牛牛台式鴛鴦火鍋

营业中

休息中

上星期日是第三次去牛牛食晚餐，佢哋既食材係放題呢講算新鮮，食材、飲品、甜品選擇多。餐廳既中央有4個自選架上，上面至少有40種不同食材，另外以單點的肉類會按照人數分配，無試過漏單。餐廳两個地方設有飲品架，有大概15款不同無酒精飲品(有甜唔甜)，5種啤酒。另外佢地令人最開心既地方係個雪糕櫃，里面有滿滿獨立包裝既雪糕，任你揀。唔係怕用舀到mix埋哂啲味。

七個人食，由第一張單到最後嗰張單，剔三份羊肉只出一份(兩片)，剔魚片每次出三片，剔安格斯出牛梅花，七個人得嗰兩片羊，點食？直情係迫你去自助區食啲平價嘢，已後無帮親！

8月25日晚，一行6人訂了7:30pm時段，被安排一張非常狹窄的座位，此座位應是4人座位，所以6人坐4人座位是非常非常的迫，而枱面更是沒有足夠地方放食材，周圍環境非常嘈雜，完全傾唔到計。地方狹窄不特止，我們坐那排的電磁爐不停跳掣，每2分鐘就跳掣1次，足足跳咗5,6次，最後，服務員叫我哋將個爐校細d, 先冇再跳掣，但其實內心覺得好危險，根本電力負荷唔到,萬一有火警點算。至於冷氣方便，凍到好似入咗雪房咁，理應打邊爐應該係好熱，但係凍到對手好似冰咁, 大人都凍到咁，小朋友就更加唔使講。至於食物方面更是恐怖，首先就是牛肉方面，完全沒有牛味，有一款更是"柴皮", 而且一次差過一次，沒有質數可言｡但低處未算低，就係海鮮方面，蜆係臭嘅,至於蝦方面，第一次還算ok, 但第二次都係臭嘅，根本冇海鮮可以選擇｡至於其他食物，只係一些廉價食物，不值一提。雖然$168這價錢任飲任食好抵，亦有心理準備食物唔會太高級，但都唔可以係臭㗎｡最後總結係環境惡劣，食物垃圾，絕對不會再幫襯。

打邊爐最好就係乜都吾洗諗，想食乜就食乜，又可以慢慢食，吹下水。呢間牛牛我已經食過好多次，我覺得cp值真係好高我建議大家係可以訂位既！因為我次次都等差吾多一個鐘先有位。So sad~~~~好彩出面有位坐下，可以拎飲品飲住等！不過呢度吾好既係睇枱入人而吾係跟時間，所以如果有4人枱，佢係吾會俾2人入，除非無哂4人飛，我覺得呢點餐廳要改善一下所以訂位好重要！鍋底都有好多款，基本上我都試過哂啦。今次就食杏汁同麻辣鍋。食物材料好豐富，芝心丸，魚蛋，墨魚丸，海膽丸，麻吉燒，豬紅，牛柏葉，花膠仔，響鈴，魚片，冬菇，金菇，蘿蔔，菜，麵等等等等。太多啦，多到數吾哂食吾哂🤭牛牛🐮方面係劃紙仔，有3款牛牛。我覺得牛小排最好食，有牛味，好正！仲有豬，半，蜆，蝦🦐魚都可以劃咖。。出面有甜品櫃，因為吾吸引，我無食。但就有食雪糕🍦！有D字牌雪糕食，我好中意食石版街口味，但呢個口味好快無哂，而且吾會Fill！中意食既人一定要食左先啦。另外仲有好多雪糕，雪米糍，榴連雪條！出面又有好多飲品，冰沙，檸檬茶，花茶，茶包，咖啡，朱古力，汽水，係支裝！出面好少見支裝汽水！啤酒🍻都有。一定有你中意飲既野呢度食限時2小時，不過都好充足

