牛角次男坊 (荃灣廣場)

营业中

休息中

應該熱潮過左! 星期二晚餐時間無需排隊!嗌左牛角次男丼加溫泉蛋店員好細心！會提醒燒肉汁有少少辣！5分鐘內食物已經送到！香噴噴梗係手機食先啦！ 真係好值得影牛肉份量真係幾多！啖啖肉！無出現凍左既問題！但牛肉燒得略乾！牛肉汁再配溫泉蛋！完全配合好好至於套餐既味噌湯中規中矩啦⋯我會推薦食肉獸黎開心下！小鳥胃既朋友！黎影下相！D肉真係好吸引咖！下次要試豚肉先得！好似好好味咁！

唔得！首先係牛不是靚牛，甚至我懷疑自己係咪食緊牛，賣點即嗌即燒，時間確係等了10-15分鐘，但牛上枱時已經只在微暖狀態，好似焼完放涼了好一陣子般...然後是比例，牛確是很多，可惜中間有層芽菜，於是變成飯很少了，我期望食牛丼可以啖啖飯，卻食極都食唔到飯，一食到就差不多食完了，另外芽菜沒有用心處理，還吃到啖啖草青味最後就係難以進食，飯面佈滿了牛，但個碗超細冇空間，唔知點樣可以食到下面啲嘢，成個設計好失敗，唔推薦😣

曾經作為牛角粉絲，知道品牌有間牛角次男坊開左喺荃灣，加上位置咁近，都想試好耐，奈何最初十個有八個都話唔好食，又要排隊，打擊左我嘅決心。事隔咁耐，人流漸散，加上星期五晚，唔算好多人等位，即管試下餐廳位於荃灣廣場，呢個位真係唔知第幾手了，座位都唔少，即使係快餐店黎講，都偏密麻，基本上聽哂隔離左右對面講野。到店先取票，等候十分鐘，成功入座，先喺收銀處埋單，由店員送餐。餐牌選擇唔多，主打4款燒肉丼：次男坊丼、燒鹽麴牛舌丼、豚肉丼、王樣豚肉丼，定價$78/88，可以$60加配海鮮配料，聽講係香港分店獨有，例如牡丹海老、海膽、帶子、拖羅蓉等。我實左諗唔到理由去追加，將一個飯由性價比唔高變左低。次男坊丼 $88/經典牛角飯燒肉汁附味噌湯，大約等左20分鐘，同圖片大致相符，丼飯上枱有少少冒煙。一片片牛肉靠著墊底嘅芽菜堆到高高，肉片份量收貨，大大話都有十幾條，有燒過嘅痕跡，食頭幾片仲感覺到暖暖地，全熟略柴不過堆到咁高都係噱頭，冇乜可能唔夾開啲肉(?)，啲牛凍左，食食下好乾幾難啃，我都明咁嘅價錢唔好講咩嫩肉。揀左牛角飯燒肉汁，自然令我諗起牛角燒肉嘅牛角飯，可以話完全唔係嗰回事。醬汁量少，飯粒略黏。豚肉丼

年30晚去食dinner,平時經過第一次試！佢地好似一般餐廳咁客人攞飛等…但叫到號碼后，客人要在門口揀食乜同俾錢先（都唔緊要!）但我唔明點解上一枱客人離開后，店員遲遲唔肯執枱俾下位客人入座？我睇住店內最少3-4成位係吉，但就係要客人呆呆外面等……待客態度有點不知所謂……到安排我地入座，坐近出菜既位置，進食其間不繼聽到企喺入面既男店員講是非（真係20分鐘無停過咀！佩服！）講真…佢地牛，豬肉好一般，再加餐廳呢種服務態度，我唔打算再幫襯…真係想知佢可以捱幾耐！

荃灣廣場又有新食肆，我唔太喜歡太開放格局的食店，被人望住食飯的感覺唔太舒服。 order左個次男坊丼，有麵鼓湯送，又有自助飲水機。食物賣相唔錯，味道就一般，沒有太大驚喜。

喺門口排咗一陣間大概十分鐘左右啦睇下餐牌話咁快又到自己🤭😬睇咗餐牌揀好曬用八達通畀埋錢就可以入座😁入去坐嘅位置空間光線都比較充足光猛乾淨衛生嘅✨👍叫咗嘢食等咗大概5至10分鐘已經到我哋叫咗一支綠茶另外兩個飯同埋有一個麵豉湯附送😊兩個飯味道真係好澎湃😍😍😍😍牛肉好多味道剛剛好😋😋😋😋飯亦都唔會太多😬👍飯與飯之間都有啲配菜蔥花同埋芽菜👏👏👏👏每一碗飯上面都有四塊紫菜配搭用紫菜嚟包住啲飯同牛肉芽菜真係另一種風味😏😋真係可以畀90分佢👍下次可以再去😙😎😙😎加油呀支持支持💖💕💖💕💖💕💖💕💖💕

