牧羊少年咖啡館 (德福廣場1期)

营业中

休息中

Lunch set有餐湯及飲品，點咗鮮忌廉黑松露雜菌長通粉 (98$另別一)，份量大，足料，餐湯係椰菜花煙肉湯，都唔錯，飲品叫咗水果茶，唔洗加錢都有非常多選擇，全部可選凍/熱，唔係剩係得熱飲同檬水/檬茶/奶茶。

沙田牧羊少年餐廳自裝修後已不似以往的質數及文青風格，也少了去光顧。知道九龍灣開新店，又揾個機會去試試。侍應安排座位，初安排我們坐正餐廳中間位置，未坐下已經感覺中間位置很嘈吵，即提出轉其他位置，侍應安排比較入的位置，感覺好好多。食物order了帶子三文魚籽墨汁意粉，整碟意粉有兩粒帶子，如果兩個人吃都啱啱好，一人一粒。反而整碟意粉好多本菇，味道唔錯，都可讚另大阪燒汁煙三文魚pizza有驚喜，食落有少少wasabi味道，更帶出日式口味。另外最失望就是蒜香牛柳粒，要比差差差，3個差嚟形容。牛肉本身應用上平價牛肉切粒用梳打粉或食粉醃製過龍，口感係將一件好煙靭嘅牛肉夾硬醃到佢夠冧咁，但又有好多筋位，總知就係完全唔得👎🏻整體新開張嚟講都尚算唔錯，但某些食物有待過善。

由本身11月開delay到12月終於有機會試一試佢喇其實牧羊少年應該大家都唔陌生。我自己以前都食過k11, 沙田同銅鑼灣果幾間不過今次menu就好似有少少唔同。今次我嗌咗個喇沙鳳尾蝦意大利粉，配水果茶。諗住搞搞新新意思食下fusion嘢🤣🤣🤣試完之後覺得麻麻地🤣🤣🤣可能係因為好多配菜我唔食？！（係 我就是一個簡飲擇食的人🤭）同埋都等咗偏耐不過環境嚟講就幾舒服 又濶落我哋12點前去到就唔洗等位

牧羊少年咖啡館~九龍灣 2/3期代已久食過佢哋嘅將軍澳和銅鑼灣店九龍灣區午市真係要等耐d地方好大位置都唔算迫裝修好靚❤️南瓜湯~稀左d, 唔夠濃稠澳洲100日穀飼牛肉漢堡包~好香牛味,份量好大🤩法式油封鴨腿~外脆內軟😍

本人從來不寫食評，今次因為這家店破例。回想當初第一家店在沙田文化博物館內，令人驚喜，食物、環境、服務皆令人十分滿意，見證着店不斷擴展，為之高興，好東西應該多多益善。但今日到了德福新開的分店裝修雖然精美，但環境十分嘈雜，朋友間說話恨不得貼住耳仔講才可以聽清楚，食物味道不但普通，份量還偏少，最離譜要了杯咖啡，個杯細到兩啖飲晒，請待應幫手影張相留念吓，則求其影下算數，影到人變晒形，沒一張相可以見得人。變成連鎖店品質就江河日下

🍽️我最近去了牧羊少年咖啡館，最近在德福廣場開了新分店，我點了他們的炸雞翼和牛柳意粉，還有點了抹茶朱古力作飲品。🍽️餐廳裝修很不錯，很值得打卡，可是座位比較逼，我三個人坐，彷彿跟別人搭枱似的。🤣🤣炸雞翼的醬料有點特別，可惜炸雞翼有六隻，四隻都是斷骨的😩。牛柳意粉味道還可以，牛柳不算太韌。抹茶朱古力的朱古力味太濃，掩蓋了抹茶味，幾乎沒法感受到抹茶存在的氣息😂。不過整體而言還是可以接受👍🏻

