牧羊少年咖啡館 (Fashion Walk)

营业中

休息中

I have tried out this cafe in Shatin branch and the atmosphere is comfy and relaxing The food quality is so good that the we ordered more and more lolllThe chicken salad was so huge that we could barely finish it. The portion is large and you guys better share with each others The strawberry waffle is the must-order item as it’s soft on the inside bringing out the sweet and eggy flavour 🥰🥰

首次試這間老友常掛在口邊的文青餐廳，每次經過都總有人在等位，似乎好受歡迎！發現另一牆上掛著「願你出走半生 歸來仍是少年」，不忘初心牛油果香芒烤雞沙律 - 賣相很豐富，目測應有半個牛油果，烤雞肉入味，肉質軟腍，芒果跟雞肉很夾，車厘茄丶沙律菜加上胡麻醬已經好味金沙鹹蛋黃鳯尾蝦 - 鳯尾蝦被排得整整齊齊，金沙鹹蛋黃蓉看似不多，但是吃得到啖啖鹹蛋香！冰伯爵茶咖啡 - 老友推介，伯爵茶味突出，啖啖香味法式黑糖薑汁梳乎厘 配 雲呢拿雪糕 - 熱辣辣，我哋一致認為味道似薑汁燉蛋日落巴黎 - 窩夫質感偏厚，難怪Menu上註明「二人用」，吃飽飽，心情靚！

放工又係食食食時間，今日同左朋友黎牧羊少年咖啡館，試下係咪咁正。🐷灸燒荷蘭汁豬肉排：兩層嘅豬扒加上經典荷蘭汁，豬扒肉質鬆化嫩滑，有肉味，絕對扺食又好食。🍎法式蘋果撻配雲呢拿雪糕：即製既蘋果撻正呀，底皮酥脆，蘋果帶肉桂味，雲尼拿雪糕係撻上溶化。🍹自家調配菠蘿Lemonade 配伯爵茶鳳梨酥：菠蘿檸檬特飲冇想像中咁酸，非常開胃又清新，仲有一片乾橙。鳳梨酥方面：甜味中和左lemonade既酸味，食到陣陣伯爵茶香。🌿餐廳環境好好，燈光柔和舒適，適合影相。員工有禮貌，認真細心，值得一讚。

相信好多香港人都鐘意台灣文青cafe雖然而家冇得去旅行🛩️黎牧羊少年咖啡館☕感受一下文青色彩都唔錯㗎🇹🇼台式cafe較著重細節無論係調味或烹調手法都非常認真🧋🐣是拉差醬法國雞翼雞翼好高質夠大隻而且肉質好加上辣味炸粉炸完再灑上香草配微酸既是拉差醬好味呀🍝三文魚籽和風蜆肉意大利粉忌廉汁非常濃郁而且每啖都食到蜆既鮮味配搭三文魚子鹹甜好滋味☕卡魯哇咖啡酒提拉米蘇Tiramisu也有驚喜芝士同咖啡味既甜品口感細滑入面仲有朱古力粒令味道更有層次唯一不足係手指餅乾咗少少🍺牧羊少年浪人手工生啤餐廳獨有嘅自家製作啤酒非常有誠意

💛今日個friend話想喺銅鑼灣食嘢 我第一時間諗起呢間CafeIced Americano $40 偏淡味 有啲貴😂我唔飲得奶 呢度latte冇得轉oat milk or soy milk 但我又好想飲咖啡 嚟到都幾細杯 個杯窄身 唔太滿足 師奶仔啲計落好似好唔抵😂😂朋友嘅水果茶睇落幾好 都係細杯😂朋友叫咗牛油果烤雞沙律佢話所有生果都幾好味 估唔到上面嘅麻醬同牛油果幾夾👍👍本身我係好鍾意食all day breakfast可能期望太高所以有啲失望 香腸好油 入面有一條條嘅香料會食到渣煙三文魚好淋 一pat pat 咁黑松露炒蛋其實冇乜黑松露味 下面嗰包係無味嘅 唔係好味嘅包亦都唔香口煙肉幾香 呢個唔錯👍👍蘑菇唔知係咪因為我最後先食 已經凍哂 正常啦😂😂最後我食呢一個好似西米露嘅嘢 結果佢個味真係椰奶味黎 我估佢係奇亞籽 感覺好似幾健康🤣

