牛響度麵館 (Aeon Style)

营业中

休息中

牛響度麵館位於黃埔Aeon地下美食廣場小店，價錢親民和份量大碗，餐牌以牛肉為主打🐮，特別適合鍾意吃牛朋友仔，環境簡約舒適不錯☺️💫沙茶牛雜湯麵 和 沙茶牛三寶湯麵🍜兩碗湯麵牛類新鮮入味，滿滿的沙茶醬香氣，湯底濃郁配上彈牙的麵條，特別喜愛金錢肚入味爽口，牛筋軟身，肉質鮮嫩，口感層次豐富，大滿足！🌟💫孜然雞翼雞翼炸得外皮酥脆，內裏肉質嫩滑，面灑上孜然粉及黑芝麻，熱辣辣香噴噴🔥絕對有質素🤩💫涼拌青瓜吃麵怎可以沒有配菜，加了一份小食涼拌青瓜清爽可口✨解膩又開胃，與牛肉麵完美搭配🥒💫跟餐樽裝烏龍茶及大麥茶☕️粲後飲茶🫖清爽解膩👍🥳

假日真好少煮飯，通常一家大細出去覓食，簡單啲喺附近Shopping完就去喺AEON food court食麵🍜🍽️ 沙茶牛三寶湯麵呢間麵店最出名就係牛，所以一定要試佢嘅牛三寶，包括牛肉頰、牛筋、金錢肚同牛骨湯🤤個湯頭真係好濃郁⋯而有少少辣嘅牛肉頰好重牛味仲夠晒滋味😋個麵軟硬適中好大碗，真係好抵食！🍽️ 慢煮手撕雞熱拌刀削麵所有面加$5就可以轉熱拌刀削麵，刀削麵煙煙韌韌，Lisboy食到舔舔脷🤤加埋大量嘅胡麻醬同青瓜絲，夠晒清新🥒粒粒嘅手撕雞都好原汁原味，配埋一齊真係冇得輸！🍽️ 鮮蝦豚肉小雲吞淨食我哋揀咗20粒鮮蝦豚肉小雲吞俾Lisboy 食😋試完牛骨湯，當然要試埋佢哋嘅豬骨湯，呢個小雲吞配豬骨湯，清清甜甜，鮮蝦豚肉雲吞，細細粒易入口，Lisboy食完一粒又一粒😆🍽️ 泡椒魚皮 & 冷泡黃金大麥茶叫粉麵加$19仲可以轉套餐有一個小食同埋嘢飲我哋就揀咗泡椒魚皮同埋黃金大麥茶解解口渴🙃估唔到個泡椒魚皮入口輕微辣，後勁咁凌厲😝 Spicy🔥好彩有呢個大麥茶🍹濃濃嘅茶香味，大麥味好出，冷泡茶可以飲完再加水味道都仲keep到，真係要讚一讚！

唔講唔知黃埔船入面隱藏左個美食廣場，餐廳數目唔多，但勝在咩野都有，今次試左間主打牛肉麵既店，話自己係食牛既響導，睇下係真唔係真。.🔹沙茶牛三寶熱拌刀削麵🔹一碗包晒金錢肚、牛筋、鹵牛面頰，係選擇困難症人士必點。天氣熱冇叫湯麵，叫咗熱拌刀削麵。成碗麵牛肉既遮住晒刀削麵，餸既份量好多，揀左椒麻醬，辣辣地好惹味。金錢肚、牛筋、鹵牛面頰都好平均地好味，鹵得好入味，腍度適中，刀削麵亦夠彈牙。🔹韮菜豚肉小雲吞🔹20隻都只係$48,勁抵。餡料新鮮，皮厚薄剛好，細細粒一啖一隻，湯底可以揀牛骨湯或豬骨湯，清清地。🔹口水慢煮手撕雞🔹冇諗過雞絲可以咁嫩，每條都好軟腍唔柴，配上口水汁同青瓜絲，酸酸辣辣得黎又清新，好豐富。🔹洛神花樣&白桃冷泡茶茶🔹估唔到food court 小店都有每日即製冷泡茶，仲要好多口味，特別推介洛神花樣，無糖又酸酸地，好開胃。.

