦！雖然有少少貴，但係絕對值得，熱辣辣嘅疏乎厘每一啖都有薑味，配上凍冰冰嘅雪糕，簡直係絕配～飲品叫咗水果茶$46，同埋蘋果蜜桃鮮打紅茶$52，兩杯其實相當類似，只係後者有打碎左嘅果蓉，兩杯都好飲！整體來講，真係非常滿意，下次再嚟！

Apple Tart with Vanilla Ice creamHow can it be so yum yum.走到哪裡都想試Apple Tart這家很好吃！❤️微酸不會太甜，餅底好鬆脆，可以encore👍🏻牛油果香芒烤雞沙律之前在其他分店吃過，質素一樣好。雞肉也是很美味的，蔬菜水果都新鮮。還找到我覺得好喝的咖啡Earl grey tea coffee 好香☺️願你出走半生 歸來仍是少年你成熟了 不會失去格調吧給十年後的我。

牧羊少年咖啡館又開咗第一間港島分店 叫咗個小食拼盤 拼盤嘅款式都唔少 有辣坎伯蘭腸 煙辣腸 雞翼 八爪魚丸 春卷同薯角 小食配埋沙律 千島醬同茄汁點嚟食 煙辣腸辣辣地 而坎伯蘭腸幾惹味 雞翼同春卷幾香口 薯角炸得好脆😛另外我哋叫咗碟三文魚子車打芝士鳳尾蝦長通粉 佢嘅芝士味幾突出 長通粉面鋪上三文魚籽 鳳尾蝦彈牙爽口同埋半隻香草蒜蓉牛油焗雞 雞肉質地幾嫩滑 特別係雞脾 食埋拌碟嘅薯蓉 好滿足😋最後我哋叫咗份日落巴黎 係香蕉朱古力窩夫加朱古力雪糕 窩夫好有份量 微暖配上雪糕 香蕉同上面嘅朱古力醬食 口感豐富 佢哋嘅飲品都好唔錯 我叫咗杯玫瑰可可凍朱古力 🍫朱古力味幾濃 而且唔會太甜 加上玫瑰花瓣 飲得之餘賣相加分朋友叫嘅另一杯野飲係自家製菠蘿Lemonade 特別在於 呢杯野飲仲有配伯爵茶鳳梨酥 自家製味道天然又好飲 而且感覺清新 配合埋少有口味嘅鳳梨酥 真係幾有心思 係幾值得去嘅

第一次去銅鑼灣分店，環境唔錯🤩不過最衰有90分鐘限時➿仲要係良心店舖💛支持！明太子鳳卷蝦意大利粉($108)再次食呢個意粉，都係好正，佢明太子味好足🥳一共有四隻蝦，好多櫻花蝦同三文魚籽🍤明太子仲有少少辣，幾惹味🥰千島海鮮薄餅($138) 一共有六塊，每一塊都有蝦、蟹柳同章魚🐙pizza 係薄批，個邊好脆😋至於味道正常，醬料既份量都好足夠！法式蘋果撻配雲呢拿雪糕($78) 佢嘅蘋果係切左做薄片，酥皮亦都好脆！蘋果嘅比例好多😆基本上中間冇餡嘅，如果配埋吉士醬就好😋個撻係即刻焗所以黎到都好熱，再配埋凍冰冰嘅雪糕，啱啱好🥳

今日走過銅鑼灣，周圍搵野食，發現原來開左牧羊少年，門面裝修非常漂亮，當然要坐低食個大餐。坐低發現餐牌同時係雜誌~十分有心思同品味既設定~而當然重點在食物，牧羊少年雖然自稱係咖啡廳，但食物種類選擇很多der~牛油果香芒烤雞沙律＄108份量充足，香芒烤雞經典配搭~牛油果香滑，整個沙律開胃醒神千島海鮮薄餅＄138同樣經典薄餅，批底脆芝士面微燻，焗烤程度不錯蝦新鮮令肉質口感爽。香煎加拿大保濕豬鞍配蘋果泥＄158上碟漂亮而香味濃。豬鞍肉厚，而且一定要熟透，但太熟就可能太乾，所以幾考功夫。我切開豬鞍，兩邊熟透而且肉汁流出。咬口爽又不韌。薯泥香滑，且份量足夠。冰水果茶＄46水果茶甜味真實，甜度適中抹茶可可朱古力＄48配搭新鮮，抹茶味香而又不掩蓋朱古力味度，十分出色是日蛋糕~蜂蜜蛋糕＄42口感特別，外脆味香，甜而不膩。

一路都好想試呢間cafe，但系成日都無機會去，前日終於試左！ 一去到已經有座位，職員超有禮貌，餐廳衛生都做得好好！因為最近都減緊肥，所以唔想食得太過份，就叫左杯Americano同埋一個pizza share😊 我地叫左日式大板燒Pizza，超好味，有D三文魚系上面，個底夠薄，唔怕食完覺得好膩！推介試試！講下杯啡，味道都夠濃，偏向Nutty，唯獨覺得可以大杯少少🙈 一定會再黎食，佢地其實有set lunch， big breakfast 等等，大家可以試試！