🐏牧羊少年咖啡館 (Fashion Walk) 🔍銅鑼灣記利佐治街11-19號Fashion Walk地下17號舖-----呢間Coffee shop☕唔經唔覺係香港已經開咗差不多8年，記得我第一次食嘅時候仲讀緊大學（自爆年齡系列），雖然多年黎一直維持高人氣，但係港島一直都無分店🤪。終於！！最近比我發現咗佢係銅鑼灣Fashion Walk開咗新店，愛吃嘅港島人表示真係Very happy happy啊！🐖香煎加拿大保濕豬鞍配蘋果泥 $158豬鞍食落質感猶如其名，好似敷完Mask咁「保濕」，雖然本來就無多餘油膩感，但喺酸甜蘋果泥嘅加持底下，整體味道更顯開胃。另外，伴碟嘅薯蓉亦不比主角豬鞍失色，牛油奶油香氣同薯仔嘅薯味互相輝映，誰也沒有搶去誰的風頭。🍕日式大阪燒風味煙三文魚薄餅 $128Pizza餅底夠薄夠脆，煙三文魚份量落得毫不手軟，加上芝士、柴魚、紫菜條同帶微微辛辣嘅芥末蛋黃醬，食落鹹香中帶點鮮味，鮮味中又不失個性，高質。🍰是日蛋糕 $42 佢哋嘅是日蛋糕一共有三款，分別為朱古力蛋糕、雜莓蛋糕&蜂蜜蛋糕，三心兩意幾分掙扎之後，就叫咗蜂蜜蛋糕🍯。點知嚟到之後，貌相竟與想像中大相逕庭，呢個

其實冇得去旅行又有咩好怕喎好耐無去旅行，成個腦都係旅行旅行旅行，思旅行成狂嘅我，日日係IG post以前嘅旅行相，朋友仔頂我唔順，就帶我黎呢間以旅遊為主題嘅咖啡店食晚飯。🛫～～～朋友話呢間餐廳成日都舉辦同旅遊、藝術、文化和公益有關之活動，例如文創比賽啊、音樂會啊，真係啱曬我d咁中意扮文青嘅人🤣🤣🤣～～～呢間餐廳以輕食為主，飲品方面又以咖啡為主打，朋友話之前食過，咖啡同食物都有水準，搞到我勁期待呢。～～～我地首先叫咗牛油果香芒烤雞沙律，芒果香甜，牛油果熟度剛好，烤雞量多而嫩，加上酸甜車厘茄，仲有片片香脆嘅杏仁片，食落輕盈又清新。而且佢哋嘅職員會好細心咁問你，想要醬料分開上定係撈埋一齊，服務態度值得加分。～～～之後黎嘅就係三文魚籽和風蜆肉意大利粉，意大利粉軟硬適中，蜆肉份量好多，無沙又彈牙，菇菌好爽口，加埋三文魚籽，鮮味十足，好有水準呢！本來仲想叫埋佢哋嘅咖啡，但係由於太夜，驚瞓唔著，所以唯有留返下一次早d黎食再試下啦～～～推薦度：🔥🔥🔥🔥🔥🔥🔥🔥🔥牧羊少年咖啡館 (Fashion Walk) (銅鑼灣)銅鑼灣記利佐治街11-19號Fashion Walk地下17號舖

近排工作有啲忙，悉逢生日月更要去自己嘅心儀餐廳食Comfort Food，特別推介Earl Grey Tea Coffee！Happy Friday！🍻牛油果香芒烤雞沙律 $108開胃之選，食開嘅朋友都應該知呢度嘅沙律係大大碟，兩個人share就啱哂！半個牛油果丶酸酸甜甜嘅芒果，鷄肉一啲都唔榎！大量羅馬生菜，再加胡麻醬。金沙鹹蛋黃鳯尾蝦 $98一碟8隻，每隻都有鹹蛋黃蓉，好味！日落巴黎 $108朱古力雪糕加香蕉，一向好鍾意呢個組合，窩夫外脆內暖，加埋朱古力醬，真係大滿足！法式黑糖薑汁梳乎厘 配雲尼拿雪糕 $88好香薑味，食落個味道似薑汁燉蛋！影相要快手，未夠一分鐘已經開始慢慢塌，把握時機😆Iced Earl Grey Tea Coffee $68上次飲過，鍾意伯爵茶香味，一試難忘！

Homemade lemonade配伯爵茶鳳梨酥This is so impressive!! 未食過茶味嘅鳳梨酥味道好夾好好食😍令人好掛住台灣🥲Lemonade係偏酸，但我好鍾意☺️照燒汁乾蒜牛柳粒冇諗過會咁好食，牛柳粒冇咩筋，夠淋！黃金鹹蛋苦瓜雞肉意粉有鹹蛋黃嘅食物一定冇得輸😂勁肥美，雞肉好嫩滑！好好食！法式蘋果批配雲呢拿雪糕酸酸甜甜完全唔會膩，食完餐飯都仲食得落！食過唔同嘅分店，質素有保證，好鍾意牧羊❤️

終於銅鑼灣都埋新嘅分店，之前一直想試，但每次都係大排長龍星期日兩點半落到黎碰下運氣，好彩唔洗等位😀入到餐廳人比較多，檯與檯比較近，餐牌嘅款式唔多朋友就叫左厚切難扒蕃茄沙律菜意大利包拼蜜糖芥末薯角🍟，比我想像中份量夠足料，每啖都覺得好豐富，唔會好乾🌮而我就叫左黃金鹹蛋忌黨鳳尾蝦意大利粉試試，鹹蛋黃味襯熱覺得味道出乎意料地夾👍唔會覺得太膩🍝飲品方面試左凍伯爵茶咖啡同涷梳打濃縮咖啡，整體上唔錯

