牛角日本燒肉專門店 (東港城)

营业中

休息中

好耐冇食牛角，印像中都不錯。總算唔會好似其他餐廳咁將d肉醃到好重味。星期六都有午餐。 最適合我行完街唞一唞一飲碗湯比較似味精湯。 燒汁同沾牛肉的鹽唔會太鹹。肉冇咩特別，都算ok 。牛舌幾好 ，骰仔肉有啲韌。紫菜珍珠米幾好味。 午餐可以加綠茶雪糕。綠茶雪糕好好味。不過佢係一早但好喺碗中再放喺雪櫃的。雪糕上面有啲黑糖漿同埋黃豆粉。

話說牛角張會員卡就到期，有幾千積分仲未用，所以星期六去食個lunch,禾以為要散叫主餐牌的菜式，點知星期六都有lunch menu,於是點了個我常常吃的99蚊套餐！這個套餐每様有d,包括有份量極大的海蜇蔬菜沙律，有燒牛肋肉，有燒雞飯，有飲品！我們還追加了牛角綠茶雪糕，十分好吃！除了點了這個99蚊午市套餐之外，還用了積分換了一客十分美味的三味牛肋肉，有很多蒜蓉，這餐這個份量剛剛好，已經足夠兩個人午餐的份量啊！

鍾意食牛角嘅朋友都知道，牛角嘅下午茶永遠係最抵嘅套餐，因為平時夜晚散嗌都真係幾貴。 如果唔介意等晏少少先食午餐的話，食下午茶咁樣一碟都係一百蚊左右， 而且仲有無限嘅牛角飯追加，相比晚餐嚟講真係抵好多。我最鍾意就係食燒牛脷啦，不過如果可以再多少少就好啦， 將燒好既牛脷點上鹽麴， 有油花又夠香，真係好正。而其他嘅就包括 ，牛肋肉，牛腹胸肉等等嘅部位，其實都幾好食㗎，加上牛角飯真係一流。 我就比較鍾意食原味，咁可以燒咗之後，加上其他嘅燒汁，或者點鹽麴都可以， 因為有時廚房入面既師傅落咗嘅醬汁，反而會令到啲肉鹹咗，自己就自己口味就最好啦。

今日公司忙了一點，八時五十分才回到將軍澳，在東港城覓食，經過此店，門前的店員大力推售宵夜優惠，我們二人受他誠意推介九畤準時入座。第一次食牛角是數年前在加拿大旅遊期間朋友邀請，吃完我倆都非常開心，心想若此店在香港就一定幫襯。之後在尖沙咀試過，雖然和加拿大的味道好像不太相同，但也覺得不錯。 後來在九龍灣再試覺得差了點，幫襯後已沒有再想去試了。今次叫了B餐牛角特上燒肉5種嚴選盛盤和另外叫了麻香椰菜 。食物很快備上，樣式和相片有點出入，而整體肉質也不太好，厚燒牛舌太過韌，不能入口。很難相信這是如名稱所述 「特上」、「嚴選」。 之後，我們想試熱盤，看看是否好些。 我們叫了石鍋牛肉飯，相片特別以焦飯為賣點。 結果吃後感，只像是以石鍋盛載的普通牛肉飯。以前在加拿大吃的美味體驗不能在香港尋覓得到，我亦不應太苛求，始終此地不同彼處。

燒肉燒肉食過牛角既朋友都應該知道，會成日心思思想食。不過個人就比較細食，所以鍾意食單點既牛角鋪，抵啲嘛。今日經過東港城見到有牛角，就唔係好多人就入去排啦。當然要叫牛角紫菜飯啦，簡簡單單配肉食，正呀。而肉類就叫左3個牛肉，有牛舌、牛肩肉同牛肋肉。我最鍾意就係佢可以比我揀醬汁，夠晒flexible，蒜蓉味好足料，正呀。建議大家燒果時較大火啲燒，唔係啲肉會好老架。平時食開牛角，我最愛就係燒蕃薯，會脆卜卜又香。但東港城呢間牛油比得太孤寒，完全唔夠燒啲蕃薯，令到佢又焦又唔夠香，勁失色！要改善下呀！不過整體黎講，其實牛角係連鎖燒烤店黎講已經好高質。雖然唔平，但一定會上癮！

