牛陣 (荃新天地) (已結業)

耐唔耐又口痕要食下牛陣~ 最近仲有夏祭主題好玩又抵食！！今次去荃新天地分店 樓底高坐得好舒服～-🦁 攻略1｜玩遊戲贏優惠玩個釣魚game 有機會贏71折優惠！-🦁 攻略2｜夏祭汽水&小食我地叫左澳洲產特上長期穀飼牛放題套餐 (90mins) ($279), 瘋狂加牛食到回本! 個餐仲送冰凍日本懷舊波子汽水！你自助吧｜夏祭小食, 例如章魚🐙燒, 炒麵 同 炸雞～另外推薦蛋餃! 蔬菜種類都好多 仲有秋葵同紅莧菜📣 $429套餐, 仲送豪華海鮮盛合！-🦁 攻略3｜食完記得抽獎～食完仲有得抽御神籤！下次9折get✅ -🦁 牛陣銅鑼灣廣場｜尖沙咀iSQUARE｜九龍灣德福廣場｜荃灣愉景新城｜荃灣荃新天地｜大埔超級城｜元朗形點

又打邊爐啦😍今次去牛陣食放題😌坊間太多牛x嘅日式涮涮鍋，牛陣我都係第一次試，原來咁特別，竟然有遊戲😆好懷舊嘅夏祭遊戲，釣魚，大家細個應該都有玩🤣釣得越多獎品越豐富，我哋好耐冇玩，所以中咗細獎，糖果一包🤣🤣除咗遊戲，仲有好特別嘅波子汽水放題，好多年冇飲過啦😍小小遊戲都可以令原本好普通嘅一餐飯變得好特別，好開心。至於嘢食，我哋揀咗中間價錢嘅澳洲產特上長期殼飼牛放題套餐，$279，90分鐘，送波子汽水放題🤣殼飼牛嘅質素ok喎，油脂分布平均之餘仲幾重牛味，我哋前後叫咗五、六碟牛，質素都差唔多，唔會越上越差。送嘅豬肉同牛舌都唔錯，不過主力食牛，就冇再叫豬肉。話明放題，梗係唔止食牛，原來呢度有好多小食，有啲係夏祭特色小食，有炸雞、popcorn、章魚小丸子。。。唔知餐廳係咪一年四季都咁多特別野，下次冬天再黎試吓睇吓有冇冬祭先🤣至於菜嘅種類都好多，竟然有羽衣甘藍同豆苗，仲有好多菇、瓜、丸，雪櫃仲冒煙，應該可以keep到啲菜新鮮。最後有haagandazs雪糕😍😍食完熱辣辣嘅火鍋，再食啲雪糕凉吓，真係好正🤣有4隻口味，當然每個都要食啦🤣又飽到上心口嘅一餐😂

星期五晚沒book係荃灣想打邊爐唔容易，難得有間唔洗等好耐就有得食都唔揀擇啦，點知原來唔洗等係有原因……首先我唔係揀最平既餐，連加一人均2百尾唔算平第一轉既牛肉，我見到已經有d嚇親，呢個價錢但好似快餐店一人一窩既質素？但好肚餓就算啦，照食左先，諗住第2轉會好d，點知太天真第2轉佢居然比碟脂肪多過肉既我，日式火窩放題一向冇乜其他野食，得牛肉同豬肉，連雞肉都冇，海鮮完全冇味，牛舌又好大陣蘇味，出面夾既野主要係瓜菜類，朋友都放棄改為食熟食，點知熟食補完2次就直接收埋，唔通我淨係食豬？同店員講d牛咁樣可唔可以換，佢話冇得換，問我係咪要加多碟，之後果碟係有瘦返少少，但同第一輪既差唔多，而且已經冇晒胃口……荃灣火鍋放題好多，咁既價錢咁既質素，唔明點解可以生存到

本身想去牛X人度食打邊邊 但係爆晒 行左去荃新天地 見到牛陣打邊邊人又唔係好多 地方坐落又好似好舒服等左5分鐘左右就有位 我地選了黑毛和牛放題套餐 259+1 D牛肉都好新鮮   叫住個哥哥不斷係咁整  我地前前後後一共叫左10碟 (好滿足) 配壽喜燒湯底  甜甜地大部分蔬菜都應有盡有 仲有羽衣甘藍，平時買好貴，食多D佢有D炸蝦擺左係度 我拎左兩隻 D蝦新鮮 但D粉有D厚 汽水任飲,仲有haagen dazs 雪糕任食

