牛響度麵館 (Aeon Style)

营业中

休息中

💖 牛響度麵館 (Aeon Style) (紅磡)✨紅磡黃埔天地第5及6期Aeon Style地庫1樓WP08號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️每一次去親黃埔AEON買嘢，都會見到呢一間餐廳好多人幫襯，Foodcourt嚟講佢都算係幾出名!!😏因為佢嘅牛骨湯真係好得🤤，好濃郁❤️-鹵牛面頰湯麵🐃 $52呢碗湯麵真係好有水準😋，牛面頰煮得軟嫩，入味十足，湯底濃郁又有香氣，唔會過於油膩🥳，配上彈牙嘅麵條，令整碗面都好有層次感。牛腩湯麵🐄 $52唔好以為牛腩就冇特色‼️呢碗牛腩湯麵嘅牛腩肉質同樣嫩滑，湯底濃郁，搭配啲蔥花同芫荽，增添咗香氣😌粟米豚肉小雲吞🥟 $29呢個小雲吞用咗新鮮粟米同豚肉，口感滑溜，雲吞皮薄，咬落去有驚喜👍🏻孜然雞翼🦴 $24雞翼經過孜然調味，香氣四溢😍，炸到外脆內嫩，勁多肉汁好Juicy😙糖心蛋🥚 $12糖心蛋煮得恰到好處，蛋黃流心🤩，搭配醬油。洛神花樣 $12洛神花樣酸酸甜甜，清新可口。御翠烏龍茶 $12御翠烏龍茶嘅香氣濃郁，喉韻悠長，係一個好嘅搭配，幫助消化。想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇

以前居住在紅磡，經常來到黃埔的AEON逛街，不過自從搬來紅磡之後就已經很少來到。今天下午在附近按摩，便來到這裏吃過下午茶。慢煮牛脷拼牛丸麵，經過慢煮的牛脷，軟腍可口，沒有喪失牛脷的獨有味道。牛丸爽口彈牙，牛肉味道香濃，面質沒有較為爽口大牙，如果面質再爽口一點會更好。油菜，配合牛腩汁的濃味，令到生菜的味道層次更加豐富。慢煮手撕雞，可選擇蒜泥或口水醬，口水醬香辣可口蒜泥味道香濃，雞絲軟硬適中，非常惹味。百香果冷泡茶，冷泡茶加入百香果果汁之後，酸酸甜甜，非常開胃。

我食咗佢個刀削麵真係超級無敵好食佢個牛脷配上特製嘅麻醬好好食唔會好鹹亦都唔會太過辣，然後佢好足料再配上啲青瓜健康晒呀即刻份量啱啱好食完勁飽飽佢亦都有好多小食例如係炸地瓜我哋食咗勁多粒即叫即整入邊仲有香芋味真係好好食六粒$26我覺得係合理嘅仲有啊佢哋亦都有炸雲吞佢嘅炸雲吞真係好好食佢煮打湯麵佢有好多角色各類型嘅湯麵俾大家揀又有豬手又有牛舌又有牛腩我覺得好啱每個人鍾意食麵嘅朋友仔價錢適中喺黃埔就已經有得食啦，好鍾意

今日同FD去吉之島買年貨，睇到food court哩間麵店唔錯，咁試試啦。可口可樂同百香果冷泡茶，跟餐加配，用咗綠茶做茶底，飲落清甜唔會苦，再加埋百香果，味道層次好豐富好清爽。慢煮嫩滋味手撕雞（口水），估唔到小食分量都幾大下，雞肉撕到好細，每一啖都裹曬醬汁，食落香辣嫩滑。溏心蛋（1隻），用甜味豉油醃制，蛋白同蛋黃都好惹味。蛋黃偏膠質，入口即化又好軟糯。沙茶牛三寶熱絆刀削麵，揀咗招牌蔥油撈制。三寶有金錢肚，牛筋同鹵牛面頰，刀削麵用咗臺式果款，食落醬汁偏甜，面有韌勁。牛筋悶到軟爛，醬香味濃郁。韭菜豚肉小雲吞（淨食20隻），小雲吞自家製，食落皮薄肉厚，韭菜味濃郁，一啖一個。湯底用骨頭煲制，飲落清甜，搭配小雲吞一流。

