牛県

营业中

休息中

喺荃灣廣場行完街，行多兩條街搵dinner食～見到呢間店超多人排隊，搞到我都想試下，一於等下🤣 一黎叫左個是日精選，原來今日係羽下牛扒，店員非常推介，咁我就試下200g然後望到燒肉海膽丼半價😍立刻決定到第2樣主食😋😋好快就有飯食🥰份量無照騙🤣有5舊海膽5塊燒肉，估唔到個飯係暖的，三文魚子係口到爆漿溶入飯到，每啖都是幸福薯條同麵豉湯都非常熱辣辣，薯條炸得香脆可口，推介必揀薯條🍟等咗咁耐個肉終於有啦，果然冇令我失望，阿根廷青醬就有種草青味，比較唔會蓋過牛嘅味，不過個人更鐘意紅酒牛肉汁，會出味d同夾d仲好細心有圍裙

朋友介紹話呢間石燒牛好食，所以就帶老公去食下。八點左右嚟到都要等一陣位至入座，入座後店員好貼心提供圍巾同口罩袋，同介紹菜式。.我哋叫咗和牛鵝肝丼同Special Menu 石燒牛極上西冷(200g)跟餐，人均$200左右，幾抵食。special menu每日不同，餐廳會張貼係門口menu！另外，加$32可轉做套餐，五選三:炸薯條/沙律/湯/飯/飲品。.石燒牛極上西冷(200g)石燒牛的好處就係可以按照個人喜好煎煮牛肉的熟度。件牛扒成吋厚，肉質夠嫩有咬口，而且冇咩根，不錯。另有紅酒牛肉汁同青醬調味，但個牛扒本身夠靚，肉汁香濃，所以我都無咩點調味醬。.和牛鵝肝丼 和牛肉味香濃，油脂感重，加上用上煎一面的煮法，香得來又不失入口即溶的感覺。而鵝肝非常香，配搭本身個飯的肉汁，真係一啖接一啖食唔停口。.珍珠米白飯上配上日本飯素，當堂惹味好多。.炸薯條係粗身，有滿滿的薯肉，重炸得好香脆。.薯仔沙律酸酸地幾醒胃，而且沙律菜好新鮮。.蜆肉麵豉湯蜆肉夠新鮮，而且湯咸度適中。.飲品: 揀咗可樂同雀檸

荃灣一向不乏不同的美食，但高質素的石燒，絕對不多，但在荃灣廣場行前一條街，小巷中的牛県，這間以石燒牛肉為主的小店，由於質素不錯，因此我已幫襯了幾次，這裡平時都要排隊，但我晚上點左右就到了，還可以揀位座，雖然店內只有幾張枱，但座位都寛敞舒服。平時的我會選擇吃牛側腹扒 200g $168，因為脂肪紋細緻有咬感，但在店內看到是日推介有羽下牛扒200g $168，難得有貨，就即點選喇! 所謂羽下牛扒，其實是牛肩胛中軟嫩的部位，口感與無骨牛小排相似，牛味濃郁、少油少筋、油花分布均勻，在石燒上燒至半熟，肉嫩很多肉汁，香甜有口感，真是好滋味。煎至半熟切開，高溫燒到熱辣辣的外層帶點香脆，肉質好嫩又腍，重點是無筋位，200g的份量剛剛好，奉上的兩款醬汁，紅酒牛肉汁及阿根廷青醬，前者口感更能突出牛的肉味，後者口感則較清甜，記住試試呀!。油脂分佈平均，在熱石上油脂全數湧出，肉質好嫩又充滿牛肉味。店員為我送上包到上半身的大圍裙，我就可以好安心慢慢燒，唔怕彈到一身油。吃了一半羽下牛扒，但見餐牌有大大份的牛県燒肉海膽丼 $168，本來已經半飽，但賣相好吸引，都忍唔住點了來吃，最後都選擇將一半羽下牛扒打包，回家再享

