牛陣 (銅鑼灣廣場一期)

营业中

休息中

本人已試過很多自助火煱連鎖店，6月5月下午3点半去到，門口沒人招待，於是直撞店內向店員說一位，她條斯理帶我入座，我不懂英語但她只用英語同我溝通，然後奉上menu,於是点左69午餐，食食吓去拎飲料，点知原來69元吾包飲品，又加左12元叫可樂，到最後去拎雪榚，4款都見底，冇人補貨！出左9牛2虎之力先有一小杯，埋单仲要3催4請先做，請問那裡全是義工没工資的？什麼連鎖集團？什麼管理？

天時冷呀，冷呀! 幸好不是我們客家人說 "博太冷" 那一個冷! 冷呀! 就要食，保持身體溫暖嘛，而最暖笠笠的美食會是什麼呢? 羊腩煲? 唔係人人受得播；雞煲? 唔係個個辣得播。仲有咩? 咪係打邊爐囉!是次食記，其實是加班日晚上的一個一人晚餐，天氣涼涼地，手上又有一張唔記得係邊度得返黎既 coupon，所以，一到晚飯時間，我就來到銅鑼灣的《牛陣》，一個人食火鍋放題。《牛陣》，是日本式的火鍋，同中國既火鍋有什麼分別? 那就是食既，係日本野，用既係日式既湯底，而其他的一切，就大同小異，也許，我食的地點是香港，香港人喜歡食什麼，他們就提供什麼。而我的 coupon 就是一個雙湯底的 coupon，說真，真係沒有什麼著數過，我可以選兩個特別湯底而已。而我就選擇了豚骨湯底同豆乳湯底兩種。食火鍋最重要，最興奮同最激動的一幕，就是火鍋的湯滾起來，滾起來，也就是筷子同嘴仔起動的時候了。其實在對比之下，豚骨的湯式始終比較鮮，豆乳湯底就香，但味道上就不及豚骨湯了。放題就是什麼都任食，而我點的主題是牛肉，一來就來了兩大盤，日本的火鍋店有一個好處，就是他們的確係嚴選最好的日本牛肉。我點的算是最便宜的那一款套餐，

朋友們約食飯, 抓爆頭唔知食乜好~最後近近地揀左銅鑼灣廣場的牛陣~~~揀了黑豚肉及特選牛肉放題套餐~~~$198 抵到爆, 好過食d低質放題, 得D垃圾刺身~~點了無耐, 火鍋很快就送上~ 有豆乳鍋, 友人大愛! 我就點左甜豉油, 食日本shabu shabu, 點可以無甜豉油!講下D肉先, 黑豚肉肉質不錯, 脂肪分佈很好, 而且是薄切的, 好快熟, 唔洗滾咁耐~呯呯聲有得食!而牛肉亦都十分薄切, 好容易熟, 吸收晒湯底d精華, 好入味!!! 加上牛味香濃, 絕對是唔錯的!! 再配上他們的麻醬, 兩樣野max埋一齊簡直係一絕呀!!餐廳係半自助餐形式, 店員會送上牛肉及豚肉, 而其他配料就自行出去拎!D配料都很新鮮, 蔬菜有光澤有水份, 而且無咩黃, 放題算唔錯的!!今晚揀左冬瓜茶, 消消濟, 是唔錯的!仲有雪糕食添!! 雪糕滑身有牛奶味, 是上等貨呀!!

天氣漸漸轉凉、係時候同火鍋做朋友了。小妖今天好努力在圖書館温習了兩小時、要給与她能量兼慰勞下啦。。。！她最喜歡打邊爐、於是乎帶她食火鍋放題最適合不過。時間尚早、不用等位、非常幸運。排列得整整齊齊的蔬菜和調味自助區、另人有信心人和安心食用。試過有些店亂七八糟、有點反胃。種類雖然不多、但能滿足要求！蔬菜的新鮮度達到水準、讚！小妖喜歡嚐辣、選了泡菜湯底。最初覺得完全唔辣全無泡菜味、但經過番滾、辣度續漸提升、好滋味、好醒胃。肉類水準亦不錯。特選牛肉、油脂分佈均勻、入口即溶感。豚肉、味道濃郁、不錯。牛舌、由於薄片、只須數秒、便能吃到軟腍的牛舌。牛味香濃。甜品區有名牌雪糕、小妖連吃五球、真誇張！個半小時好快過了、好飽好滿足、頂著大大肚腩回家去。此時門口己大排長龍、慢慢等吧。。。嘻嘻～

