牛県

营业中

休息中

同朋友去開荃灣食飯，之前上網見到依間石燒小店🐮就決定試吓，果然冇令我失望😍😋間餐廳雖然唔多位，但係坐落都好闊落，一坐低仲會好細心提供口罩袋同埋一次性圍裙俾你，等你唔使驚俾啲牛肉汁整污糟件衫😉💯🔎 小牛柳石燒 200g $148佢個石燒牛扒有好多唔同部位可以選擇，今次我就叫咗個小牛柳，200g已經夠男仔食，自己燒緊牛嗰陣仲可以喺自助區嗰度拎黑椒同埋鹽，唔使點汁已經好惹味，燒完咬落去啲肉汁好似爆出黎咁，另外亦都可以配佢個阿根廷青醬，食落去會 fresh啲女仔食都唔使驚油膩🤨 🔎五選三套餐 +$32跟住就叫咗2個五選三套餐就揀晒薯條，湯，沙津，一個飯同埋兩罐汽水。麵豉湯淡淡蜆肉，薯條食落去係即炸好脆🍟 ，一啲都唔淋，佢個沙律令我有啲錦上添花嘅感覺，係食啲肉之前佢上咗一個薯仔沙律🥗但係食落去少少辣辣地有好有口感，用黎開胃一流😃 🔎 牛県燒肉膽丼 $168佢個燒牛食落去一啲都唔韌，海膽一啲腥味都冇，份量都好足，有成四舊海膽🤓 有時如果唔想兩個人食飯都做食肉獸嘅話，可以share一個石燒，一個丼飯，咁係依間小店食就 perfect la☺️💛-📍牛県 (荃灣)荃灣享和街49號地下D1號舖

自從搬了過來荃灣，才開始明白朋友所說的「荃灣有很多好味的餐廳」原來不是假的，只要細心行入小巷後街，真的有很多不起眼的小店值得光顧。牛県是一次路經時發現的小店，裡面大概只有6-7張4人桌，見到不用排隊就入去。牛県以食石燒牛肉為主，對於牛肉愛好者應該覺得很滿足。由於第一次前來，不太知道牛肉的分別，店員主動過來介紹，為我們推薦了不同口感的牛肉，最後我點了口感相對有咬感的牛側腹，而朋友則點了低脂的小牛柳。晚市加錢可配套餐，我們選了飯、餐湯、薯條、沙律。兩款牛肉的味道都很不錯：牛側腹是連接牛胸和牛腹之間的部位，脂肪紋路會比較細緻，肉質有咬感，入口香氣濃郁，帶有鮮味及油脂香；小牛柳是牛的嫩肩胛部位，肉質少油少筋，蛋白質含量豐富，是相對健康的選擇。上菜時，牛肉是大概一成熟的狀態，大家可以因應自己想要的熟度，把肉切開後再於石板上燒熟，個人推薦切開後輕輕一燒就可以，比較能吃得出牛肉本身的細緻口感及味道。沙律、餐湯會在上牛肉前送到，而飯、薯條就會等牛肉到才上，上菜時間控制得很好。另外值得一讚還有醬汁，青醬的味道非常清新，中和了牛肉本身的油脂感，大大推薦大家要點青醬試試。

可以食晚餐堂食時，即刻約frd子食牛牛！全場滿座，等一等。石燒牛食過好多次，今日食依個有少少居酒屋風格！薯仔沙律有d辣，開開胃！薯仔粉粉的，幾飽肚share食岩岩好！味增蜆肉湯蜆肉好鮮甜，有兩隻！份量夠，但唔夠喉呀，出色！唔過咸！牛県A5和牛鵝肝丼 $168燒汁加減點都得。因為個A5和牛實在好濃牛肉味，所以加減選擇！牛肉買鵝肝嘅份量比例一比一，大滿足！和牛一邊煎香帶脆，一邊嫩口。鵝肝外脆內軟，蘿蔔蓉係超貼口之服務位，加分！食完個鵝肝之後成口油淋淋，食一口蘿蔔蓉之後fresh哂！是日精選 - 腹心肉近牛側，嫩肉帶超多肉汁，好味道！阿根廷青醬非常好食，必食！岩岩青香味道。同牛肉嫩嫩好配！紅酒牛肉汁就西餐咁，驚喜無咁大！紫菜飯點綴之肉！薯條粗香口！汽水有可樂雪碧芬達雀巢檸檬，幾多款！

