牛角日本燒肉專門店 (皇室堡)

营业中

休息中

天氣轉涼，今晚晚餐食燒肉先，去左牛角。周六6點到達，陣間就有位。一如既往，牛角主打牛，有唔同地方同唔同部位嘅牛。主餐牌亦有豬肉，雞肉，海鮮，麵飯，燒野菜，水果，同甜品。究極佐賀產A5極上和牛牛肋肉 $168 另加一究極佐賀產A5極上和牛牛肋肉可揀原味，燒肉汁，塩醬，或者黑椒塩。我哋揀左原汁原味。呢款係數量限定，係稀少部位，一客得4件，伴有名牌上枱。我哋燒到3成熟就食，所以唔太稔。不過食落油花豐富好多汁。當然價錢唔平。特選燒肉六品盛合 $278 另加一特選燒肉六品盛合分別有美國上級牛頸脊，熊本豚梅肉，豚肉燒，雞腿肉，肩脊肉，同牛舌。每款4件。可揀原味，燒肉汁，或者塩醬。我哋揀左原汁原味。美國上級牛頸脊牛味幾好，肉汁豐富，唔算太韌。肩脊肉就較韌。牛舌太薄切而冇乜質感，又太韌。熊本豚梅肉幾稔又富豬味。豚肉燒好脆。雞腿肉雖然冇乜雞味，不過都算嫩滑。呢個盛合有好有唔好，價錢可以啦。王樣!魷魚 $108 另加一魷魚原條上枱，只係剪左鬚出黎。質素好新鮮，燒完有少少脆皮，真係好食。王樣! 腹胸肉 (蒜香炭燒醬) $89 另加一睇餐牌都唔知係咩肉。原來係一條長牛肉條醃好左，上面加左蒜蓉。我哋燒到外面脆皮

cwb食物質素高又夠新鮮👍👍👍 和牛雪花夠靚, 食落只溶响口, 唔溶响手!🤭🤭🤭牛油帶子燒夠彈牙!👏👏👏腩肉片肥瘦均匀適中!😍😍😍order返2杯凍飲, perfect!😊😊😊整體環境、服務、食物都幾好!👍👍👍

銅鑼灣牛角... 地點方便... 位於皇室堡內! 場地乾淨企理... 座位與座位之間又夠闊落... 幾好坐㗎!👍👍👍食材方面都算優質同海鮮... 我最like係有豬大腸!😍😍😍 牛油帶子錫燒出嚟好香好彈牙... 和牛雪花夠吸睛... 油脂响口裏面溶化實在好美妙!🤤🤤🤤 正、正、正!👏👏👏想有d飯🍚送吓肉... 可以order碗紫菜温泉蛋飯... yummy yummy!😋😋😋值得再幫襯!😊😊😊

終於揾到一間唔洗排到天荒地老嘅牛角😍😍😍排尖沙咀海景舖排到飽曬嘅吃貨們，可以考慮下來皇室堡食🤣香蔥牛舌$75/6片🥓食燒肉點少得牛舌，今次嘅牛舌未解凍好就拎岀來🥺但燒完加勁量蔥都係正嘅壺漬美國上級牛頸脊$99🫖⭐️一口咬落去嫩滑多汁，而且超入味，啲洋蔥燒熟左又甜又爽口🧅蒜香蜜糖辛味雞腿肉$56🍯⭐️⭐️雞腿肉切得夠厚身，燒完之後先點蜜糖再加炸蒜片一齊食。除左滑一滑嘅口感之外，食落甜而帶點微辣，仲有炸蒜增加味道同口感嘅層次😋肩脊肉配燒肉汁$65/6片🍖呢個就相對失色左少少，口感同味道都麻麻牛油金菇$25🍄其實箍左牙之後我甚少食金菇，除左燒肉個陣食牛油金菇🤤但比嘅牛油好似越嚟越少咁🥺牛角飯$17/半份🍚配啲juicy嘅燒肉真係好夾😙牛角冷麵$39/半份🍜食到差唔到8成飽就要叫翻碗冷麵，解膩得來口感都唔錯，解完膩又可以食多幾塊肉啦~芒果活乳酸梳打$18🥭微酸又有氣，燒肉嗌來飲一絕🥰活乳酸梳打$15🥛呢個就相對比上面個杯淡啲*而家逢星期一有會員卡就可以享有85折啦⭐️