老老實實, 係香港食shabu shabu, 唔可以唔去牛陣~話晒老字號!!呢到有好多唔同價錢唔同肉類的plan可以揀! 我地揀左『黑豚肉及嚴選牛肉』例牌點返個獨有+特別好味的豆乳鍋先! 另一邊係甜豉油, D FD最愛!肉到啦, 切得薄薄的, 有著日本風味, 燙兩下就食得!嚴選牛肉色澤鮮明! 脂肪比例剛好! 仲有黑豚肉, 又係切得薄薄的, 唔洗滾好耐就食得, 方便得很貼心!味道方面, 有濃香的豚肉味, 令我諗起上次係日本食的黑豚肉~~味道差唔多! 呢到d 醬料都有好多款揀, 唔錯, 岩晒貪心的我!!!牛陣仲有樣好, 呢到D爐馬力夠, 鍋到之後等一等就滾, 好快可以開始烚下烚下!呢到怕你唔夠飽, buffet吧仲有得勺咖哩汁飯!! 咖哩味香,  入口感覺更正!仲有雪糕食~~~

成日食港式火鍋,日式火鍋就真係未食過。所以本住一顆好奇的心去左屋企附的牛陣食。小弟肥牛就真係食唔少啦，但和牛又真係第一次，平日已覺得D美國肥牛，牛味重已經好好食。但食過和牛先知，原來肥牛係如此普通！(我地特登叫左佢比幾碟普通嘅牛我地自己做比較  食家食家)點了牛乳湯,牛乳湯好香濃,由牛乳湯所灼的食物都很有牛乳香味,而且refill的也是牛乳湯,同牛肉都幾夾下，帶到牛肉嘅鮮味，食完真係覺得好滋味！下次要帶埋女朋友一齊黎！雪糕無食到，因為瘋狂食牛太飽，其實有數得計食多幾杯名牌雪糕都唔難食番本！總括來講非常驚喜，性價比都ok！推介菜式：黑毛和牛

周末到cwb行街，終於可以食牛陣喇，對上果次已經係兩個月前喇！今次好好彩可以坐到window seat呀，好好陽光，食都食得開心d呀！值得提下嘅係門口帶位的員工很好笑容，好親切hehe野食方面我地揀左最普通果個餐，配料都算多選擇，搞到我d選擇恐懼症出哂來！不過以下係我嘅鐵膽無走雞！同埋好多好多菇！仲有仲有我係好鐘意食廚司腸的，牛陣仲要好好切細條左，咁唔洗成條成條食佔哂d位食唔到其他野！牛方面性價比黎講算好好架喇，無雪果浸味，夠牛味，好似睇過報紙講係來自日本旦馬屋，食落都有信心d！最後最後當然係主角啦，有四隻味揀，第一個胃已經好飽，但出動左第二個胃，食左兩大杯呀我 hehe

我個人好易比廣告引到，早幾日行街見到個廣告板後一路都好想食牛陣，難得Happy Friday緊係搵埋Friendsssss來擦餐勁。銅鑼灣牛陣係一期入面，去過幾間牛陣我覺得呢間算大，唔算焗促，係好坐既，今次以為自己醒左早d上來，點知都好多人等左成半個鐘位 一來緊係揀湯底先啦，其實次次來都係食甜豉油，今次朋友係個無辣不歡的人，所以揀左辣湯。自助吧都係一般大路野，其中一樣我最愛嘅反而係咖哩 (明明人地係主打ShabuShabu......)，有關係架，我次次都鐘意食到尾嘅時候拎d咖哩來撈烏冬，好好味架，大家可以試試 雖然次次都係揀最平果個餐，但係感覺牛陣嘅牛係比較有牛味，同一般港式邊爐或其他放題比，牛陣算係好好！服務方面都算ok，都係臨時限前15分鐘要埋單，今次大累關係坐起度吹左好耐水，無吹我地走喎，可能同檯女友人太靚女 整體食物嘅質素、份量、衞生程度係連鎖店中算中上嘅水準！

