牛角次男坊 (荃灣廣場)

营业中

休息中

每次經過荃灣廣場嘅「牛角次男」都見到大排長龍 今日終於忍吾住要入去試下🤭 餐廳主打即叫即燒嘅牛肉丼飯 賣相非常吸引 價錢相對合理😉喺門口櫃檯落完單 就可以自己搵位入座 上餐速度都算快 大約10-15分鐘就有得食😌 。次男坊丼定食(HK$88)一上枱見到碗牛丼飯🐃 賣相咁吸引 即刻胃口大開🍴點知一咬落去 牛肉超韌 醬汁好鹹😕 米飯方面雖然選用咗珍珠米🍚但落左太多水煲 煲得太淋 好似漿糊😟中間更夾雜咗 一大堆無調味嘅芽菜😫整體黎講 雖然賣相幾有睇頭 不過真係唔好食😰失望而回 下次吾會再幫襯🤐。食物:2/10價錢:4/10環境:5/10。牛角次男坊 (荃灣廣場)荃灣大壩街4-30號荃灣廣場1樓112B-113號舖

本身好鍾意食牛角燒烤，不過價錢有啲貴，知道牛角次男坊係牛角兄弟店，相信佢嘅烤肉質素應該唔差，所以去試吓！見到廣告相上面嘅「牛角次男坊丼定食」牛肉堆到好似山咁高好吸引，決定試吓，確實冇令我失望。即烤牛肉用咗牛角燒肉汁調味，牛肉選用美國草飼牛腹腩，烤到少少焦香但肉質仍然軟嫩，香口惹味，配埋珍珠米飯，非常飽足。另外試咗「櫻花蝦生姜豚丼定食」，豚肉選用西班牙豚腩肉，比燒牛肉厚身，咬落爽而不膩，伴埋櫻花蝦及溫泉蛋一齊食，味道幾豐富，不過我就覺得燒牛丼更加好食！跟餐有前菜及支裝解茶，配解茶真唔錯，食咗咁多燒肉可以幫助減輕下油脂攝取。

價錢雖然係平平地 但味道絕對比得上牛角 配埋肉汁 入口簡直絕配 上面隻流心蛋 整爆埋真系好好味 有時日頭食飯時段仲要排隊 上菜速度都幾快 總之就真系值得去試下喇 有埋紫菜嘅配搭 真系好好味

🌟呢餐係：「食肉獸首選」嘅一餐係荃灣蒲開嘅我都係第一次食🤩 平時經過見個menu啲相好壯觀，想試左好耐架啦～ 今日終於俾我試到！😜 閒日6點去到，唔洗排隊👍🏻 落完單先入，員工就會攞個餐過黎架啦🥳🐷豚肉丼定食 $78豬肉唔算太薄，份量都算多。可惜有少少鞋。唔係太鹹，但係個人覺得個汁重口味咗啲啲。🐂次男坊丼定食 $88見到佢成座山咁已經食慾大增😍 點知攞起一塊牛肉先發現低嗰啲全部都係芽菜😂 但係肉份量都好多👍🏻 都係平時打邊爐嗰隻肥牛質素啦，冇乜特別。牛肉嗰隻汁其實同豚肉嗰隻好似差唔多味，個人都係覺得重口味咗啲。個芽菜同個飯唔係太夾其實😅 自行將芽菜放咗入麵豉湯度一齊食😂環境質素：🌕🌕🌕🌖🌑食物質素：🌕🌕🌕🌗🌑CP值：🌕🌕🌕🌕🌑回頭指數：🌕🌕🌕🌘🌑其實冇我想像中咁好味咁滿足，但係覺得一定好啱啲重口味嘅人同埋食肉獸👍🏻 建議晏晝或者下午茶時段黎會再平啲🤩