喺德福新開嘅餐廳價錢唔平，但係嘢食係好食嘅裝修都幾靚！但係唔明裝修咁靚佢地方都幾寬敞但偏偏當日坐嘅座位安排非常迫！幾張枱拍得勁埋好似同隔籬兩邊同枱食飯咁😂同陌生人一齊咁樣食飯又唔舒服又尷尬可能要睇你嗰日好唔好彩好彩安排坐係闊落d嘅座位就會舒服啲唔好彩就要成餐飯要同人哋逼仲要好清楚聽到隔離講咩😂😂好唔舒服咁食完一餐俾呢個價錢，但坐得咁唔舒服係呢點比較失望

期待左咁耐 終於開業既德福牧羊少年…星期三7pm，兩位唔洗等。但一坐低真係O咀。咁樣坐同搭台無分別😑重要隔離兩個師奶勁嘈。即刻問有無第2張枱，結果有更逼既枱或者bar枱揀，所以我地選擇走。真係好。失。望。尖沙咀K11鋪位重細都唔洗坐到咁。俾咁貴搭枱又嘈我寧願食茜廊。

牧羊少年都開咗好耐，分店又開咗好多，但真心冇乜特色，除咗個名。下晝見唔使等位，中咗入去，聽到個侍應話用餐時間105分鐘真係笑咗，兩個鐘畀多你，個半鐘又畀客話小家，於是較定一個鐘零四十五分鐘，呢個少年識計數呀！叫咗兩款嘢，一個咖喱乜乜紅燒茄子加菠蘿🍍紅米飯🍚，味道真係好一般，食完之後仲有啲唔對路⋯⋯好似唔覺有食到條燒茄子🍆，究竟響邊？於是問侍應哥哥，佢話響碗咖喱裏面喎？犀利，條嘢煮到融入咗響啲咖喱入面，食咗都唔多覺呀！另一款就係行貨嘅雞蛋夾麵包加塊牛油果同三文魚，味道大路嘢，收你連加一成舊水，伴碟沙律菜都冇條，賣相都欠奉🙄牧羊少年呀，你都開咗成十年有多，大個仔啦，搞好啲嘢食先啦！

今日試左德福新開牧羊少年之前試過尖沙咀將軍澳分店都覺得好唔錯龍蝦汁意粉令人回味無窮今日試左午餐的鴨脾需時25分鐘但有d失望鴨脾皮唔夠脆唔夠熱 可能新開張 未未上軌道 下次會再畀多次機會試試

今日叫咗四個餐，一份系澳洲100日穀飼牛肉漢堡包 拼海鹽薯條，牛肉好乾，冇乜汁，四個餐湯都配咗蘑菇湯個湯好稀，餐飲叫咗兩杯白桃烏龍茶，正常，另一份係俄式牛仔柳意大利粉，味道一般意粉煮得太腍，一份系法式油封鴨腿伴烤澳洲西蘭花．普羅旺斯燉菜佐紅酒燒汁，味道可以，兩杯橙汁，正常，一份英式早午餐，呢個唔錯，嘢食一般唔會有第二次Hello

牧羊少年十號店於平安夜平平安安的Soft Open 了轉眼十年、少年大概也變成阿叔了吧👨🏻新店伙拍得獎設計公司打造一個全新風格嘅空間感覺非常華麗、格調成熟穩重阿叔依家唔止飲咖啡☕️亦開始摸吓酒杯底🍸跟尖沙咀浮萍店一樣德福店亦屬設小酒吧🥃實行日與夜、各自各精彩🌃檯上份Menu 前半部係牧羊少年嘅歷史記載品牌自白揚街元祖店一路走來嘅每一步路途雖崎嶇但總算迎難而上新店取名海市蜃樓Mirage 🏝️係令人有啲睇唔透要啲時間慢慢咀嚼同消化🦷🔖蒜香欖油堤魚意大利粉🍝意大利粉跟堤魚說「來沉沒在我深處吧」堤魚似有還無被告知鯷魚通通被溶化了鯷魚不見蹤影連辣椒也不知去向🌶️🤷🏻‍♀️口中只剩下黑水欖跟蒜片獨自美麗🔖 Latte ☕️