牛繁 (海之戀商場)

营业中

休息中

呢間燒肉之前喺尖沙咀已經食過，而家佢喺海之戀商場開間新分店，真係方便咗我好多，之前食過都覺得比連鎖燒肉店好😆，所以見到就已經決定要食吓佢🥳店舖同尖沙咀差唔多，不過佢坐得舒服過尖沙咀，同埋少咗條抽氣喉，燒起上嚟都順手啲，不過件衫又冇乜燒肉味👍🏻👍🏻呢度有啲二人餐選擇，不過計過散叫都差唔多，仲可以狂食肉，啱晒我😆😆🐮就叫咗特上霜降牛五花and元氣牛小排，牛五花肉質軟嫰，充滿油香🤤牛小排牛味濃厚，啲骨位想燒得耐啲，但又唔會韌，各有所長，不分勝負🤩🤩🐷就叫咗豬五花only，但已經回味冇窮，比一般豚肉薄身，一燒起上嚟就好快食得，油香同肉質配合得天衣無縫，扒啖白飯簡直無得嘆🤤🤤🐔就叫咗雞爽肉and雞皮，基本上兩樣野份量都好多吓，食極都有咁😚雞爽肉之前都有食過，但呢間佢應該有調過味，完全唔駛點任何醬汁都已經好好味，而雞皮大大塊，慢慢燒到乾乾地身，再加埋啲香蔥，真係一個天做地設既一個組合🥳飲品就叫咗柚子梳打，又fresh又夠汽，食燒肉佢都係我嘅favourite choice😋😋呢間可以qc code落單，方便又唔驚落錯單，服務又好，以後想食日式燒肉，佢一定係我嘅首選了

自從荃灣海之戀商場開咗之後，由於幾就腳，所以我都會經常去行下，今日見到呢間牛繁新開咗就去試下，其實好耐之前都喺尖沙咀食過，一於睇下荃灣分店點樣啦！一入到去，望到啲裝修都幾四正，即刻食慾大增，呢到係用QR Code落單，店內有提供wifi，真係好方便！呢到嘅侍應好細心，喺上每款食物之前都會講一講碟嘢嘅名，令客人更清楚自己食緊咩~特上箱降牛五花一碟有8塊，落單嗰陣可以揀要咩調味，我揀咗燒肉汁，呢個牛五花嘅雪花紋超靚，每邊燒十零廿秒就食得，食落口好柔軟，夠晒嫩滑又有牛味！元氣牛小排肉質就比較結實，有少少筋位，但油脂都多嘅，一燒啲油會滋滋聲，勁香！呢個係厚切特上鹽香牛舌，經過大火鹽燒，口感爽口彈牙，同薄切牛舌完全唔同感覺，真係一試難忘！呢個特選豬五花都好值得推薦，佢嘅油脂分佈好均勻，肥瘦比例恰當，用嚟燒真係好正！雞爽肉，即係雞頸嘅部位，估唔到呢到一碟有咁多塊，好鐘意佢嘅口感，夠晒爽口又有彈性！最後燒雞皮係我朋友指定要叫嘅，燒完原來都幾脆，同埋時食雞嘅雞皮完全唔同，感覺唔會太肥膩，加埋啲蒽一齊食真係perfect match！呢餐嘅肉真係好高質，我都哋食得好滿足，一定會再嚟幫襯！

.最近屋企附近開左一間新既日本燒肉店二話不說即刻要去潮聖先～晚市有2人餐4人餐呢啲 個人覺得幾抵食 cp值高叫左二人餐 肉類款式好多 而且可自選我地揀左特上霜降牛五花 特上牛胸腹肉葱燒中落牛肋肉 木屐骨間牛肋肉鹽醬豬頸肉 櫻姬雞腿肉豬牛雞都可以一個餐食晒！而且份量唔少啱晒食肉獸既我😙大家一開始可以先燒一燒豬頸肉因為油花較多 可以令到個爐無咁容易痴住啲肉之後會燒得比較靚鹽醬果然係最好 唔會太重口味 一食就好開胃口.霜降牛五花油脂分布平均 香口而不膩而木屐骨牛肋肉既牛味係最濃 而且呢個部位平時好少見！有少少筋位 味道更特出 用黎配溫泉蛋飯一齊食不得了😍.另外我地叫左壺漬牛肋條有兩大條 每面燒一燒就可以用剪刀✂️剪開一粒粒再慢慢燒呢款牛肉軟腍 屋企人大愛呢款 份量都多 $108算好抵食.2人餐仲有前菜同salad自選薯蓉沙律同大崎蟹柳沙律都好好味！大家一定要試下❤️

