牛角次男坊 (荃灣廣場)

营业中

休息中

雖然我唔係動漫迷，但係shopping經過呢間餐廳都俾佢哋啲超大動漫主角紙板吸引咗。橫掂到咗食飯時間，我哋都唔周圍搵，索性喺度食。餐廳主打係食燒肉丼，一於捧場試下。叫咗一個【王樣，豚肉丼】和一個【豚丼】，一齊share。呢個造型好趣怪喔! 成個胡鬚佬咁。尺幾長的燒豚肉，juicy 得來又入味。呢一個的賣相就相對平凡一點，不過啲燒肉堆到成座山咁，其實都幾震撼架。山頂仲有好多吞拿魚蓉添。飯裡面有好多芽菜、紫菜，而且啲汁好濃味。溫泉蛋係流心的，食起來好黏口，幾正。兩個餐都跟埋味噌湯，調味啱啱好，不會太鹹或太淡。

最近聽了牛角在荃灣開了一間牛角次男坊，我一直很喜歡吃牛角，但奈何吃燒肉一定要一班人一起吃才有風味的，所以開了這間牛角次男坊，十分方便我一個人也能來吃。我叫的是特大蒲燒鰻魚丼，我一直很喜歡吃鰻魚飯，尤其是這個是期間限定的。鰻魚的尺寸十分長，而且環比整個碗長，賣相十分吸引，鰻魚肉厚身而且軟熟，而且鰻魚汁令人齒頰留香，配上蛋絲更加配合。而朋友選的是豚肉丼，是柚子風味的，我們對期間限定的東西是抗拒不了。豬肉是選用半肥瘦的，所以不會太油膩，還有一隻溫泉蛋，雞蛋味道濃郁，配上豬肉飯十分香。

呢到既模式有啲似日本快餐店 喺門口買左野食先 然後店員再會安排你入座 再等野食送上檯 所以係要收加一架😂每個丼都配送一碗味增湯 不過明顯係沖出黎果啲🤭---------------------------牛角次男坊丼 $88牛肉疊到好高 原來入面塞左一堆芽菜🙊不過都真係好多塊牛肉 食極都食唔完 牛肉唔係薄切切果啲 都有啲厚度 牛味濃且帶咬勁 醬汁揀左經典牛角飯燒肉汁 味道甜甜地 同牛肉幾夾 不過醬汁唔夠多 搞到無咩汁餸飯唔夠味🙁.豚肉丼 $78配搭微辣既次男坊燒肉汁 相對比較惹味 呢個丼無太少汁既問題 再加上有隻溫泉蛋 啲飯唔會乾爭爭🤓豚肉同樣有好多塊 而且都幾嫩 但係肉味偏微弱 同埋呢個丼有大量蔥 唔食蔥既人士要留意啦‼️

系日本，台灣大受受歡迎嘅牛角次男坊開左黎荃灣一段時間😊終於有機會試下啦，先比錢落單後入座!一坐低就有面豉湯飲啦，次男坊丼有兩款醬汁可以揀，一款係微辣，另一款係濃厚甘甜🤘🏻店員推廣微辣所以就試試佢啦，原來真系BBBB辣，無辣可言😂但食落就真系幾惹味嘅，不過太多汁啦，食落都頗咸😖另外用左燒牛肩胛肉疊起，望落系幾吸引嘅😆邊位微燒焦，食落有小小乾🤔蒲燒丼黎講最吸引就系有原條燒鰻魚，味道黎講又系偏咸嘅，所以個飯就算無醬料都好夠味😂雖然饅魚有骨不過都系一咬就碎個啲😊無有怕！總括而言就無話好吸引想再回頭嘅感覺，吾中意咁重口味嘅朋友就記住要小汁或不配醬汁啦