今日專登同阿仔老公一行三人去食shabushabu。 由於第一次幫襯，唔敢食最平，於是就揀左200幾蚊果嗰餐啦。店員都幾nice, 話夠鐘前15min 會提我地。之後我地點左豆奶同甜湯底。豆奶的豆漿味好重，甜湯底一開始好好食，好似專登為牛肉而設咁，不過食到後面，個湯底離奇地越來越甜。不過總體嚟我覺得性價比高，牛肉好好食，肉的質感好好，睇落同食落都好新鮮。下次可以嚟試下最貴果嗰和牛餐。

由於從日本旅遊回來後，就非常想念在日本吃到的和牛放題壽喜燒(旦馬屋)，居然在openrice看到這間牛陣介紹肉源是來自日本的旦馬屋！當然二話不說晚餐直接奔過來吃了。店門口的接待是有禮貌的，所以雖然等了半個鐘但依舊很期待。入座後點了日本特選黑和牛(對於愛吃牛的人來說~當然希望吃好一點的牛肉囉)只是....我只能說非常非常失望！牛肉沒什麼牛肉味，而且牛肉非常容易散開，跟日本的旦馬屋天差地遠外，真的比超市牛肉還普通...然後服務生真的很會閃事，他走過來，我想點餐向他招手，她馬上轉身背對我站在那裡裝沒事...然後加點的雞蛋催了3次才來然後加點的肉，上菜非常非常慢，甚至有一回加點肉，結果服務生好像忘記了，明明要走到我們這桌了結果好像發現忘記幫我們加點肉，結果立刻走到旁邊的檯子喝水裝看東看西的...是後來我們再向其他位服務生提醒加點的牛肉沒來，那位服務生才趕緊去幫我們查看然後送上。我真的覺得這餐吃的超不值得！食物食材不美味，這還能諒解....但食物不好吃，服務還很差，完全無法諒解

見好耐無約舊同事，定到曰子就來個飯局吧！一行五人全部在港島區返工，今次就提意去試呢間開業已久於銅鑼灣的日式自肋火鍋"牛陣",我是首次嘗試這款日式牛涮鍋，湯底方面選了個泡菜都尚算頗有的香濃泡菜來，也不太辣。但在食物方面感覺唔多款選擇，除咗主打牛肉及豚肉較好之外，其他食物都很一般，牛是唔錯有牛肉味,雪花均勻，色澤鲜，豚肉無論滾幾耐都不會老及韌，除這兩款食物是需向服員order外，另外的都係自助形式取，其他就只有數款不同的丸及芝士腸之類等食物，相信賣點是落在討人歡心的haagendaz雪糕上，再加上提供的任飲是道地系列，才令挽回不少的價值，任食1.5hrs一直都預期服務是不會太好的，果然在臨尾的20mins就已提醒完結時間，15mins就無聲無式地放張單在枱面，5分mins便把電爐都關掉，這方面相當有效率，欠決禮貌。Anyway各方面都没什麼驚喜，所以沒太有再要返嘗的衝動，但未去過的也一試無妨吧！每次order牛及豬豚每碟6片，厚薄大小適中P.s.龍蝦丸&魚旦最為好食，爽口彈牙Haagendaz雪糕味道有四款之外，包括根本的雲尼拿及朱古力，還有我最喜愛的士多啤梨及波蘿熱情果口味😋