高質熱石牛早已聽聞荃灣有間高質熱石牛扒，今日行過附近終於有機會一試。位於荃灣西地鐵站步行8分鐘左右可到達。地點十分方便。店家更提供詳細介紹不同牛嘅部分特質，可為心思十足。今次試咗是日精選，200g羽下牛扒，即牛頸脊同A5和牛鵝肝丼。羽下牛扒：熱石上碟，份量十足。煎牛排嘅sasa聲更令人流曬口水。而牛頸脊位於牛頸與肩胛之間，屬於運動量比較多的部位。肉質鮮嫩爽滑，肉味濃郁。再加上特色阿根廷青醬。平衡感好好，油而不膩。A5和牛鵝肝丼兩種浮誇嘅食材可謂相當之合襯。牛約5成熟，肉汁豐富，屬於比較清爽形嘅牛。而鵝肝則火候控制得很好。焦香感十足，一口咬下去更是油脂味爆發。幸福感十足。

突然好想食牛見到餐廳近期做特價二話不說就入座了200g牛扒份量十足肉質軟嫩牛肉味重可以話係水準之作一點小建議可以帶牛扒上熱石後大概煮2-3分鐘左右再切開幾小塊然後再略略煎煎兩邊最後將切開後的牛擺在小碟上這樣做的好處係相對容易掌握牛的熟度而且牛扒不會一直keep住接觸熱石不會容易煮過頭而引致過老醬汁方面個人推薦青醬有一點酸感可以減少牛的油膩感覺最後有一缺點店面感覺抽氣通風可以做得更好因為有時幾台都叫熱石會令周圍都好似有陣味

朋友介紹呢間石燒牛肉，今晚終於來食，原來仲有埋海膽三文魚籽，和牛鵝肝丼飯，選擇多左，好吸引。餐廳基本有6款牛部份／款的選擇，加$32可揀5選3的湯、飯、薯條、沙律、汽水。廚師推介就寫在黑板上，今日我地叫左羽下牛肉。牛県燒肉海膽丼 $168賣相吸引，份量也足夠，呢個燒肉配海膽的組合亦好夾好正。先食薄薄燒肉，外層燒得香口又脆，肉質嫩腍且肉味重，都有肉汁，少少脂肪位，入口好香。配搭海膽同提鮮的咸香三文魚籽，味道更提升，口應亦豐富。另外，用紫菜包海膽三文魚籽及飯，味道也超好，好似邊食壽司，邊食燒肉，雙重滿足。另一食法，就係刺開生蛋黃，用牛肉沾蛋汁食，特別滑溜和香濃，加芥末食就更消膩。羽下牛肉 200g, $168配搭2款醬汁，一款係紅酒牛肉汁，用黑醋、紅酒、牛肉汁煮成，味道好夾燒牛肉，令味道更濃更突出。另一款阿根廷青醬，用蘿勒、蕃茜、薄荷、蒜蓉、檸汁……味道清新又重香草味，令肉味更香。餐廳先煎封牛排，以1成熟放上熱石上菜，客人可切開牛排，按個人喜好慢慢煎熟，熟度自己控制，好玩又好味，仲好熱辣辣。羽下牛排就是牛肩胛中軟嫩的部位，口感就如牛小排相似。豐富的油花、分佈均勻，肉中間有點細筋，好有咬口，

又黎到荃灣食野, 牛県呢間店有時係黃金時間的話可能仲要係出面等位.入面位置不算多, 但起碼坐得舒服, 桌夠大放野.正常餐牌係咁既, 但我地今次點左是日精遺 , 每日限量的! 精選每一段時間可能唔同的, 詳情要當日問下店員或師博啦!牛頸椎 200g (168$)牛一開始比較厚生, 本身可能大約3成熟左右, 咁要自己快D切開之後燒成自己想要既熟度.牛味本身夠重, 基本上唔洗點醬, 靚小小既牛點小小鹽就已經好好味. 通常出面厚身牛, 食既時候都會偏硬, 呢個牛無呢個問題, 就算厚切口感都係十分易咬.口感同味道上都出色!咁牛係比較重味既野食, 配埋佢地飯就會覺得又香又岩岩好中和返小小牛既油味.值得一提既係呢到既薯條, 係炸得好好食, 又長又大條, 口感外脆內軟. 必點!A5 和牛鵝丼 (168$)和牛係正常日本咁整 燒一面去到熟另一面唔洗太熟既住法, 咬落去會比較小小彈牙易入口.和牛油脂味好強, 好香. 鵝肝入口即溶, 成個飯配法都係香為主, 油脂味用左飯同埋一d蔥去中和咁就食落去唔會太濟. 個人係偏向中意和牛多d!

