牛陣 (大埔超級城B區)

营业中

休息中

牛陣Lunch食最抵 大埔呢間分店仲有哈根大師雪糕幾隻味任食 次次都至少食番三五七球先收手 揀左最平果個$78套餐 牛肉好薄又唔滑 但對於非食肉獸既我 食出面任拎既蔬果菇類先係重點 大部分都好新鮮 仲有炸薯格同咖喱飯任食 抵食

今日雖然係星期日但係唔算好多人，一去到就直接入去，揀左個90分鐘上選套餐，$129+1。以價錢黎講，牛肉豬肉任食野飲任飲都確實係幾抵食既。最鍾意就係打完個邊爐之後仲有雪糕任食。可惜既係食黎食去都係得嗰啲丸、菜、麵等等，咁耐以黎無乜新意。食過幾間唔同既牛陣，雖然知道係餐廳少不免同知道佢地會定期清洗，不過連續兩次去到都見倒有小強(一次喺沙發，一次喺地下)，感覺始終唔係咁好。會繼續食牛陣既，不過大埔呢間就未必會再去喇。

夜媽媽先收工，返到屋企附近諗住同女朋友食返個吉邊，點知竟然賣哂🤯本身都唔係話一定要打邊爐，不過冇得食嘅時候就特別想食！竟然又俾我地發現呢到有間牛陣🤭其實我都淨係好耐之前岩岩興一人邊爐個陣同成班朋友食過一次。長期糧尾既我地就揀咗呢個$199既澳洲長期穀飼牛套餐試下😂番茄湯有d假唔似用新鮮番茄有d人造味😕 反而格離個雞湯都算ok 👌🏻我諗呢類型既火鍋店就好在咩都有d，岩哂d心大心細咩都想食d既人🤣 連配料都多選擇過人除咗本身套餐入面嘅牛同埋豬柳肉，仲送牛舌👅 不過個人都係喜歡燒牛舌多d🧐 肉係可以無限添加，不過細食嘅我哋都淨係添加過一碟牛！所以可能對我地黎講就唔算好抵食😓不過我鍾意呢到有好多菜類選擇，最欣賞佢呢度嘅冰菜☺️ 好新鮮，淥完之後個質感都好正👍🏻丸既款色都好多，不過都係每樣試一兩粒就夠😝竟然有炸雞薯條做熟食🤭 究竟韓風有幾勁，打邊爐都要有炸雞薯條🤣Asahi 竟然都係任飲，不過唔夠冰❄️

星期日，一覺醒來已經近11點，要到大埔中心一田買家品，所以又到樓上的牛陣食午餐，是第三次來牛陣，是第二次來吃午餐。12點15分到，雖說眼見仍有座位，但待應似乎很忙，未能即時招呼入座，因此仍等了10分鐘才入座，安排了近門口的一張四人枱，蝸牛和蝸牛媽坐得非常舒服呢 !點了最優惠的上選定量套餐60分鐘放題。因之前點過豬骨湯和蕃茄湯，都是一般般，所以今次點清湯算了。不一會，牛肉就上枱了，肉切得很薄，一份有8片 (比數月前少了)，份量還算可以，不過肉較瘦，煮熟後很鞋。至於自助的配料，肉丸、魚蛋、腸仔有7,8款 ; 還有豆卜、生根、海帶、烏冬、拉麵 ; 瓜菜菇菌類也有近10款，包括日式火鍋較少有的西洋菜、羽衣甘藍和蒿筍。可惜這天沒有蝸牛最愛的豆腐。熟食也只有咖喱牛肉，而沒有了炸薯條和雞塊。對於喜歡吃瓜菜菇菌又不是吃很多的蝸牛和蝸牛媽而言，牛陣的定量吃到飽套餐真是很好的選擇，火鍋後，還有哈根達斯雪糕做甜品，當日就有士多啤梨、夏威怡果仁、忌廉曲奇、咖啡等6種口味，還有粟米片、朱古力脆米和蜜糖星星做配料。雖然這次午餐，比數月前的食物種類是少了一些，但整體質素穩定，也有轉換食物的種類，因此還是會再去吃的。

