牧羊少年咖啡館 (Fashion Walk)

营业中

休息中

見到佢上咗open rice人氣排行榜，就試吓去食啦。是次自取外賣，准時可取，食物質素一般。沒什麼特別好特別的食物會留下深刻印象中和驚喜！他們的食物份量不大，普通西餐廳，一試無防。但應該冇下次，皆因每人叫咗個正餐再加個沙律🥗和小食.都不是很滿足，原因不是胃口大，而係因為佢哋的分量真的不多。唔take away 會好D,因為你可以打吓card，變得更好更加多價值。在銅鑼灣地帶這個價格還可以，連鎖店應該生存到的。

朋友即興約下午茶，係銅鑼灣放工，於是就提議來返‘牧羊少年’咖啡館，只因上次係太子分店食完之後，覺得可以返兜👍今次點左個‘炙燒荷蘭汁豬肉扒’同埋‘法式蘋果批‘，仲有杯幾特別飲品，係熱利賓納陪檸檬🍋😂，個豬頭扒係上次食過，入口鬆化，啲肉質唔韌，豬肉都整到咁算係咁，配埋個醬汁好夾，個蘋果批又係高質，餅底烤到好脆，蘋果味好出，份量對得住個價錢，係杯嘢飲無咩特別，連利賓納味都無🙈呢間cafe整體來講食物都算不過不失，偏高質，係下午茶時段會限時，唔比吹太耐水。

呢間連鎖cafe間唔中就會幫襯一次，貪佢食物質素有保證又唔貴，呢排發現係銅鑼灣fashion walk開左新舖，仲要係港島第一間分店！牛油果香芒烤雞沙律// 好足料！成個配搭都好fresh~最驚喜係個芝麻醬，濃得黎又唔膩，令成個沙律更加香千島海鮮薄餅// 個餅低係似餅乾個種薄脆質地，個芝士料仲厚，瘋狂拉絲好正！香煎加拿大保濕豬鞍配蘋果泥// 本身見咁厚以為會好乾，點知真係保到濕㗎！配埋蘋果泥食一啲都唔油，連配菜煙肉薯蓉同煮雜菜都用唔同方式烹調，超有heart冰水果茶// 估唔到野飲都出色，唔會太甜，茶味又夠濃，仲有真生果係入面抹茶可可朱古力// 冰凍忌廉配熱朱古力，成個口感超爽，抹茶味又唔會蓋左可可味蜂蜜蛋糕// 呢個好似係土耳其嘅名物，想試好耐，層次好豐富，香料味好出，整體都值得一試

這次去了牧羊少年，裝潢簡潔漂亮，燈光喑淡很有情調，主菜、小吃、甜品和飲品選擇多多，一間不錯的餐廳🐙$68 燒汁焗八爪魚丸非常喜歡這碟小吃，醬汁咸咸甜甜，與彈牙的八爪魚丸非常搭，八爪魚粒也頗多😍🍗$68 是拉差醬法國雞翼上菜時新鮮滾熱辣😍，炸漿厚度剛好，雞肉嫩口，醬汁帶點辣🍹$56 蜜桃奶酪雖然是奶酪，但清新解膩🍑，下次試蘋果蜜桃冰茶🤤🧇$108 日落巴黎（香蕉朱古力窩夫配朱古力雪糕）這個甜品打卡一流🤤，份量十足，為這頓晚餐畫上完美的句號