早前見這店新開張, 我又喜歡燒肉, 一直想試試, 但早期太多人, 終於在開張後兩三個月才在晚上8:30後見少人點有機會一試, 餐牌上主要就是牛丼和豚丼, 相信大部份人都是食這兩款, 另可加其他魚生類配料, 或俾多幾十蚊要貴價點的牛肉和豚肉. 和朋友各自叫了基本的牛丼和豚丼, 我的牛丼來到, 發覺和其他食客的牛丼比較矮了很多, 亦和餐牌上的圖片有些分別, 沒有那些紅色的長絲 topping, 豚丼就和餐牌圖片相近, 兩個的飯量都不多, 男性應該不夠飽.  牛肉有筋很花時間嚼, 沒有甚麼燒肉味, 很失望, 豚肉亦淡而無味, 那燒汁對提升肉味或撈飯完全沒有幫助. 這個價錢就如其他評論般, 相信都用在舖租上, 食物質素來說, 回頭客應不多, 恐怕新屎坑熱潮過後, 只有周五六日等才會有多點人幫襯吧.

星期日的三點三，行完街就去試一試新開既牛角次男坊同女朋友想試好耐係門口唔算排得耐，等左一陣就入到需要係門口先揀好食咩，落單俾錢再安排入座咁我就揀左次男坊丼，女朋友揀左豚肉丼牛肉份量很多，牛味不算太濃，肉質不會很韌吃得出有燒烤過牛肉下有很多芽菜，偏油而且醬油偏咸整體來說尚可就女生而言，豚肉份量算頗多肉質很粗糙而且偏韌豚肉味不濃流心蛋正常蔥花份量適中伴飯一起吃一流但整體而言，不會再試很普通的豚肉丼，沒有太大驚喜未試過的，值得一試如果喜歡吃肉多過飯的朋友，相信應該很合適你們的口味但試過的就未必會再返轉頭了

去年11月牛角開了支線品牌 - 牛角次男坊，以特盛燒牛肉丼及豚肉丼作主打，率先落戶在荃灣廣場，於周末往往引來洶湧人潮來朝聖。貓人終於可趁挨年近晚的平日下午，來試一試新口味。如只論口腹之欲，我覺得賣相及味道挺不錯的，我點了較簡單的燒鹽牛舌丼連味噌湯（HK$78另收加一服務費，不包飲品）。約等了五分鐘，賣相精緻的燒牛肉丼即端上，十多塊巨型牛舌結合一圈圈的芽菜，猶如花瓣般舖滿在碗上，令人食指大動! 牛舌厚薄適中，腍身而富有彈性，配合自選的微甜燒肉汁，令牛舌更可口味美。不過在挨年近晚的平日下午，明明人數寥落，坐滿不足一半人，吉位多多。但先後有幾組1人或2人同行者來用膳時，則總是被偏配坐於長方型大枱集中一隅齊齊搭枱，你眼望我眼，凳貼凳，又聽到對方說話 ，感覺不是味兒。加上伴奏的狂勁節拍日本歌，有點趕客風格。而且丼碗設計看落頗大，以為必定大大碗飯勁滿足！誰知碗寛而淺，像踩了高跟，設計相當「鬼馬」，猶如增高鞋墊般，充滿迷惑色彩，細食人士可能會覺得頗為適合。呵 ! 我差點忘記了被收了加一服務費。因為職員並沒有主動為顧客送來開水；而點餐也不是安坐在餐廳裡慢慢諗慢慢點，而是先於收銀處排隊，為免防礙後面的排

好耐無食過咁澎湃既肉量🐮成日覺得好唔健康 但次次經過見到好吸引好想食😂·🐮次男坊丼（$88）有惹味辛香燒肉汁/甜甜地既燒肉汁選擇～我地點左前者🌶之不過少少辣味都無🤐牛肉份量好多！質素唔好期望太高⋯但絕對比吉野家牛肉好. 牛肉下面有好大堆芽菜🤭飯既比例就相對少🍚總括 味道唔錯 雖然紫菜淋哂 但包飯食仍然正正子🥳牛肉汁多d會更好😆🐷豚肉丼（$78）賣相吸引 加上有溫泉蛋🥚😍豚肉份量同牛丼一樣澎湃，燒完既豚肉更香口惹味🤤但係燒肉汁甜度超出我預期😣如果簡另一隻惹味辛香醬汁會更好味🌶（其實都唔辣既，但甜度適中）🥚溏心蛋（$12）唔鍾意食溫泉蛋既我追加左一份溏心🥚🥚🤤