放假去左荃灣海之戀行街，晚飯時間見到呢間牛繁好多人掛隊，原來係燒肉店，餐牌好吸引，等左一陣位就有得入座。餐廳環境寬敞，卡位坐得舒適，通風做得唔錯，食完唔會成身味。餐廳落單SCAN QR CODE就得，環保又方便。有幾款套餐揀，亦可單點，二人套餐都幾抵食，有齊特上牛五花、特上牛胸腹肉、葱燒中落牛肋肉、骨間牛肋肉，另可於豬五花、豬梅花、豬頸肉、櫻姬雞頸肉、櫻姬雞腿肉、日本雞三角、新瀉雞皮，任選三款；仲配前菜、小食等等。前菜揀左和風菠菜同和風芽菜，和風菠菜清嫩翠綠無澀味，和風芽菜爽脆鮮嫩有咬口。小食揀左元氣捲心菜同生菜配味噌肉醬，配埋燒肉一齊食，可減膩感。二人餐燒肉：特上牛五花油花多、嫩度適中；特上牛胸腹肉味道鮮甜，富含油脂；葱燒中落牛肋肉汁多味美、入口即化；骨間牛肋肉肉質嫩，Q彈帶勁。自選燒肉:豬梅花(味噌醬汁)油脂分布均勻，鮮嫩多汁，口感香醇。櫻姬雞腿肉(鹽醬)嫩滑富彈性，鮮味十足。加配霧島溫泉蛋飯，配以飯素，口感層次相當豐富。

店員態度唔錯😝😝，有口罩袋提供，座位間有大間板隔住，防疫都算唔錯。日本特選雞盛盒 $188超豐盛嘅一碟（圖2）有雞頸肉、雞腿肉、雞皮、雞軟骨😝😝唔同部位有唔同質感，但都一樣咁香😍😍完全唔膩。尤其雞腿肉雞頸肉，超鮮嫩。霧島溫泉蛋沙律 $48溫泉蛋嘅濕潤中和沙律菜嘅清新爽脆。我最鍾意就系佢嘅芝士咸香，令沙律食起上嚟無咁單調🥰🥰。牛繁燒 $78/1有店員根據你想要嘅熟度幫手燒，沾蛋汁撈飯食。日本蛋襯熱辣辣和牛燒肉好惹味😝😝。我地食咗一塊熟，一塊半熟，熟啲嗰塊牛味反而出啲，質感都好啲。壺漬牛肋條 $108一個壺嘅外型好得意，增加咗神秘感。以為咁大條牛肋條會好硬，點知質感好淋好易燒，配埋調味醬就perfect😝😝。盛岡冷麵 $68好貼心嘅選擇，因為燒肉都燒得多個口好乾，對住個爐又好易熱，食碗冷麵濕潤翻口腔真系一流😍😍。佢系蒟蒻麵，口感彈牙又意外地索汁，最鍾意佢2片蘋果，清甜好食，幫手清下口腔。荔枝蘆薈梳打 $32好靚嘅外型，微甜冰涼嘅梳打，好Gur😝😝。焦糖奶油啤酒 $58呢個系牛繁推薦嘅飲品，啤酒底超靚，冰涼清醇，好易入口，上面有層焦糖泡沫，連埋一齊飲又幾得意嘅。雪糕🍧（牛奶味/抹茶味）$28

話說天氣開始凍同埋轉涼，開始想食多啲燒肉類型嘅食物取暖。所以就嚟到呢間位於荃灣新開嘅燒肉餐廳，入邊清一色係後生仔打理，並且裝修新穎，非常有活力！見到菜單琳琅滿目有好多種唔同嘅肉類選擇，最後決定豬牛雞每一樣都嗌一款。✨極上和牛牛版踺配月見汁 $178和牛果然唔同花紋同埋色澤都同一般嘅牛肉相差好遠，極多雪花分布得好均勻，一睇就知執靚嘅牛肉，配上生蛋造成嘅月見汁，味道非常出色✨特選豬頸肉 $68講起食住最吸引嘅部位當然就係豬頸肉，豬頸肉煙銀嘅口感再加埋油脂吸收埋醬汁配上超香嘅味道，簡直好似喺口入邊爆發咁✨嚴選雞腿肉 $78雞腿肉都係我期待嘅作品之一，由於每一塊雞腿肉都係大大片，食落去好有啖啖肉嘅口感，滿足我呢個食肉獸！加上有豐富嘅蛋白質，實在令人難以抗拒總括而言，呢間係無論裝修同埋食物質素都非常令人滿意係高質嘅日式燒肉餐廳🤪

