牛陣 (愉景新城)

营业中

休息中

星期日同友人去荃灣行街，去到愉景新城，見5點幾，就諗住不如食左野先。見宜家天氣開始涼涼地，就決定打個邊爐，食牛陣。本身諗住平食牛陣，食$159個套餐，但店員話比我地知$179以上嘅套餐先可以任飲飲品，咁我地最後揀左$179，限時食90分鐘。然後叫埋豚骨湯底。出去夾配菜，有好多選擇，基本上有嘅佢都有，菜方面最特別嘅係有雨衣金蘭同秋葵。肉方面有雞柳同魚柳。熟食方面有青咖哩牛肉飯，係我嘅最愛上菜嘅速度好快，喺我出去夾配菜嘅同時已姐上好湯底同埋一碟牛一碟豬。飲品係有一張餐牌任點，要叫侍應幫手點。啲牛同豬都好好食，好有香味，好食過以前所有任食牛火鍋嘅牛。但我地兩個人唔知係咪太細食，牛豬各兩碟就夠，值得一提嘅係所有配菜都好好食，同埋好新鮮。雪糕有 Haagandaz，有4個味，仲多選擇過去食自助餐。食埋雪糕就抵返哂，又捧住個肚走啦。整個用餐過程都好愉快，因為侍應都好細心同埋好有禮貌

今日去愉景新城探完B，去左牛陣醫肚。 一坐底，店員推介泰式火鍋-夏之美鍋，包任飲&有芒果雪榚，計一計都ok，又見店員姐姐咁落力介紹，就試下。火鍋湯底係DIY , 店員姐姐放好材料&湯底就會詳細講解點煲湯底，自己親手去整個湯底都幾有趣：落左肥豬肉入鍋熱溶佢，迫油出黎。之後放入泰國配料&配菜入鍋炒熟。炒熱之後就可以放湯底待煮熱。等湯底熟個時，就去左拎其他野食，一排冇黎食，部分蔬菜換左新款，有羽衣甘藍、蟲草花，仲有響玲！ 其餘都係蔬菜、丸，選擇多樣又新鮮。返埋位，豚肉、牛肉&牛舌已經在枱上，可以一次入哂鍋♨️ 。冬蔭公湯底好正，未落肉個時都飲左兩碗先落野食~為配合泰式火鍋主題，仲有個corner位卑客人DIY泰式沙律，仲有水牌教你點自製，好細心。食到飽，都已經食唔落Haagen-Daze雪榚，叫埋單時，店員送上糯米飯芒果雪條，好香芒果糯米飯味，仲要有粒粒糯米飯在雪條內。

星期五晚上要放肆的過日式牛肉火鍋是我們不二之選點了穀飼上級牛肉套餐湯底要新推出的冬蔭功湯底我們先用牛脂抹鍋再爆香材料經過一把火香味更加突出味道酸酸辣辣不用沾醬也夠味道自助吧枱有各式蔬菜丸類麵類等更有我最愛的羽衣甘藍呢泰式主題期間更有青咖哩供應泰象啤和日本啤更是任點任飲不好酒精的我們還是喝烏龍茶先送上穀飼上級牛肉紋理分明肉味充足不會過份肥膩吃完牛肉再有高級海鮮供應所謂高級海鮮就是魷魚元貝生蠔吃罷火鍋就去吃哈根大師雪糕別忘記最後還有isee牌子的芒果糯米飯雪條

十一黃金周， 難得有日假期梗係要瞓晏少少啦， 起身時發覺已經中午有多， 即刻call friend 準備飲下午茶， 突然間朋友提議去荃灣呢間牛陣， 佢話lunch set好抵，仲去到四點幾，我哋去到啱啱趕得切，如果唔係晚餐就貴了！$129 一位任食90分鐘， 我哋都喜歡食牛所以 一定回本有突！我哋二人一共點了八碟牛肉， 係自助吧仲取了很多蔬菜，例如，金菇，冬菇，唐生菜等等！真係食得健康之餘，又十分滿足， 90分鐘不停咁食，最後食埋雪糕，真係物超所值，性價比十足十!

十·一黃金週搞到油尖旺區人山人海，今日放假，我梗係唔會咁傻出去同人迫，一於去愉景新城行街兼揾食，老公七點過到來join我，就去牛陣打個邊爐啦！由於時間尚早，食客比較少，坐得又闊落又舒服聰明如我又有幾多個店面整潔光猛，十分舒適我地被安排坐四人單邊卡位，坐得鬆動，不錯啊我地揀左個每位$219嘅澳洲穀飼牛放題，可免費轉限定美鍋—DIY冬蔭功鍋，有得玩有得食先用牛脂起鍋，出油後加入配料先炒香，再加海鮮炒一炒，最後加入冬蔭功湯底，湯滾起後再加入青檸汁便大功告成我地先飲左一小碗湯，正咼，拍得住泰國菜館點果啲味道，估唔到咁高質素提提大家，辣度可自己調教，放小啲辣椒🌶️便可尼個放題仲包飲品任飲，有多款選擇，汽水啤酒包羅萬有，任君選擇店員先送上肉類同海鮮，牛肉，豬肉，牛舌，帶子同生蠔等，質素不錯，之後可以無限追加調味醬汁配料等整齊排列成一行，大家可自行添加調配，種類繁多，非常豐富，包你食到滿足牛肉好高質，牛味濃厚生蠔亦非常新鮮蔬菜丸類等無限自選添加飲品好多選擇，仲有冬瓜茶下下火，潤一潤喉最後仲有美鍋限定手工雪條，芒果糯米囗味，裏面有真·糯米，非常有口感，而且不會太甜，好特別食完雪條意猶未盡的話仲有Haag