第二次嚟呢度食，整體的確係唔錯😆😆.今次叫咗menu上冇特別指明係邊個牛部位嘅是日精選😌原來今日是日精選係牛頸脊👀打邊爐食牛頸脊就食得多，直接成舊拎嚟燒都係第一次。其實自己燒都唔算太難控制，食落肉質唔嚡，點阿根廷青醬或者紅燒牛肉汁都唔錯。呢度仲會比每人一條圍裙，唔使驚燒牛嗰陣俾油彈到件衫。.我好鍾意呢到嘅薯條！薯條熱辣辣就不在話下，算係粗身，食落外脆內軟，而且重點係遲咗食凍咗嘅話都仲係外脆內軟！.今次仲叫咗一個丼飯，日本A5和牛鵝肝丼。牛肉好嫩，油脂感重，同自己燒嘅牛頸脊完全係另一個style😋鵝肝切得細細片，食落冇咁容易溜，送飯食都好正！.同埋呢到店員好nice🥰整體都幾滿意😇

石燒牛前果排勁hit，開到周圍都係，呢間牛県都算開左幾耐，間唔中都會見到人推薦食，佢除左最普通既牛扒、西冷、牛柳呢啲有得食之外，仲有好多特別部位例如係腹心肉、橫隔膜肉可以試😲佢地既牛扒係用左濕式熟成既方法保存，可以鎖住肉汁😀同埋呢度既店員好好，好主動咁同我地介紹啲肉有咩唔同，仲有提供圍裙仔比你等你唔洗驚食既時候整污糟件衫👍1️⃣腹心肉（$138）呢個係限定既，唔係日日都有㗎。見到有得試，就試下！店員好熱心咁同我地介紹，佢係偏近牛柳既部位，肉味會重啲同埋淋啲。食落牛味真係好重！牛魔王必試🐮  另外佢既醬都既特別，有兩款可以揀，分別係阿根廷青醬同埋紅酒牛肉汁。兩款都好好味，同埋係佢地既廚師自己調㗎！阿根廷青醬好特別，有少少草清味，點黎食感覺幾清爽。不過我自己就鍾意紅酒牛肉多啲，醬汁香濃，感覺match啲。不過其實我覺得唔點醬食已經好好味，同埋更加食到牛本身既味。  另外lunch set 會跟埋沙律、湯，同埋飯，好抵食！  2⃣️牛側腹扒（$138）餐廳入面有介紹，牛側腹扒係連接牛胸同牛腹之間既部位，口感豐富同埋有脂肪既紋路，肉質有咬感，肉味鮮甜有油香。呢個食落感覺油脂感係會多少少，肉質比腹心肉實