我最初係想食牛一，不過估不到佢已搬鋪，之後見到牛陣，就覺得應該差5多瓜，所以去試，點知係惡夢既開始。首先，我對208元既澳洲牛，認為ok吧，可以任飲，點知飲1罐，就要向員工點一次 之後牛肉，第一次黎就幾靚，有紋 覺得抵食，點知第一碟之後，要等成半個鐘先黎多碟，而且越黎就越差d牛，最忘記5到，最後一次黎既牛肉，係同紙皮無分別而且因為等第二碟牛肉太耐，希望員工跟跟，點知牛肉無黎，仲要玩針對，熄埋我果邊d冷氣，隔離枱點果d牛肉，即點即到，當場覺得今次真係尼世最大既錯誤，點解要食尼間同行既朋友因等牛肉太耐，結果成程食菜，結果問我，尼間叫咩牛陣啊，叫菜陣啦，垃圾。總結黎講，我係第一次寫食評，有咩問題，請原諒，我只係5希望其他師兄師姐會中伏，浪費金錢同時間，而且因為勁無心情食尼間，所以無影相。

幾經辛苦，歷時半年嘅Project 終於完左，而且係超標完成！咁值得開心嘅時刻，我地親愛嘅老細當然不忘要慰勞我地啦！正當我地密謀緊點食窮老細時...老細就話己經宣佈左食牛陣啦 老細果然係老細，轉數快，連把口都快過人，所以食窮老細計劃宣佈失敗。 我地一行7個人，風風火火咁去到牛陣。由於正值食飯時間，果然要等好耐。成班餓死晒，所以一坐到落位，老細就好豪爽咁話隨便點，所以我地當然好識做咁...叫最貴果set啦！ XDD肉類好新鮮，份量都好足，不過最後叫得太多，搞到食唔晒有D浪費。湯底中都係壽喜燒湯底最有日式火鍋感覺，同和牛好夾，D牛肉可以唔駛點豉油已經好入味。侍應服務態度都好好，而且好積極。(咦，某位同事唔小心入鏡，你唔會怪我的吧？) 

上年冬天就已經應承左媽咪會帶佢去牛陣食日式火鍋，然後一直拖拖拖，拖到而家夏天都到埋先兌現到承諾。所以今日專登準時收工，趕番去屋企附近個牛陣攞位。本來以為食飯時間實要等位等好耐，好彩只等左十幾分鐘左右就已經有得入座。為左俾媽媽食真正嘅日式火鍋，於是點左最具代表性嘅壽喜燒。日式火鍋同中式火鍋最大嘅區別都係湯底同和牛，如果無左呢兩樣野我覺得兩者係無咩分別。火鍋配菜選擇無咩特別，來來去去都係菇、菜、丸之類。唯一比較特別係有咖哩飯同haggendazs 雪糕！兩個我都超鍾意食，如果唔係因為放題食飯唔抵，我都想食多幾碗咖哩飯同雪糕。至於牛陣的肉，果然無令我失望。牛肉真係好新鮮，好好食！牛味重但又唔會好騷。雪花分布得好靚，連食神媽咪都豎手指公讚好呀！總括而言，呢餐食得好開心好滿足。

岩岩去完日本番黎，意悠未盡，尤其掛住日本嘅「すき焼き」，於是便去了牛陣尋味。一坐低就嗌左個湯底先，毫無疑問，當然係「すき焼き」啦個湯底清清甜甜咁，雖然無日本咁濃，但對我黎講反而岩岩好，因為食到後面唔會有甜過頭嘅情形。我諗牛陣都係考慮過呢個問題，所以改良過。醬料方面，我拎左個芝麻醬，但個芝麻醬就真係麻麻，無咩芝麻味。而牛陣最好味嘅一款牛係特選和牛。個樣望落好靚，食落唔會鞋又唔會韌。好滿意呢款牛，最重要係牛味濃，一睇就知係靚和牛。如果有得配埋蛋汁咁就perfect 了。整體而言，餐廳嘅服務質素同食物水準都幾高。但要講正宗又算唔上，不過都可以理解，始終要迎合番大眾口味。雖然呢次尋回日本之味失敗，不過牛陣依然令我食過番尋味。