牛魔 (已結業)

中午黎到一間日式烤肉店，餐廳乾淨，坐位闊落坐都坐得特別舒服，最抵讚係一啲油煙味都冇，抽風做得非常好！.Lunch Menu有定食、丼飯，仲有5款燒肉套餐，今日同朋友一人試一款😘♦️和牛特選三種盛♦️每款都有4塊~🔹A4和牛牛肩肉🔹牛肉紋路清晰，肉質也非常軟腍，仲有豐富肉汁，牛味也頗重，個人非常喜愛！.🔹澳洲和牛牛五花🔹四片和牛捲成玫瑰花，牛味濃，肉質較彈口🔹厚切和牛牛舌🔹牛舌厚身，烤過後蘸上蒜蓉同微甜醬油特別爽口，味道十分豐富。♦️More肉盛♦️有五款肉，除咗有A4和牛牛肩肉及澳洲和牛牛五花外，仲有3款雞肉同豬肉，岩哂食肉獸.🔹全天然豚肉五花薄切和厚切🔹兩塊厚切及一塊薄款五花腩肉，五花腩肥肉及瘦肉分佈得很好，入口肉質較為厚實，油份較多，所以燒耐啲可將油份逼出，燒到脆身蘸少少特制嘅醬油同搭配新鮮既生菜，清新不膩！🔹鳥肶肉醬油🔹雞脾肉質地嫩滑，燒完仍有鮮甜肉汁，食完仍齒頰留香。🔹黑毛豬頸肉🔹新鮮的黑毛豬頸肉，在火爐上烤兩烤後，肉質爽口彈牙，掛上醬汁搭配新鮮既生菜，既不油膩又非常惹味！l

開始秋涼就想食下燒肉，自自然然又諗起牛魔，所以今日閒日突登去食佢既lunch set!! Lunch其實都幾抵食但只限星期一至五，去開附近既一定要試下! Set 2 和牛特選三盛有牛肩肉、牛五花同埋牛舌，全部都係和牛嚟。油花分佈好平均而燒落基本上廿秒已經夠哂，面頭焦香但咬落仲有肉汁又唔韌，牛味好濃。特別係牛肩肉，食落真係好嫩! 牛舌就要燒耐少少但都係夠哂嫩又新鮮爽口! 加埋飯一齊食咩罪惡感同油膩感都冇哂!Set 5 More肉盛呢個set就包羅萬有，有齊牛肩肉、牛五花、豚肉五花薄切+厚切、醬油雞脾肉同埋黑毛豬頸肉，鍾意食肉既岩哂，除左飯仲有生菜一齊食，加多一份生菜就要$18蚊，我地都照加咗因為真係好新鮮爽脆，加埋燒肉食可以中和到油膩既口感!牛肉一樣都係好出色而特別係雞脾肉都好嫩同埋啖啖肉食落超滿足!飲品方面我地叫咗可以無限添飲既麥茶同埋巨峰梳打。麥茶一嚟已經係一渣，基本上可以倒到5-6杯唔使再添飲，麥味香都幾清新! 巨峰梳打個人都幾推薦，食燒肉當然要飲下D有汽泡既飲品，好爽!!平日午餐時段其實都幾多人但可以食到咁滿足既燒肉set真係值得既!!

平日lunch hour 尖咀一定人來人往，是日與男友人外出，兩位男士經過「牛魔」和牛介紹，終於忍唔住要試下。牛魔店內上裝修非常特別，外牆印上一個女性頭像，盡顯韓風，而且見到有啤酒機，食晚餐應該非常吸引。午餐選擇多，分一人自選燒肉或者已熟肉食套餐。我點了1.和牛特選3種盛 🥰🥰友人則是2.more肉盛。 大概等了十分鍾食材已準備,賣相相當吸引。1. 和牛特選3種盛🐮🐮🐮A4和牛牛肩肉：肉汁嫩滑，只是簡單兩面燒了30秒就熟。澳洲和牛牛五花：預先醃好，口感更重，牛肉更嫩，友人更搶先試一塊，和牛牛舌改以勁厚質感上枱，網燒大約1分鐘就食得，內裏粉紅外面少少焦香。2. More肉盛肉盛包括A4和牛、黑毛豬引同鳥肶肉及五花腩當中一定要質讚讚鳥肶肉，侍應教我地燒雞肉最好放左右兩邊甘就無甘易黏底啦🥰🥰埋單每人仲有85折，$150左右 絕對會推薦🥰🥰