今日去咗銅鑼灣度做嘢 做完之後就同朋友周圍搵間舒服嘅餐廳慢慢坐下食下嘢 行過呢個商場就見到牧羊少年 我本身食過太子嗰間 質素非常之好 所以就提議入去食飯入到去環境好舒服跟住我哋就叫咗一個蒜香雞翼 雞翼炸得好脆口 外脆內軟 肉汁好豐富 而且雞翼都冇雪味 炸得非常好 加上酸酸尾尾嘅沙律醬 食得好開胃之後就叫咗一個保濕豬鞍扒 顧名思義 佢真係非常之多肉汁 豬扒亦都好厚切 食落啖啖肉好滿足 而且豬肉味好香 油脂又豐富 比一般嘅煎豬扒高出好多皮最後就叫咗一個香蕉朱古力雪糕窩夫 非常之豐富 香蕉加朱古力雪糕配上新鮮整起嘅窩夫 又脆口蛋味又香 令人一食上癮 呢餐好滿足

7、8年前食過長沙灣店的lunch，當時覺得食物質素麻麻地，所以留下了壞印象。近年見佢愈開愈多分店，食物又精緻，就心旭旭想再比多次機會佢。咁岩終於有港島分店，星期五晚7點幾walk in 都要等一個中先趕得切係9點last order 前入座。一入座就即刻order 左豬胺同窩夫，店員提醒豬胺要約25分鐘準備，問我係咪確定要，因為真係好想食所以堅持要，好彩無失望！豬胺肉質唔錯，厚切得黎keep 到肉汁，知係咪臨近收店，連伴菜份量都好多，好彩無叫多個沙律🥗唔係實食唔哂！必食的甜品！即製的窩夫外脆內軟，又夠厚身，好有口感

終於食到港島第一間分店^_^之前都係喺太子食 估唔到喺銅鑼灣都開咗分店明太子鳳尾蝦意大利粉意粉好重明太子味又creamy濕度軟度岩岩好！蝦仔幾大隻，爽口得嚟幾彈牙份量都好多，有好多隻仲有鳴門卷🍥🍥法式芥末雞肉薄餅🍕🍕估唔到芥末可以同Pizza咁夾上邊有雞肉同蘑菇仲有芝士拉絲✨✨芥末唔係話好辣果隻，調下味幾特別！Pizza邊一啲都唔乾 仲好脆卜卜士多啤梨窩夫四大件窩夫 🧇旁邊配料豐富士多啤梨果醬 士多啤梨粒粒 雲呢拿雪糕 鮮忌廉窩夫大件，口感鬆軟 好厚好實在感！連埋雪糕再配埋酸酸地嘅士多啤梨粒完全中和左雪糕嘅甜，但係又好夾

自從12年在太子長沙灣等店試過牧羊少年後，覺得呢間文青餐廳好有特色，背後的旅遊X漂書文化令到成個品牌更有意思。見倒今日開咗咁多分店，銅鑼灣仲要係香港島第一間分店！即刻嚟支持下！黃金咸蛋忌廉鳳尾蝦意大利粉呢個邪惡之選！黃金忌廉醬好濃，啖啖咸蛋香醬的意粉真係食唔停。是拉差醬法國雞翼五隻大大隻嘅炸雞翼，炸得夠香脆，配埋是拉差醬，辣辣地又幾好食，值得一試！蜜桃奶酪清清地的乳酪味加埋蜜桃香，幾啱夏天！香蕉朱古力窩夫（配朱古力雪糕）呢份窩夫性價比超高，足足有四大塊窩夫，窩夫外脆內軟，配埋勁多的朱古力醬，鮮忌廉同兩大球嘅朱古力雪糕一齊食，真係兩個女仔都夠食！真係大滿足！呢個下次嚟一定encore!餐廳環境舒適，服務態度十分好。牧羊每間店舖都好有自己特色 。眼看店舖的配色都唔錯，主調藍色好舒服。要讚下D餐具好靚，隨便都可以影倒一張文青相。

Happy Mother’s Day!🤰1. 日落巴黎 $108係香蕉朱古力窩夫 一上枱個蛋香味已經飄咗出嚟 好鬼香 食落個窩夫仲暖暖地 少少脆 朱古力醬唔會太甜 幾濃 加啲cream 醬同雪糕一齊食 真係大滿足2. 日式大阪燒風味三文魚薄餅 $128幾特別 未試過食咁fusion 嘅pizza 三文魚都足 每一個slice都有 再加上芥末醬 都幾新奇個配搭 批邊都脆嘅 餅底就偏硬3. 抹茶可可朱古力 $52幾creamy 飲落都幾smooth 朱古力味重啲4. 蘋果蜜桃鮮打紅茶 $52幾清新 甜甜地咁 仲有啲茶香味Overall推介指數：4-4.5/5銅鑼灣新店個裝修幾文青 張枱雲石枱 幾靚 嘢食都唔錯 得閒過黎食個brunch都幾開心