辛苦搵來自在食 一直有食肉獸之稱既我 簡直係無肉不歡所以今日決定去鋸扒😋聽聞荃灣有好多隱世美食今日我揀左一間專門食石燒牛扒既小店牛県試試係門口已經嗅到超濃郁既燒牛味仲不停聽到 沙沙沙 既鐵板聲音呢一刻我個肚都不其然地奏出咕嚕咕嚕聲既交響樂曲🤭一入到去店員非常細心會預備口罩套俾我仲會配給我一條圍裙 預防進食期間整污糟件衫👍當店員知道客人係第一次黎食的話 佢地就會好耐心講介店鋪餐牌上既牛不同部位有不同口感和特色最後仲會推薦是日推介聽完一大堆講解後店員仲有一個小提示就係呢度點餐都係分重量而嗌佢話普遍女仔都可以選擇200 g呢一刻我不自覺由心笑左出黎我應該要點300g 先夠🤫跟套餐仲可以+$32 五選三 有飯 薯條 湯 沙律 飲品 或者+15 單點作為一個精明消費者既我 緊係揀左五選三啦。牛側腹 (HK $138/200g) (HK $198/300g) (HK $258/400g)連接牛胸和牛腹之間的部位口感豐富含細緻的脂肪紋路 肉質有咬感肉味鮮甜又有油香😎配飯首選😋。牛橫隔膜腹肉 (HK $148/200g) (HK $213/300g) (HK $278/400g)牛隔膜中間部位 原來每

喺屋企玩煮飯仔外有時都要出街食下好野但係又唔想同人地爭位又唔想食太貴於是行過見到呢間舖頭淨係食牛牛嘅鐵板燒餐廳再望望環境同餐牌餐廳裏面都坐得幾舒服兩個人坐四人枱再望望餐牌，有好多唔同介紹包括唔同牛嘅部位最後我哋揀咗牛側腹扒同橫隔膜腹肉值得一讚嘅係餐廳會送圍巾防止油周圍彈到身體而且牛扒送到過嚟嘅時候都會有牛油紙擋住防油彈👍🏻我前面嗰碟係牛側腹扒牛嘅肚腩底部肉厚多汁，牛味濃郁嘅部位👍🏻但係比較多筋，厚身同難切啲🍴另外加咗$32升級做套餐五選三，有飯，薯條，湯，沙律，飲品另外仲有海鹽同埋黑胡椒for自己調味但係我覺得食牛嘅原味，已經好夠而另一塊扒，橫隔膜腹肉相對冇咁厚身，比較容易切係屬於牛橫隔膜中間的部位味道都濃郁，無牛側腹扒味濃但係口感非常柔嫩！👍🏻👍🏻👍🏻有少少入口即溶嘅感覺🤤直頭係瞌埋眼，一路咬一路享受油花豐富，但係唔油膩，正！😆如果唔堂食嘅話，外賣都幾平，$38起食完牛牛當然要散吓步Highly recommend 去荃灣西海濱公園嗰度嘅日落係香港十大最靚之一每日都好靚，唔會令你失望當然影唔少相留念啦🤪

難得早放，突然想食牛扒，醒起荃灣有呢間有得食石板牛，就一個人去食。門口個自動門，望落好隱蔽，好彩見到營業中，就入左去。抗疫期間，唔使搭枱。好彩早一步入去，遲少少都無位，我諗平時都要排晒隊。定食好似幾抵食，但我叫左石板牛肉。午市叫石板牛肉有飯、湯同沙律送，晚市要另加$32。叫左200g 西冷扒（$128），熱辣辣，超正，可以自己決定幾時食。我食野算快，塊扒好厚，都keep 到肉嫩。食得慢嘅人，可能要叫佢地換走塊石板，因為佢好熱，食太慢，啲牛會過熟。整體很滿意，仲提供靚靚紙袋放口罩，仲會俾埋紙圍裙防止啲油彈到件衫。可以再試