記得兩年前去台灣無意中食過呢個充滿幸福感既牛丼之後就念念不忘 一直都想encore😍 估唔到宜家香港都有得食 不過當然貴好多 果邊50幾蚊 呢度加埋一差唔多要$100💩 之前初初開成日好多人排隊所以等宜家熱潮減退先試😛牛角次男坊丼 $88牛肉既疊法同台灣有分別架 呢度係將牛肉打直貼服喺牛肉山上面(其實裏面係芽菜山) 台灣就hea少少就咁一片疊一片層層疊😂 牛肉有相當厚度同脂肪😇 吸收左燒肉汁鹹鹹甜甜既味道唔算太dry 加上佢本身既牛油香 係幾惹味😍 呢點比台灣果間優勝 不過肉質有少少韌同筋位較多敗北在於芽菜 上次食條條都係超肥大 咬落飽滿爽口爆汁 撈埋燒肉汁同白飯成件事係昇華左❤ 呢隻芽菜係煮到淋曬扁曬塌曬身又唔吸汁同個飯唔夾很fail🌚 醬汁都唔係好夠 米飯亦都冇上次咁香綿咁索汁 完全食唔返果種幸福感😟 最後一個fail位係香蔥愛好者表示太少蔥 上次d蔥滿到山泥傾瀉架😍鹽燒牛舌丼 $78一片片薄牛舌切成花形 燒得幾入味 牛舌香同牛油香都keep到😊

夜晚10點幾去到，唔使等位就有得食。佢嘅形式係先付錢買單，然後安排座位。所以各位係出面睇清楚自己食啲咩先跟住再去買飛就可以啦！我點左次男方丼，蔥味辛香，但黎到一D辣味都無，唔知係咪做錯左，不過唔緊要啦！ 整體上牛肉質素幾好，係個汁有d偏甜，食到最後有d漏

再次在荃灣廣場購物，經朋友介紹，來到地下的一間日本餐廳。餐廳主打牛肉飯和豚肉飯，特色在於有很多肉鋪在飯上，形象就會像一個火山的模樣。跟在日本地道的餐廳很相似。除了選擇不同的肉類外，還可以選擇不同的海鮮。感覺上比日本的餐廳更勝一籌。肉質味道很好，拌飯一流。但肉質比較粗糙，飯的份量亦比較少。價錢方面，以份量來說價錢偏高。但在香港能夠吃這類的日本飯亦相當值得一試。

知道佢開左好耐 先前都知道佢好多人排隊 最近有時間咁岩經過 但食完覺得係一般般 只係肉鋪得靚兼夾多 但食落口個陣 飯同肉已經唔係熱 牛舌燒得唔多靚 只係普通熟既質素 而且有小小凍冰冰既感覺 但岩岩開始食冇耐 已經有幾隻＂盲頭烏蠅＂飛黎飛去 完全影響食慾 仲擔心食到一半 會唔會有隻躲埋係傷面🤦🏼‍♂️🤦🏼‍♂️🤦🏼‍♂️ 好彩最後係冇 同個女服務員反映問題 佢話 冇辦法 搞唔到 真係俾佢一句ko左 新開既餐廳搞成咁真係so bad 影響左牛角原有既聲譽

早係幾個月前就知道燒肉品牌<牛角>會在香港開設<牛角次男坊>, 以燒肉丼飯為主打, 在日本同台灣都有分店, 開店之前已經有大大個廣告圍版在舖位, 令人期待萬分。香港人喜歡排隊, 為打咭, 為追潮流也好, 一有新的熱店開幕, 就必然有人龍, 本來諗住等熱潮過後先去試, 但和朋友剛巧路過, 大家都想試呢間熱店, 於是抱住「時間尚早應該唔會好多人掛」嘅心態, 走到舖頭嘅前面……好多人……😑最後等咗大約45分鐘終於叫我地喇, 入座前要先在前台收銀處點菜和付款, 我們分別點了2 個丼飯, 一個牛一個豬, 跟丼飯有一碗面豉湯, 醬汁可選次男坊燒肉汁和經典牛角飯燒汁。次男坊丼 $88次男坊丼就係店舖嘅王牌燒牛肉丼飯, 傳媒渲染, 強調將牛肉堆砌成16CM之高, 又話啱哂食肉獸, 好似好勁咁, 但佢嗰16CM係包括個碗同啲飯, 個碗底仲有個好高嘅”踭”喺度, 啲肉唔算少嘅, 但亦都唔係多到要強調囉, 加上16CM其實一啲都唔高, 食肉獸食完應該會好失望囉🤔至於牛肉質素呢, 我覺得唔算好差, 亦都唔係好, 肉味雖然不足, 有筋, 但牛肉都淋嘅,因為醬汁出色, 所以個飯都