牛角日本燒肉專門店 (東港城)

营业中

休息中

🍱 將軍澳牛角外賣初體驗：溫泉玉子香蒜牛肉飯將軍澳牛角日本燒肉專門店嗌咗一份外賣——溫泉玉子香蒜牛肉飯，$46.5一碗，價錢唔算平，但都抱住試新嘢嘅心態。牛肉飯上面鋪咗一隻溫泉蛋，蛋黃半熟，拌埋飯一齊食口感滑溜；牛肉切得薄身，帶少少蒜香，唔算太濃但都幾惹味。飯粒偏向日式口感，唔係香港常見嘅乾身飯，整體味道算係平衡。整體嚟講，呢個香蒜牛肉飯都算唔錯，唔會話驚喜，但都係一個穩陣選擇, 疫情期間唔多唔少都有好多外賣推介,這個open rice搵的 我覺得十分抵食

又到咗一年一度，牛角續會送coupon當日放工我們7:30到不用排隊。直入有卡位坐。已經連續第三連續會，最期待就係拼盤coupon因為coupon要食滿$350先可以使用。今日相約咗表弟和他的老婆婆一齊享用晚餐因為我唔食牛嘅關係，所以我哋大多叫了雞肉和豬肉他們的Menu改了沒有了豬腸🥲沙律亦都沒有了甜筒管的。招牌沙律。我們叫了最喜歡的蜜糖雞粒。白豚豬。還有我最喜歡的椰菜沙律，和牛角飯。最後埋單因為用了coupon每人$150😛

今晚亞仔帶我去威威，喺牛角點了牛胸腹、香蔥牛舌（6片）、豬頸肉 +牛油茶樹菇😊牛胸腹油脂分布平均，牛味濃郁；香蔥牛舌燒完很香口，帶有獨特的牛舌味，香蔥調味很惹味👍；豬頸肉食材也是高質， 十分爽口🤗總括嚟講，用下啲分數，另有會員9折優惠，又可以用會員換領豬頸肉 +牛油茶樹菇，總之食咗咁多嘢，埋單只係比$50，食物又高質，真係超級抵❤️

【114 】用家自費分享！Walk In 唔駛等，大約四成滿。6️⃣0️⃣2024/10/03/二/12:47，平日午餐時段，2人埋單共$196，會員免加一，平均每人$98，用埋張會員卷減$100，實付$97。店在商場內，位置算易搵，牛角我通常去尖沙咀分店食自助餐，第一次試這間，這間比較細，入到去比較焗，但感覺都乾淨，招呼正正常常，QRcode落單，人唔多，但上菜好鬼慢，份量實在太少，片片都好薄，之前大約10:30食咗早餐，已經唔太肚餓，都好似無食過嘢咁，我應該唔會再食lunch set。6️⃣5️⃣自選燒肉定食B $88，肩脊肉2片+牛舌2片+豬頸肉1片+湯+飯+苿莉花茶，除咗肉量少，味道正常嘅。6️⃣5️⃣自選燒肉定食C $，牛肋肉2片+豚梅肉2片+蒜油車海老3隻+湯+飯+苿莉花茶，除左肉量少，味道正常嘅。3隻海老係蝦仁仔，並唔係有殼蝦

月尾褲頭緊，但又想食得好啲?介紹您地去「牛角」啦，牛角出咗隻平民lunch set，最平只需 $68，由於牛魔王係度，所以我地叫咗 Set D 然後額外配多一兩個小食。牛角出名牛肉肉質鮮嫩，不論任何時間門口都排曬隊。今日揀午巿嚟，餐廳內好多同事仔嚟食Lunch。我還欣賞這裡就算滿座都唔會好焗，食完都唔會成身油煙味，係一個值得推薦既地方。Set D 牛角上級牛肋肉，美國上級牛頸，厚燒牛舌，車海老蝦，牛油廣島蠔，前菜和昆布湯，飲品苿莉花茶同大家分享個日本燒肉進餐文化，日本對飲食講究，吃都有分先後次序⋯一開始，佢地會叫杯凍飲（例如啤酒，茶）然後配個小吃，之後可以由牛舌吃起，再吃牛肋肉、牛腹胸及薄燒和牛，跟住就點一碗牛角飯拌或拉麵，令辛勞工作的一天畫上完美句號。還有一些基本燒肉技巧要注意🔆 例如燒牛舌的時候，要放置於爐邊燒，牛舌邊緣捲起時可翻另一面燒；牛肋肉一面燒７成，另一面燒３成最後，餐桌面會有兩種醬汁俾您點肉使用：＞牛角秘製燒肉醬：以日本經典口味燒肉醬，加人柚子汁、大蒜、芝麻油等材料，帶出肉的油香味。＞魔法塩醬：具大蒜香味的秘製魔法，肉汁的香氣會係口中爆發！

