牛牛台式鴛鴦火鍋

营业中

休息中

一行九個大人，加一個不足一歲BB，Book6:30，我地6:34人坐，係食到一小時三個字，叫買單，晤緊要，但要收十人錢，講咗之後話我冇通知有個BB，不過買單九人。溫馨提示8:30準時交枱，OK，冇問題。服務勁⋯⋯⋯⋯之後每幾分鐘就溫馨提示一次8:30交枱，🔥都來正一垃圾，打邊爐叫我地怏D食，你來食啦！本人第一沒係Open Rice寫評論，旺角大大小小的歺廳都可以講冇食過90%都有75%，從未試過如此情況，最垃圾既一間⋯⋯

本來想去佐敦食銅蒸涮涮音樂火鍋餐廳可惜已經結業同男朋友都想食啲平值任食火鍋參考過openrice食評就揀咗旺角嘅牛牛台式鴛鴦火鍋本來睇食評以為真係有限度任食結果真係剔幾碟嚟幾碟牛肉多到差啲食唔晒但就好似其他人所講三種牛肉都冇label到款式食到一種好食都唔知點叫返羊肉 海鮮都不過不失外面任夾嘅食品款式幾多有牛肚 鵝腸 豬紅等等冷門火鍋料當晚有青口食食落都幾鮮甜喺任食火鍋算係有驚喜不過出完一次就冇試完好食就要即刻夾多啲火鍋料 飲品 甜品種類都幾多絕對對得住個價錢

創興不嬲都多人，呢個Friday night真係多得過份。等𨋢條隊排到包住左成間小米。終於入到𨋢本身想去14樓馬辣，但唔知點解禁左𨋢都冇停，最後我地15樓出左，咁就不如試下牛牛啦。一開始緊係揀返個湯底先啦。有鍋同素鍋，岩晒素食者（雖然今晚我冇食素🤣）點左胡椒豬肚 同 酸菜白肉。胡椒果個有少少辣，同埋啲胡椒有時會確喉，但基本上都唔錯，好夠味，我幾乎唔使點豉油。酸菜白肉比較清，但因為白肉係超肥肉黎，所以個湯好油，仲搞到佢成晚都滾唔起🙈佢張點餐紙好簡單，有牛豬羊海鮮，亦唔多選擇，正因為咁就可以每樣試真的。啲肉每份份量唔多，但真係唔錯，有肉味！尤其個羊好正出去拎既野唔算好多，但唔緊要啦黎到都唔係主要食配菜🤣我自己都一定偏好食多啲肉好過 🤣甜品！少少失望，個Dreyers雪糕我一見點解啲人淨係排一邊隊呢？原來因為另一邊啲雪糕硬化晒，完全不唔到。。。。曲奇我勉勉強強不到半球仔，但雪得太勁所以曲奇都冰晒。而另一邊都淨係得一兩格係不到一球完整既雪糕而cake果邊就都麻麻，最吸引係個黑芝麻慕絲，其實都勉勉強強，尤其奶凍好唔新鮮，仲唔多夠凍，唔知會唔會一陣肚痛 雪條就唔錯！食左個紫糯米雪條，好食！不過唔記

本人一行三人（成人），基本上樣樣都冇乜問題，魚頭丶牛肉丶靚豬要寫紙，完全正常。但問題在於魚頭、翠肉鯇。我三個成人，寫紙魚頭，來一碟，一碟得三小舊，一人一舊。ok,我再入紙，寫下3字，希望可以有一人一碟，咁每人三舊仔也正常吧！但尼到又係一碟，重要得兩舊！入單上寫著三人，下面魚頭又寫上3字，尼一碟得兩舊，這是什麼玩法？唔捨得比人食的，就一枱限量！呢個係乜任食？小心商品說明條例！旺角有放提店被告過入罪架！

After finished the 10k, I slept over 6hours. It was time to refill the enough nutrients at 6. Due to my partner wanna ate blood of duck, so we chose the cow cow binlo.It was not first time to come here, although the food was okay, the service from the staff was terrible. Undoubtedly, there is so many places providing blood of duck in HK, however, most of these restaurants sell at high prices. Using under $200 for ALL YOU CAN EAT AND DRINK is acceptable especially in MK. One surprising: it had pr