平時食牛肉飯都會諗起某間連鎖快餐店🤔，而牛肉飯聽起上黎好似好簡單咁，其實越簡單就越難去做好，而荃灣就有一間出名丼飯，呢間餐廳仲要係非常出名，每次經過都見到人頭湧湧🤯，而且分店仲要係出名食燒烤肉添，咁樣應該都有啲保證啦🤭，小編當然要一試啦。✦✦✦✦✦✦✦✦✦✦✦✦✦✦🎈次男坊丼定食 $88丼飯入面既醬汁非常多💦，每一塊牛肉都充滿又濃又結既甜燒汁。牛肉既質感好有韌性，而且亦彈牙，份量非常多，完全夠小編一個人食呀😌。丼飯仲有四大塊紫菜，夾埋飯同牛肉一齊食，味道更之吸引又開胃。外觀上，丼飯好似一座小山丘咁⛰，令小編食得啖啖肉。而定食仲有一份小沙律、麵豉湯同埋野食添，非常豐富，小編最滿意既係牛肉既份量同醬汁😚，果然值得試一試。✦✦✦✦✦✦✦✦✦✦✦✦✦✦總結：小編曾經食過好多次牛角燒肉🥩，對牛角既食物質素都係滿意。今次就簡單啲試一試分店既丼飯，感覺亦不差。由定食既份量或外觀上都係有適心去設想，牛肉飯呢個招牌菜更係必試之選😌，有興趣既朋友經過就停低望下仲有其他好選擇👐。✦✦✦✦✦✦✦✦✦✦✦✦✦✦

叫左兩碗，一碗牛舌，一碗最出名嘅勁高牛飯。黎到見到其實唔大碗，女人應該啱啱夠，男人就可能一碗唔夠飽。勁高牛飯其實入面係芽菜仔黎，所以其實唔係好多塊肉。對比牛舌黎講牛塊係好食d。牛舌比較難咬🥴

🍽 小編今次去到荃灣，成日食牛角都好似無咩新意咁，今次就試下荃灣廣場好多人排隊既牛角次男坊，排隊睇到張餐牌都覺得肚仔餓。小編今次點左☝🏻▪️次男坊丼定食 $88/套餐另追加左三文魚同泡芙小編一見到定食黎到，即刻要相機食先，真係擺我好吸引，你見到燒肉好有光澤，香噴噴咁放係你面前，真係會流口水，當你一啖放入口再配啖白飯，真係人生一大享受，完全係勁好配搭，想食完一啖再食一啖，如果未試過就快啲去試下☝🏻

原本想去另一家店食石燒牛的，但因為人很多，見這家店都有供應石燒牛，而且不用等，所以最後選了這間餐廳。點了美國安格斯和牛石燒定食加飲品$162牛肉看上去是正常的，一切🔪就發現好像有筋，肉質也有點硬，剛開始讓以為是刀不利的原故....多筋，韌，醬汁味道怪，沒有牛味，沒有肉味，真係一個優點都冇，免費都唔想再食。真心想問係唔係真係和牛？朋友選了個普通的牛肉丼飯，味道普通但都好食過呢個石燒牛。

只限堂食嘅石燒定食其實我想嚟咗好耐，但係因為香港得兩間分店，東涌同荃灣，所以到而家先嚟到本身自己喺金會員，以為可以早啲入，但係門口等咗半個鐘排住隊咁入今次叫咗石燒美國SRF安格斯和牛定食(160g)同埋石燒日本熊本玉名黑牛牛肋肉定食(130g)，美國嗰個有啲普通，完全唔值嗰價，但日本嗰個真係好好食，但得好少嗰員工一拎到嚟會叫你快啲切，咪會燶😂 你要即刻切之後夾起咪真係會太熟同燶影響咗嗰味道😂呢兩個餐唔係好夠食，所以要加餸，本身跟會員有八五折，但係每日下午五時前後只可各用一次，所以最尾就冇加到🥲

#荃灣 #牛角次男坊 第一次食! 好好食! 下次會再黎! 同會識得自助斟水😂今次叫咗#牛角次男坊丼定食 好多燒得啱啱好嘅牛肉，juicy得黎，個邊有少少脆，好好味😋😋😋😋😋中間有墊咗啲芽菜，同偏咸嘅燒牛肉互補👍另外，飯上面都有鋪咗少少紫菜，又有肉汁滲咗落飯，逼到我地都清趴2啲飯咁濟，食完好飽好飽🤣不過味精偏多，食完就好口渴🤯味道: 8/10味精: 8/10價錢: 7/10環境: 8/10服務: 8/10#vinaintusenwan #vinafood #gyukakujinanbou #barbecuedbeefrice #juicy #salty #荃灣黃店 #foodporn #foodie #hkfoodie #f4follow #f4f #likesforlike #l4l

牛角次男坊～荃灣廣場入面12:20到，唔使等就有位入到去坐，之後再行返出面俾錢🤌佢就俾個牌仔你等服務員俾餐你，見到佢都幾多外賣單接。同佢服務態度好好，好nice。B餐牛角次男坊丼定食（美國草飼牛腺腹腩）$88呢個好食過豚肉飯🙈，其實2個都有鹹可接受，佢燒得岩岩好。C餐豚肉丼定食（西班牙豚梅肉）$78加$4可配飲品，豚肉飯有配蛋，正，豚肉下面有一層紫菜配埋。評分：上癮程度：⭐️⭐️⭐️美味程度：⭐️⭐️⭐️⭐️外貌程度：⭐️⭐️⭐️⭐️價錢低食：⭐️⭐️⭐️