味道：⭐️⭐️⭐️⭐️⭐️天氣咁凍🥶緊係要食返啲熱辣辣既野石燒牛就不失係一個好選擇啦😎呢間小店性價比高同時店員仲超級細心🥰主動同客人講解啲牛唔同嘅部位而且仲送上圍裙👍🏻除此之外 仲有唔同食物份量可供選擇👍🏻❶小牛柳 200g $132見到呢個部位其中一個selling point係脂肪含量極低又多蛋白質🤓所以就諗都諗咁揀咗呢個啦💁🏻‍♀️牛柳相當厚身🐮 而且軟腍用石板既餘溫煎熟牛扒 生熟程度由自己控制 另外仲有兩款自家嘅醬汁可以點嚟食包括：紅酒牛肉汁、青醬🍷即使沾上醬汁都唔會覆蓋到濃濃肉味 正🙌🏻❷跟五選三套餐 +$32今次揀咗湯🥣、薯條🍟、飯🍚其實個肉嘅份量已經相當大🤯建議如果係兩個女仔食嘅話+1個餐都夠🤫❷.❶南瓜湯因為掛住食嘅關係冇影相📸️南瓜湯飲得出淡淡南瓜蓉🎃味道完全假！而且幾飽肚🧐❷.❷薯條🍟個人超級推薦👍🏻係粗薯條而且即炸，熱辣辣🔥脆卜卜超好味😋❷.❸飯🍚係一個配上飯素既日本珍珠飯😽撈埋一齊食真係食到停唔到口👀而且份量都唔細🤤兩個女仔食一碗就夠晒啦🤡

今日同朋友來荃灣食石燒牛扒，餐廳主打石燒牛肉，有6款不同部位，價錢 $108至$158，餐廳會先煎封牛扒鎖住肉汁，以1成熟放上高溫熱上，客人可以按個人喜好燒熟牛扒，自己控制熟度，再配2款醬汁，非常吸引。店員服務有禮，仲提供圍巾以防彈油到衣物上。牛 腹心肉 200g $158，呢款係廚房推介，餐牌無的，會在店內黑板不定期推出，味道同口感都非常好，值得再食。切開煎熟，入口非常嫩腍，牛味濃郁，腹心肉特別鮮甜，燒至半熟也很嫩很多肉汁。重點牛扒無筋位，整塊都好高質好嫩。熱石燒牛扒，除左即燒即食，夠哂熱辣辣，仲可以高溫燒脆外層，入口香脆，內裡肉仍很柔嫩。份量也按個人喜好，女仔200g很夠飽。紅酒牛肉汁，用左意大利黑醋、紅酒、牛肉汁煮成，味道好香好惹味，但唔會好重味蓋過牛肉味，反而好夾，令牛肉更鮮。阿根廷青醬，用蘿勒、蕃茜、薄荷、蒜蓉、檸檬汁及皮……煮成，有好香好重蘿勒味，加上蒜香及薄荷清爽感，微酸的檸檬味及香味，令味道更多層次更豐富。牛側腹扒 200g $138朋友的側腹扒有2大件，好靚好吸引。牛扒脂肪豐富，脂肪紋細緻，很夠油香，牛味重且肉質有咬口。超好配搭飯，牛脂與飯味道溶入口中，正好白飯吸收

荃灣廣場附近，有好多唔同食肆，其中有一間新開張的日本熱石餐廳，長期都有好多人排隊，今日早食飯，所以唔洗排隊，可以試吓呢間餐廳。餐廳裝修簡約，店面不算很大，不過服務員態度非常好，而且服務好貼心，有圍裙提供，以防整污糟件衫，值得一讃。餐牌有好多選擇，牛既好多不同部位都可以選擇，鐘意有口感既又得，鐘意牛油味重啲又得，好多唔同部位，總有一款啱你。濕式熟成牛排濕式熟成牛排係用真空技術將新鮮牛排包膜，以牛肉自身既天然酵素進行熟成，所以比起一般既冰鮮肉更多汁同更嫩上腰西冷西冷比較有咬口，牛肉味都好夠，加上少少鹽，更加能提升牛肉既鮮味小牛柳牛柳較林身，如果鍾意軟少少既朋友就啱哂，牛肉汁好豐富，一咬，有好多牛肉汁，正荃灣有一間咁正既石燒牛排餐廳，一定要多多支持👍🏻