返了工一星期，到星期五，梗係想去食好西。知道牛角有宵夜優惠，其實我真未食過牛角，因為覺得比較貴，又好多人排，所以都未食過。去到見宵夜真幾扺食，所以我們就八點七八取了飛，等九點食。取了飛之後逛一陣，到差不多到時，有人會打電話告知。我們叫了個宵夜二人餐（包括牛) $258, 連兩杯飲品。除了餐，也有好多特價野食，有的半額，有的七折。所以我們也叫了些特價野食，包括豚肉 ：叫了味噌味，所以都幾特別。帶子：燒完後，好軟好入味。還有牛肩及芝士雞肉，可惜之後掛住食吾記影相. 我極力推介個芝士雞肉，個芝士醬和雞是分開燒，雞燒完後放上熱烘烘的芝士醬，真perfect👍而餐就有少少豚，少少雞及幾個不同部位的肉，啲牛真係好好味，有啲比較煙韌，有啲比較入口就溶，真係比好多其他韓燒好好多。醬汁有三様任點，有salt, 有BBQ 及麵醬，令到燒肉有吾同口味。食完好滿足😊希望有多啲機會再食啦。

擁有十多間分店的"牛角日本燒肉專門店"，無論你去到那一個地方都會見到它，何解會那麽吸引?位於東港城的一店，初開業至現在，門外等候入座的食客總是排山倒海般，知道價錢比一般韓國燒烤貴一倍，心想，香港富貴的人多了，我這個低级職員要耗盡積蓄才可進入這間烤肉店吃個晚餐，不知等了多少月，今天终於可以踏入去嘗一嘗。不難察覺到餐枱上有一告示，感覺上很细心再來個調味樽，食客可在烤肉後選上適當的味道，當中有蒜鹽，烤汁和豆瓣醬。我向侍應生點了燒肉六品盛合，分別有雞，豬，牛，牛舌，每片都是新鲜，不肥膩，放上烤爐沒有半點滴油聲''吱吱"~石鍋玉子豚角拉麵，湯底味道有點像出前一丁麻油味，麵幼幼的，不會吃後胃漲漲，那個玉子即是流心蛋，口感一流，二片豚肉充滿湯底精髓，真想說"再來一個"，唔該。大大碗的拉麵，還可以分開兩小碗，一齊分享，值得一試。最後，還叫了一客原味雞翼來燒烤，可惜只得三隻，不足夠兩人食用。最後埋單，接近400元(已包加一)。總括來說，價錢與食物質素是成正比的。

又到左下午茶時段,我地朝住牛角出發~Weekday 既下午茶時段唔係好多人,店家設計優美,我地坐左嚮卡位座,望住一幅牛既解剖圖(顯示牛既不同部位),落單係用一部平板電腦,客人自助下單,對於我黎講係新奇有趣既~有趣在點單後,一定要去介面既其中一個位置按”點單”,確定下單,否則等到花兒謝了也沒有得食囉⋯⋯哈我地確定點了燒肉定食A餐 同 燒肉定食C餐,A餐:丹麥皇冠豚扒 1塊(可選燒肉汁 塩醬 辛味醬汁) 可選原味定食包括: 昆布湯/ 迷你沙律/ 白飯飲品選了 : 凍柚子茶 C餐:豚肉 及 雞腿肉 各4件(可選燒肉汁 塩醬 辛味醬汁) 選了原味定食包括: 昆布湯/ 迷你沙律/ 白飯飲品選了 : 凍奶茶 牛角既爈具很好,網燒唔會好大火同黏住啲肉,一邊燒一邊食好優閒好享受～開心的下午茶!