話說牛陣是我倆常去的火鍋放題店👫🏻因為我地好中意食佢個壽喜燒湯❤️和牛、豚肉任食又岩哂食肉獸老公！開番晚市堂食後，我地已經好想去食，點知人頭湧湧，只好擇日再戰。適逢今日大家早收工，六點去食就成功有位喇🥳🌟特選黑毛和牛、黑豚肉火鍋放題 $359壽喜燒+藥膳香辣鍋（雙併每位另加$5)套餐包括任食特選黑毛和牛、黑豚肉、牛舌；海鮮如：蝦、墨魚滑、青口、日本蠔、蟹柳和魷魚除此之外，任食bar有不同罐裝飲品、少量熱葷、蔬菜、丸和麵等食材。最重要係Haagen Dazs雪糕任食🤤壽喜燒湯一如既往甜甜的好好喝，每次再飽必定會淥埋烏冬食先收手！呢度既烏冬圓碌碌，又滑嘟嘟，我仲煮到佢淋pat pat，岩哂我呢個怪人🤣初嚐藥膳香辣湯，可惜味道較淡，辣味欠奉，藥材味帶少少苦，大失所望😩下次都係慳番果$5肉類都是薄切快熟，通常都係第一碟最靚，但之後果兩碟都唔差既👌🏻相比之下會鞋少少海鮮類都冇咩點encore了，大部分都很一般，尤其蝦肉完全冇味🙈/不過我覺得整體用餐體驗都好既，店員服務都親切。今次留左肚食左士多啤梨和朱古力雪糕，好滿足lol

9/15星期二中午在荃灣荃新天地牛陣,我女兒和太太及2位友人點了和牛放題，先來的4人份和牛又老又糸勒，再點2盆賣相完全不一樣，是均勻雪花的，服務員對我太太說2种牛肉不一樣。回到家裡，太太越想越氣，我代太太在晚上8點18分致電荃新天地牛陣，找到1位經理，她堅持最初的4人份是和牛的頭頭尾尾，100%是和牛，她願意日後提供一些優惠，我要求她退回差价，她說要請示上司。8點47分，經理回電，說集團總經理不同意退回差价。我今早嘗試到网頁投訴，不成功。故借此一角。真不明白，4人份和牛全是頭尾，看不到一般和牛的平凡影子，怎樣讓客人再來光顧呢？

平時打邊爐都會去牛陣打，一時食中價既餐一時會食和牛餐。一直個質素都ok。但係今次去食和牛餐完全失望同憤怒。以前都試過幾次牛陣既和牛，覺得唔錯，所以今次再去食多次。點知今次個牛簡直係比最平既牛更差。未試過韌到咁既和牛。同埋塊和牛有整整四分之一都係連埋一齊既肥膏。我食左兩碟就已經想嘔。我唔知係乜嘢理由會變到咁差。原本係食90分鐘，我食左半個鐘就走人。計埋加一服務費成350蚊一位。經過今次以後都唔會再去食牛陣，而家經過牛陣都有啲反胃。

午市90分鐘澳洲穀飼牛放題，$179@人仲有得任食哈根大師既雪糕，真心覺得好抵食呀一坐底後，會先上三碟肉，牛，豚，牛舌。第一碟上既牛唔知點解會差過之後加既牛，格離檯對於每次上既牛色澤不一都有投訴，第一碟上既牛會比較少紋路，入口無咁香，豚肉都夠薄切，但一般般，後來當湯底煲。牛舌都幾好食，夠曬香呀，之後都有添食。添食既牛肉唔知點解會靚仔啲，牛味重啲。自助區好多蔬菜提供，又有麵類，飯，醬料，自製健康蔬菜部隊鍋🤣擺曬成堆蔬菜落去滾，墊一墊個胃後先食肉。最後埋尾，狂食哈根大師焦糖脆餅，忌廉曲奇，熱帶香芒，個人覺得芒果味都係佢對手好食啲，但係脆餅同曲奇真係無得輸呀！

我點左$228兩位放題，黎3次牛肉，可以3次牛肉都唔一樣!仲不停遊說加錢升級先可以比番第一碟果款我，咁下次我係咪可以點$178就可以？橫掂食第一碟之後你都係比其他種類牛肉我。

同一班同事逢星期五都想食餐好黎到荃新天地有好多餐廳 好多選擇我地今日揀咗呢間有火鍋放題我地係食午餐 午餐都有放題可以食飽飽呢佢肉既份量就set定咗 其他食物 甜品都可任拎甜品雪糕有Hagen daz 絕對有加分我地叫最平既午餐 $69/位啲牛都唔差架 肉質鮮嫩 除咗牛都可選豬 份量一樣set好咗肉類以外仲有好多野食有驚喜既係有脆卜卜薯格 好開心仲有蔬菜 粉麵 丸類係好豐富既一餐 又坐得舒服沙發位置都舒適 位置多 亦都適合一班人黎食P.S. 午市時間有限 叫餐前要留意時限呀

午市都唔需要排隊，店面都光猛乾淨，帶位果位小姐面帶笑容態度友善，入內大致感覺都幾好，唯獨係放響枱上杯茶已經唔熱，唔知放左幾耐午市既套餐選擇唔稱得上好多，但係每個餐都好吸引，有迷你salad跟，有味噌湯，有個飯，千另外加錢upgrade左個飯個飯對我黎講絕對係亮點，d肉雖然望上去唔係好多，但只要你掌握好燒既時間，每一塊都係超讚的