今日星期三係吉之島特價日，等我去襯下熱鬧先，襯熱鬧之前，先到附近荃灣廣場食晚飯。經過荃灣商場入口，見到有牛角次男坊，食丼飯的，就一於入去試試。丼飯選擇以牛、豬為主再可以加配菜，如海鮮海膽、蟹肉、帶子等，仲有唔同汁揀。叫咗一個期間限定的柚子西班牙豚肉丼，又真係幾好味，炙過的豚肉爽彈不肥膩，仲有隻流心溫泉蛋，篤穿隻流心蛋撈埋啲飯一齊食，好香好滑，仲有加埋少少甜甜哋的柚子汁，好夾。另外，仲叫了一個招牌次男坊牛丼，仲加咗熟蟹肉。次男坊牛丼加熟蟹肉又幾霸氣，一層一層疊到好高，牛肉香濃，配上自選的辣燒肉汁（可以揀微辣惹味的次男坊燒肉汁或濃厚甘甜的經典牛角飯燒肉汁），好滋味。熟蟹肉可揀火炙或不火炙，我揀了火炙，火炙後的熟蟹肉好香，蟹肉味好鮮。每個丼飯都配一碗味噌湯，味噌湯好夠味，正！

次男坊丼($88)牛角副線「牛角次男坊」主打海膽燒肉丼。次男坊丼係呢到既招牌菜，重達500克既美國牛肩胛肉堆積如山，燒到有啲焦香而且好juicy。另外亦可以加錢轉美國SRF極上和牛板腱肉/日本熊本玉名黑牛牛肋肉。醬汁可以揀牛角特制燒肉汁、辛香特製燒肉汁，少少辣好惹味，唯一挑剔醬汁過多，令到整個飯過鹹。

見牛角同龍珠有活動，等到有叉電換果日先去！ 其實叉電器都有小插曲，不過唔關食先就不多説了！地方不算好大，不過去到人唔多，唔洗排隊！ 叫咗個布洛尼食。。。不過都有d貴。。。150幾好似都要等左一陣就好快上飯，都幾靚同細心！上飯比你時個飯有膠蓋蓋住的！味道可以，個沙拉球都好食！不過d肉就有小小乾！第一次食d肉好食d ge不過今次特意為龍珠而食都ok！雖然碗唔大，但食完都好飽！所以間中食下都ok！當然同去日本食就當然日本好食d啦

上年睇vixtv個造星節目，幾迷姜🍑前排見佢同Alton係牛角次男坊活動一路玩遊戲一路食好似好好味，俾佢吸引左黎食叫左牛角次男坊丼經典牛肉飯燒肉汁加埋熟蟹肉微炙過，成碗飯好多牛肉，味道濃甜又香，牛肉唔係好肥個d,用這款有點咬口既牛肉唔會好肥膩，又有肉香。底下有d芽菜令成碗飯增加口感同清爽一點。面頭加既熟蟹肉多汁又鮮甜好味。飯都好味軟熟粒粒分明。成個飯既份量對我黎講剛剛好，飲埋碗麵豉湯真係好滿足。有位扎頭髮既侍應妹妹幾友善。餐廳有龍珠佈置，龍珠迷不容錯過，無論飯同龍珠佈置都係打卡一流。

知道牛角開左燒肉丼，即刻走去試！之前曾經喺日本食過類似，即燒牛肉配上醬汁同日本米，令我十分期待今次到訪。店面都算大，採取先點餐後入座的安排。點了次男坊丼配次男坊燒肉汁。上菜前，先送上味噌湯，再送上主菜。次男坊丼上菜時用膠蓋蓋上，微熱，見到有蒸氣。 打開後，賣相幾吸引，可以見到肉量頗多，份量都足夠。可惜嘅係唔記得走葱先試燒肉，肉明顯唔係即燒，有點涷，可見只有飯係微熱。以肉質來說，偏乾身，唔係juicy，不過肉味尚算可以。次男坊燒肉汁，唔算好多，真係微辣，佢嘅辣，屬後上，要落左喉嚨先感受到佢嘅辣。整體來說，還算合格。都係嗰句:無期待，無失望。

牛角燒肉你就食得多，咁牛角主打即叫即燒燒肉丼既兄弟店次男坊你又有冇食過？用日式正宗燒肉屋既方法製成丼果然寧舍不同，午市去仲有輕食揀，$5x就有一碗細丼！不過就一定唔夠我食😆所以最後都係嗌返正常size。【豚肉丼配次男坊燒肉汁(辛口)🌶 $78】丹麥豚肉眼口感厚實少肥膏，足足有成九大塊！每片都淋上牛角招牌既燒肉汁，味道微甜又帶點日本醬油既味道，粒粒分明軟糯既日本產越光米配上流心蛋、燒肉汁、青蔥三種元素撈埋送飯真係世界級！略嫌我嗌咗辛口但係完全冇辣味，如果可以加辣返就perfect啦！一個非常滿足既下午，推介！