與家人聚頭搵地方晚飯， 小朋友又愛吃又可以自由揀嘢食， 呢間火鍋店是不錯的選擇👍黃昏才致電訂位都仲訂到； 去到可直入埋枱不用等，場內亦九成滿座非常熱鬧😄場內飲品甜品自已隨意揀自已攞， 小朋友最開心承機可週圍行😍 仲要有樽裝汽水任飲，呢樣連大人嘅我都開心不已😂蔬菜與其他食物可在凍櫃自取， 份量揀取一件或愛取多少均可，悉隨尊便👍🏻其他肉類及海鮮就用餐紙點餐由服務員送上👌鍋底我們選了馬拉沙爹鍋+海底撈麻辣鍋， 沙爹香味不錯👍但麻辣鍋就未夠辣未夠麻，我就嫌吾夠味了， 不過食得辣嘅小朋友就啱啱好😋至於食物質素方面， 咁嘅價錢有咁多選擇，質量已算不錯， 值回票價👍我們埋單才留意到是「不收加一」更覺抵食了🤣所以下次有空都會再去食👍🏻

旺角既創興廣場一直都有好多食肆，而且都係主打放題。今日我地就黎左牛牛台式鴛鴦火鍋。雖然呢間餐廳叫台式火鍋，但係我就感覺唔到同一般港式火鍋有乜大分別！經openrice 訂左位，唔駛等直接入座。呢度既點菜紙選擇好少，因為大部份海鮮配料都係要自取既。不過點菜紙上既配料質素都唔錯，牛肉以任食黎講算高質！唔太肥，而且有肉味！唔似有啲火鍋任食，只係食到一舊肥膏。另外，海鮮類都幾好。蝦夠大隻，而且彈牙。唯一挑剔就係我地一行六人但佢每次都只比四隻！不過老闆（疑似）聽到我地意見，就即刻比左一大碟我地，算係幾好！仲有蜆，雖然細細隻，不過鮮甜無沙。外邊配料區無影到相，不過選擇都算幾多!另外，飲品選擇都算多，可口可樂仲要係玻璃樽裝！！仲推介甜品區DREYER'S任食，不過就唔係獨立杯裝，又有紅豆雪條同朱古力雪芭波波可以拎走慢慢食！

價錢便宜，食物品種多選擇.是一間比價錢還高數值的店。服務值數還有待改進,繁忙時段會有顧不上你要求的感覺。牛肉和海鮮比窩還要快到👍👍甜品有自店推薦的雪糕球，可以一試，我給的分數還蠻高86/100🍦🍦

第一位朋友7點正到左 個朋友落左單 等左成二十分鐘先有人黎問我地咩事 明明落左張單 一路等等等 等到我另一個遲到既朋友黎到， 都係未有 ，之後我地再寫另一張單 再等左十分鐘 一車車爐經過身邊 都係未有我地個爐 最後要再叫人追追先有 我都唔明 所有料都到齊 點解個爐都可以未到 雖然都叫做仲有個半鐘食 但個服務真係唔得囉 係唔係先喂 大佬 做完野先黎食飯 打下火鍋 都要我等咁耐 一肚火 雖然食物質素可以 但唔係咁樣掛 成個場既服務人員年紀都比較老 可以跟單上可能真係慢左少少 希望之後有改善

原先同老公係想幫襯樓下嗰間，點之入𨋢後人人到按十五樓，好奇嘅老公唔執輸，唔出𨋢跟大隊😂一貫放題格局，兩旁滿滿嘅大雪櫃，應有盡有，特別的是喱度有玻璃樽嘅汽水吖，充滿風味👍🏻，重重有，一個暖櫃，放滿媽媽奶，麥X同清熱嘅飲品👍🏻👍🏻重重重有，就係一個熱飲枱，咖啡，茶，朱古力，真係要乜有乜，旁邊重有沙冰機，涼茶飲料，真係淨係飲品都多到呢😂調味料有好多選擇前後嘅配料櫃都充滿各式各樣嘅配菜，都算整齊新鮮左邊係臭臭鍋，一啲都唔臭，帶少少辣右邊係麻辣鍋，個人覺得比樓下更香辣，不過就小點麻牛肉有三款，頂級牛梅肉，牛小排，同安格斯黑牛，各有口感黑毛豬梅花肉同五花腩大大個自家甜品櫃同Dreyer’s雪糕櫃喱餐又抱住個大肚腩離開嚕😌提外話店子嘅接待員(女仕)服務態度非常👍🏻由接待到落單，甚至甜品區佢都好落力為店舖服務，喱種態度好耐都無見👍🏻👍🏻