平時嚟牛陣必食係日式醬油湯底甜甜地 唔洗落調味料 啲食物都入哂味🤤今次食發現竟然出左冬陰公湯底 泰特別啦！啱哂啱啱去完泰國既我 懷念地道既味道有得食有得玩！😂店員首先拎左呢堆配料同一個鍋嚟 佢教我地點樣落油爆香啲配料 當啲配料爆香哂 佢就拎左湯俾我地全程都由自己去制作個湯底 感覺幾新鮮😂落埋啲料 出嚟就大概係呢種色水睇落唔係話好特別 但一試我驚訝了😂估唔到比我想像中入味咁多 又係可以唔洗拎調味料進食打邊爐最愛響鈴 呢度響鈴拍得住出面啲中式火鍋店 幾脆幾幾新鮮 很不錯！上肉類果陣係第2波驚訝 因為啲肉一啲都唔肥 紋路均稱 難得喺任食店都可以食到呢啲質素既牛都算係咁😂最後附送芒果糯米飯雪條 建議攤一攤先食 因為雪得太硬啦 入面啲飯粒都硬哂 凍到試唔到味道 不過用力啜都試到真係芒果糯米飯既味道😂

又係打邊邊🍲🍲呀🙈🙈牛陣係九月開始有新搞作，推岀泰式概念火鍋湯底「冬蔭美鍋」😳😳 -而個冬蔭功湯底係DIY，店員會先奉上湯底湯料及一壼特製冬蔭功湯底，湯料包括九款香料及兩款海鮮食材，可按個人喜好，調選香料份量，之後自己放落鍋到炒，再落湯底，有得食又有得玩，都幾得意🤣🤣 -個湯底都幾濃幾好食 放咗d牛肉落去唔洗點豉油已經好夠味👍🏻🤤 雖然自助bar到d野食唔算好多 但勝在牛肉豬肉任嗌而且幾好食😳😳-打完邊邊又點小得甜品😍😍除咗佢有Haagen daz雪糕任食之外仲有ISEE iSEE芒果糯米飯雪條！ISEE iSEE以自家製手工雪條聞名，今次以芒果糯米飯做創作理念，將粒粒糯米與鮮芒果打造成的冰涼雪條。食落去幾有口感亦都好香芒果味😍-

牛陣出左新嘅湯底 中意食辣嘅我當然首當其衝係冬蔭功美肌湯底啊 ($219)食落酸酸哋少少辣 幾開胃最好玩係可以DIY 用左和牛既脂肪 好香好惹味仲有虎蝦同魷魚 令到個湯底更鮮甜😌叫個餐 仲有澳洲產上級長期榖飼牛食添牛肉濃郁肉香 非常惹味👍🏻放題時間升級至100分鐘 仲要任食添最後真係飽到捧住個肚仔走😆________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

牛陣一直係我地全家既favourite，有時媽媽唔想煮飯都會去打下邊爐，大家想食咩就食咩今晚又去牛陣報到，發現出左新野，可以diy自己個火鍋湯底首先要落左用牛既脂肪整既牛油，等佢溶左腐後，再落各種配料同埋冬蔭公湯煲到佢紅紅火火，就可以落埋各式各樣既火鍋配料湯底好香濃，酸酸地，少少辣，落埋青檸汁落去，夠哂泰味各樣火鍋料都唔錯，蟲草花、響鈴、牛同豚肉都值得一讚肉類塊塊都夠嫩滑，響鈴配冬蔭公湯又別有一番風味仲有香茅茶飲，都幾特別，成枝香茅放落去，飲到中間會覺得甜甜地最後食埋Haagen Dazs雪糕，有焦糖脆脆同朱古力味2款都好好食，焦糖脆脆唔會太甜，食落有脆脆幾有咬口