今天是老公的生日，收工後齊齊去到我的家附近，大埔超級城（牛陣）食火鍋，餐廳有幾種價錢的牛肉揀，生日當然是揀最好的壽喜燒，3百多元可以食到優質的牛肉，仲可以無限添加，真係十分抵食，最重要係可以帶给老公驚喜的生日。先將和牛的脂肪放在鍋上燒熱，再落京䓤及洋蔥等配料炒香，再落少許壽喜燒甘露， 跟住就係主角牛肉啦，燒後可放入蛋漿去點，更加帶出味道來。燒烤同烚烚吓都可，湯底仲十分濃郁。壽喜燒和牛肉色粉嫩，雪花油脂平均分佈，好有牛味。新鮮蔬菜區，有多種款式，有好多特別嘅菜都有提供，例如冰菜羽衣甘藍等。火鍋配料區，乾淨整齊， 有腸仔獅子狗、豆卜、響鈴、烏冬等，有成3O幾款應有盡有。飯後甜品是哈根達斯大師雪糕好正，食後真係十分有滿足感。

去到拎位服務員態度好好，佢都算多人等位但好快就有位啦！原來一邊係好大嘅！今次我哋試吓佢嘅壽喜燒！入到去坐低佢就會俾個煲我地！枱面都放咗個教學俾我哋，教我哋要點做！同事服務員都不時會，睇住我哋， 怕我哋唔識個程序會幫我地， 有時會幫埋手添！另外我哋都加咗日本蛋（$8），果然係有新鮮！其實一坐低佢就好快上晒我哋嗰餐有嘅嘢食！同時我就急不及待咁出去有啲咩野食！佢全部火鍋嘅材料都係任食㗎！仲有嘢飲任食同埋雪糕任食！佢都有少少熟食！有炸薯格同炸雞！當你真係好肚餓嘅時候就可以食住呢個先啦！佢嘅牛肉同埋豬肉都好新鮮，另外佢啲蔬菜同埋海鮮都唔錯喎！真係有一樣野要大贊！佢係有冰菜食㗎！我係勁鍾意食冰菜嘅！仲有仲有仲有，佢仲有蟲草花任食！真係勁好啊都係我最鍾意食嘅嘢食！總結：食材多款又新鮮，服務態度好，商舖位置坐得舒適！推介！

朋友考試pass,約左食壽喜燒慶祝本身都鍾意食甜豉油湯底打邊爐今次壽喜燒食法有d唔同，幾特別Set已有日本黑毛和牛，牛舌，豬肉片每人有一隻雞蛋，菜，菇店員幫忙先用牛脂肪牛油塗滿鍋底，再加入京蔥，洋蔥炒香，放埋牛肉，然後加少少壽喜燒汁，煮一陣就食得la蘸左生雞蛋真係好好食，牛肉滑d食左一陣牛，已經想食自助火鍋料所以就倒埋壽喜燒汁，湯底入鍋不過後來發現，都係煎牛肉好味d可以食到蔥既香味，香口d任食火鍋有冰菜，羽衣甘藍，皇帝菜，秋葵，菜類選擇多配湯底亦好夾牛肉食得七七八八，睇一睇加點食物既平板原來仲可以點海鮮，有魷魚，廣島蠔，帆立貝最後一定要食haagen daz

  日本壽喜燒 😆-新年決定去牛陣食壽喜燒 因為係日本 壽喜燒喜慶節日先食架最重要係加到最貴 可以任食🔹#日本產黑毛和牛及日本產豚肉放題套餐　成人每位$309  店員好nice教我地點樣整正宗壽喜燒淺鍋加入牛脂爆香 再落洋蔥大葱鋪上帶油花的 🔹#日本產黑毛和牛 後倒入壽喜燒醬汁😍火鍋配料好豐富 可自行自助bar取用  🔹#蔬菜  🔹# 海鮮配料有蠔肉、帆立貝、魷魚蠔都叫鮮甜記得將日本鮮雞蛋打發成蛋漿 沾黑毛和牛食和牛甜甜的 入口即溶 再被蛋漿包裹 口感好順滑  ————————————————     牛陣大埔安邦路8-10號大埔超級城B區2樓217號舖  ————————————————  