牛角晚市2人套餐有匯豐信用卡就7折 $734.3 未連加1 前菜有-明太子蕃茄豆腐清清地，豆腐豆香重 -味噌膳良豬青瓜（唔記得影相）有D衝突，青瓜既清新同豬肉有D唔夾 沙律田園鮭魚蛋沙律 大皿燒肉(簡左燒汁)-日本佐賀產A5極上和牛肉眼切得好薄，油脂好多-美國SRF安格斯和牛牛板腱(4片)牛味好重-肩脊肉(4片)-牛舌(4片)-雞腿肉(4片)-豚肉燒(4片) 燒野菜四品野菌盛合(1客) 海鮮極上海鮮盛合有2隻大蝦，肉質彈牙帶子好大粒又爽口芝士蠔，魷魚有咬口整體食落都好新鮮 飯2客牛角飯+香蔥溫泉玉子飯

又打風！8號風球底下會開門既餐廳真係好少，呢間位於銅鑼灣皇室堡既牛角日本燒肉專門店就係其中一間仲會開門做生意。主餐牌有唔同散叫嘅肉類，基本上係牛，牛，同牛，主要係食唔同地方同唔同部位嘅牛。亦有豬肉，雞肉，海鮮，麵飯，燒野菜，水果，甜品。今晚乜都食吓先。用手機落單，落完單食物好快就上枱。高森和牛西冷 $468 另加一高森和牛西冷一客6塊，呢個部位佔全牛9%，每塊牛都要成幾廿蚊。和牛西冷唔洗燒到全熟就食，食落啖啖油脂，肉質好嫩，肉汁豐富，略嫌牛味唔夠。薄燒長崎A5黑毛和牛西冷(配月見汁) $298 另加一薄燒長崎A5黑毛和牛西冷一客兩大塊，係店舖限定嘅得獎和牛。薄切和牛真係千祈唔好煮咁耐，即刻點啲月見汁降吓温先，入口油脂勁重，當然質感勁嫩滑，個月見汁嘅鹹度帶出牛味。每塊多謝$150大元另加一。極上海鮮盛合 $188 另加一極上海鮮盛合包括鹽味北海道帆立貝2隻，車海老2隻，帶子2隻，魷魚2件，同牛油廣島蠔2隻。另配一支檸檬汁。鹽味北海道帆立貝又大又厚肉，肉質又鮮嫩，鹹度啱啱好。廣島蠔大細適中，又多汁又濃蠔味。帶子就正常。魷魚略嫌唔夠脆身。車海老蝦頭有膏，質素可以，個殼都燒到脆卜卜。新潟雞爽肉

呢間牛角成日都排哂長龍，lunch真係要早啲去拎位😅😊✨今次哪咗2個牛角午市套餐，牛味濃郁，都不錯👍🏻✨(⁎⁍̴̛ᴗ⁍̴̛⁎)牛角飯真係必食，配埋紫菜好正❤️✨

朋友話想食牛角燒肉， 話牛角飯好好食。 又即管倍他試試。電話☎️book 枱話冇位， 叫我用apps 試訂。 下， 又居然有位， 奇？ 電話訂就冇位， 用牛角apps 訂就有。咁不如叫所有人用apps 上網訂位啦。電話☎️又唔係成日有人聽， 要打4～5次才有人接聽， 接聽左又話冇位。在Apps 訂星期六3：30。2位， 3：20pm到， 人流唔多， 5～6成滿， 咁何來full booking 呢？環境ok, 沒有好大油煙味， 枱上亦沒有韓式燒烤煙囪。 只是2人枱與2人枱之間相隔好近， 仲聽到鄰枱說話內容。 😖點了1）特選燒肉六品盛合 $279每樣4片， 感覺份量好少質量一般水準， 唔係太高質。 7分2）牛舌（鹽醬）4片 $55牛舌爽。 8分3） 腹胸肉. $89如普通牛柳， 要問侍應取較剪剪， 因為一舊條排咁， 剪左可以分4小舊唔滑唔韌， 6分4) .牛胸腩4片（京蔥絲）$62燒熟加配京蔥絲食， 幾配合。 7分5） 內藏三品盛合。（辛味醬汁）$72除了牛腎夠爽口外， 牛肝好細粒， 質感一般， 味有點苦及林（我就唔like此食物）牛腸好好一般整個組合質素好差， 不點也罷