牛陣對大家來講一定唔會陌生！最想講嘅係佢哋推咗個冬陰公鍋一段時間，一直都好想試今日終於有機會食到啦，表示興奮！$219/位（仲可以有廣島蠔、帆立貝同埋原隻魷魚仔任食）而且Asahi啤酒同泰國象啤任飲嘩，好抵呀！第一次打邊爐用冬陰公湯底，冬陰公湯底好特別啊！可以自己動手DIY,一開始係比兩隻蝦，幾隻魷魚俾你炒香佢然後再加冬陰公湯落去，都幾過癮哈哈～～～之後再落埋秀珍菇同埋泰式茄子落去，我哋另外自己加咗少少番茄同埋辣椒落個湯度煮，湯底嘅味道都幾正，幾惹味，酸酸微微辣，好正！完全唔需要再點其他醬汁已經好夠味！第一輪黎嘅澳洲牛有點肥，油脂重但食落都唔差！但係最想提及嘅係佢地既廣島蠔超級大隻肥美鮮甜,出奇地好好食好鮮味! 我地兩個人應該都食左十幾隻，喂真係好正好抵呀！食冬陰公火鍋再飲象啤～感覺特別爽～～～希望係佢哋推廣完結之前有機會要食多次呢個冬陰公湯底火鍋先得，正！

成年無去泰國 真係有少少掛住…知道牛陣推出左新湯底 - 冬蔭功湯底🤩😍二話不說即刻同朋友去試下，以解對泰國既相思之苦😆😄 單拼既冬蔭功鍋可以自己DIY炒香料配搭出最啱你口味既湯底🤤 估唔到個湯幾有驚喜😚 起初驚會太辣食唔到，點知原來係咁惹味，酸酸辣辣食得開懷，連調味鼓油蔥都唔洗攞都已經好夠味😋👍👍··推廣期去到9月29號，仲可以參加埋泰Be Happy大抽獎，頭獎有機會贏取雙人來回曼谷商務艙機票連5星級酒店四日三夜㗎！抽我抽我🤗😄

Lunch打邊爐是幸福的。公司一班同事想食好d或多人都會想起牛陣。其環境寬闊而且舒服，適合一大班人用餐。平均可以2、3人一爐 。我們通常會選擇$69 60分鐘的放題，加埋1 $80都不用，真是超抵！一個餐跟一碟肉，可選牛或豬。特別湯底要另外收費，其他食材包括甜品則可無限refill。飲品方面就只有茶。我點的是牛肉，肉質是普通肥牛，自助區有不同菜類，起碼有四款菜式，特別的是羽衣甘藍、番茄都有。另外丸類經常換款式，每次都不太一樣，有白魚蛋、獅子狗、豆卜、墨魚丸等等，有時甚至有蛋卷餃。菇菌類亦有冬菇、金針菇等，更有冬蟲草。麵類則有烏冬、拉麵和公仔麵。醬料方面亦多選擇，除了日式醬油、還有麻醬、燒汁等，蔥、蒜這些基本配料也齊全。自助區還有薯格小食，醬亦分了4種，趁熱食還脆卜卜。這裡的重點是甜品是haagen dazs雪糕和乳酪雪糕！每次都不同款，今次則有以下4款。真是多吃幾球雪糕都抵返曬，所以lunch list點可以少得牛陣！

今晚同朋友去咗荃灣嘅荃新天地食牛陣，入到去先知原來有冬蔭功湯底，鐘意試新嘢嘅朋友即刻話要試下呢個湯底！等咗十分鐘左右就上咗一盤嘢，入面有好多配料，仲有兩隻蝦、兩個魷魚、同埋一嚿和牛脂肪！店員有問使唔使幫我哋起鑊，咁我哋當然話要，佢首先將個鑊燒熱，之後煎香嚿和牛脂肪，一路煎已經聞到陣陣嘅香味傳出嚟~~之後再放埋蝦同埋魷魚去炒~炒完就可以加入冬蔭功湯底，呢到嘅嘅湯底唔會太酸，又唔會太辣，但又出奇地夠味，可能係啲配料搭夠，整體都幾惹味！呢啲配料可以自己配搭落幾多！我哋落咗小紅茄、泰式茄子同埋少少青檸！佢第一轉上菜會每款食材上一樣，除咗海鮮拼拼盤外全部都可以無限食！呢款牛係澳洲榖飼牛，睇落色澤真係好靚，油花好均勻，食落嘅肉味都好濃郁，唔錯！牛舌真係可以無限encore，勁爽口！豚肉略嫌瘦咗少少，有少少韌~海鮮拼盤有生蠔、帶子、魷魚各兩件，應該係跟人頭俾~自助區都有唔少蔬菜選擇~呢啲火鍋配料都可以任拎~甜品係Häagen-Dazs雪糕~~有四款味道，我揀咗Strawberry and Cream，正！平時都好少見放題有呢隻味！