牛站(駅)麻辣火鍋放題

营业中

休息中

適逢朋友生日又諗唔到食乜，放題總會納入考慮範圍。每次經過牛站總會排長龍，吸引了一班愛打邊爐的朋友。牛站以qrcode落單，部份火鍋配料需到自助區取的。自助區有沙律吧、冷熱飲品、清酒。熱食有小龍蝦、中湯、豆腐花。甜品櫃有雪糕、雪條、啫喱等。火鍋湯底多達數十款，有番茄豬骨湯、藥膳牛骨湯、椰子雞鍋、冬瓜瑤柱豬骨鍋等。小編點了花膠雞鍋，湯鍋有數件雞件、蘿蔔、粟米、花膠等。湯底清甜，很不錯。海鮮有鮮甜沙白、爽脆墨魚、帆立貝、脆鯇魚片、海蝦、花膠和海參。小編比較喜歡吃沙白，清洗乾淨沒有沙和厚切適中的脆鯇魚片。另外，小編比較喜歡吃美國牛肩胛片、美國安格斯牛板腱和SRF美國極黑和牛片，肥瘦適中，不肥也不瘦。

朋友聚會一年四季總係打邊爐？😳 最人氣點少得牛站(駅)麻辣火鍋放題🐮 晚上去了尖沙咀分店，餐廳寛敞舒適，有梳化卡位，明亮清潔，通風系統足，仲有自家圍裙夠貼心牛肉放題套餐平日成人每位$258up(需加一服務費)，任食120分鐘。 入座後以QR code下單快捷方便，所有食物一目了然。多款湯底選擇，香辣刺激、滋補之選都有。食物飲品多達百款，尖沙咀店更提供小龍蝦、台式肉燥飯放題! 自助區有 蔬菜類、丸仔、海鮮、水果( 西瓜、蜜瓜、紅毛丹)、粉麵、熱盤、炸物、甜品、雪糕(有Häagen-Dazs)、糖水、酒精、飲料等放題，更可客製醬料～ 食物新鮮多元化，每款都各有特色，估不到連甜品都有水準呢!📍牛站(駅)麻辣火鍋放題尖沙咀加連威老道2-6號愛賓商業大廈1樓102號舖 (港鐵尖沙咀/尖東站 B1 出口, 步行約2分鐘)

我和一班好朋友都係牛魔王，我哋約埋齊齊放假，聚首一堂，齊齊去打邊爐。有質素嘅火鍋放題，我第一時間諗起牛駛。 中午時間光顧，人頭200蚊唔使，餐廳提供幾個唔同價錢嘅套餐選擇，我哋覺得夠食就可以喇，如果鍾意食海鮮嘅，亦都可以選擇有海鮮嘅套餐，但當然價錢都會貴少少啦。鴛鴦湯底可以滿足唔同人嘅需要，一邊辣一邊唔辣任君選擇，麻辣湯底出名夠香夠辣，冬瓜豬骨瑤柱湯夠鮮味。牛肉切到好薄，肥瘦均勻，肉眼看見已經知道非常新鮮。豬肉片好薄，一啲都唔嚡口，冇騷味。主要火鍋食材都放咗喺公眾範圍，食幾多攞幾多自由選擇，有大量蔬菜/丸類/粉麵，仲有炸物: 響鈴/魚皮，熟食有小龍蝦/滷肉飯...多嘢食到不能盡錄。飲品都放滿咗幾個大雪櫃，我最喜歡他自家製的凍茶，清新解渴，有助消滯。最後一定要食雪糕，雪糕雪條款式多羅羅，店內仲提供自助雪糕機，仲有軟糖自由配搭。食物質素與種類，覺得俾呢個價錢係值嘅。

牛肉真係好吸引！唔同部份嘅牛肉隨心所欲任食，真係好滿足啊！我最鍾意食牛肩胛，特別係美國黑和牛SRF同埋牛舌，味道超級美味！唔止係牛肉，海鮮亦都新鮮到爆！鯇魚片好滑口，加埋海參花膠同竹笙蝦滑，真係一級棒！仲有啲魚皮餃、芝士丸同墨魚丸等等丸小食，絕對令人垂涎欲滴！菜類方面，選擇多到令人眼花繚亂！有豆苗、生菜、皇帝菜等十幾款菜，無論你鍾意乜樣菜，都可以滿足你嘅味蕾！前菜超多款沙律可以揀，仲有一啲好好味嘅爽魚皮！飲品方面亦都唔會少，有珍珠奶茶、樽仔港式奶茶同低糖乳酸，可以解渴又好味！最後就係我最愛嘅部分啦，甜品！居然仲有Häagen-Dazs雪糕任你食！真係太誘人啦！