牧羊少年cafe嘅分店都食過唔少次，食物質系唔錯之餘更加鍾意佢唔同分店嘅主題，例如沙田分店就有齊一年365日嘅郵寄櫃，葵芳分店就有好多關於旅遊嘅書藉資料，今次銅鑼灣新開呢間分店就走型格路線，顏色都係黑、白同冷色系為主，餐廳門口正中就有一個大水吧枱，餐枱都係雲石打造，門口係落地大玻璃，四周亦有綠色植物點綴，整體型格得嚟感覺都好舒適。我地坐窗邊二人枱，枱面面積唔大，好快就叫滿了全枱食物。灸燒荷蘭汁豬肉排 ($78)平日食egg Benedict先會食到荷蘭汁，今次竟然見到menu有荷蘭醬汁豬肉排，配搭咁新穎當然要一試！豬肉厚切但依然煮得嫩冧同鎖住肉汁，冧上荷蘭汁又幾配合，唔會覺得膩之餘反而食得更惹味，亦唔會掩蓋豬肉原有鮮味，呢碟絕對係個意外驚喜！千島海鮮薄餅 ($138)呢度嘅pizza 全部都係薄批底，材料十足，有墨魚仔、鮮蝦、蟹柳，批底烘得脆口，配上千島醬係穩陣好味之選。蒜蓉牛油炒鬼佬雜菜 ($68)見叫左不少煎炸野就叫返碟炒雜菜中和一下味蕾，呢碟雜菜份量都唔少，價錢合理，雜菜只係用蒜茸作調味，所以味道偏清淡，啱晒想食碟淡口嘅我地。燒汁焗八爪魚丸 ($68)原本以為會似日本嘅章魚燒，但

冇得去旅行已經一年多早會掛住可以周圍飛嘅感覺好在留喺香港可以食到周圍唔同地方嘅國家菜式其中呢間咖啡店由旺角小店開始做起仲記得佢以旅遊為主估唔到已經開到去銅鑼灣放工打算去食一轉餐廳好高雅但座位就有啲細小菜式都比較多今次點左大阪煙三文魚pizzaPizza面嘅木魚片 就好似大阪燒咁樣搞到三文魚分量有好多 而pizza餅底係薄底係我嘅至愛，香脆可口，算唔錯此外仲叫咗個好特色嘅意大利粉鹹蛋黃雞肉意大利粉因為見到鹹蛋黃再意大粉聽落奇奇怪怪，但鹹香嘅鹹蛋黃料加埋雞肉粒原來個口味都幾特別而且越食越開胃呀值得一提嘅係，鳳梨特飲非常可口，鮮甜嘅果粒，非常爽口而且配上香港製嘅鳳梨酥都幾好食

係fashion walk開左一排既cafe，有輕食/主食/甜品，每樣都好足料又好食，價錢相宜，推介😋-牛油果香芒烤雞沙律 ($108)沙律有幾款，其中依款係用芝麻醬，沙律菜新鮮爽口，每樣餸都好足料，牛油果新鮮，雞扒嫩滑😋成碟都好飽肚！-鮮菌帆立貝意大利粉 ($108)意粉有六款，估唔到咁大碟，一個男人食完都夠飽😆忌廉醬汁吾會好漏，芝士味十分香濃，意粉彈牙，啖啖都有汁，仲有好多菇菇😋-藍莓乳酪 ($56)飲品除左咖啡之外，想飲fresh 既有花茶，仲有乳酪飲品，入面有d果肉，又吾會好甜，乳酪味好香🥤

「牧羊少年咖啡館」終於殺入港島區😝位於人流極多嘅Festival Walk 裡面，每次經過都見好多人排隊等食飯。受歡迎程度並唔會因為多咗分店而減少。今次趁平日放工後去碰吓運氣，見店內仲未滿座就即刻衝入去😂😂店內有個開放式嘅飲品counter，可以隱約見到店員泡製咖啡及其他特色飲品。另外有個高高嘅書架，上面有好多旅遊書供食客閱讀，冇得去旅行唯有睇吓書止吓旅遊癮😆食物餐牌設計好特別，好似一本雜誌咁。除咗有不同種類食物及有關照片外，仲有關於餐廳嘅簡介。睇完先知原來呢間餐廳已經有差唔多八年歷史。當晚叫咗兩款小食、一個主菜同埋一份甜品。兩個人食到飽飽而且價錢喺銅鑼灣算唔貴。▫️是拉差醬法國雞翼(HKD68) - 辣度跟我想像中有出入，酸甜味佔多數，雞翼炸到皮脆肉嫩，啱晒我呢啲鍾意食炸物嘅人😂。▫️灸燒荷蘭汁豬肉扒(HKD78) - 另一款小食，厚切豬扒表面燒到微焦，入口嫩而彈牙。我以為荷蘭汁只會喺食Eggs Benedict 時候才會出現，點知配燒豬扒味道都唔錯喎。▫️法式芥末雞肉薄餅(HKD118) - 餅皮好薄，外表有啲似蘇打餅。個人比較喜歡薄皮，因為可以食多幾件pizza之餘仲可以食到其他食物。