下午茶時段1430-1700可以享有午市套餐75折優惠😛（不可與其他會員折扣/優惠劵同時使用）咁抵食即刻去享受吓先🤓呢啲鐘數店舖少人又舒適🪄和牛二品&四品燒肉盛合本身打算有75折食豪啲，但食落又唔係太正喎😞本身唔太識睇邊啲肉打邊啲肉🫥但食落就冇和牛嗰種級數😤唔知店員有冇執錯🥵同埋啲肉都幾碎，差啲一路燒一路跌到渣都冇🥺🪄自選燒肉定食我擇咗肩脊肉、一口牛、雞腿肉、豬頸肉同埋一口燒墨魚🦑墨魚超級有驚喜😍食落淋得來有幾爽，亦唔會太靭，下次一定會再食🤪其他都係正常水準套餐包前菜和飲品🍸回頭率：👅👅👅👅性價比：👅👅👅打卡值：👅👅👅

好耐冇食燒肉了、今次去咗將軍澳牛角食晚餐！我們叫了2個前菜小食、忌廉芝士蛋蕃茄🍅同涼拌小墨魚、2款都係好清新涼拌前菜 ！墨魚口感嚼勁十足、味道帶有微微的酸、令人好開胃！日本國產牛大盛set：⚪️日本國產生肩胛肉⚪️日本國產牛座布團⚪️壺漬日本國產牛肩胛肉我比較喜歡日本國產生肩胛肉、牛肉味香濃、肉質軟腍!牛牛還叫了日本九州產極上黑毛和牛： 油脂分佈平均，輕輕一燒、脂香四溢，入口即溶🩷另外除咗牛、我哋叫了香草蒜燒雞脾菇、燒豬頸肉同燒花魚一夜干、燒魚好好味、而且好嫩滑,　好juicy再配上蘿蔔蓉柚子醋、味道好夾👍🏻當然唔少得牛角飯🍚、上面鋪了滿滿的紫菜、平時食好小飯的我，我都差不多吃了大半碗😆碟豆花椰子🥥梳打同百香果菠蘿茉莉花果茶： 飲品好吸精😍又解喝今川燒 （士多啤梨🍓麻糬）同黑糖奶茶布甸： 今川燒比較好吃，有我喜歡的麻薯、外脆內軟、口感豐富！

夜晚約朋友行街收工行完都8點😆見到牛角做緊8:30後燒肉好多半價又有7折行到肚餓就入左去大家睇下張餐牌就知有幾抵食😊❤️肩脊肉呢款最好味油脂分布平均食落又軟又淋醃料又唔會搶左牛味食完又唔會覺得好咸要飲好多水❤️網燒一口牛好有牛味但略嫌有d肥肉如果瘦d就好d❤️帶子好香牛油味，食落都好爽口仲有好多款都好抵食我覺得散叫質素好像好過放題🤔大家遲收工又經過既不妨可以一試而且每碟份量唔算多可以試多幾款🤩

今日好想食燒肉，見到牛角唔算太多人，所以黎排隊。咁啱見到做緊黑毛和牛祭，有八折優惠、所以今日就食和牛啦🥰🥰🥰我地叫左1️⃣日本九州極上黑毛和牛牛肋肉💰113.6次次叫都會叫原味，簡單咁燒已經好好味，油脂豐富，有少少筋，但整體質素都好好，好食到我地叫左兩碟🫣2️⃣厚燒牛舌（鹽醬）💰92牛舌厚上，燒完口感軟焾，牛味香濃，不過呢個無八折3️⃣日本九州極上黑毛和牛肩脊💰116牛肩脊一大塊都係一百出頭，好抵食，油脂比牛肋肉多，入口即融，牛味重🥰4️⃣欖油蒜油車海老💰59海老已經調味左，燒熟後彈牙爽口，估唔到牛角海鮮都幾好食😚😚5️⃣一口燒墨魚💰38墨魚真係好有驚喜，我估唔到咁好食，口感彈牙，下次都要叫黎食❤️❤️6️⃣牛油🧈廣島蠔🦪💰69廣島蠔上檯已經聞到好大陣蠔味，燒熟之後唔會縮水太多，食落好嫩，唔錯👍7️⃣燒鰻魚💰132鰻魚都大份，燒完好香，油脂豐富，聽講食鰻魚對男人好，補身🫣8️⃣牛角飯💰32牛角飯可以叫半份，我地兩個人share，所以叫一份，呢個飯次次都叫，同紫菜、汁撈埋，簡簡單單已經好好食🥰9️⃣巨峰活乳酸梳朾💰22梳打夠氣，巨峰提子味香濃，加埋乳酸，好開胃，正👍消費價錢：2人💰874.5，人均💰438結論：（10分為滿分）