限聚令終於放寬啦，今日突然好想吃燒肉，於是馬上約了朋友去荃灣吃熱石燒肉。這裡於餐廳外就有車位，不過要double parking，裡面的座位夠寬敞，4人坐位都唔會覺得迫夾。點餐後很快便送上了，店員細心為我們講解吃法，態度良好。我地選擇了羽下牛扒200g，以及牛県燒肉海膽丼，食物未黎已經聞到附近燒牛肉香味撲鼻。仲有五選三套餐包括沙律，麵鼓湯同薯條。羽下牛扒用石燒方法將肉汁封住，以大概一成熟度放係熱岩石，我再因應自己喜歡去燒到半生熟，最後落鹽落黑椒，攪掂完成。另外有兩種醬汁選擇係紅酒牛肉汁同阿根廷青醬味道，喜歡濃味的就試紅酒汁，喜歡簡單的就試鹽燒就無錯了。裡面夠多汁！肉質相當高汁。除左石燒牛肉，仲有呢份一睇就流晒口水既丼，薄切燒牛，相信燒2-3分鐘，生熟度就剛剛好五成，口感爽滑，而且十分香口。值得一提是我最愛的海膽盛，多到不得了，新鮮不在話下，而且食落夠清甜，加上爆滿既三文魚子，仲可以用紫菜包住吃，十分鮮甜。只有簡單的配料，蔥和生雞蛋，飯及醬汁，但是超級好味，令人欲罷不能。總結而言，這家日式石燒肉店非常高質，上菜速度快，服務良好而且細心。

放寬限聚後, 可以堂食晚餐, 想繼續支持小店, 今次第二次黎此店, 因為我都好早就到, 所以唔使等位就入座了. 限聚期間餐廳都有做外賣, 客人都唔少嫁. 店員會細心介紹後, 我今次叫左石燒牛扒, 同1個丼同朋友一齊share 試下.店員提供圍巾以防彈油到衫上.牛-腹心肉 200g , 呢款係廚房廚師推介, 餐牌見唔到既, 會在店內黑板不定期推出，當然非一般喇，肉質稔, 肉汁多, 濃厚既牛味,  先煎下牛扒鎖住D肉汁，上檯時已以1成熟放上高溫石，可以按照個人喜好燒熟牛扒，自己控制熟度，再配2款醬汁(紅酒牛肉汁-意大利黑醋/紅酒/牛肉汁,加重牛肉既香味). 而另一個(青醬-蘿勒/蕃茜/薄荷/蒜蓉/檸檬汁, 青香既香草味, 好清新, 令你食多幾夠肉都唔會覺得滯)...套餐仍配有炸薯條/薯仔沙律/蜆肉味噌湯及汽水牛縣燒肉海膽丼,  嘩嘩嘩, 一上檯已經被畫面吸引了, 好豐富既畫面, 成個碗面都舖滿-三文魚子/海膽/燒牛肉/日本蛋, 海膽鮮甜...牛肉燒得剛好, 肉質嫩稔, 加埋日本生蛋汁, 超好味, 份量多......推介

好耐冇食過咁好食嘅牛，真係太好食太好食太好食啦，一開始就要同大家講清楚先，其餘嘅細節我會係下面慢慢講。西鐵站附近行5分鐘就到，係一個幾寧靜嘅街道上面，有一間日本風味嘅食牛嘅餐廳。究竟有幾好食同埋究竟個樣係點樣？而家即刻同大家分析下。羽下牛扒（Special）入到去覺得環境已經好靚，望一望個餐牌見到今日係食呢羽下牛扒，寫到明係2021年嘅食物，就梗係叫你試吓啦。話說喺超級市場買一塊西冷牛扒都要差唔多$200 ，呢度竟然$150左右就食到200 g嘅牛扒，有人整埋俾你唔使自己洗，真係邊度搵呀。你見到啲相，牛勁厚，六個表面都煎封左。鎖住晒所有肉汁。入邊接近三成熟，最正嘅地方就係塊鐵板超級熱，等我可以慢慢唔想食咁生嘅話就煎熟少少，豐儉由人。食落口肉汁鮮嫩，多汁得來口感豐富，牛味十足，再加埋啲醬汁，真係人生一大樂趣。A5和牛鵝肝飯呢個都係店員介紹先知道原來咁好食。一開始諗住淨係食牛，据下扒。但係店員都好親切話俾我哋知有啲好好食嘅食物，就係呢個是日嘅精選。唔單止分量豐富，真係試過先知原來可以將牛肉同埋鵝肝配搭得咁好。加埋佢個飯有日本嗰啲飯素，大大啖食落口，喺疫症以來終於有啖好食。其餘嘅薯條或者係味

