牛涮鍋 (已結業)

日式火鍋在港愈趨普及，不同品牌自然相應進駐香港，而分店的數量亦不斷增加。隨著各式各樣的品牌進駐，漸漸遺忘了- 初。究然什麼是日式火鍋？與港式邊爐有何分別？供應日式食材就等於日式火鍋？其實涮涮鍋的概念是將食物煮至剛剛好，食物的原味與營養就不會因長期受熱的過程而破壞和帶走。而牛涮鍋便讓你最接近地體會到。因為他並沒有忘記初衷，沒有忘記什麼是日式火鍋。今日回到最初，體驗什麼是涮涮鍋！牛涮鍋主要供應來自澳洲、美國和日本的牛肉和豚肉。還有六款湯底選擇。當日我選擇了U.S.牛（美國進口牛肉+美洲特選雞腿肉+丹麥豚肉）配番茄湯底。第一點最能體會到的是一人火鍋。一人一鍋不用跟其他人共用。這樣能夠讓客人專注在自己鍋內的情況與食物的熟度，減少食物過份受熱而失去原味和營養。小貼心地供養膠碗墊，碗便不會容易移動。番茄湯底：有濃濃的番茄味，但鍋內卻找不到番茄，但客人可到自助食物櫃自行夾，防止番茄過份受熱。美國進口牛肉放題包括美國進口牛肉（左碟）、丹麥皇冠豚肉（右碟）和美國特選雞腿肉（右碟上方）。第二點最能體會到的是不論牛肉與豚肉都切成薄片，不但加快肉類熟的速度，還防止肉類要煮較耐而令客人忽略什至忘記。薄切更有利於

好嬲等左成一個半鐘先有得食，比啲S飛係咁入，當你以為下一個到你嘅時候，不停不停喺你前邊入囉，過咗飛又俾人入，咁樣對嗰啲企左係度等嘅人好唔公平，以後都唔會來呢間😤⋯⋯⋯⋯⋯⋯⋯⋯⋯⋯⋯⋯

睇到報章報導話卡通人物「玉桂狗」是不少人的童年回憶，但想不到竟然有一日可以與火鍋做Cossover！牛涮鍋最近聯乘「玉桂狗」舉行十五周年火鍋派對，除了在裝修上化身成「玉桂狗」主題派對天地，更推出兩款創新滋味湯底。當中的肉桂蘋果湯以雞湯作湯底，加入肉桂粉、蘋果片及雪耳，清甜滋潤。另一款牛乳湯香濃而不膩，入口幼滑，只要選用以上其中一款湯底，每位食客即可獲贈MouMouClub×Cinnamoroll Postcard一張。咁好耐無去食牛涮鍋就去食啦~~因為覺得牛涮鍋質素好過日X涮涮鍋~~今次黎食,居然要等位,仲等左起碼1個鐘先有位由於坐位執緊,咁要等等先入得去,但職員都叫我地揀定湯底先見肉桂蘋果湯同牛乳湯係今期新出,咁就一於揀左呢個2個湯底啦~~肉桂蘋果湯,肉桂味好濃,遮左個蘋果味~~牛乳湯幾濃,入口幾滑~~配牛肉好夾~~而家原來仲可以自助落單,加水,加肉類,加湯都可以用枱下面個部機落單,一個唔錯既設計,加上可以睇埋自己落左D咩,GOOD~肉頪,質素好平均,唔會碟碟唔同飲品,丸煩,蔬菜選擇都好多連醬汁都多選擇雪糕仲有牛奶雪糕同埋蜜瓜雪糕,蜜瓜雪糕都比較少地方有,所以可以一食~~除左雪糕之外

日式火鍋放題～《牛涮鍋》真係一個不二之選！今次揀咗過美國上級肥牛，每位收費$158，食足90分鐘！除咗上級牛，還有黑毛豬肉同雞件。其他放題配料包括有多種日式丸子，數種蔬菜、脆皮腸、餃子🥟、粟米🌽，白蘿蔔、芋絲、同烏冬等。仲有什菜沙律🥗、咖喱飯🍛、同多種果汁氣水🥤！甜品疍糕全都是迷你型...有朱古力味、芝士味蛋糕、日本福餅同甜圈🍩！還有yogurt 雪糕。由於2017年初時..用咗$200 join 咗做佢地member (包$200可以即用既電子卷及多張coupon，分別適用於牛涮鍋/牛角/溫野菜/柳氏家/熱血一流) 嘅關係，所以消費可賺取積分 (HK$1 = 1分)。而我哋經已食到累積有幾千積分！所以用咗3700分換咗午市一人美國上級肥牛放題...慳咗$158！所以呢餐兩個人食只係比咗一人價錢...加埋一都只不過係$173.8...抵爆！👍😋