This restaurant has actually been on my quick eat list for a while, as it’s a sister restaurant of one of the popular Japanese Bbq chains in Japan. Their famous don includes the beef tower don and their pork don. We are lucky enough to try their seasonal edition pork don with Yuzu and runny egg 🍳 each slice was perfectly cooked and blended well with the soft boiled egg, we can also tasted the yuzu flavors on top which was pretty yummy! The shocking don then arrived. All eyes were on us at that m

牛角嘅副線品牌：牛角次男坊開咗喺荃灣廣場地下，位置都幾開揚。見到有限定丼物，就吸引到我呢個「期間限定」控，不過，如果唔係太大食嘅話，下午茶有午後輕食套餐仲抵！燒鹽麴牛舌丼（$78）牛舌份量好多，薄薄地，口感唔錯，加上次男坊燒肉汁一齊食更好味。特盛蒲燒鰻魚丼（$118）同餐牌說明一樣，用上大大條嘅鰻魚，足足有23-25cm咁長，鰻魚甜甜地好好送飯呢！丼飯內仲有芽菜絲、雞蛋絲同紫菜絲，其中芽菜絲仲索滿鰻魚汁呢！隨餐仲有味噌湯一碗。

成日經過都好多人排隊👫心諗一定好好食😍原來係牛角轄下嘅餐廳，日本No.1🏆燒肉店，主打燒肉丼🍱餐牌有燒牛丼、燒豚肉丼、 鰻魚丼等等，仲可以自己加啲toppings，又唔同刺身揀 當然要叫返個牛角次男坊丼（$88），配燒肉汁辣辣哋，牛黎到疊到好高，有勁多超豐富，而且啲牛夠juicy!我最鍾意佢配嘅飯有紫菜，撈埋一齊食超級好味 飯下邊仲有好多芽菜，夾埋一齊食好爽口另外加咗火炙牡丹蝦刺身（$60）有兩隻🦐新鮮鮮甜好大隻 刺身同樣出色另外仲叫咗豚丼（$78）一樣好食都係配燒肉汁， 豚肉夠林，有燒過嘅香，另外加咗帶子刺身（$80）有六隻咁多，厚切，又係好新鮮 面上仲有啲魚子，好好味丼飯配麵豉湯🥣 呢度啲燒肉丼真係冇得頂，舐舐脷🤩 咁多人排隊都係有道理嘅，而且食物性價比高， 食過返尋味

朋友仔話之前食過牛角次男坊，想帶我試一試！好多龍珠嘅海報，Oh my god，唔小心暴露左年齡，我識得龍珠，入面仲細細聲播住龍珠嘅歌！叫左兩個定食，每個定食都跟個味噌湯！特盛浦燒鰻魚丼 ($118)個人幾中意食鰻魚就揀呢個，佢片鰻魚勁大塊，有1.5倍碗嘅直徑，又厚身，大大塊嘅鰻魚上面有一堆洋蔥絲，下面舖住好多嘅芽菜、蛋絲同紫菜絲，的確好送飯！牛角次男坊丼 加日本帶子刺身($168)朋友仔勁豪爽，牛肉丼已經好吸引，佢仲加$80加帶子刺身，完全係豪食，果然係我朋友仔！一上菜堅嘩左聲，好豐富喔！上面有六七片帶子，下面有魚子同好多好多牛肉，見佢食極都有牛！另配一隻溫泉蛋！偷食左口牛，味道都唔錯，好有牛味喎！朋友仔都力讚！個人覺得欠左杯茶，如果加個汽水，就再滿足啲！

老老實實我係因為當初姜濤有份宣傳我先黎試下，係開門已經擺左好多龍珠紙板人，不過睇menu唔覺有佢既造型食物，只係插左張圖係食物上面，點左柚子西班牙豚肉溫泉蛋飯🐖🥚🍚，揀柚子就係為左減少對肉既肥膩感，好清新，而且豚肉切到好薄，食落好嫩滑，又唔漏，撈埋蛋汁好正呀😍，但厭飯太少，肉太多，我已經唔係叫肉片山飯，不過最唔好既係要係門口比定錢買野食先入去，呀，想入去坐低慢慢揀都唔得,睇得耐又驚阻住後面d人🤨，加埋一$8x,有埋麵豉湯覺得唔係好值，不過不失罷了