Lunch嘅時候突然之間好想食燒肉所以去咗牛角度😆呢間因為唔係buffet或者放題主要係散叫或者要set餐我地5個人都試咗叫唔同嘅餐😆正因為唔係放題 所以燒肉嘅時候會變到慢慢咁食😂同平時食開放題係有啲唔同 每塊肉都可以好好品嘗下😆😆但食完之後就有少少覺得食得唔係幾夠嘅感覺不過啲肉既質素都唔錯啲牛唔會係好‘‘鞋’’或者好肥等等牛舌一樣都係咁好味既👍🏻個餐仲會有埋麵豉湯 一個細沙律 同埋嘢飲雖然牛嘅份量唔多 但係食得都飽😆

一直好想食返一次牛角😆今日成隻牛上🐂🐮《牛角十品燒肉盛合》有日本九州極上黑毛和牛牛肋肉，和牛西冷，和牛肉眼，和牛一口牛等。同埋美國SRF 安格斯一口和牛，和牛牛板腱，牛頸脊，肩脊肉。重點有牛舌😋《和牛二品·三品燒肉盛合》呢個假日限定set 有日本九州極上黑毛和牛牛肋肉，美國SRF 安格斯和牛牛板腱，肩脊肉，牛肋肉，美國上級牛頸脊，配舖滿紫菜嘅牛角飯，牛油帶子同金菇，再加凍飲🥤和牛脂肪雪白，入口即溶嫩滑，美國牛則牛味比較重，亦都有大理石紋路嘅油花，入口軟嫩多汁～最後食個配上黃豆粉同黑糖醬嘅牛角抹茶雪糕🍧同飲杯Asahi beer🍻正～

我們一行三人預先訂了位，這家並不是任吃的。總是有一個錯覺，散叫的比任吃的高質。當天點了2個午市定食+一個燒肉拼盤。雖然牛肉級數不是很好，目測是Prime牛肉。但是烤起來都好吃，當然始終是Prime的最為好吃。這個份量而言真的不太夠我們三人吃， 所以追加了一個午市訂食。現在有很多烤肉店也不是網燒，而是鐵板再加一張牛油紙，但我個人很不喜歡牛油紙，因為食物不會烤得很全面，幾乎沒有焦燶位。只為了方便清潔才用牛油紙。當天人並不多，可以安靜吃一個休閒的午餐。

今次試牛角牛、豚及雞六品燒肉盛合樣樣有啲，但牛就韌啲，豚肉就軟林林啲另外再叫左個自選2-3款肉set自己可選擇要邊款有幾好，有沙律🥗同湯仲有飲品都唔錯我都好鍾意食牛角

辛奇熊本豚角燒+牛角生菜拼盤（用積分換）午市燒肉定食$64up:可選2-3款肉🥩加$18可以無限追加牛角飯🍚雞肉唔係每塊都有油 所以燒完會有啲鞋🥲但牛肉就每次都咁好食😋每片牛都平均有分布油脂🙈🤤為左牛肉係值得再食！！！！！包埋生菜蒜片就一流\(≧▽≦)/泡菜唔酸，食完一塊又一塊生菜唔似平時食嘅西生菜咁，一片可以分成兩片，再包牛肉食如果係食下午2:30時段嘅 記得要留時間等位🥲 今次平日2:30去都等左30分鐘先有位

今日睇到新聞話牛角由28/2開始暫停營業，真係覺得好難過，佢都係我嘅飯堂之一，尤其係下午茶時段，所有午市套餐都有七五折，非常抵食，牛肉質素仲唔錯添😁唔同嘅部位都好好食😋燒烤餐內嘅牛角飯任添，上次去食嗰陣，我仲特登升級食玉子牛角飯，都係任添咖😚又加錢購買抹茶雪糕，呢間嘅抹茶雪糕真係好特別，會喺雪糕上添加黑糖醬及撒上黃豆粉，等個雪糕溶溶地，再攪拌一起吃，其他地方都食唔到咖😄希望疫情快啲過去，又可以再食到我喜歡嘅牛角啦🥺🥺🥺