懷着美好嘅心情準備去試一間喺網上面睇到好出名嘅牛肉，去到之後睇到個環境都唔錯，坐低睇咗陣食譜，之後經過店員嘅推薦升級為石燒美國SRF安格斯和牛定食，上餐係由侍應拎過黎，佢都有提示我哋要反轉入面之後唔好燒多個3分鐘，但係我發現呢塊牛肉喺上鐵板嘅時候已經係五成熟，我相信有識開牛扒或者有食開牛肉嘅人都應該知道牛嘅肉質大概係幾成熟會好食。之後發塊石板嘅溫度好快就已經令到塊牛肉全部熟晒。肉嘅味道雖然冇問題但係因為肉質已經全數。所以令到口感麻麻地。另外就係牛舌。唔單單好乾，味道仲係一般般。另外就係沙律同埋味增湯，根本就係味精湯。唯一最好嘅就係魚腩。不過其實魚腩又好難整得難食。可能整體賣相嘅感覺10分好。正所謂希望越大失望越大。只可以話真係好失望

去到荃灣除左食米線 仲有好多cafe揀 但今日想食好多料既飯 上次同事lunch叫過呢間外賣 賣相好吸引 今次老公同我行過 一於試下啦而家疫情 佢基本隔板消毒量體溫都做得足 所以下午堂食都唔怕既 我地叫左一個牛丼一個豬丼牛既汁好好食 牛肉有好多 佢個碗好特別 望落賣相好靚好滿足咁 佢下面係紫菜既牛角飯 一個餐有支解茶 有個椰菜既前菜 有咁多野 而且味道高質 性價比都算高 同埋最開心係食個牛角飯 之前夜晚牛角食燒肉都要加錢要個牛角飯 有紫菜個味真係唔同d豬丼都係一樣 但個汁乾身少少 個人黎講鍾意個牛丼多d 牛味又香d重d

而家基本上，買外賣仲抵過自己煮。夜晚晚餐諗唔到食乜嘢。於是乎就叫外賣啦，咁岩行過荃灣。又好想食燒肉喎，於是乎就喺牛角次男方叫外賣啦。朋友叫咗牛舌，而我就試下啲雞。佢而家外賣做緊特價。本來70幾蚊嘅，依家50幾蚊就有啦。返到屋企做咗一輪家務。先開始食個飯。雖然個飯凍咗。但係個飯分量唔算細，而且飯嘅醬汁好好食。啲雞亦都唔會話太老。而且份量亦相當之多，我從來冇諗過啲雞係多到我會食唔晒。整體來講我覺得係好食嘅。既然仲做緊特價，大家可以一試無妨。

【黃店推介 - 平民燒肉丼-牛角次男坊@荃灣🐮】🐷🐷🐷🐷💭牛角燒肉放題相信好多人都食過, 但冇晚市冇堂食又想食牛牛咁點算好?! 佢地仲有較為平民價錢同埋適合外賣嘅牛肉飯食呢!! 呢間連鎖黃店集團仲開係大型商場入面, 無論堂食定拎走都好方便架!! 🐷🐷🐷🐷💬1️⃣ 牛角次男坊丼定食 $88主打牛肉即叫即燒，仲要多到滿瀉，絕對對得住呢個價錢！牛腹腩肉食落厚薄適中又滑, 可以揀辣或唔辣嘅燒肉汁, 都非常入味!! 加埋大大碗日本米飯, 定食套餐$88 配埋前菜同野飲🐷貼地抵食!🐷🐷🐷🐷💬2️⃣ 新豬肉味噌丼定食 $78另外揀左個素食新豬肉, 肉碎粒口感同豬肉冇咩分別, 一樣舖滿成個碗, 咸咸地送飯好岩, 而且仲有最愛嘅溫泉蛋撈飯!!🐷🐷🐷🐷💬3️⃣牛角次男坊丼配穴子定食 $108唔想淨係食牛或豬都仲有感覺好似鰻魚嘅穴子飯!! 一整塊原條穴子已經好養眼, 穴子味道幾似鰻魚，係較為腥少少🤏連埋大量即燒牛肉送飯就好滿足啦!!