牛陣 (愉景新城)

营业中

休息中

同朋友黎到荃灣，見到有火鍋仲可以任食haagen dazs雪糕，所以入去一試因為之前食過牛一，覺得應該差不多，但原來差很多我地揀左$168，任食加任飲90分鐘蕃茄湯底比想像中較味精，啲豬肉有啲肥，啲牛肉都ok啦,refill速度滿意，任飲都幾多特色飲品，但都太甜，飲左一罐就飲唔落，如果唔太喜歡甜野嘅人，可以慳返$30食$138都ok !啲菜同丸嘅選擇好少，比其他日式火鍋店的選擇實在太少，得四至五種菜，啲丸又唔多新鮮嘅樣，拎食物嘅地方太細，成日都好迫最慘係我好期待嘅haagen dazs 雪糕，要自己“畢”之餘，仲雪到好鬼死硬，講真真係好難“畢”，個雪櫃又好深，要烏到好低先“畢”到去到尾聲食雪糕嘅時間，好多人排隊，而地方又窄，因為難“畢”之餘仲要幫朋友“畢”埋，俾後面嘅人怒啤，其實我都唔想嫁，個雪櫃每次只可以容納一個別人“畢”雪糕。唉，最後我都放棄左，後面太多人了，霸住太耐好樣衰牛一嘅乳酪雪糕機比起牛陣就好好多了，仲有勁多topping囉雖然haggen dazs 好味，但感覺未能回本，同埋覺得係牛陣特登唔換雪糕，已經所剩無幾都唔換，要啲客死畢爛畢，又雪到超硬，分明唔想啲客咁易畢應該唔會

成日都聽人話牛陣唔好食，服務差，但我偏要去試一試！等位又唔係等左好耐！服務又唔係真係咁差0者~~我就叫左日本產黑毛和牛火鍋套餐$268，個個都話貴，但食牛肉係要講級數架麻，所以我就揀左第3級去試下，90分鐘！牛切到好薄，好快熟，而且牛肉好靚無嘜肥膏，有驚喜，食到停唔度~最正就當然就係可以任食haagen-dazs雪糕啦，我食哂4隻味，簡直超值！對比牛涮鍋同牛一，我都會支持牛陣，我撐你！