媽媽今天生日，除咗送上禮物外還同她去到我家附近大埔超級城（牛陣）食火鍋，有幾種牛肉揀，媽媽生日當然要揀個好D啦，就要個壽喜燒，估唔到媽媽食後說這餐廳十分抵食，佢話會叫D老友來試吓。壽喜燒，店員先給ㄧ隻蛋傋用，然後會示範一吓點整，首先燒興個煱，和牛脂肪放入鍋塗勻、放洋蔥、京蔥炒香，煎香2片和肉(約3秒)淋約2湯匙壽喜燒湯汁，將肉沾上蛋汁食，牛肉好軟腍，不會老，入口即溶。再將肉、白菜、皇帝菜、冬菇、燒豆腐、烏冬等放入鍋中，跟著可加入日式清湯、燒湯汁等煮熟後就可以開餐。牛肉雪花均勻，油脂豐富，最好就是無限添加。要飲番碗全冇味精的濃味湯。豬腩肉，肥瘦相間，肉嫩粉紅，仲有牛舌非常爽口。火鍋配菜區，有成3O多款。

終於都黎到happy friday, 為左慶祝女朋友升職，今晚一於去牛陣食好d。去到牛陣，咁啱有壽喜燒套餐做promotion，非常切合今晚慶祝升職既主題，因為日本人會喺喜慶既日子食壽喜燒架。作為日本最大連鎖牛肉火鍋店之一，牛陣既用料同服務一向高質，今次呢個壽喜燒食法都好出色，首先服務員用心講解壽喜燒既正式食法，再慢慢端端出一碟碟雪花均衡既日本和牛同豬肉，呢一刻其實我已經流哂口水喇，果然加上壽喜燒甘露同雞蛋既和牛真係燒得又甜又香，入口即溶又重牛味，真係食到停唔到口！壽喜燒既好食又好玩又有意義，真係絕對要試下。食完一輪壽喜燒後就加湯打邊爐，不得不讚既係牛陣既用料真係好新鮮，任食但注重食材質素既真係唔多，牛陣無論海鮮，豬肉，丸類或者蔬菜都非常新鮮同好味，而且款式又夠多，雪糕都唔馬虎用Häagen-Dazs仲要勁多味揀，飲品當然都好多選擇啦，和牛又可以無限encore，就算encore和牛質素都唔會變差，真係好耐都無食飯食得咁開心。

日式火鍋開到款周都有，牛陣就突圍以出推出新食法~日式壽喜燒~今次同屋企慶祝生日就啱晒啦! 日本人都喺呢啲喜慶日子食壽喜燒~ 平日7點黎到已經接近滿座~大埔呢間分店都幾闊落，一行人坐卡位都幾舒服。我地叫左個和牛套餐，加壽喜燒湯底。牛陣嘅壽喜燒好正宗，仲有指示教你一步步制作壽喜燒~staff服務好好，會親自教你點整先最好食~首先將生蛋打落碗拌勻備用。佢地會比舊和牛脂肪粒你用黎炒香啲葱，再炙一炙和牛，加啲特製甘露，點一點蛋汁就食得啦！除左牛，用和牛油脂炒出黎嘅洋蔥同京葱都特別香口~好玩有新意又好食。睇下呢碟主角和牛幾正!大大片油脂均勻嘅和牛咬落牛味香濃~仲有口感，encore 左好多碟! 除左牛，仲有多款外鮮。蠔同埋魷魚仔都好有驚喜，夠新鮮呀。帶子粒亦唔錯~食到一半就去open bar度夾啲菇類菜類。有呢期最hit嘅羽衣甘藍! 菇菌類都勁新鮮，特別推介鮮冬菇! 厚肉又嫩滑。仲有多款丸類，烏冬等可以食。最後當然要食番Haagen Daiz 雪糕收尾咁就perfect!

邊個話情人節一定要同另一半過？同閏密一齊慶祝、一齊過，一樣夠甜蜜、夠開心！👭❤️·見到餐廳推出期間限定嘅「壽喜燒和牛套餐」，可以俾我哋落手自己煮，有得玩、有得食！☺️ 之前睇日本節目介紹過日本人會喺喜慶日子食壽喜燒嚟慶祝，睇住主持介紹整法，今次有機會親身體驗下，當玩下煮飯仔，但唔洗自己洗碗，勁開心！😂·🔸壽喜燒和牛套餐（$289/人，另收加一）套餐包咗和牛🐂、牛舌、豬肉🐖，3款肉都可以無限refill！另外仲有海鮮盤 (帆立貝、魷魚🦑、蠔)、蔬菜併盤 (金菇、冬菇、蒟蒻絲、燒豆腐、娃娃菜、羽衣甘藍等)，仲可以出去任拎配菜、飲品🥤、Häagen-Dazs雪糕🍦！😍·枱上有壽喜燒嘅正宗製作方法🧾俾我哋參考，邊睇邊整，非常簡單！(1) 將鮮雞蛋打匀🥚🥢，放喺碗度待用(2) 燒熱和牛脂肪，塗匀個鍋，炒香洋蔥同京蔥(3) 將幾塊和牛放入鍋煎香，約3秒，之後加大概2湯匙壽喜燒湯汁(4) 夾起和牛沾上預備好嘅蛋汁，咁就食得架喇！🤤 ·其他肉類可以連蔬菜併盤加壽喜燒湯汁一齊煮，之後可以慢慢加日式清湯嚟調味，仲可以避免痴底。海鮮都可以加入去煮，好快就食得！😎·牛同豬都可以無限任加，個人特別喜歡和牛，一次過將