人氣cafe牧羊少年相信大家一定唔會陌生，以往要去到九龍或者新界區先食到，最近終於有分店進駐港島區啦，即刻約埋姊妹一齊試下先🙌🏻🥑🥗牛油果香芒烤雞沙律 $108諗住叫個輕食，點知個份量都唔輕，大碟到可以當係一個main course，配料有雞肉、牛油果、芒果、車厘茄、生菜同杏仁片，非常足料😆雞肉質感嫩滑，牛油果熟嘅程度啱啱好，夠軟滑creamy，芒果好香甜，撈埋麻醬一齊食好開胃，健康得黎又好味😋🍤🍝黃金鹹蛋忌廉鳳尾蝦意粉 $108鹹蛋黃忌廉醬汁濃厚，每一條意粉都沾滿左醬汁，鹹香味十足，蝦食落爽口彈牙，意粉軟硬度適中☕️🍰卡魯哇咖啡酒提拉米蘇 $68呢個賣相吸引，望落層次分明，忌廉入口幼滑，咖啡味香濃，酒味都好突出，整體都幾好味🤤

我和老公每次到銅鑼灣都到某幾個地方食晚餐，好似試新嘢，今次四圍行，去到 Fashion Walk, 見到牧羊少年咖啡館，佢話要扮文青，我就暗爽，因為我恨食呢間好耐。去到門口，先被門外大柱上的字吸引，我們坐在近門口的枱，雖然好似店面不大（其實店內有許多枱），每張枱都有私隱度，呢樣就啱我鍾意放空的人。我很鍾意試小店的薄餅，見到芥末又一定忍唔住要試，「法式芥末雞肉薄餅 」中晒我鍾意嘅嘢，這個薄荷的芥末好醒胃，本來是主菜，卻很適合當我的 appetiser🤤兩人好快 K.O. 薄餅，老公食慣其他地方的”芝心批底”，今次食要佢食薄批底，本來有點意見，點知佢食完芥末雞肉薄餅後，他就愛上了，完全令佢改觀，就好似食了法國餐咁，份量不重，不膩不滯，有品味的感覺😂我被佢笑死。另外我們點了「香煎加拿大保濕豬鞍配蘋果泥」我哋被佢個名吸引叫來試下。上枱好靚，豬鞍果然保濕😝鎖住肉汁，配上蘋果泥，味道好清。。。其實我豬左，開始時，我只被「香煎加拿大保濕豬鞍」吸引了，以為配平時的薯蓉，一入口發覺有清新味道，才知道是蘋果泥。呢個真心推介，2個味道好夾，連不喜歡試新嘢的老公都話得，佢話下次再叫😬咁即係話我哋 list 上

❥𝕋𝕙𝕖 𝔸𝕝𝕔𝕙𝕖𝕞𝕚𝕤𝕥 ℂ𝕒𝕗𝕖✿/𝕊𝕡𝕒𝕘𝕙𝕖𝕥𝕥𝕚 𝕨/ 𝕤𝕔𝕒𝕝𝕝𝕠𝕡𝕤 & 𝕞𝕦𝕤𝕙𝕣𝕠𝕠𝕞𝕤 𝕚𝕟 𝕔𝕣𝕖𝕒𝕞 𝕤𝕒𝕦𝕔𝕖 $𝟙𝟘𝟠𝔸𝕧𝕠𝕔𝕒𝕕𝕠, 𝕞𝕒𝕟𝕘𝕠& 𝕔𝕙𝕚𝕔𝕜𝕖𝕟 𝕤𝕒𝕝𝕒𝕕$𝟙𝟘𝟠𝕊𝕒𝕝𝕥𝕖𝕕 𝕖𝕘𝕘 𝕪𝕠𝕝𝕜 𝕥𝕚𝕘𝕖𝕣 𝕤𝕙𝕣𝕚𝕞𝕡𝕤$𝟡𝟠𝕊𝕡𝕚𝕔𝕪 ℂ𝕙𝕚𝕔𝕜𝕖𝕟 𝕔𝕙𝕠𝕡$𝟟𝟠𝕊𝕡𝕣𝕚𝕟𝕘 𝕚𝕟 𝕂𝕪𝕠𝕥𝕠$𝟙𝟘𝟠𝕄𝕒𝕥𝕔𝕙𝕒 𝕔𝕙𝕠𝕔𝕠𝕝𝕒𝕥𝕖$𝟝𝟚 食物質素唔錯 比市面ℂ𝕒𝕗𝕖好幾多 而且份量好大 我地點得有點多😳意粉熟度剛剛好 口感煙韌唔會軟爛 而且𝕔𝕣𝕖𝕒𝕞 𝕤𝕒𝕦𝕔𝕖好足夠 同埋推介金沙脆雞扒 我地好驚訝原來呢份小食有兩大塊雞扒 雞扒外皮香脆 肉質軟嫩 之前都黎過呢間𝕔𝕒𝕗𝕖 會再黎🥰窩夫都好食超級鬆軟😍😍 加上雪糕🍦冰冰涼涼/✿. 𝚈𝚞𝚖：𝟰/𝟻𝚁𝚎𝚟𝚒𝚜𝚒𝚝﹕𝟰/𝟻𝙿𝚛𝚒𝚌𝚎﹕ $𝟛𝟘𝟘/𝗵𝗲𝗮𝗱˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 牧羊少年咖啡館 (𝔽𝕒𝕤𝕙𝕚𝕠𝕟 𝕎𝕒𝕝