今日同爸阿媽一齊黎荃卜牛県🐮 order了廚師推介既「牛側腹扒」味濃幼滑juicy細嫩，他們讚不絕口👍🏻「小牛柳🥩🐄」很嫩部位食落口極鮮嫩多汁、牛扒少油脂食落完全沒有筋，所以脂肪含量低，牛肉風味濃郁，口感鮮嫩、可口，有入口即化既口感👍🏻5選3套餐，小食係炸粗薯條🍟，即叫即炸，新鮮程度100分💯，好正好正，勝價比高既套餐牛県整體食物質素材料十足，不得不食的是招牌牛肉夠鮮嫩🙌🏻以後荃灣食嘢又多個好去處啦

呢排見到好多朋友都好興食石燒牛，我自己都試過幾間，好似每間都差唔多咁。朋友介紹話呢間性價比極高，咁就一於黎試下啦。睇個menu真係平過出面d石燒牛餐廳喎，唔知食落係點呢。不過望到同聞到隔離枱既已經覺得好香啦。佢仲好貼心咁送埋圍裙添，咁就唔怕d油彈到啦衫啦。呢個沙律同湯都幾好味，最緊要夠哂清新開胃。我就叫左呢個西冷，一上台真係好香。佢教我切少少之後燒，咁就控制到個火喉啦。燒到佢五成熟岩岩好，一食落口真係好重牛味。雖然佢唔係好肥，但竟然有少少入口即溶既感覺。朋友話佢果舊牛腹肉都好好味，我望個樣都見到好高質。最有驚喜既係呢個薯條，又粗又有薯味，而且咸度適中，食落仲夠哂脆。呢間石燒牛性價比真係極高，雖然住得好遠，但下次都一定會再黎食呀。

哥哥想去荃灣廣場買65吋電視機，他帶我在附近享和街的牛県食靚牛平鐵扒餐。餐廳先為客人點選的牛扒，以煎封方法把肉汁封住，牛扒會以一成生熟度，放在高溫岩石上。接著，我們就燒成我們喜愛的生熟度。我們點了牛的以下部份，互相Share食。小牛柳(肩狎小菲力)牛側腹扒我愛食5成生熟度，所以我會先快手將整件切成粒狀，然後全部先搬到碗裡，才慢慢地逐粒慢燒至5成。小牛柳(肩狎小菲力)取自牛隻嫩肩狎部位，鮮嫩多汁，肉質少油脂，筋亦少，令口感腍滑無渣。脂肪含量極低，不會成口“油淋淋”，牛汁風味濃郁，而且低脂，高鐵、含豐富蛋白質，好適合中意keep fit又怕肥膩的我。而牛側腹扒是連接牛胸和牛腹中間的部位，有細緻的脂肪紋路。味道非常濃郁，肉質很柔軟嫩滑，有嚼勁但不韌口，肉汁甘香。醬汁我點了紅酒牛肉汁和阿根廷青醬。前者提升了香濃的肉味，後者令肉味有更清新的甜味。飲品點了忌廉和芬達。五選三套餐:我們另加了薯條和蜆肉麵鼓湯。薯條很夠香脆，蜆肉麵鼓湯的蜆新鮮，味道也不錯。