前晚朋友生日 咁佢就住大埔既 所以我地就就佢入去食呢間牛陣一入到去店員都好有禮貌  環境都唔錯因為我地有book位 所以都有靚靚卡位坐一開頭黎果碟牛肉好靚 我地食第二級果隻之後果d有小小downgrade左但都接受到最後食埋哈根大師雪糕先走佬總體黎講都唔錯

記得牛陣最初開業既時候我同一班朋友經常都去食任食火鍋，最近發現原來佢有壽喜燒加任食，所以就同女朋友黎試一試佢。一開始上枱既配菜好似真係係日本食緊咁，中間既洋蔥、京蔥同春菊都好有日本壽喜燒既感覺。呢到仲多左冰菜，好清爽又好味。一開始其實用佢提供既牛脂肪起鑊加入京蔥同洋蔥之後就可以加汁同湯去煮牛肉啦。比大家睇下呢款日本和牛係任食既，今晚叫左三轉都仲keep到唔錯。大家都見到佢油花唔會好多，都好平均，食落好有牛味。一開始會有一碟牛脷，對我呢個牛魔王黎講的確係開心既。海鮮都係任食架，比較推薦係個蠔，同個壽喜燒汁都幾夾。最後要講一講半自助任食既部分，我唔知其他分店如何，但大埔呢到都幾大個水吧比你玩，入面有唔少好少有機會食到既菜，好似頭先講既春菊同冰菜，仲有雨衣金蘭等等。 另外熟食除左佢好出名既咖哩牛肉飯外仲有炸雞同薯條，都可以一試。總結我覺得好難得有任食放題店做到咁正宗既壽喜燒感覺，最正個位係連汽水同Haagen Dazs都係任食架。

同老公入大埔逛逛，黃昏時間揾嘢食，今日大年初七人日，人人生日，食壽喜燒慶祝下先，聽聞日本傳統慶祝喜慶節日就會食壽喜燒，今日啱曬。牛陣有正宗日本壽喜燒，識食嘅梗係要試下啦。餐枱上有指引詳細說明，逐步教你如何製作壽喜燒，或者由店員幫忙都可以。先用和牛脂肪於鍋上燒熱，加入洋蔥及京蔥炒香，燒熱和牛兩面幾秒，再加入少少壽喜燒甘露，夾起，放入蛋漿，勁鮮味，正呀！黑毛和牛是任吃的，先來兩盤和牛及一盤牛舌。先吃一輪壽喜燒和牛，加入甜甜的醬汁，燒出來的牛肉真的好香好好吃。跟住加入清湯變成壽喜燒湯底，這個有別於平時食開的火鍋湯底，冇加味精，味道甜美，愈食愈開胃，加了湯依然充滿洋蔥京葱的香味，推介推介。仲有一些海鮮，包括生蠔、帆立貝及魷魚仔，新鮮好好吃。新鮮蔬菜區有多種款式，任君選擇，特別的有冰菜及羽衣甘藍，皇帝菜娃娃菜也是我的喜愛；也有一些菇類、丸類、豆腐、豆卜、響鈴、拉麵等等。此外，也有一些熟食：炸雞、薯條、咖哩牛肉可以配健康穀物飯/白飯。最後一個環節少不了雪糕，呢度有哈根大師四至五款不同味道的雪糕，老公食咗兩round。欣賞這裏的店員殷勤服務，也很友善，負責帶位的哥哥好有禮貌，他們會主動幫忙壽喜燒，也