**牧羊少年咖啡館(Fashion Walk)**又回想起第一次同對上一次食牧羊少年係太子果邊既第一店(好似係..)我諗都起碼6年前.同老公行完街 我就提議不如求其搵少少野醫肚就入左黎MENU既排版有D睇唔慣,明明睇到但轉個頭要搵返有少少困難叫左個特別少少味道既PASTA 黃金咸蛋苦瓜忌廉雞肉意大利粉 HKD98唔會太濃味,唔怕有罪惡感,反而略嫌唔夠味,大概係廚師們怕咸黃本身既咸味太重而無落鹽但的確欠缺左少少咸味而令到個味失色左香煎加拿大豬鞍配蘋果泥 HKD158 肉質幾爽口,配埋蘋果泥幾好.可以洗走豬油既肥膩感薯蓉入面應該係加左薯皮 個效果又唔錯渦!卡魯哇咖啡酒TIRAMISU HKD68酒味唔重,食落都幾輕盈埋單仲送咗兩個口罩俾我哋

銅鑼灣名店坊log-on就去得多，諗住走之際經過地下開咗一間望落幾靚嘅餐廳，行沉穩嘅石材做主調，而店員殷勤嘅服務態度亦令我抵受不住同朋友兩個入咗去🤣——————🐽 是拉差醫法國雞翼 $68一上枱已經感受到爽脆嘅雞翼外皮，咬落去雞翼入邊嫩亂多汁，配上以是拉他辣醬製成嘅沙律醬，簡直係一個好邪惡嘅開始🐽 灼燒荷蘭汁豬肉排 $78豬扒同平時食到嘅好唔同，咬落林滑得來又多汁，絕對唔會overcook乾晒，食落豬味濃郁亦唔會好重嘅豬腥味。配上荷蘭汁一齊食，簡直係越食越滿足😜🐽 千島海鮮薄餅 $138望到幅圖就知道啲芝士拉絲有幾吸引😍每塊薄餅都會有蝦、蟹柳同埋墨魚，同朋友分啱啱好🐽 黃金鹹蛋苦瓜忌廉雞肉意粉 $98忌廉雞肉意粉就食得多，鹹蛋配苦瓜呢個配搭就真係第一次見，一開始見到都會有少少抗拒，但見到附近有幾台都嗌左呢個意粉，我都忍唔住要叫返碟試吓😆上台後試咗幾啖，勢估唔到呢個配搭都幾夾，苦瓜完全中和到鹹蛋嗰種飽制咁，令到成碟意粉味道十分平衡🐽 法式蘋果撻 配 雲呢拿雪糕 $78法式蘋果撻賣相好靚，蘋果圍滿一圈，食落都唔會好甜，做飯後甜品真係一流，配埋雲呢拿雪糕，絕對係完美既結尾😇

牧羊少年咖啡館喺2012年開業以嚟已經有超過五間分店, 可以話係街知巷聞, 但我從來都未食過🤣 知道開咗港島區第一間分店, 地點就腳, 放工約朋友食飯就啱晒! 大約7pm, 餐廳已經開始有人等, 但餐廳安排入座流程都幾順暢, 唔駛等好耐。蒜蓉牛油炒鬼佬雜菜 $68時令雜菜種類多, 清新之選燒汁焗八爪魚丸 $68本身以為係章魚小丸子, 原來真係放湯嗰種八爪魚丸, 成粒即炸彈牙, 燒汁開胃!炙燒荷蘭汁豬肉排 $78餐廳採用嘅部位脂肪少, 肉質嫩滑juicy。荷蘭汁入口creamy唔膩, 無諗過呢個配搭咁夾!千島海鮮薄餅 $138比起茄醬或燒烤醬, 我更鍾意千島醬做底嘅Pizza, 餅底厚薄適中, 隻蝦大隻又爽口士多啤梨窩夫配雲呢拿雪糕 $108健康關係特別吩咐餐廳走糖霜同jam。窩夫外脆內軟, 口感鬆化, 食完都唔會覺得好濟, 難怪有啲客人喺晚飯後嚟食甜品! 另外叫咗兩杯茶(洋甘菊, 生薑檸檬)解渴。服務員態度有禮, 又好主動執枱換餐具, 整體晚餐非常滿意, 每道菜都好高質!