之前同同事食午餐時不約而同想食燒肉, 冒著成身燒肉味嘅危險, 照去左牛角食佢地嘅午市套餐。燒肉定食選擇都多完化, 有呢啲咩都有嘅燒肉盛可以滿足我呢啲為食嘅客人。除此之外, 仲可以自己組合想食嘅肉類, 自由度高, 而且唔算貴!!唔想食燒肉, 可以食飯或麵可以選擇的, 同事已經被石鍋定食吸引左喇。燒肉定食的前菜, 用上日式胡麻醬汁, 酸酸地, 幾開胃。牛肋肉四品盛盒, 肉色鮮紅, 油脂唔算多, 但可接受的。食落比較有咬口, 肉味都有, 唔算濃, 整體上對得住個價錢。自選組合點左丹麥皇冠豚扒同胸腹肉, 今次自選組合都係定食, 所以有跟白飯, 沙律同麵豉湯。同事心思思仲加左個牛油帆立貝, 帆立貝細細粒, 好快熟。豚肉比較爽口, 胸腹肉唔太韌, 味道都正常!另一位同事點了石鍋泡菜豆腐海鮮湯定食, 熱辣辣上枱, 蛋同店員講過要全熟, 好好甘預備左烚蛋。泡菜湯唔太辣, 幾開胃惹味, 豆腐都好嫩滑。石鍋定食跟餐嘅牛角飯好味, 好香, 忍唔住要食多幾啖呀。餐飲可以點了柚子蜜, 食完燒肉潤一潤喉, 冇甘熱氣。食完同同事都唔覺有油煙味, 抽氣設計唔錯!

將軍澳食日式燒肉既地方唔多，大多數都係韓燒，一早醃定曬啲肉，口味比較重。做嘢晏左，啱啱好撞正下午茶時間去食牛角，有七折優惠，比起正價時間真係慳左好多。兩個人叫咗個 $129既四品烤牛肉set 同埋 $75既肩脊+豚肉set 。$129 同$75 既同樣有湯，飲品同沙律，加埋無限飯既追加。唔同既係 $129有牛角飯追加，$75只有白飯追加。不過唔緊要，我同男朋友share 牛角飯同普通白飯，咁兩種都可以試曬...平時食燒肉放題就比較趕，要係限時之內瘋狂食食食，相比之下既定食套餐就舒服好多，雖然肉量較少，但係無時間限制，如果單純想過下口癮食燒肉，而唔想暴飲暴食，呢個會係唔錯既選擇。兩個人慢慢食飯，慢慢燒，一啖肉一啖飯咁，非常享受。豚肉，其實係豬腩肉，油份最多，最適合開始就燒，令油香滲到烤網，咁之後就無咁易痴底。個人認為，豚肉配上鹽粷係最好既配搭，當燒到表面香脆，就加少少上面，燒多幾秒，鹽味滲入肉裡面，嗚啊而牛肋肉既油份亦都唔少，有些少油花，配燒肉汁都係唔錯既食法，再加一啖牛角飯或者沙律，可以減低油膩感。不過今次既肩脊肉就比較瘦，但肉味就香濃，可以落少少辣醬去燒，非常惹味。埋單既時候，店員送

19:20去到攞飛，最後等到20:45先至入座。（實在太肚餓，本身21:00開始有宵夜時段，決定唔等嗰15分鐘）誰知道，入到去，發現原來有好幾張枱無人嘅，係啲員工動作慢，唔接待客人入去。除咗門口嗰個女仔之外，其他員工勁散漫。叫杯啤酒，可以吹左三次，都冇人斟比我們。叫左埋單收到單後，GAP住張信用卡係入邊舉手叫員工幫我地埋單，都扮睇唔到。大家明白點解可以排咁耐隊。食物質素中上，服務很差。總括來說，如果再去食牛角嘅話，都唔會去返呢間分店。