今日約咗朋友食lunch,佢推介佢公司附近有間食日燒嘅餐廳唔錯，星期一至五d lunch好抵食，所以就決定去試吓。入面環境座位闊落，入到去完全冇燒烤味，所以食完返工都冇問題。睇睇lunch餐牌都幾多選擇，有定食同燒烤套餐，我就叫咗和牛二品餐，分別有A4和牛牛肩肉 ＆ 澳洲和牛牛五花，個套餐有前菜，飯同湯。A4和牛牛肩肉脂肪均勻，每邊燒一燒就好快食得，食落入口即溶，充滿油脂，食落好重牛肉味。澳洲和牛牛五花，卷到好似花形，賣相好靚，d肉係醃過，唔使點醬油都好好味。朋友就食和牛等選三重盛，分別有A4和牛牛肩肉，厚切和牛牛舌 ＆ 澳洲和牛牛五花，佢同我餐差唔多，佢多咗個厚切和牛牛舌，呢個餐有4件，個size都幾厚，食落好爽口，完全唔韌。我仲叫咗巨鋒梳打解解渴，入面仲有類似蒟蒻嘅粒粒，飲落好重提子味仲好爽口。

牛魔 - 一人燒肉專屬 上次介紹過火鍋可以一人一鍋，今日介紹的餐廳都是可以一人專屬，就是燒肉了，位於尖沙咀的牛魔最近推出一人燒肉套餐，有時一個人想食燒肉，都可以在牛魔獨樂樂！一人自慢燒肉套餐所有一人燒肉套餐包括前菜、湯和白飯。和牛特選三種盛 $168牛魔王最愛的和牛套餐，三款不同部位的和牛，牛味重的A4和牛牛肩肉；油脂分佈平均的澳洲和牛牛五花和口感爽彈的厚切和牛牛舌，可以配上鹽粒、燒肉汁一拼吃。More 肉盛 $168另一款點了牛、豬和雞肉都有的More 肉盛，牛肉有A4和牛牛肩肉和澳洲和牛牛五花；另外有全天然豚肉五花薄切及厚切、鳥肶肉醬油和黑毛豬頸肉，梅花間竹的豚五花，可以加入韓式辣醬再用爽脆生菜夾著吃；雞肉是用醬油醃製的，底味夠，輕輕一燒後又香又滑。

牛魔 Yakiniku More—————————————————————1. 和牛特選三種盛 💸$168呢個組合有三種部位，牛肩肉、牛五花同埋牛舌。牛肉本身醃好咗，油脂都幾均衡，牛味好香。牛五花比諗淋，牛肩肉就有咬口啲，厚切牛舌好好食。2. 肉盛 💸$168呢個set就有哂豬牛雞，牛就有牛肩肉同牛五花，豬就五花腩同豬頸肉，雞就雞脾肉，呢個就多啲款色，豬肉都好夠肥，燒落好有油香，雞肉就正正常常。有比生菜你夾住嚟食，仲有啲韓式醬。呢個個爐會自動抽走油煙，食完都唔會一陣味，店員服務好好，會介紹下啲肉。—————————————————————牛魔 Yakiniku More📍尖沙咀棉登徑8號地下5-6號舖