食晏同同事去咗黃埔Aron Style入面嘅Food Court，見到呢間牛響度，好吸引咁，因為本身鍾意食牛，見到好多款都想食，所以就試下。沙茶牛三寶湯麵，超足料！有金錢肚、牛筋、鹵牛面頰，仲有菜，有半隻蛋，蛋好滑，並唔係實蛋。個湯底我就揀牛骨湯，真係好香牛味，可以話想連湯都飲埋呀。同事就叫咗慢煮牛脷湯刀削麵，湯底係椒麻蕃茄湯。酸酸地辣辣地，好開胃。牛脷好淋身，好香好好食。至於兩個麵底都係唔會好淋過硬，仲好大碗！跟餐$12蚊仲有手工冷泡茶，我揀咗綠研茉莉茶。同事揀咗柳橙果冷泡茶，橙味好濃，好足料有果肉，仲有茶嘅回甘味。另外，見到小食都吸引，所以試咗一份黃金雞球(8件)，新鮮即叫即炸，椒鹽味超香，雞肉都好嫩滑，好食呀！

又係星期三去黃埔船行下，順便食牛響道麵館，雖然係星期三，但係food court位置都仍然有位置炸邪惡鹵豬大腸每次我們都必點的炸豬大腸，今次都一樣有嗌，雖然係真係好邪惡，但真係炸得好香脆， 份量都好多，炸大腸下面有好多青瓜，可以解膩孜然雞翼孜然雞翼好嘢味，燒得香脆，裏面好juicy，底未夠沙爹牛雜湯麵牛雜湯麵好多餸，牛蒡，牛肚，牛肺，樣樣都炆得好淋好入味，同埋清潔得好乾淨，沙嗲湯底濃鬱，面底軟硬適中惹味豬頸肉牛湯麵豬頸肉炸得好爽脆，煙煙靭靭唔會好肥膩，炸得好好，牛湯底清甜，好惹味百香果 & 青蘋果冷泡茶兩個自家製的冷泡茶都好清甜，好fresh

今日約咗朋友喺黃埔行街買嘢，行到攰攰地，就喺aeon入面嘅food court食午餐，食飽仲可以行下aeon我哋叫咗2碗麵+2個小食+2個飲品邪惡鹵豬大腸湯麵 $52豬大腸洗得好乾淨，沒有肥膏，鹵得入味，還有半隻流心蛋，上海麵爽口彈牙，揀咗牛骨湯底，好香好濃郁。惹味豬頸肉熱拌刀削麵 $57豬頸肉炸得香脆，碗內配有半隻流心蛋、青瓜絲和紅蘿蔔絲，刀削麵厚薄適中，仲有幾款醬汁比我哋揀，我哋揀咗焙煎胡麻醬，惹味又好食。麻辣和牛面頰 $38牛面頰炆煮得入味，咬落去有質感，份量都幾多。有少少麻辣，我唔係咁食得麻辣，都可以食到。孜然雞翼（3隻) $24雞翼炸到脆卜卜，孜然香氣撲鼻，十分惹味。跟餐叫咗百香果冷泡茶 $12白桃果冷泡茶 $12自家製手工冷泡茶，茶味夠濃，唔會太甜，又可以解油膩。📍牛響度麵館紅磡黃埔天地第5及第6期Aeon Style地庫1樓WP08號舖

AEON美食廣場位置相當多，都幾多嘢食，今日經過呢檔被牛骨湯香味吸引過黎一試。慢煮牛脷熱伴刀削麵 $57 好少地方有得食牛脷，呢度嘅牛脷份量相當多，口感不錯。刀削麵質地厚實，煙煙韌韌，揀咗招牌蔥油，醬汁甜甜，香蔥味濃郁，撈麵不錯。沙茶鮮牛熱伴刀削麵 $57 鮮牛肉勁多，沙茶醬濃郁，少少辣啱啱好。呢款揀咗胡麻醬，撈埋青瓜同蘿蔔，非常之清爽。粟米豚肉小雲吞 $48: 一大碗淨雲吞有20粒咁多，味道不錯，小朋友最啱。值得一提揀咗牛骨湯底非常清爽，淡淡牛骨香味，唔覺意飲多幾啖。蒜泥白肉 $38 ：賣相不錯，白肉上面鋪咗厚厚一層蒜泥，加上醬汁同埋辣油，非常開胃。抵食又飽肚。