呢間好有質素嘅扒房喺荃灣，位置鄰近荃灣西站，一出地鐵行2條街就到，店鋪面積唔大。扒房非常細心，佢哋係店面放咗好多海報，介紹一隻牛唔同部位，令客人知佢哋食緊嘅牛肉有咩特別。牛側腹扒今次叫咗份200 gram 嘅牛側腹扒，呢個部份係連接牛胸同牛腹之間嘅部位，肉質比較紮實，牛肉脂肪嘅紋路非常清晰。牛肉會用熱辣辣嘅石板呈上，令顧客可以自己控制自己想要嘅生熟程度，牛肉咬落好有質感，味道非常好。餐廳嘅阿根廷青醬同紅酒牛肉汁非常惹味，同埋牛肉食一流。A5和牛鵝肝丼A5和牛脂肪紋路分明，有入口即溶嘅感覺。鵝肝味道唔錯，和牛同鵝肝分量足夠，加埋飯就岩岩好。齋食肉同飯點會夠飽，餐廳有套餐提供只需要加$32蚊，就可以由沙律，飯，薯條，湯同飲品中揀三樣。呢間扒房雖然唔係係荃灣市中心，但係食物絕對係有質素。行開荃灣嘅朋友絕對唔可以錯過呢間優質扒房。

自上次去完食行運漢堡，發現原來享和街都幾多唔同種類既食店上網search下享和街附近有咩好食，見到呢間試石燒牛既餐廳新開，評價都唔錯，一於晚市黎試試招牌Logo設計幾得意，遠睇就好似一隻牛牛咁有style既店內poster，你哋係咪都好鍾意美牛呢🤣（我就鍾意“金牛”多啲啦）牛 X 燒肉海膽飯原價$338 半價$168老實講半價算係合理價錢，原價有點貴呀～呢個飯分量十足，有魚子、海膽、牛肉、玉子唔講其他，只講賣相已經十分吸引🤤將海膽、魚子、紫菜同玉子，撈埋一齊食，完全無違和感牛肉熟度剛剛好，記得趁熱食😋牛橫膈膜腹肉牛肉放上燒熱左嘅石板，即燒即食夠晒風味肉嘅成熟度自己控制，可以迎合唔同人嘅口味牛肉肉質鮮而香，最重要係一啲都唔「UM」切開仲有少少紅色，啱啱好，最啱我呢個食肉獸🙈牛肉有兩款醬汁，紅酒醬汁同青醬汁紅酒🍷汁濃郁回甘，和牛肉搭配絕佳，帶出牛肉鮮美。青醬汁係羅勒葉和橄欖油等混和而成，味道清香，同牛肉配搭，可以去除牛肉油膩，食落有另一番風味最尾以薯條作結，食到好飽好滿足呀😎✌🏻

位處荃灣，這家牛排石燒店晚上的人流甚多，原來在賣的牛排性價比很高，所以超熱鬧聽說他們好很鐘意美國牛，比日本牛多了一些牛肉香，沒日牛那麼多油花，正合我意牛橫隔膜腹肉 ２００克＄１４８侍應指示我們要等滋滋作響的聲音完結後才切開上碟，指示果然不錯，由一分熟到５分熟果然需要些時間，滋完後切開就知道！橫隔膜腹肉肉汁非常多，口感比較煙韌但肉味香濃，亦不會太多脂肪，愛牛者必試！配一份帶飯素的白飯，口味出色，完全就是正宗的日式吃法套餐＋＄３２薯仔沙律帶些許辣味很開胃，味噌湯帶２隻非常出色甜滑的，好吃！Ａ５和牛鵝肝丼＄１６８意外地鵝肝彈牙，香味濃郁口感不錯，和牛細嫰，如果想吃熟一點不妨放到鐵板上燒一燒，異常美味！水牛城雞翼非常大隻有份量的雞翼，帶一些酸味，微辣的味道很出色！