相信大家對呢一間台式火鍋店 一啲都唔陌生因為小編真係經常會同朋友去呢間舖頭🐷打邊爐佢哋嘅火鍋配料全部都幾出色🤓不過今次係小編第一次嚟尖沙咀分店 尖沙咀分店嘅面積冇其他舖頭咁大但係佢哋嘅嘢食依然有咁多款😝.最需要大力推介嘅當然就係佢哋嘅蟲草花膠雞湯底🐷🐷小編經常都會揀呢一個湯底因為本身就好入味 仲可以自己出去攞多啲蟲草花加落去😇仲有佢哋嘅牛肉都唔錯 唔會比又柴又老嘅肉你🤓全部都幾新鮮同埋色水唔錯😝醬料方面小編都有少少心得😂😂因為唔係間間 打邊爐嘅舖頭有咁多醬料可以選擇😂小編通常都會落咗豉油先 跟住就會落啲芫荽、蔥、蒜蓉、炸蒜🥰有時都可以落少少辣椒 不過小編唔係好食得辣 所以唔係成日攞（睇心情 笑死）🤣🤣不過小編覺得靈魂就係蔥油酥😍😍😍真係會令到成個醬料香勁多🥰蔬菜、丸類、麵條選擇一如既往咁多😌而且仲可以食小龍蝦🦞如果想食飯仲可以要返個滷肉飯🥰大家想食兩啖滷肉飯又驚太飽嘅話 絕對唔使擔心因為可以 要幾多就攞幾多🥰另外想讚賞一下嘅就係呢間火鍋店嘅雪糕雪條一向都好高質🤣佢哋會入一啲靚牌子嘅雪糕雪條🥰而且選擇都幾多除咗冰櫃裏面嘅雪糕雪條仲可以自己去唧雪糕🤣唧完雪糕仲可以自己加啲配料😗😗除咗櫃裏面

📍 牛站(駅)麻辣火鍋放題 尖沙咀加連威老道2-6號愛賓商業大廈1樓102號舖🍒點評時間香港人最中意打邊爐，我都唔例外🤣呢間火鍋店私心推介💕 成日長期爆滿，諗左好耐介唔介紹比大家好🤭今次試左SRF美國極黑和牛套餐$298一位 任飲任食120分鐘晚市放題😋有多款湯底選擇，+$48可以轉鴛鴦鍋最新仲有花膠湯雞鍋底，夠哂滋潤啊SRF和牛肉味濃厚，大大片絕不手軟👍🏻除了主打的SRF和牛外，亦有牛板腱、牛肩胛、封門柳、豬五花、羊肉片，啱哂食肉獸🫢自助區有各種各類嘅蔬菜和丸類，還有熟食小龍蝦🦞最驚喜係有放題店必嗌嘅芝麻雞翼💗飲品區除左一般汽水、冷泡茶等仲有自家製台式珍珠奶茶🧋❗️同埋任飲啤酒、清酒、梅酒🍻甜品區有乳酪、泡芙、布甸、自助軟雪糕仲有Haagen-Dazs雪糕杯真係多到食唔哂🤣下次要再encore🤓#foodie #foodiehk #hkfoodie #hkfood #foodbloggers #hkfoodbloggers #hkgirl #instagood #foodlovers #globaleats #eathk #sisterhood #foodhunter #foodhun

要同朋友吹水唔使諗，通常我地都會揀打邊爐，因為去到大家可以揀自己鍾意食咩，唔使煩。我本身以為任食都係普普通通，但今次有俾到啲驚喜我。首先熟食方面有乳鴿、小龍蝦，食多幾隻已經回本。餐廳亦推出咗最新花膠雞鍋湯底，所以我哋都叫咗一個試。湯底有雞件、紅棗等等養生材料，我覺得幾啱女士食用，因為夠養顏。海鮮又有花甲，仲要大大隻好新鮮，我見到隻隻都仲識旭，食落好鮮甜而飲品、蔬菜類同甜品生果都有數之不盡嘅選擇，有Häagen-Dazs雪糕、泡芙、豆腐花、乳酪等，食物種類非常之多元化，會係一個好開心嘅一餐