今日陪母親大人拎身體檢查報告，擔心咗幾日，好彩報告冇事，一於食返餐好當慶祝下！東港城近期開咗好多新食店，間間都排長龍，平時行過牛角都勁多人排隊，所以醒目仔一早係app拎定飛！叫左幾樣野食胡麻大蝦玉子沙律--份量大，胡麻醬加溫泉蛋混合，作為前菜都幾開胃牛舌--原味仲有味噌，塩醬，辛味醬汁，另有6片同4片可選。如果有朋友唔食內臟可以叫4片，留肚食其他😋個人鐘意薄切牛舌多d，口感較爽口。牛肋肉四品盛合--有骨付牛肋肉，和牛牛肋肉，上級牛肋肉，壺漬牛肋肉4種肉。有選擇困難的我叫一個4品盛合就可以試多幾種款式。個人喜歡壺漬，肉味濃且嫩下次可以單叫。黑胡椒蜜糖豚肉--每次必叫，試過之後愛上。喜歡燒到豚肉皮脆，甜甜地蜜糖味又帶點黑胡椒既香！！海鮮燒餅--試下新野，略嫌口感較粉，如果加多d椰菜會更好。整體上不錯！

等位等到嬲，六個人食，七點幾去到拎位，頭果個鐘 完全無叫過大枱😡😡😡😡👎🏻👎🏻👎🏻👎🏻九點半先話「無得食」、「無位」、「無人埋單」，十點三先有位，十點半截單，十一點收鋪😡😡😡😡👎🏻👎🏻👎🏻👎🏻。明白嘅，但唔應該係咁遲先話無枱囉！安排得非常差，建議多人堂食嘅要注意。之前食過，無乜特別，要最叫最貴嘅肉先入得口。食物外觀不錯，但份量太少😓。小食就普通過普通。

等咗成個鐘都仲未到 問佢地仲話唔知要等幾耐 等到咩胃口都冇哂啦 唔洗食都會覺得唔好食 叫枱又叫得唔公平 淨係叫3至5人枱 搞到遲嚟都可以入先 我2個人 好似e世都入唔到咁 同埋應該同d客人講聲 大約等幾耐 安排下吖嘛 如果同我講要等個半鐘以上 我一定唔會等 唔係淨係食物要好 服務都要架嘛 唔會再想幫襯囉😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

平日下晝放假,為咗行新開張既一田而去將軍澳,行完差唔多到下午茶時間.雖然不嬲唔太好燒肉,但朋友話牛角平日先有下午茶優惠,而且強力推薦就試下啦.牛角既下午茶3點開始,2:40已經有人開始排隊.入座時講明可以坐到4:30.一坐底就見到有少少濕既豉油碟,同埋筷子套最底濕咗加穿窿.昆布湯略咸,昆布煮到軟冧冧.沙律因為汁唔夠所以好乾,乾就自然重菜青味同埋澀,就當食唔熟既菜啦,好彩菜都算新鮮.牛肋肉係非常好味,雖然有少少筋,但肉味夠,建議唔好點醬汁.一碟得4塊唔多夠喉.大腸既賣相真係麻麻地,食第一件果陣覺得好韌,初時以為煎唔熟,其他再煎耐啲,差別都係唔大,但係再煎又怕變燶或者煎乾,唔通大腸淨係適合煲.點肉既醬有3種,辛辣醬,幾惹味,但係唔覺有辛辣,最多只係小辣既程度.燒肉醬,3種之中最濃味,唔好點太多,會蓋過肉味,鹽醬,好簡單,即係(我估)鹽做成既醬,唔太推薦,覺得唔夠味寧願加其他醬喇.第一舊牛肋肉沾得唔算多鹽醬,但已經差不多蓋過肉味,咁就浪費咗一件肉喇.一開始通常唔落汁,食下餸菜味道先,然後先點汁再食.依個牛肉飯,蛋黃一上枱時已經穿咗,對我嚟講不能接受.飯上面舖咗穿左既蛋,薄薄一層肉末,唔辣既泡