終於都到星期五啦，要食返個豐富嘅午餐先得👍今日同同事去左食一人自慢燒和牛午餐😋😋餐廳環境十分舒服，有五款套餐可以選擇今次就揀咗和牛得盛三種盛及肉盛👍👍《和牛特盛三種盛》有A4和牛牛肩肉，澳洲和牛牛五花，厚切和牛牛舌。雪花和牛😋輕輕燒一燒啱啱好，肉質又滑又好味👍厚切和牛牛舌😋真係好厚切份量好多，好爽口👍👍《肉盛》A4和牛牛肩肉，牛五花，全天然豚肉五花薄切和厚切，鳥髀肉醬油，黑毛豬頸肉。A4岩鹽和牛牛肩肉超級肥美😋😋睇到佢勁靚雪花就知道正野啦😋😋燒完之後都好淋好多肉汁👍燒五花肉😋一定要配泡菜用生菜包住嚟食👍正餐飲叫咗水蜜乳酸及巨峰提子乳酸👍大大杯好滿足👍每一個套餐都會跟一個麵豉湯。餐廳環境非常之舒服，充滿咗日本風。

用openrice 外賣自取落訂單，買左個$85既爆丼牛肉午市套餐，首先要俾多$1，即$86。堂食價都只係$85，仲要係套餐，免費配沙律配前菜同湯，外賣自取只係得飯同汽水。外賣自取既圖係有一set, 現實係完全不符，即使係牛肉份量同其他前菜，湯，沙律都係無既。今早一早落單，但到中午12:12仲未有人接單，咁我就直接打電話去牛魔睇下點解，原來真係漏左，如果我無打電話又係變左玩我。用得外賣app 就係要方便，而家我就一D唔方便仲要貴又無晒套餐應有既食物。大家自己睇下理想同現實差幾遠午市套餐堂食餐牌有齊一set架

星期五放半日假，lunch 去左食燒肉一人餐$168 仲有八拆和牛特選三種盛 : 和牛牛肩，牛五花，牛舌More 肉盛有五款: 和牛牛肩，牛五花，厚薄五花腩，黑毛豬頸肉和牛肩，霜降油花好靚口感柔軟，多汁肉味好濃牛舌非常有彈性，有嚼勁，口感一流牛五花肉近肋骨，肉質較滑，色澤紅潤，油脂分怖平均，肉既鮮味同油脂香味一共係口中擴散厚切& 薄切五花腩厚切五花腩食落比較彈牙薄切五花腩食落比較爽口兩種食法都好好味$168 呢個質素真係超值

經上次試牛丼後😍今次決定一試燒肉😎個餐廳較為寬敞抽氣也做得相當好（唔會煙霧瀰漫）別具日本風午市價錢屬合理價和牛特選三種盛 $168🐂牛五花（有研製）：肉質較為嫩🐂牛肩肉：肉質較堅實，食落有少許筋🐂牛舌（厚切）：嚼勁十足，牛味濃郁#個人喜愛牛五花，肉質嫩滑和入口即溶肉盛 $168（鐘意乜都試的建議試以上哩款）🐂A4和牛牛肩肉：肉質較實，有嚼頭🐂澳洲和牛牛五花：肉質較為嫩，容易入口味道偏佳🐷天然厚切五花腩：肉偏肥，燒後香口juice（建議用生菜包五花腩及泡菜一齊食，減少油膩）🐷黑毛豬頸肉：豬頸肉食落爽口，味道偏淡🐔鳥月比肉醬油：雞腿肉較嫩滑，再加上一層的芝麻，另雞肉香氣提升👈🏻左邊（唔知點解用Hoegaarden杯🙈）推薦女士飲：生薑蜂蜜熱飲（平時出入冷氣，飲返杯生薑暖返個人）👉🏻右邊巨峰梳打特飲：味道不過不失附上部分肉寫真🙈