飽肚得黎又大份同埋選擇多既麵食，我最中意就呢到，今次主題係撈麵，我地叫左慢煮嫩絲手撕雞上海麵 醬汁蔥油 ❤ 中意咸香既必點呢個醬汁，手撕雞雖然份量唔算多，但成碗撈埋一齊食，好滿足。手工去皮炸雞髀扒米線 醬汁焙煎胡麻 ❤ 米線唔會太淋，醬汁甜甜，幾有日式風味，雞髀扒啖啖肉，比起豬扒更juicy，夠惹味可口嫩滑炸豬扒熱拌刀削麵 醬汁拾香椒麻 ❤ 佢地自家製既刀削麵，都好有口感，中意厚實既話必點，而家仲好掛汁，豬扒食落都唔油膩，醬汁味濃重椒麻香氣鮮蝦豚肉小雲吞 豬骨湯 ❤ 其實可以簡牛湯，不過因為個餡係豬肉所以已經自動defalt左係豬骨湯，雖然係小雲吞，但粒粒飽滿得黎都唔算好細，2個人share就岩岩好，唔夠食既仲可以叫20粒!撈麵都會跟配 青瓜絲 紅蘿蔔絲，所以都會有D清爽既口感。

周三特價日黎左Aeon，順路在佢個美食廣場食個便飯，揀左食牛響度，佢新開時食過唔錯吖，睇下而家點先😋落完單等叫號，我見廚房密密手整緊餐，好有效率。⭐慢煮嫩滋手撕雞熱拌刀削麵朋友點左手撕雞刀削麵，醬汁要左拾香椒麻，麻麻辣辣很惹味，麵條有嚼勁，加埋軟綿綿溏心蛋，正👍⭐韭菜豚肉小雲吞 & ⭐粟米豚肉小雲吞自己想食韭菜小雲吞，但朋友話想食粟米小雲吞，咁就每樣要十隻試下啦，湯底要咗佢哋嘅招牌牛骨湯，飲落都幾鮮味㗎。小雲吞細細隻一口一隻，韭菜豬肉香口，粟米豬肉爽甜兩款都好食喎。⭐麻辣牛面頰仲叫咗一碟小食麻辣牛面頰，牛肉口感軟嫩，麻麻辣辣好惹味，超正🤤⭐黃金大麥茶 & ⭐白桃果冷泡茶跟主食有優惠價叫飲品，叫咗一支大麥茶同一支白桃茶，麥茶濃郁有麥香，白桃茶有果香但個人覺得偏甜啲。幾十蚊食飽飽，抵啦😋

沙茶牛雜湯麵加椒麻蕃茄湯，牛味濃鬱的牛雜，平均每種牛常見內臟都各有一件，加上微酸辣蕃茄湯及彈牙的粗麵，感覺開胃。而嫩滑炸豬扒熱拌拾香椒麻醬刀削麵即相對香口，大大份炸豬扒好低食，而麵身寬度恰到好處，配上青瓜及芫茜的香平衡了椒麻醬的辣感，還有平時很少見的豬油渣來增添香味。另外溏心蛋控大滿足，有些微酒香味，每個麵都有半隻溏心蛋，以椒麻特色做主打的各種菜式也頗有風味。叫了多種小吃坐鎮，這裏的小食種類非常多，有泡椒魚皮及泡椒雞腳，爽厚的魚皮及椒辣入味的雞腳彈牙。面鹵水牛面頰方面即是爽口牛面肉，嚼勁十足，加上即炸脆皮孜然雞翼，雞皮脆嫩無比，如叫套餐即只需19蚊包飲品，飲品亦包括牛骨清湯即是很有牛腩味的濃烈蒜香牛骨湯及自家製大麥茶 ，真飽不假。

紅磡多嘢食就係人都知，週末簡單啲喺附近Shopping完就去喺AEON food court食手工刀削麵🍜🍽️ 沙茶牛雜湯麵呢間麵店最出名就係食牛，所以一定要試佢嘅牛骨湯🤤個湯頭真係好濃郁好重牛味⋯😋牛雜入味，Lisba最愛牛肚，而個麵軟硬適中仲好大碗，套餐加$19有多份小食同黃金大麥茶，小食我哋就叫咗滷水牛面頰，真係入晒牛味濃，而大麥茶🍹濃濃嘅茶香味，大麥味好出，冷泡茶可以飲完再加水味道都仲keep到，真係要讚一讚！成個餐好抵食！🍽️ 慢煮手撕雞熱拌刀削麵Lisba最愛熱拌麵😍所以叫咗呢個手撕雞醃半刀削麵，手工刀削麵煙煙韌韌，Lisboy食到舔舔脷🤤加埋大量嘅胡麻醬同青瓜絲，夠晒清新🥒粒粒嘅手撕雞都好原汁原味，配埋一齊真係冇得輸！🍽️ 鮮蝦豚肉小雲吞淨食Lisboy最愛雲吞，細細粒，易入口，所以我哋揀咗20粒淨食鮮蝦豚肉小雲吞俾Lisboy 食😋小雲吞配豬骨湯，清清甜甜，鮮蝦豚肉雲吞，細細粒易入口，Lisboy食完一粒又一粒😆因為呢boy食，所以套餐叫咗個腩汁生菜🥬估唔到咁簡單嘅小食，個腩汁都咁出色，Lisboy食得好開心🤤

