更多
2022-08-27
1914 浏览
好耐無食皇室堡牛角,千身萬苦係旅發局搶到特選25折優惠享用晚市2人特上燒肉海鮮套餐(原價 HK$1,084 , 優惠價 HK$271),早兩日就訂位黎食。晚市2人特上燒肉海鮮套餐包以下食物:前菜及沙律各兩客時令前菜(三色前菜)是日沙律燒肉盛合各兩客(味道有原味,燒肉汁,塩醬)日本九州極上黑毛和牛西冷 2片美國上級牛頸脊 2片牛舌 2片熊本豚梅肉 2片豚肉燒 2片鷄腿肉 2片燒野菜各兩客 粟米 2件鮮冬菇 2件雞脾菇 2件海鮮各兩客味噌蟹肉甲羅燒塩味北海道帆立貝飯(任選兩客)牛角飯/香葱溫泉玉子飯/珍珠飯時令前菜(三色前菜)時令前菜用醬汁碟上枱,每人一客。甜番茄好好食。明太子醬櫻花蝦豆腐都唔錯,豆腐好滑不過易散開。辣味青瓜墨魚嘴就重口味少少。是日沙律是日沙律大大碗,有新鮮番茄兩大件,青瓜兩片,生菜,粟米粒,加上大量胡麻醬,都唔錯。燒肉盛合留意返張相係兩個餐4人份量。味道我地揀左原味,可以自己加枱上既燒肉汁食。日本九州極上黑毛和牛西冷油脂豐富,我地燒到大概3成熟就未能一口咬開,肉汁就鎖住哂。美國上級牛頸脊都好嫩口,可以一口咬開。牛舌太薄,同埋好韌,可以另加檸檬汁。熊本豚梅肉又有豬味又嫩,好
晚市2人特上燒肉海鮮套餐包以下食物:
前菜及沙律各兩客
時令前菜(三色前菜)
是日沙律
燒肉盛合各兩客(味道有原味,燒肉汁,塩醬)
日本九州極上黑毛和牛西冷 2片
美國上級牛頸脊 2片
牛舌 2片
熊本豚梅肉 2片
豚肉燒 2片
鷄腿肉 2片
燒野菜各兩客
粟米 2件
鮮冬菇 2件
雞脾菇 2件
海鮮各兩客
味噌蟹肉甲羅燒
塩味北海道帆立貝
飯(任選兩客)
牛角飯/香葱溫泉玉子飯/珍珠飯
時令前菜(三色前菜)
18 浏览
0 赞好
0 留言
時令前菜用醬汁碟上枱,每人一客。甜番茄好好食。明太子醬櫻花蝦豆腐都唔錯,豆腐好滑不過易散開。辣味青瓜墨魚嘴就重口味少少。
是日沙律
21 浏览
0 赞好
0 留言
是日沙律大大碗,有新鮮番茄兩大件,青瓜兩片,生菜,粟米粒,加上大量胡麻醬,都唔錯。
燒肉盛合
12 浏览
0 赞好
0 留言
留意返張相係兩個餐4人份量。味道我地揀左原味,可以自己加枱上既燒肉汁食。
日本九州極上黑毛和牛西冷
17 浏览
0 赞好
0 留言
美國上級牛頸脊都好嫩口,可以一口咬開。
牛舌太薄,同埋好韌,可以另加檸檬汁。
熊本豚梅肉又有豬味又嫩,好正。
豚肉燒有豬味不過較韌。
鷄腿肉連皮,雞無雞味,最差。
燒野菜
13 浏览
0 赞好
0 留言
燒野菜
10 浏览
0 赞好
0 留言
味噌蟹肉甲羅燒
8 浏览
0 赞好
0 留言
蟹殼上面有大大pat蟹膏,少少蟹肉,一隻鵪春蛋同蔥花,服務員提議先將所有材料撈埋,然後燒到起泡就食得。熱辣辣既蟹膏真係又滑又香好好食,鹹度適中。
塩味北海道帆立貝
14 浏览
0 赞好
0 留言
塩味北海道帆立貝
10 浏览
0 赞好
0 留言
連殼北海道帆立貝好鮮嫩,size都大粒,個塩味汁唔會太鹹,加左少少洋蔥絲。
香葱溫泉玉子飯, 牛角飯
20 浏览
0 赞好
0 留言
牛角飯暖暖地上枱。原來係大大碗飯上面加上大量紫菜絲,蔥花,白芝麻粒,同豉油。珍珠米好黏,好濕潤,我鍾意好多紫菜撈飯食。紫菜本身加咗鹽,碗飯夠鹹。
香葱溫泉玉子飯就無咗白芝麻粒同豉油,多咗一隻溫泉玉子,整穿隻蛋撈飯食,蛋白令d飯好滑,反而蛋黃汁就唔夠香。
總括而言,海鮮高質,不過肉類份量每人先得一塊實在係太少,要靠食飯飽。個餐唔包甜品同飲品,唔太滿足。雖然要原價加一,不過計返人頭係人均$190,當然超抵,不過原價就好貴。座位正常。服務員成日行過,不過又唔收野又唔加水,唔明係度做乜。不過有一位服務員見到我地跌咗餐具居然主動拎乾淨既比我地,即刻加分。
张贴