.今日去行荃灣海之戀商場，原來呢度已經開了很多店舖，這間牛繁是我個friend介紹要食的，佢之前食過lunch 話好正，今次就試埋dinner.因為疫情關係，入座之前除了量體温和潔手外，店員仲在我們衣物上噴洒消毒藥水，好注重清潔衛生，值得一贊.我地點咗餐廳推介嘅二人套餐：- 特上牛五花- 特上牛胸腹肉- 葱燒中落牛肋肉- 骨間牛肋肉選配豬五花，豬頸肉，和風波菜，和風芽菜，薯仔沙律，大崎蟹柳沙律.我中意先燒牛五花，因為油脂比較多，正好滋潤下個燒烤爐，跟住再燒其他肉覺得就會特別香唔會柴 (純個人喜好) .除咗肉類，我都好中意啲沙律配菜，薯仔蓉入口溶化，超好食.燒肉太香，忍不住再追加一碗温泉蛋飯，加埋燒肉一齊食係絕配

秋天冬天特別喜歡去燒烤， 日式燒烤配上嚴選牛肉，真是人生一大快事。一到餐廳，量體溫之餘還需要消毒，店員會為我們把身體的衣服也噴上消毒劑。 座位非常寬敞，和其他人的距離也挺遠的，很好。一看餐牌，人開始極度混亂， 選擇非常之多，他們有盒盛，還有單點， 還有套餐選擇。 就是十分迷惘，於是問了店員如何選擇。店員介紹嚴選霜降黑毛和牛西冷和大人氣！霧島溫泉蛋飯， 他們說那個黑毛和牛充滿油花，很多食客會追著重來， 如果喜歡油脂的朋友會很開心， 燒牛扒的時候也要注意一下，因為充滿油份，火很容易搶上來，注意一下火喉便好了。只加少許食鹽便好了。另一個介紹的便是溫泉蛋飯， 温全蛋加上飯素，簡單又美味。 牛板腱，肉的部分比較彈牙， 脂肪比例略少， 夾住蛋汁吃，很滑又爽口。 牛舌有兩種選擇有薄也有厚的， 厚的牛舌質感會比較容易吃出來。 薄的可以另外加錢要求有葱，有另一番味道。最後來一杯威士忌梳打，美妙！嚴選霜降黑毛和牛西冷 $288大人氣！霧島溫泉蛋飯 $48極上和牛板腱配月見汁 $178厚切特上鹽烤牛舌 $128威士忌加梳打 $68

涼涼地去食烤肉😋這個來自日本嘅烤肉店，位於海之戀2樓，環境舒適、坐落舒服、通風設備做得唔錯 、服務貼心有禮👍兩人套餐除咗抵食外，仲份量唔少㖭😚這個套餐有4款優質靚牛、2款靚豬、醃料 可揀鹽醬、柚子胡椒、味噌、辛辣……仲有4個小食配菜🤤六款肉中， 雖然唔清楚邊款打邊款😅但各款都有特色👍好味就得🤤🐮🐷在鐵板上燒時， 燒得滋滋聲、滴曬油香噴噴、肉香四射🤤全部肉都油脂分佈均勻、唔柴唔肥膩、肉質柔軟甘甜、有部份口感Q彈……由其豬肉燒到微微焦香食🤤🤤全程舒舒服服食咗兩粒鐘😚

呢間日本燒肉店裝修簡潔闊落🇯🇵 ，食材達中上質素，當日個店員姐姐同老闆都超nice，睇住當場燒肉真係一大享受✨😚-1️⃣「牛繁燒🥩($88)」 -呢款薄切澳洲 M9 和牛店員會親自幫手燒💖，蘸上日本月見及醬汁，配飯團食一流🤤✨~Gyushige signature grill M9 wagyu is served with Japanese yolk and teriyaki sauce-2️⃣「壺漬牛肋肉🐮($108)」-燒到medium well岩岩好，食落外香內嫩，夠哂淋，醬汁甜甜地已經夠哂味🤪~Rib karubi with some spring onion-3️⃣「日本特選雞盛合🐔($188)」-滿滿的一盤，有日本雞三角、雞腿肉同雞皮🇯🇵~ Premium chicken platter consists of chicken thigh meat, skin and -4️⃣「霧島溫泉蛋沙律🥗🍳($48)」-凱撒沙律充滿芝士香但略鹹🧀，係日本蛋可以安心食，蔬菜爽脆🥬，配車厘茄同麵包粒🍅🍞~Caesar salad with soft-boiled Kirishima egg -5️⃣「盛岡冷