一直都未去食過「牧羊少年咖啡館」🐏前幾日終於去試下.鮮忌廉鮮菌日本帆立貝意大利粉🍝帆立貝新鮮大粒😍忌廉汁份量同濃度都適中👍🏻加上磨菇同洋蔥粒就更豐富🍄🧅.法式黑糖薑汁梳乎厘配雲呢拿雪糕🥚黑糖味唔會過甜😉所以仲食到好香蛋味😋而且入面一絲嘅薑😆配埋雲呢拿雪糕好滿足🍨.自家調配菠蘿Lemonade配伯爵茶鳳梨酥🍹菠蘿味比較重🍍檸檬汁令味道更加清新🍋鳳梨酥整體唔錯🤤但伯爵茶味道唔夠香濃

咁啱同囡囡係銅鑼灣行完街,諗緊食咩好啦🧐就見到牧羊少年咖啡館出現係眼前,原來係銅鑼灣開咗分店都唔知添🙈擇日不如撞日!!即刻入去食返餐醫醫肚🤤新店設有2層,上層設有書架可供閱讀📖裝修主要由灰、白色為主調,走休閑文青風格,燈光柔和有格調,感覺舒適😌拿破崙番茄鮮菌本菇長通粉🍝長通粉軟硬適中,🍄配料多,番茄汁酸酸甜甜好開胃,加上芝士粉味道再提升🤩正!日落巴黎🧇香蕉朱古力窩夫配朱古力雪糕,熱辣辣窩夫外脆內軟, 新鮮嘅香蕉片點綴🍌配埋朱古力雪糕同朱古力醬,食到LAM LAM 脷😋濃縮香料熱可可咖啡☕️咖啡面鋪滿Cream+棉花糖,朱古力味濃郁,唔算太甜,飲落有淡淡咖啡味☕️

千島海鮮薄餅，即叫即製，好足料，表面鋪滿墨魚仔、鮮蝦、蟹棒、香草、芝士、千島醬，墨魚仔肉質爽口，食落好新鮮，鮮蝦肉質彈牙，味道鮮甜，蟹棒食落好Juicy，芝士份量多，拉絲效果突出，味道咸香，薄餅口感薄身、香脆。香煎黑椒蒜蓉日本帆立貝，肉質厚肉、肥美，食落啖啖肉，味道鮮甜，配以黑椒、蒜蓉、香草食用，食落好香口。藍莓奶酪，口感濃稠、Creamy，採用新鮮藍莓製作，藍莓果肉份量多，奶酪味道酸甜，飲落好清爽。

牧羊少年屬於名牌之一，喜歡咖啡的人無人不知。自從香港區開了分店，仲要係銅鑼灣核心地帶，真係方便不少。凍伯爵茶咖啡🍹靚女店員推介的，聽講是人氣之選。入口即感覺到茶的清香，咖啡味並不濃厚，不會蓋過茶味，夾味又好飲。黃金鹹蛋苦瓜忌廉雞肉意大利粉認真邪惡！就係喜歡💕！雞肉，苦瓜，意大利麵條滿滿的沾上鹹蛋精華，滿足感爆燈！雞肉肉質比想像中嫩滑，滋味。法式蘋果撻配雲呢拿雪糕OMG! 點解可以咁好味😋即叫即做，邊位焦香，蘋果餡料份量十足，雪糕溶入批中，一冷一熱，味道一流。