冇訂枱，好早去到餐廳，未夠6:00 ，已經開始肚餓，食夜晚飯所以朋友都揀咗幾款唔同嘅牛，啲牛就好似圖片咁，非常之好味，要入口即溶嘅肥膏版又有，要有咬口嘅都有。配菜有中華沙律、泡菜，都係無限添加嘅。唯一挑剔嘅嘢就係，我哋嗌左其他嘅嘢食，嗌咗個泡菜煎餅，點知感覺極度差，泡菜煎餅冇泡菜，煎餅又唔係熱嘅…所以總結，除咗叫牛之外其他嘢可以唔使，最少係泡菜煎餅千祈唔好叫最後埋單$900兩個人食

笫一次試，唔洗唸便試了二人晚餐C set，$1100. 套餐包了A4和牛海膽刺身兩件，和牛和海膽都好新鮮，不錯。跟住食蘋果和牛他他，略嫌牛肉沒有什麼味道，還要自己搞的，法式的做法就會有點酸或鹹的味道。之後上A4野原燒及三藏和牛盛宴。牛肉肉質都新鮮最後上了黑松露肉碎炒飯，沒有好大的黑松露味，反而好喜歡雞脾肉，好嫩滑，是曰本的。由於餐廳不是很大，大部份都是預訂枱，所以記得訂枱先去。

放工約左朋友出去睇戲，睇戲前就睇下食咩，朋友想食烤用就想起去位於尖沙咀牛魔，環境寬敞舒適，服務都很好👍🏻 一間高質的日式烤肉餐廳🍴坐下來就睇睇餐飯前菜香蔥牛脷薄薄一片，撒上香蔥來食，有口感，食起來有牛舌的爽彈口感，香蔥有少少輕微的辛辣味道😋😋😋豚肉五花腩（厚切）豚肉五花腩很厚，肉質相當juicy，味道可口😋😋😋啖啖滋味！日式炒烏冬上枱時木魚絲在熱氣上郁動，賣相很吸引，內裏有八爪魚等材料，吃烤肉後配上一個炒烏冬，烏冬質地彈牙美味可口！

成年無嚟過呢間餐廳，今次舊地重遊，高質食物依然不變！兩款前菜無限添加，我特別鍾意食佢嘅中華沙律，同平時出邊食都係唔同㗎，唔會得個咸字，感覺清D，真正起到開胃嘅作用！呢度嘅餃子幾特別，餃子本身做得皮薄又煎得香脆，配上炸到脆卜卜嘅櫻花蝦，顏色配搭悅目得黎又可以增添風味！`推介呢度嘅牛舌，片片薄身又工整，喺鐵板上輕輕一燒已經OK，配上我最愛嘅香蔥，點少少岩鹽，感覺到牛舌嘅爽彈同香味！另外都好鐘意呢個老饕澳洲和牛牛板鍵，油花分佈均勻得來唔會太over，有香甜肉味，嫩口得黎有d彈牙！呢度俾我嘅感覺基本上無變，保持質素！

唔知咩咁高興，今晚決定豪豪佢，走去食和牛燒肉。坐下來先點飲嘢，慢慢想食乜。鳳梨梳打特飲及生薑蜂蜜茶各一，大杯抵飲又好味，鳳梨嘅味道很濃郁，足料。侍應教我哋先燒牛後燒豬，否則豬的膠質留在烤爐會黏住，學到嘢。我哋先燒牛香蔥牛舌，把椒鹽鳥髀肉放旁邊唔會咁易燒燶雞皮，又係侍應上菜時叮囑，真心感激。牛舌上加了蔥汁燒完冇咁乾，好好味。椒鹽雞髀肉醃味好，口感很香又嫩滑。黑毛豬頸肉非常好，肉質好，有口感，我成功烤到微焦，香氣十足。最後來一份辣豆腐海鮮湯，再加一碗白飯食，感覺完美飽肚，正！海鮮湯辣辣地，豆腐極之滑，蝦大隻又新鮮，青口一樣好，湯夠熱唔油。大吃一頓真開心。