朋友來自遠方梗係要食火鍋放題啦尖沙咀呢間分店座位寬敞空間夠大．坐得好舒適一坐低即刻揀湯底款款都吸引大鍋又足料火鍋配料自助區好多款式食材好新鮮．味道▫️美國特級肩胛肉眼薄薄一片口感軟腍，帶出香濃牛味甜品很多選擇有杯裝Haggen Dazs雪糕仲有小時候最鍾意食嘅旺寶雪條．懷念又回味飲品櫃除了多款罐裝和紙包飲品還有牛站自家茶．樽仔奶茶 香醇幼滑珍珠奶茶都超正．一定要飲食物有質數．性價比高難得多年來都深受歡迎

好耐冇打邊爐見到尖沙咀呢間火鍋放題好吸引一行四人 午市任食 有四種價格選擇揀咗「美國特級肩胛肉眼」 $188/位2:00pm後入座埋單仲有88折優惠可以食到飽飽先去行街雖然啲店名係麻辣火鍋但湯底都有好多選擇，當然有辣有唔辣擺放火鍋配料嘅專區，乾淨衛生仲有飲品．甜品 無限量供應仲有多款甜品．飲品櫃裏面嘅款式都好多最正係有麻辣小龍蝦朋友鍾意食辣，食咗好多隻．仲話好好味我哋揀咗個✨胡椒豬肚湯底香噴噴嘅胡椒味 ． 味道香濃又足料

打邊爐係香港一年四季都受歡迎既菜式，想打邊爐既話，位於尖沙咀既「牛駅麻辣火鍋放題」係一個唔錯既選擇😆，因為食物選擇超多，唔止火鍋料，熟食、甜品、飲品都有勁多選擇🙌🏻。我地揀左美國極黑和牛套餐，食兩個鐘19:30前離座每位$258，湯底就揀左花膠雞湯，入面有花膠同兩隻雞腿🍗，湯底唔會太咸。先講牛肉，呢個套餐有SRF美國極黑和牛、美國安格斯牛板腱，同埋肩胛肉選擇。牛板腱係我既最愛，肉質厚實脂肪比例較少，食多幾塊都無負擔😆。海鮮都有大量款式選擇，包括海蝦、帆立貝、魷魚、鯇魚片等等。鯇魚片已經去骨，而且啖啖肉又鮮甜，十分推薦。餐廳除咗用QR code落單，仲設有自助區，有大量蔬菜、丸、熟食，例如雞軟骨、雞腎、肉燥飯等等，飲品方面，汽水、茶呢D係基本，竟然有樽仔奶茶同埋梅酒、清酒！仲有超多甜品，Häagen-Dazs雪糕都係任食。

最近成日落雨，天氣都有少少涼浸浸，所以又同姊妹一齊去咗尖沙咀依間「牛站（駅）麻辣火鍋放題」打邊爐，Order咗個禦寒胡椒豬肚湯保暖下。*此餐廳收取加一服務費。成人星期一至四19:00-21:30入座SRF美國極黑和牛片120分鐘晚市放題（兩人$576），SRF美國極黑肩胛肉眼片，脂肪比例較少，牛味濃厚。禦寒胡椒豬肚湯（跟餐$0），內有芹菜、杞子，豬肚肉質爽口，胡椒味道香濃。美國牛肩胛片（跟餐$0），肉質肥瘦相間，口感嫩滑，肉味濃香。巴西牛脷托（跟餐$0），肉質薄切，食落有咬口。水牛芝士條（跟餐$0），表面鋪有香草，口感酥脆，芝士拉絲效果突出。焦糖意式布甸（跟餐$0），口感滑溜，蛋味香濃，焦糖食落甜度適中。

而家好興返大陸食野，其實香港都有性價比高的餐廳，如果想坐得耐，可以揀放題，選擇多，而且坐得耐，可以傾耐啲牛站(駅)呢間都食左幾次，次次都好多人，即使早到都要等下，因為上一班人未食完，一定要book位，walk in就要等下今次黎到發現餐廳推出新湯底，今次多左花膠雞鍋湯底，養顏又惹味今次湯底揀左清甜椰子雞鍋&香辣沙嗲鍋肉係必食，SRF美國極黑和牛片、封門柳、美國安格斯牛板腱、美國牛肩胛片肉類選擇極多我最中意食沙白，又甜又新鮮，而且冇沙，所以係咁叫🤭