今日預祝母親節 ， 母親大人話想食火鍋 就嚟左 創興廣場 牛牛台式火鍋， 貪佢雪糕甜品嘢飲多 就啲小朋友 好彩預先訂咗位， 7点去到已經超多人。 入紙款式唔多， 主要係牛，豬肉和海鮮料。 貪佢抵食冇加一。 D肉類海鮮都算唔錯，D蜆細隻D 海虾大大隻， 好壞參半， 還可以。 湯底有五款選擇我潠焉鴦鍋。 自助區選擇都算多， 好過落柯打， 唔使嘥嘢鍾意食一兩粒都可以 幾鍾意佢這個芒果啤， 清清地幾好味吾太甜。 最後梗係小朋友最喜愛嘅雪糕區啦， 有甜品雪條糯米糍， 仲有自助式嘅筆雪糕。 飽曬

今次係第三次食牛牛，但係好味既野好似真係唔會永遠都咁好味今次叫既湯底係皮蛋芫茜湯底同埋麻辣湯底。單講湯底同以前唔同既就係個麻辣味消失哂，淨係得層紅油浮面。第一次只係係湯底入面煮已經夠哂味，而家就要點豉油仲唔麻，唉食肉獸同平時一樣都係食牛做主打不停叫叫左三四輪。但係！d牛就一輪靚一輪差。靚既非常高質，差既可以雪左係隻碟上面拎對筷子去刮都刮唔起，夾起已經爛哂。可能真係要控制成本，不過質素好唔好真係肉眼都見到。出櫃拎既野食都唔太新鮮，我愛的金菇樣子都乾蔫蔫噠本身以為呢間可以長食，不過睇黎之後又要搜尋一間新既邊爐好去處啦。

竟然比我發現有唔收加一，而且有海底撈湯底既任食火鍋，價錢真係平！肉類唔算多，但胜在質素好，夠薄，唔會太肥，連唔係好食牛既我都好鐘意，其他食物例如丸類同菜類唔係太特別但唔伏，d蜆好甜好新鮮，無沙好難得！仲有雪糕食，200左右好抵啊！

已經唔係第一次黎食 值得encore 再encore .成日都覺得任食火鍋質素好唔穩定，呢間係我會keep住幫襯既一間。😋😋😋款類都算多既 以呢個價錢黎計份量每份肉都係幾塊唔夠可以到嗌 唔洗浪費食物湯底選擇 有辣有唔辣焉鴦鍋就岩曬我唔食得辣又想心思思想試🙈🙈🙈海底撈湯底正！ 甜品雪糕野飲種類都唔少但甜品就麻麻地野飲有啤酒 一流👏🏻👏🏻👏🏻好多鋪頭都唔包啤酒一係就要加錢每位二百蚊有找真係抵到爛🤪

約左朋友食飯, 揀左呢間價錢算係平既邊爐. 去到果時已經好多人,不過坐位多數係卡位,坐得好舒服!湯底可揀兩款, 不過不失啦, 愈食愈辣多款醬料任揀任你混牛肉有三款, 牛梅花, 牛小排同安格斯黑牛, 其實點分我都唔知...牛味濃, 薄身快熟,所以唔好游水游太耐海鮮類都唔差, 蝦 蜆 八爪魚仲有呢個唔記得係咩魚, 肉類好正甜品有自助雪糕, 雪條, 雪米糍佢自家甜品就真係食唔落啦....

本身食過幾次，覺得幾好食，但如果5個人嚟食，下一次我晤會再選擇去這間，基本上枱同枱之間又晤多空間，條通道又人來人往，你求其係4座位加一張 凳，我地又見有其他座位晤比我哋，我地下一次寧願晤嚟。實在太逼，太辛苦，成晚背脊係咁比人撞，反應完又晤理，食物似乎幾好食都冇用。