自從荃灣開咗DONKI 之後，多咗好多人去嗰邊。所以今日去完DONKI 就去同一個商場的燒肉店晚飯。呢間叫牛繁的餐廳，在東京以外有8間分店，看門面，裝修，餐牌等都應該不差。坐下來，servers 都好親切，開顱，派濕紙巾，加醬料。仲會有一人一條不織布圍裙，但是如果沒有需要就環保d 唔好要了。兩個人不想多想，就點了2人餐。開頭以為肉類選2，怎知道打開電話落單的頁面，發現原來是牛肉以外選2款。於是，2個人一共吃了4款牛肉，1雞，1豬，再加上2款前菜同2款小吃(都是蔬菜)。兩碟牛肉一來到就知道質數不差，不會有超市見到的瘀血色肉。全部都是紅紅的粉嫩的。豬肉同埋雞髀肉都看落好新鮮，我哋揀豬梅花柚子味同埋雞腿肉鹽味。燒肉店的好處就是可以自己選要機成熟。牛肉我不喜歡太熟，所以5-6成就最好，不過當然要d 肉夠新鮮先可以吃得放心。豬肉柚子胡椒味真係絕配，recommended！最後講講d 蔬菜，我見好多人都有點番茄，份量多，有成個番茄。切片後加了醬油，我覺得食落有點硬，所以放了在鐵板上面燒了一陣。這樣吃原來有驚喜！因為索左d 肉的味道，還有煮了一陣甜味都出來了，軟軟的好好吃！

今日同二倍朋友仔行過Donki 😍 周圍搵食lunch 就行左入牛繁 叫左三個餐 ，每個餐都有 前菜 湯 有埋飯😋飲品就有烏龍茶同埋檸檬茶 都係包埋🤣我哋就叫咗特上牛胸腹肉$108元氣牛五花 $128 同元氣牛小排$148 員工喺出邊已經有介紹 喺日本有分店果然真係好食好好食 😋 所有牛都可以揀原味 ，味增，鹽味。當然自己就鍾意鹽味 已經好耐冇食咁有水準嘅燒肉啦 好掛住日本呀 😭牛控既我 喺香港已經食過幾間燒肉，覺得呢一個價錢 真係已經好有水準 所有啲肉都食晒 😋由於仲有啲肚餓所以可以加 追加~~pls叫咗個 豬頸肉$58 豬五花 $58🤣豬五花係推介推介推介總括嚟講 係抵食嘅🥰 下次真係要帶埋屋企人試埋佢個晚餐先🤣

荃灣海之戀商場都開咗一陣，越來越多食肆喺嗰度開，仲要好似間間都好好食咁！🥰🥰🥰所以今日放工就同男朋友過嚟呢度搵吓好嘢食！🥳🥳行行吓見到呢間日式燒肉譜好似幾正咁，座位又寬敞闊落😛😛幾好坐咁😛😛就入咗去啦！今次叫咗呢一個二人套餐（其實係懶得去揀所以先食套餐😇😇😇哈哈😂😂)，睇落好似好多嘢食，每一款肉仲有四隻味俾你揀！😋😋😋值得一題係餐廳主張環保，所有落單都已經轉晒做用手機落單！話咁快啲嘢食就到齊啦！由於男朋友實在太肚餓嘅關係我都未影得切佢就已經開始咗食😂😂😂先講一講佢啲牛！佢嘅牛肋肉真係好出色！😍😍😍燒完之後都唔會覺得好難咬，肉質好嫩，一食就知係靚牛！😋😋另外兩款自選肉我哋就揀咗豬頸肉同埋雞腿肉，豬頸肉燒完之後爽口彈牙，而且佢油脂分布平均所以好Juice🥳而雞俾肉叫咗味增味，好入味之餘醬料仲鎖緊左肉汁🥳🥳唔止肉類，呢個套餐仲有蔬菜！🥳🥳🥳最後兩個人買單唔使$600 ，都食到飽飽，係抵食嘅！🙆🏻‍♀️🙆🏻‍♀️

讚1.新開張，枱櫈地下都企理，唔會黐立立咁2.算抵食，午餐有肉有飯有湯有飲品都係百鬆啲銀，唔過份3.白飯、沙律都足料；燒肉汁、辣醬相當香口惹味彈1.肉既切法要改良下，蝴蝶切法要考慮下條邊有無筋或者肉質本身易唔易咬得開，呢間既牛肋骨位就實在係咬唔開2.蛋花湯實在係海水級咸度，仲咸過啲醬汁，拿佢黎送飯嗎？