「響呢度，食牛嘅響導，食出香濃牛味道。」呢句係出自牛響度麵館嘅金句，真係講得好好👍🏻小妹早幾天喺嗰度真係感受得到❤️嗰度就係位於黃埔「吉之島」地庫的美食廣場，餐牌除了有主打的牛料理外，仲有豬料理、雞翼、小食等等⋯菜式選擇尚算豐富，既然嚟到「牛響度麵館」咁當然先嘗試「牛」&「麵」啦！小妹同男友分別點了以下美食：▪️汁煮肥牛湯麵～湯底：私房牛骨湯（香濃好味）上海麵，配溏心蛋 芫醬，蔥花，時菜▪️沙茶牛膀蔥油拌麵（蔥油超香）～拌麵：熱拌刀削麵（麵質唔錯👍🏻）拌麵醬三選一：拾香椒麻 /招牌蔥油/培煎胡麻配：溏心蛋，青瓜絲、油蔥酥、蔥花，芫茜▫️▫️牛膀呢款食材好少機會會單獨成為一個餸，所以望完一輪餐牌後依然決定要佢🙌🏻牛膀屬於稀有部分，一大隻牛就得果少少太不成比例，所以屬於牛雜靈魂👍🏻▪️手工水果冷泡茶～百香果冷泡茶、柳橙果冷泡茶（跟餐$12）果味比較突出，飲落有啲茶包香，幾好飲添▪️小食～蒜泥白肉（小妹一時疏忽醒唔起係辣嘅，仲一度以為係韓國果隻🙈🙈，小妹男友仲話原來你好呢味）不過蒜香、辣油、青瓜、腩肉嘅配搭又好惹味喎🤭🤭～孜然雞翼（炸到金黃色、肉嫩多汁不過火）整體來說，喜歡食牛的朋友不容錯過丫，特別是喜愛

牛腩熱拌刀削麵 $57牛腩既份量好多但有少少碎炆得好林😋😋😋😋揀左椒麻熱拌唔會好搶喉既辣而係慢慢浸出來🌶️🌶️🌶️🌶️刀削麵係香港製造🇭🇰招牌牛三寶麵 $75三寶有牛面頰、金錢肚、牛筋🐂全部都有好多舊😍 份量好足同好入味，牛筋林得來會保留咬口湯底要左牛骨湯，好濃味整體都幾好，份量好足2款麵質都好好唔食牛既朋友都有其他無牛同豬骨湯既選擇👍蒜泥白肉 $38白肉厚度適中好多蒜頭配上香醋仲有青瓜絲可以夾埋一齊清新得來好惹味，食完一塊又一塊黃金大麥茶 $12白桃果冷泡茶 $122款飲品都好清新，即日沖唔驚佢冷泡茶係放左好耐ma.lazycooking

Weekend去黃埔Aeon買餸，拎到大包細包唔想行就決定近近地食food court，估唔到呢間牛響度麵館咁有驚喜。沙茶牛膀湯麵（豬骨湯底）豬骨湯底唔油膩，沙茶牛膀吸滿熱湯，淡淡沙茶味、粉粉地而且口感煙韌Q彈，十分味美。牛膀是指牛的胰臟，含有豐富的蛋白質和低飽和脂肪酸，可幫助增強免疫力，促進蛋白質的新陳代謝和合成。沙茶牛膀金錢肚湯麵（牛骨湯底）沙茶牛膀配牛骨湯底，令牛的香味倍增。金錢肚肉質柔軟綿密又有嚼勁。濃郁牛肉香仲冇騷味，正！涼拌滷豬耳滿滿的膠原蛋白，微辣醒胃。豬耳脆脆的口感，讓您越食越過癮。泡椒魚皮晶瑩剔透，魚皮完整不破又唔腥。爽中帶滑又煙韌。泡椒輕辣搭配青瓜中和，惹味好食。洛神花樣同御翠烏龍茶大茶包冷泡，用料十足。洛神花帶微酸；烏龍茶茶味香濃；兩款都同樣無糖，絕對飲得健康。