好啦我正係寫重點出嚟!食物!~湯底係雙底😆建議一清一濃~真係超多火鍋配料 個到有4個大雪櫃 每個雪櫃大約有20種配料 所以有成80幾款🤧🤙~有好多甜品 有個櫃嘅甜品係店自己整嘅 個人就覺得麻麻地… 不過仲有個雪櫃就係出面賣個啲雪糕雪條~即係雪米糍 紅豆寶個啲 食返呢到嘅就好~醬汁都好多!~點菜單上面點嘅係無限 但係一份得幾片 所以建議一次過叫多少少 慳返啲等嘅時間環境~算乾淨!服務~其實基本上冇問題 但係最尾應該係太多人係出面等 係我地夠鐘個陣就係咁叫我地走 咁都冇問題我地就開始執袋 但係佢每隔幾秒就行過嚟同我地講夠鐘 仲要推住個垃圾車企係我地隔離🤦🏿‍♀️~~整體嚟講都幾好 會再去~記得早啲去! 過左730就超多人!

今日同朋友又一個月一次聚會，同朋友商議好想打邊爐，依d寒冬季節最適合打邊爐揀左好耐最終揀左依間牛牛台式鴛鴦火鍋一早就上openrice book定枱，因為始終假日驚多人當日就同朋友一同8個人黎到，因為預先訂左位置就唔需要等太耐就有得坐埋位，有兩個邊爐我地叫左個海底撈麻辣鍋同埋大魚頭湯海底撈麻辣湯底我自己覺得唔夠辣，大魚頭湯底唔錯，幾清甜肉類選舉都比較多有頂級牛梅花👍安格斯黑牛，無骨牛小排依幾樣個人比較中意食野飲選擇都比較多仲有啤酒價錢平又抵食

是夜預訂了座位，甫出電梯已見人頭湧湧，立即入座點食物。起初見到紙上可供選擇的種類不多，心裡以為中伏，於是點了鍋底及紙上所有食物然後便去拿飲品，鍋底本來想揀麻辣鍋，但朋友不能嗜辣，故改為小辣的臭臭鍋再拼杏仁汁鍋，較為特別，原來還有一些是素鍋，都算是多選擇；牛肉類有三款：梅花肉、牛小排及黑牛，梅花肉略帶肥膏，其餘兩者較少脂肪，牛味甚濃，所以不停加碼。我二話不說先出去拿飲料，一看之下有幾個雪櫃放滿汽水韓國啤酒烏龍茶及枝裝汽水，簡直是不得了。再看四周，丸類菇類午餐肉豬腸雞腸等應有盡有，火鍋配料更是五花八門，更有花椒汁芫荽汁羅勒汁蒜蓉洋䓤蓉等，更有一個甜品櫃內有十多款甜品可供選擇，還有雪糕雪條等，總之兩個小時內不停吃。這火鍋店性價比甚高，怪不得連外國遊客也在此進餐呢！

#MJ旺角#MJ台式#MJ火鍋黎到旺角創興 都係以打邊爐 放題呢啲任食既餐廳為主要選擇。呢間既台式火鍋都已經光顧左不下十次，質素都穩定既 不過不失，比起市面上好多酒樓既打邊爐 更合食客心客，因為佢地除左一啲肉片 海鮮類之外 大部分食物同飲品都可以自助式咁樣去拎到，省卻等待既時間同工服務員既工作量，啲點可以提升客人既滿足感 個人認為呢樣做得唔錯。🔽座位果方面 呢間鋪路就會比較窄 兩人座都仲可以 但四人以上就真係比較窄 會同隔離坐到好貼 唔太舒適。而且可以係為左容納更多人 個間隔係枱與枱之間都幾近 走廊好難同時行兩個人。有一點幾有心思既 就係食物區果邊既天花整左啲天燈形既燈 可以代表到呢間係一間台式餐廳。🔽食物方面 打邊爐會有既大路野都基本上有齊，比較特別既係有麻吉燒呢樣食品 比時火鍋店都好少見到。講返要剔紙仔既野食先，豬肉類既都唔錯 色水都幾靚，但牛肉同海鮮就麻麻地 顏色暗淡 無咩光澤 唔太夠新鮮。飲品同甜品既選擇都幾多，雪條櫃仲有幾少見既種類，而且呢度仲有滷肉飯 俾客人多一個選擇。🔽整體黎講 百零蚊嘅價錢，呢間已經做得幾好 ，唔可以有太大期望，可以回頭既一間鋪頭。📍牛牛台式鴛鴦火鍋📍旺