藏於荃灣廣場後方的街道，有間名為牛県的地鋪，這天晚上跟友人特地到來吃有名的石板牛喔。門面簡約木系設計，剛入店鋪可見同樣的簡約木系裝潢，甚有日系的感覺。當中有一面牆身介紹牛各部位的口味，挺方便客人揀選想要吃的部位。我們點了牛側腹扒(200g) 跟小牛柳(200g) ，它是五選三套餐，我們兩個餐便把能搭配的飯、薯條、湯、沙律、飲料也給搭配了。牆身介紹說腹肉味道濃郁，小牛柳肉質少油少筋且脂肪含量極低。另外餐牌指牛扒是濕式熟成牛扒，利用真空包裝新鮮牛肉，冷藏運送過程中牛肉天然酵素熟成，牛肉會更有肉味呢。我們這便來嚐嚐了。下單後店家便會提供一面黑色的仿圍裙供客人使用，以免待會被熱石板牛的油濺到。首先到來的是前菜沙律，蕃茄跟生菜搭配酸甜的醬料，挺開胃。然後是湯，這天是南瓜甘荀湯，味道濃郁，可見用料滿滿。我們各自也點了檸檬茶，這裡的飲料均是罐裝飲品呢。很快，小牛柳被熱石板盛著上桌了，接著牛側腹扒也跟著到來。看著熱石板上冒著白煙，油光滿滿的，厚實且帶有紋理的牛側腹扒，不由得食指大動。聽說所有牛也是在一成的時候送上的，會比較難切，順紋切會比較好。不過有一點得說，由於牛側腹扒的油脂較多，在熱石板上它的濺油

今日心血來潮想食牛🥩補補鐵質，上網搜尋🔍荃灣區關於食牛扒的食評，網友大推呢間位於亨和街49號地鋪的「牛県」，主打Stone Grill Steak 🥩 ，今晚就去呢間啦。店舖雖小，但感覺乾淨齊整，燈光偏黃，幾有情調，以木🪵系枱椅子🪑做主調。店員大推必食牛橫隔膜腹肉 200 g 同埋牛側腹扒 200 g ， 另外我跟五選三套餐加配左飯、薯條🍟，湯🥣、沙律🥗同兩罐忌廉🧃餐湯是南瓜🎃湯，南瓜打得好碎，飲落好綿密，啖啖南瓜溶，食到本身甜味🥄沙律🥗有大大片爆汁鮮蕃茄🍅，入口鮮甜多汁，沙律菜好爽脆，配上黑醋，十分開胃。薯條🍟剛炸起，新鮮熱辣，適量的鹽，簡單香脆可口，搭配蕃茄醬，好香口。店員好細心送上圍裙兩件，可防熱石牛油脂四溢，而且上菜時已用吸油紙蓋上牛扒防止油脂飛彈，非常細心的設計。主角牛橫隔膜腹肉 200 g： 腹肉是牛橫隔膜中間部位，每隻牛只能🔪切一塊hanger steak 🥩 ，好矜貴。食落牛味濃郁幼嫩，肉汁飽滿，入口不肥，呈菜時只是一成熟，可自行用石板煎至自己喜愛程度。😍配上兩款自家製醬汁，一款阿根廷青醬，食落草青味濃，好清新。另一隻是紅酒🍷牛肉汁，重口味之選，可提升肉味。牛側腹扒

今天和朋友去了荃灣廣場睇戲，散場已經晚上七點多了，有點肚餓，行到享和街見到間近期流行之熱石燒牛肉專門店，我哋比較鍾意食牛，二話不說便走進去，餐廳不算太大，但坐落舒適。餐牌有多款牛的不同部分選，分200、300及400g 重量收費，我們選擇了……200g的上腰西冷和小牛柳，加咗$32 就可5揀3，有飯、薯條、湯、沙律及汽水，我們就每樣都揀一來試。服務員貼心的送上圍裙，以免弄污衣服。先來蕃茄濃湯，內有些西芹碎，很香滑creamy；沙律有蕃茄及什菜配清新的醋汁很開胃；薯條是即炸非常爽脆好食；飯是日本珍珠米加上芝麻同紫菜味配合牛肉食真絕配！到了主菜，廚師把一成熟的牛肉放在熱石上，如果不想牛肉太熟及硬，我建議先將牛肉另外放在碗中，分開切才放上熱石上燒到自己喜歡的熟度；小牛柳肉嫩又juicy，真好d後悔冇叫300g,至於上腰西冷，牛味十足有口感，每款牛都有餐廳自製的阿根延青醬或紅酒牛肉汁揀一，很配合和清新，這餐真的不錯及滿足，下次可以再來吃其他牛部分。