很多時候搵食儘可能避開連鍞店，感覺是食物千篇一律，進食只是為生存！而這間連鍞食店跟好友會久不久就在此聚一聚。原因？連鍞店有的優點它有：分店差異不大都店內潔淨丶座位濶落丶光線柔和舒服丶員工有禮及有效率丶食物及價位多選擇豐儉由人丶食材水準高令人食得安心放心。而連鍞店的缺點就在讓客人DlY過程中消失，既好玩亦最合食客自己的心意。這裡有不同的湯底任人選擇，不但味道好，有些更有食療作用！飲品種類頗多不難找到心頭好。貴價的雪糕令人難以抗拒！除了一般的調味站及火煱食材任客人選擇，更備有熱葷及冷盤，這個咖喱牛肉及木瓜沙律不錯吃，在靜待主角上場前的好選擇，盛意推薦。我因交通遲到就由友人一手一腳負責，今次選了冬蔭公湯底，由零開始自己放材料炮製，而最重要是酸丶辣度可由自己控製，過程中她專注在製作而忘記拍照，只能事後在言語間感受過程中的樂趣！但對我而言最重要的是美味！！到達時湯底剛好完成，味道十分可口，更勝坊間的冬蔭公湯，所以先喝一小碗才開始火煱。套餐配了的澳洲穀飼牛肉及豬肉相當合拍，湯底的濃味也淹蓋不了肉的香味，還能相扶相乘，不知不覺地比平時多吃了！湯底味很濃及多層次，整餐火煱中我們毋須添加任何調味料。雖說

今晚早收工 屋企人話唔想煮於是去左牛陣打邊爐見到有新野澳洲上級長期穀飼牛套餐好似幾正咁仲可以DIY湯底首先落左牛油先Staff話牛油係和牛既脂肪整既煎既時候都幾香之後加埋香料同冬蔭公湯落去個湯底真係好香用黎食響鈴勁正 吸滿哂個湯底所有火鍋料都唔洗再沾醬料本身已經夠味自助形式攞火鍋配料次次黎都好有驚喜雞肉都幾嫩滑主角～真係好有牛味只要攞落去個鍋燙一燙食落真係好鮮嫩配埋個湯底真係perfect match豚肉都好靚最後出去自己挖雪糕Haagen Dazs 真係超滿足

今次落住雨再繼續在荃灣揾野食，想食飽再番去做野，去左牛陣任食。叫左個豬骨湯底，但個湯未黎前我已經一早出去拎左d即時食得既野，有咖哩牛肉飯（幾好味），仲有薯條（但就唔夠香口。佢先黎三份牛同一份豬，三個食肉獸，當然不停食牛。但有點唔明，每次的牛肉都唔同顏色同脂肪分布，所以口感都有所不同，但每次都味道唔錯。仲有其他的食材拎，有魚蛋、豬肉丸、芝士腸等。我食完正餐，仲食左三轉Haagan dazs的雪糕，雖然口味得4種，但真係幾好味。整體唔錯，但包得汽水一罐，如果任飲開心好多。

放假訓到太陽日上三竿先起身，間間餐廳都中場休息，見牛陣無落場就即刻衝入去食。入到去發覺都有唔少人係呢個鐘數打邊爐，香港人真係好鐘意滾兩滾呀！揀左個百多元 90分鐘任食餐，貪佢有得任飲又可以食長d，一坐低先去雪糕區食兩球雪糕，反正湯未滾，不能浪費時間，哈哈！牛肉肉味濃，薄切，放在湯中幾秒已熟，質素尚可，職員落單亦很快。豬肉比較嚡口，試過一次便算，都係主攻牛肉。仲有好多配料任拎，當中魚腐，同芝士丸都好好食，蘿蔔清甜無渣，仲有大量菜選擇，非常好！有我最愛的冬瓜茶短短個半小時，狂風掃落葉，食物質素不錯，仲有雪糕任食，抵食！

近排肥咗好多， 要食多菜少肉嘅餐單， 因為食菜係唔會肥嘅 老公提議我食火鍋放題， 佢可以食曬啲肉 ，正自己食烚菜烚。 老公真聰明 我哋叫咗兩個最平嘅套餐 ， 60分鐘限時， 每人只有一碟肉， 菜就任攞。 其實已經好夠， 因為我唔係食好多肉 ，兩碟肉我老公自己食， 佢都差啲食唔曬。肉係非常薄片嘅，烚幾秒就熟。 菜嘅選擇好多， 有 唔同種類嘅菜、瓜、菇， 另外有豆腐。我同老公最鍾意食嗰度嘅炒飯， 好香好好食 。另外，飲品都係任飲，選擇多好多。 有唔同種類嘅汽水 。雪糕係 Haagen Dazs。 咁嘅價錢簡直超抵食!

第二次黎, 第一次是團購, 今次正價. 90分鐘是有點急, 如120分鍾會食得舒服點$219 是澳洲牛, 可以任飲及任食海鮮, 雖然海鮮只有日本蠔,尤魚同帶子, 都是冰的, 但包埋感覺又好似底食D湯底- 甜豉油湯, 用此湯食冬菇同烏冬係最夾, 幾飽都要食一些牛肉- 幾濃牛味, 切工不會太薄, 食落有咬口, 不錯自助吧- 有我喜歡的秋葵及雨衣甘藍, 好新鮮又爽脆最後有4款DRAYERS雪糕, 做完美的結束