呢度嘅火鍋食咗三次都係咁正，超級推介佢嘅麻辣湯底，好食到不得了。肉食係嘅朋友一定要叫佢張點餐紙入面嘅肉，牛肉勁有肉味，脆肉鯇魚超正，仲可以無限次任點，認真抵食！其他火鍋配料嘅選擇都唔少，有唔同嘅丸類、炸魚皮、響鈴、冬瓜等等，都係大家平時打邊爐都會叫嘅嘢食。依家仲有好多唔同嘅甜品，除咗佢嘅甜品櫃之外，仲有差唔多10款口味嘅雪糕，例如：朱古力、椰子、菠蘿、綠茶、哈密瓜、士多啤梨，仲有另外一個雪糕櫃，入面有雪條，款式都好多。飲品選擇都有好多，有熱有凍。個人認為蔬菜選擇可以再多啲，同埋如果可以食耐啲，咁就完美喇。

同朋友一行5個人😂最方便唔洗擔心大家唔食啲乜就緊係打邊爐啦之前都食過牛牛架喇但冇專登影相同寫食評我個人認為最正係可以鴛鴦鍋唔洗加錢之餘仲勁多配料選擇肉類為保持新鮮係要落單嘅個人覺得啲牛唔錯唔會話太肥厚薄度都剛好其他配料質素都唔錯🤤👍🏻朋友話蝦卷好正！必食咁話😂好可惜我對蝦敏感😣🙈冇得試😭其他丸類呀菜呀菇呀有成4個櫃任拎飲品選擇又多有紙包、罐裝仲有自由斟仲有甜品櫃雪糕櫃都有兩個🤤7:15入座食到9:15🙈都係每人$158😆

寒冬裡最啱食的當然是打邊爐! 這天晚上來到這間餐廳，一出電梯已經非常多人在排隊，水洩不通。這間餐廳食物選擇多，一般的火鍋料都可以自取，其他牛肉、豬肉、海鮮則需要下單，但上菜速度快，不用擔心漏單的問題。值得一提的是雪糕種類非常豐富，雪條、雪糕球、雪米糍都有，而且最稀奇的可算是台式肉燥飯。最後每位$158元又免收加一，非常超值，難怪吸引了很多年青人和學生光顧。

一入夜天氣就開始吹冷風，去到旺角心思思就想去打邊爐，原本諗住去年年都會光顧一次既大窩口，但係去到已經人山人海，連排隊既飛都唔派，叫我地9點半後再黎等等........其實果時只不過係7點鐘，走落5層好一鍋都係相同情況，就由瓊華轉而陣地去創興中心。本來創興都有好多選擇.....雞煲、德興、馬辣、牛牛等等，最後都係得牛牛唔洗等位就入左去，收費$158 唔洗加一 （五、六日公眾假期要加$10）坐低簡左湯底後，基本除左牛肉同海鮮，其他都係自取服務，質素都係任食果啲，食物較突出就係牛小排、蜆。而一些食物可能存放於冰箱太耐都係硬崩崩。飲品同甜品反而有驚喜，飲品有玻璃樽裝汽水、啤酒、熱飲、沙冰，都幾多元化、甜品就有Dryers雪糕🍦、糯米滋、甜筒、雪條。座位上二人位都幾闊，反而5人以上就有啲辛苦，5人要坐4人梳化位，變相十分狹窄，要係咁既空間坐兩個鐘都有啲辛苦，仲要之後無得調位，變相多人食就會難等到適合坐位，呢度就要注意一下。

無論4個人定6個人，都係坐同一size嘅枱，好失敗 ，枱與枱之間條路就更窄，失敗之中嘅失敗，話明自助，就會行出行入，但條路就連一個身位都容納唔到，個個人都要左閃右避。 喺香港地做生意就係咁，有幾多位就擺幾多枱，密密麻麻，只顧賺錢，不過，一分錢一分貨，都不能要求咁多了。對我黎講，呢間幫襯一次就夠了。

已經食了多次,味道好,食品甜品飲料選擇多,價錢平.但每次黎都好怕樓下條電梯人龍. 其實大廈管理公司應該重新安排電梯分配,左手邊低層電梯沒人排隊,右手高層電梯就排到差不多去砵蘭街.