第一次食牛角 黑色衫高大的男店員一d禮貌都無 無耐性 問他套餐有無野飲 連一句話都未講完 佢中途就回答「無」 跟住轉身就走 總之多一個字都唔想應酬你果種但係另外2-3個店員都好有禮貌的 肉類都平平無奇 叫了個二人套餐 有雞有牛有牛舌 牛舌硬到好似牛肉乾咁 d雞都唔錯 其他牛肉好「鞋」10分我只俾4分 1分 套餐份量多 有豆腐 有沙律 有粟米山藥等1分 雞肉幾好1分 位置寬敞 無咩煙味1分 其他一d有禮貌的店員而最主要的牛肉 真係唔好食 浪費了我的quota不會再去了 真的很少打食評 但今日一定要打出來

成日去皇室堡行街都見到牛角超多人等位，今日想早啲食晚飯就趁人少少黎食返餐。主餐牌有唔同散叫嘅肉類，仲有沙律，小食，主食等。今餐想食豪啲，就叫左牛角十品燒肉盛合。牛角十品燒肉盛合 $538 另加一牛角十品燒肉盛合即係十款燒肉每款兩塊，用左塊牛形既木板上枱，好出位，某幾款燒肉仲有紙條寫明係邊款燒肉！可揀原味，燒肉汁或鹽醬。我哋梗係揀原味試吓原汁原味，其實已經夠哂味，我哋完全冇點醬食。日本佐賀產A5極上和牛牛肋肉：油脂豐富牛角上級牛肋肉：有啲韌美國SRF安格斯和牛牛板腱：中間有啲筋，要咬日本佐賀產A5極上一口和牛：好韌吓美國SRF安格斯一口和牛：牛味好好有少少筋，不過都夠稔日本佐賀產A5極上和牛西冷：連住塊脂肪好肥，終於食到塊夠稔嘅日本佐賀產A5極上和牛肉眼：好大塊脂肪，都係少數夠稔嘅肉肩脊肉：牛味濃肉汁好，不過唔夠稔厚燒牛舌：夠厚身少少彈牙美國上級牛頸脊：牛味濃肉汁豐富，少少稔不過整體而言好失望，因為大部份肉質都唔夠稔，有啲仲要幾韌吓，雖然大部分牛肉都係牛味濃而肉汁好，但係呢個價錢質素應該要高d啦。河東松葉韓牛肉眼 $349 另加一好彩叫左呢個河東松葉韓牛肉眼，呢個先係路架嘛，餐牌介紹係韓

明太子豆腐好怪咁有陣士多啤梨味豆腐超實又硬 唔掂沙律幾大盤同新鮮新豬肉調味麻麻紙咁薄好刀功帶子幾好，其他唔得玉子同紫菜都好飯唔熱又一舊舊肉未解凍，冇肉味，好硬梅梳打 好飲乳酸梳打好淡味 唔中意 埋單$900 兩個人食品質素唔好，枱又細又迫都擺唔到咁多野擺食物都要自己安排😂都冇咩服務可言。喱個價錢對喱個質素只能講唔值真心唔明點解咁多人幫襯仲要勁排長龍⋯⋯