我今日約同好友去紅磡 Aeon 購物，順道去位於場內的食街食午餐，我地巡視熟食店舖後，終於揀了牛響度的熱拌刀削麵作為午餐，我地買了餐後，自己就近選位入座。熱拌刀削麵係配有溏心蛋，青瓜絲，油葱穌，葱花及芫茜。拌麵醬可選：拾香椒麻（辣）/招牌葱油/焙煎胡麻。我點左個 沙茶牛三寶（金錢肚、牛筋及鹵牛面頰）熱拌刀削麵 $80，配涼拌青瓜 $22，餐飲係百香果冷泡茶 $12（跟餐）。好友點左個 韮菜豚肉小雲吞熱拌刀削麵 $52，配烤地瓜球（6件) $26，餐飲係青蘋果冷泡茶 $12（跟餐）。牛三寶炆得軟腍入味，切片牛面頰有咬囗；小雲吞好味，刀削麵軟硬適中好彈牙；青瓜爽脆入味，地瓜球係紫薯做餡，好香口；兩款冷泡茶好清涼。

放工要去黃埔Aeon買點東西，於是順便響food court醫埋肚。📌沙茶牛三寶熱拌刀削麵🐮 $80拌麵醬可選拾香椒麻、招牌蔥油及焙煎胡麻，我地就揀咗招牌蔥油，感覺與牛三寶會比較夾。刀削麵好掛汁，帶蔥油香味，再加上青瓜絲、油蔥酥、蔥花同芫茜，口感清爽而不膩。牛三寶有金錢肚、牛筋及鹵牛面頰。金錢肚質地綿密，彈性有咬口；牛筋充滿骨膠原，非常軟腍；鹵牛面頰肉味香濃，精瘦不肥膩。📌邪惡鹵豬大腸湯麵🐷 $52豬大腸洗得幾乾淨，無腥臭味，亦已去除多餘肥羔，感覺較健康，入口有嚼勁，味道口感俱佳。牛骨湯清甜，潮流興食米線，但呢度有上海麵揀，有驚喜！加埋溏心蛋、芫茜、蔥花及時菜，材料豐富。📌慢煮嫩滋味手撕雞(口水)🐔 $38雖然是小食，但都大大碟好抵食。紅油醬汁帶麻香，配上香嫩手撕雞，吃起來清爽帶辣勁，層次豐富，十分開胃。📌洛神花樣🍷 +$12洛神花樣呈漂亮的酒紅色，相當吸睛。味偏淡不太甜，生津止渴又可幫助消化，最適合夏天飲用。📌柳橙果冷泡茶🍹 +$12樽底有絲絲橙渣，記得搖勻先好享用。入口茶味清香，柳橙汁甘甜，清新解渴。值得一讚是員工服務好好，親切有禮，而食物份量亦相當足夠，CP值高，下次會再黎試試其

通常都覺得美食廣場既餐廳又貴又唔好食，好唔抵所以都比較少食～不過呢間將會改變你既想法🫢呢間餐廳係牛肉麵為主，主打私房牛骨湯上海麵，另外可以免費轉豬骨湯～如果想試埋椒麻蕃茄湯就要額外加$2🍅除左湯麵仲有熱拌刀削麵，唔想食刀削麵可加$2轉上海麵或米線🤗—————————————————————————————♦️ 牛腩湯麵（私房牛骨湯上海麵）🍜：望落去好清但其實充滿著牛既精髓係入面，聞落好香牛味但唔臊，試飲過一啖湯後你會想再繼續飲🤭牛腩都好腍好易咬，牛肉煮晒啲湯一咬係口入面吱晒啲湯好正～麵條口感正常唔會過硬♦️ 手工去皮炸雞扒熱拌上海麵🐔：夠晒辣同麻，味道同重慶冷拌麵一樣，麵質好彈牙同爽口，但雞排有少少扣分口感乾噌噌同埋嚡熠熠，唔夠嫩滑♦️ 蒜泥白肉：少少辣，醬汁食落甜甜地冇咁漏，但略嫌唔夠蒜味🥲評分🖍️(滿分為5個🌕)抵食指數：🌕🌕🌕🌑🌑服務質素：🌕🌕🌕🌗🌑環境：🌕🌕🌕🌑🌑味道：🌕🌕🌕🌗🌑

住黃埔既街坊們食野真係好方便，周圍都係餐廳同商場，今次就介紹黃埔天地的food court 性價比超高既美食———牛響度麵館🐮🍜行街肚餓醫肚，發現呢度有food court, 有幾間不同的店，我們就揀左呢間牛響度麵館🍜食今晚既晚餐，真係抵食又好食喔😋1. 沙茶牛三寶熱拌刀削麵（焙煎胡麻） $802. 韭菜豚肉小雲吞淨食10顆 （牛骨湯） $293. 玉米豚肉小雲吞淨食10顆 （豬骨湯） $294. 炸邪惡滷豬大腸 $38 香脆邪惡份量也多我就最喜歡這個小雲吞，每一口都肉肉，好好吃，而且這個湯啊真的是絕了👍🏻牛骨湯是私房精煉熬煮的，必喝，豬骨湯我也覺得好好喝😛飲品方面，跟餐優惠價：1. 黃金大麥茶 $122. 洛神花樣 $12解渴解膩一流😁