第一次嚟AEON food court呢度食野 鍾意食牛嘅我最後就揀咗呢間牛響度麵館沙茶牛三寶湯麵 (走芫茜)湯底係好濃郁嘅私房牛骨湯 配上口感適中嘅上海麵 仲有溏心蛋同蔥 牛三寶就包括金錢肚 牛筋同鹵牛面頰 金錢肚好入味 牛筋富有韌勁 第一次食牛面頰估唔到係入口即溶仲幾重牛味 慢煮嫩滋手撕雞熱拌刀削麵 (走芫茜)刀削麵口感煙韌 配上海量嘅手撕雞 同樣有溏心蛋 蔥 青瓜絲同油蔥酥 再撈埋胡麻醬食真係飽到上心口涼拌鹵豬耳豬耳份量好足 口感q彈 食落好開胃飲品方面叫咗百香果同白桃冷泡茶 百香果酸甜回甘 白桃香氣混合茶香 2款都清新解渴

好抵呀 加$19 就有特式飲品同埋小食沙茶金錢肚湯麵 椒麻蕃茄湯 轉米線金錢肚好軟淋 湯底麻辣 少少辣 每配都會有埋配料，有糖心蛋菜等等，糖心蛋相當好食 帶小許流心，手工去皮炸雞扒熱伴刀削麵焙煎胡麻醬估唔到配麻醬 好夾 ，撈好食過湯😂刀削麵自家製，口感煙韌，雞扒份量比得好多另加左個小食，叫左個魚皮 同埋麥茶魚皮唔好睇佢好似冇色咁，食落口 脆口之餘，帶點麻辣味，越食越上癮😍青蘋果手工冷泡茶 ，我沖多左次水黎飲 都好夠味😌茶包好夠茶味，青蘋果甜甜地，幾好飲

必點既慢煮嫩滋味手撕雞 3款味道 胡麻醬 蒜泥 口水 ❤ 我哋都係鐘情於蒜泥，雞肉嫩滑零雪味，啖啖肉，肉量都唔小，雞絲下面有大量爽脆青瓜絲，所以食起黎唔會覺好膩，夾埋蒜泥香氣，咸香醒胃。呢個價錢既小食好抵食! 大愛~嫩滑炸豬扒熱拌刀削麵 招牌蔥油 ❤ 刀削麵夠寬身 扁長 厚實，口感柔軟煙韌。炸豬扒唔會好油，仲幾juicy，香氣十足，好惹味，而且配料既溏心蛋，都幾入味 滑嫩，好味~湯麵方面，我地分別叫左 慢煮牛脷湯麵 牛骨湯 ❤ 同 惹味豬頸肉湯麵 豬骨湯 ❤，先講牛脷份量十足，口感煙韌唔嚡口。而豬頸肉外脆內嫩，咸香味濃，好滋味~食完自己執埋台，快靚正。

去黃埔搵朋友食lunch，是是但但就搵左係Aeon style開餐，位置自成一角，靜靜地。呢度勝在性價比高，而且坐得舒服，避免小店的背貼背。我試左「炸豬扒椒麻刀削拌麵」豬扒炸得比較香口，但帶骨位置有啲脂肪又好酥軟。椒麻咪道平均，唔算好辣，鍾意拌麵有青瓜絲、蘿蔔絲、炸蒜等配料，食落fresh d又多啲口感。朋友揀左「沙茶肥牛蔥油刀削拌麵」試左少少肥牛，好食但沙茶醬唔太出，反而拌麵的招牌蔥油好香又唔咸。另外再叫左蒜泥手撕雞同烤地瓜球，蒜泥味道好香但未撈勻，所以食之前要自己再撈撈去，但超多雞絲，好食。而烤地瓜球熱辣辣，中間的芋泥味道好似香芋味，唔係黃色既番薯味，反而係意料之外。加$12蚊可以跟冷泡茶，我就揀咗無糖嘅茉莉茶，正正常常。朋友就揀咗百香果冷泡茶，佢話甜度啱啱好，但佢like甜飲，所以應該唔合乎唔好甜既人。