超人氣燒肉專門店牛角，相信大家都非常認識有時忙完一個星期，真係好想大吃一餐放肆下等左咁耐終於有得食，店員都好細心，問我地需唔需要口罩套有野食啦，咁肚餓即刻叫左個燒肉六品盛合，分別有：牛肋肉、肩脊肉、牛舌、雞腿肉、豚肉燒、豬頸肉見到d紋理好靚好吸引，用大火輕輕每邊燒下，已經聞到好香！肉質好嫩滑！入口即溶，多肉汁網燒一口牛，同樣好香，軟淋牛角飯，即係香蔥溫泉蛋飯，好鮮甜，蛋汁濃郁，撈埋紫菜一齊食，增添口感而且味道豐富腹胸肉同牛肋肉，新鮮粉嫩黑糖牛油蕃薯，好高質燒溶牛油之後直接沾滿所有蕃薯，油香十足，加上黑糖既微甜，3種味道全部融為一體，食到停唔到食左咁多鹹野，埋單後仲有少少糖，等食客清一清口腔真係好細心

ғᴏᴏᴅɪᴇ ᴛɪᴍᴇ 今次食咗牛角佢既燒肉一直都好出名，而且都好好味🥰食既話記住係app拎位先！咁就唔洗等咁耐😚特選燒肉六品盛合($279)一共有六款肉，每款有四塊🥳有牛舌、上級牛頸脊、肩脊肉、雞腿肉、豚肉燒同熊本豚梅肉🐮🐷🐣我就最中意食牛舌、上級牛頸脊同雞肉！記住牛肉唔好燒咁耐🥺如果唔係好韌食唔到😣雞肉都好滑！牛舌好淋，都好fresh!! 石鍋泡菜牛肉飯($69)第一次去牛角唔食佢既牛角飯🤣呢個飯都幾好味，仲有啲辣醬同泡菜幾惹味🥰如果鍾意食飯焦嘅話，仲可以壓下啲飯😋蒜香蜜糖辛味雞腿肉($56) 因為牛角既雞肉好滑又好味，所以叫多咗個雞腿肉🤓呢個雞肉有調味，所以有啲辣辣地，不過只係好輕微，係令到個雞肉更加好味🤤不過食到最尾嗰舊辣嘅程度係越嚟越勁🤓好正！仲有蜜糖同蒜片點，好味(⁎⁍̴̛ᴗ⁍̴̛⁎)

今日14:20去到，因為自己拎住S飛，所以行前問嗰職員入得未，佢反問我一句你食午餐定下午茶，14:30後有下午茶。原來逢星期一至五14:30後都有下午茶，係午市餐牌嘅7折我真係第一次知道原來牛角有下午茶。不過值得一彈嘅係企係門口嗰職員真係好無禮貌，想問多啲關於下午茶嘅嘢，佢就厭我阻住佢玩電話☹️叫咗兩嗰餐，一個E 牛肋肉四品盛合，一個係F 牛角特選牛五品盛合，兩嗰都升級咗嗰飯有温泉蛋🥰 仲加多咗嗰牛角雪糕，埋單每人$140左右，都真係算抵食😍仲有係埋單，好耐都無俾嘅糖，呢到都有俾，有啲小開心😍

經過店外才知道原來2點半後有7折優惠，心郁郁即刻想食，當時3點幾還是要排隊啊～ 等候15分鐘都還好吧！日後如果有電話取票服務就好了。打開餐牌有幾個套餐可以選，有7折所以就點個份量大一點的，可省下晚餐 點了雞肉·豚肉拼盤餐，有6款肉類，肉質看來新鮮，賣相吸引。牛角飯不用另外加錢，還有最愛的乳酸梳打凍飲，不要飲管即可省下凍飲2元。套餐包括昆布湯好飲，沙律前菜味道可以，豚肉烤得稍為有點燶邊也不會太硬，雞肉烤得香口，大滿足的一餐，折後都只是87元，結帳後還有糖果送你清新口氣。發現店員穿的背心後面有句日文，意思是為了顧客笑顏做到完善，相信是店的宗旨，而店員亦能做到，盡力提供優質服務，用日文迎接客人到座位，發音都標準，不是坊間常聽到的模仿發音2，3，4 （いらしいませ)。送餐，加水，埋單等等處理得尚有效率。最後在枱邊發現原來有個 app 可以買肉，牛角汁醬，超喜歡的魔法鹽等等。另外還有牛角飯上面的紫菜飯素，日後在家也可以試做。