牛響度（黃埔）夏日炎炎，有時候唔係好想食飯鍾意食啲湯麵/撈麵易入口啲今日同朋友中午嚟黃埔搵食係地下一層美食廣場之中～午餐時段好熱鬧朋友介紹話好大份好好食！沙茶肥牛熱伴刀削麵（配拾香椒麻汁）醬汁俾得好足料，成碗麵大過我手掌一開始多料到睇唔到個麵🤭孜然雞翼表面烤得乾脆，裏面雞肉嫩滑剛剛好鹵牛面頰湯麵（轉椒麻蕃茄湯）小小嘅椒麻味帶出蕃茄鮮香，無想像中咁辣，加埋厚切牛面頰😍蒜泥白肉肉嘅份量堆到成座山咁高，醬汁就夠晒味會有少少軟骨嘅部份，咬嘅時候可能要注意白桃/百香果烏龍茶天氣熱嘅時候飲，透心涼✌🏻

週末去Aeon行街，见到food court有这个牛肉面，方便又快捷，性价比不错哦👏🏻嫩滑炸猪扒 热拌刀削面刀削麵寬麵扁扁長長，熱拌口感就比較柔軟點。猪扒很嫩滑，没有面包糠在上面，比较健康，吃起來口感更加好，搭配招牌蔥油，蔥香味十足。溏心蛋滑滑嫩嫩，味道👍🏻牛筋 熱拌刀削麵牛筋份量很足，滷製的牛筋非常入味，搭配拾香椒麻的醬汁，有點辣味別具特色💓還有半個溏心蛋😍鮮蝦豚肉雲吞麵配牛骨湯不同於港式雲吞麵，這裏是手工粗麵，爽口Q彈，牛骨湯很香濃，味道不錯😍滷水牛面頰跟餐只要19，性價比不錯，孜然雞翼也好吃😋黃金大麥茶冰冰爽爽，大麥的香味很濃，還可以消食👍🏻

慢煮嫩滋味手撕雞 蒜泥味❤雞肉份量十足，蒜泥味濃，必點小食!!!五香豬手湯麵 ❤ 湯底可以揀牛骨 豬骨 椒麻蕃茄 我地叫左豬骨湯 米線 配料有 糖心蛋 芫荽 蔥花 時菜，湯底唔油膩，豬手有4件，好有咬口勁煙UN!!炸豬扒拼手工去皮炸雞髀扒 ❤ 熱拌醬汁有3款選擇 拾香椒麻 招牌蔥油 同 焙煎胡麻，我地叫左蔥油!! 真係好香，而配料分別有 青瓜絲 蔥油酥 蔥花 芫荽 紅蘿蔔絲撈埋有咬口既米線，味道一流，而且炸豬扒同雞髀扒入口一D都唔油膩，啖啖肉食落一D都唔嚡口，好香脆可口，最後食埋隻溏心蛋好滿足!鮮蝦小雲吞，淨食10隻 ❤ 蝦同豬肉比例岩岩好，餡料飽滿，大滿足

今日去開黃埔Aeon行街，行到攰攰地唔想去返地面搵食，我地就喺呢度嘅food court度睇吓食咩🤔經過👉🏻牛響度麵館，個名咁得意😅d餐牌又咁有特色，就食呢間啦🍜鹵牛面頰熱拌刀削麵 $57刀削麵揀咗焙煎胡麻醬，刀削麵食落幾爽口，再撈埋青瓜絲、紅蘿蔔絲、炸蒜，口感更豐富鹵牛面頰非常入味，肉質軟腍，份量都幾多🍜沙茶牛雜湯麵 $52有金錢肚，牛肺，牛腸，牛膀，朋友話牛雜好入味，麵條軟硬度適中🐟泡椒魚皮 $28魚皮食落非常爽口，配埋同樣爽口嘅青瓜絲一齊食整體辣辣地幾開胃🥓蒜泥白肉 $38開頭見到個樣以為好辣，好彩食落係小辣，蒜香味比較重，係一款幾惹味嘅小菜🥤玉泉忌廉 跟餐$6🍑白桃果冷泡茶 跟餐$12淡淡嘅白桃味同茶味好夾，食完麵再飲埋凍冰冰嘅白桃果冷泡茶真係好滿足