尖沙咀任食牛套餐又多一選擇😍牛駅晚市套餐$258起，已經有多種牛揀，仲有唔少海鮮可以食🥳湯底都有十幾款，唔鐘意食辣又可以揀下花膠雞煲🥹好欣賞小食方面都有好多種類，特別仲有燒乳鴿😍第一次可以任食，仲要皮脆肉滑，又唔會太咸，忍唔住叫左2round 😋牛肉方面都幾多不同款式，美國極黑和牛肉質好柔軟，牛肉香味💯甜品唔止有雪糕，仲有好多蛋糕仔120分鐘絕對好滿足🤓📍牛站(駅)麻辣火鍋放題 (尖沙咀)尖沙咀加連威老道2-6號愛賓商業大廈1樓102號舖

每逢約三五知己食飯都非常頭痕，呢間應該幫到大家解決呢個難題，因為選擇夠多而且時間足，我今日相約友人到訪了尖沙咀一間主打放題火鍋的「牛站」享受是日晚餐❗餐廳員工招呼到位，排咗一陣就好快安排入座，裝修雅致而且餐廳座位舒適，同時亦準備QR code作點餐，而且上餐速度快而準，同樣收拾都迅速！⭐️120分鐘SRF美國極黑和牛套餐 $298🍲湯底- 清甜椰子雞鍋：這個湯底有一種特別的風味，清甜中帶有椰子的香氣，非常開胃。🥩肉食：肉食方面有多種高品質的美國牛肉選擇。我嘗試了SRF美國極黑和牛片，這種牛肉非常嫩滑多汁，入口即化。另外，他們還有美國安格斯牛板腱、牛肩胛片和封門柳等選擇，每種肉都有自己獨特的口感和風味。🦐海鮮：海鮮方面都有多種選擇包括日本帆立貝、海蝦、沙白和脆鯇魚片等。這些海鮮都非常新鮮，質量上乘。帆立貝鮮嫩多汁，海蝦鮮甜彈牙，沙白和脆鯇魚片都具有鮮美的口感。🥟其他配料及小食：除了肉食和海鮮外，還提供多類型的配料和小食，如麻辣小龍蝦、燒乳鴿皇、炸雲吞和鹽酥雞。這些配料和小食豐富多樣，能夠滿足各種口味需求。🥤飲品及雪糕：在飲品方面提供自家冷泡茶、盒裝涼茶及自由斟飲料有清酒及咖啡等，實有一款啱

家人想試呢間火鍋因為lunch有四小時，一向食開x陣嘅我地即管試下呢間，十二點鬆去到已經有幾個排隊等上去，上到去坐低後陸續開始有人入座，平日都勁多人坐滿左9成至爆場，因為有四個鐘所以唔會好趕可以慢慢整理下先出去拎野食，對牛冇乜要求叫左個168餐，加左48要鴛鴦湯底麻辣同沙嗲，出面有好多蔬菜可以拎但我冇睇到，由家人負責拎，小食都有五六款左右但係都唔太啱我食，我淨係啱食泡菜其他係豬耳，雞軟骨，雞腎？枝豆，另一邊有個小食係麻辣小龍蝦呢個都唔啱食，所以選擇比較少，有個櫃擺咗四款炸物，兩款魚皮兩款響鈴，所以其實重複咗係得兩款，飲品好大個櫃但係自製花茶多 反而我覺得飲品選擇唔多，第二啲地方可能有酸梅湯五花茶但係呢度冇，唯有飲檸檬茶，網上見到有珍珠奶茶但係暫時未見，應該製作中因為準備走嗰時見到有但唔算好凍所以估啱啱放落去冇耐。牛肉第一round上黎雪花好靚，每盒三片，第二round 每盒四片雪花已經冇咁均勻冇咁靚，但係都口感不變唔怕鞋，麻辣湯底叫左中辣好夠味，沙嗲都夠濃郁，湯底夠味可以唔駛沾醬油，甜品選擇都多，可惜冇榴槤大福，提拉米蘇都好味，朱古力布朗尼比較實有口感所以好飽肚，芝士撻就好普通，是日係