年尾出左花紅就帶阿媽去食好野。從來試過食黑毛和牛既阿媽話自己唔係好點食牛，話食豬食雞得了。點知，佢試左一片之後，佢就話d 牛好似棉花糖咁既口感，唔洗點咬，融係口度。仲不停追加，最後食左9盤定10盤嘩，我心諗阿媽咁勁，神之比喻。講真，真係好正，好軟好有牛味，正！而且每碟都非常靚既雪花，視覺都係大享受黎4:30pm 入座的話，$328 加一如果揀黑毛和牛呢個 plan，仲可以嘆到海解盛合 (海老，魷魚，蠔，帆立貝)其他 plan 要加錢先食到既。食得太開心，唔記得影 d 海鮮。但係，海老好神奇地隻隻都無黑色既蝦腸係背度！好乾淨蠔同帆立貝都好飽滿又大隻，阿媽勁喜歡自助區既野唔算好多，有 d 丸類，菜類，菇類。沙律 bar 值得一讚既係佢有芝士粉，麵包粒。出面得好少 buffet 或者打邊爐放題會有放呢兩樣野係沙律 bar 度。甜品有大福，方塊蛋糕，泡芙，雪糕 (牛奶 / 蜜瓜)仲有得畀你加 topping 上去。甜品馬馬地，可以接受。整體都好好，下次有機會再帶阿媽黎嘆。

因為又有新款和牛推出喇，身為粉絲梗係要幫襯下啦。一上碟肉，真係流晒口水，果D雪花勁均勻，碌幾秒就得，入口溶咖～係溶啊！由於我真係好大食，一個人10碟以上完全唔係問題，所以我係好抵食既分分鐘要蝕比我每人都係$348+10%，出面食塊好少少既扒都唔止啦！登登登登..............................係唔係見到都流晒口水呢？

又係一個人的浪漫，最愛打邊爐。地方乾淨，燈光充足，侍應有禮貌。90分鐘午市放題，我選左美國上級進口牛肉放題$148，有一碟美國上級牛肉、美國進口牛肉、 丹麥皇冠豚肉、美洲特選雞腿肉。我選左辛辣泡菜湯底，最愛辣湯底。任食仲有沙律、雪糕、甜品，食到勁飽。美國進口牛肉同上級進口牛肉都好味，唔會切到好薄，肥瘦適中。去過好多間打邊爐豚肉都係唔好食嘅，呢間就冇呢個情況。扭紋軟雪糕一定要試，雪糕好滑，又唔會太甜，甜筒杯脆卜卜。

自從葵芳新都會廣場間牛涮鍋執咗之後，要去最近嘅都要去到荃灣廣場，難得老公能夠喺行一放假所以就一齊出去荃灣廣場行街順便食個lunch，可能係因為閒日同埋我係好早去到所以就唔需要等位。一入到去仲以為鋪頭好細原來轉角邊仲有咁多嘅枱，唔知係唔係因為葵芳嗰間分店嘅食物款式比較少，你都荃灣廣場呢間就發覺有好多唔同款式嘅食物可以揀。我哋叫咗個＄158嘅套餐，估唔到啲肉有幾OK。湯底我哋揀咗豬骨湯因為有我個細女一齊食所以唔敢叫辣嘅湯底， 嗰個豬骨湯嘅味道就好似食緊出前一定嘅豬骨湯麵味咁。其他可以揀嘅配料方面除左有唔同嘅菜外仲有唔同嘅丸，有豆腐有唔同嘅面，仲有唔同嘅菇菌。最令我感到意外嘅佢竟然有新鮮嘅沙律吧，仲有雞肉tim啲雞肉有醃過都幾好味。甜品方面除咗有乳酪雪糕之外，估唔到仲有個款嘅蛋糕，不過啲蛋糕嘅味道就一般啦，不過同小朋友都還可以。不過聽講自從葵芳嗰間分店執咗之後，都沖曬出嚟荃灣廣場呢間分店，所以如果夜晚食嘅時候嗰陣你就需要少少啦。

假日七點鐘的荃灣廣場真心多人，想食個晚餐都有排等。而今次我地兩個排左成個鐘先有位😵慘啊...有位果刻真心餓到飛起，即刻求其叫左兩個$168美國進口肥牛放題，反正應該唔會太差掛🤔啲肥牛色水唔錯啊，至於果幾舊雞就俾我倆忽略左haha 不過都好味既睇落唔算太簿，食落有口感👍🏿基本火鍋配料都有，味道唔錯啊，最愛芝士丸，咬開佢果下超幸福的呢🤤🤤我叫左蕃茄湯底，濃度適中朋友的昆布湯底，貪佢夠健康喎（好似係）有牛牛標誌果舊係魚片黎，都幾彈牙架最後食到打烊先走，飽到不行，但係開心既😀😀可以用平板電腦加單同加水真心要讚，不過會有漏單情況，overall 係唔錯既一晚，值得我地等咁耐既

一家人4個黎左Tsuen Wan既分店食90分鐘火鍋放題!有幾款牛俾我地選擇既。我地就叫左日本極上黑毛牛和..之前黎咁多次都未叫過黑毛牛和。由於HCBC CREDIT CARD有50%OFF既關係所以就叫佢啦，原價＄３８８。湯底叫左辛辣泡菜和甜醬油湯底。兩款都唔幾好, 辛辣不會太辣。和牛果然係牛和，非常易入口，牛唔會老。我地有叫埋AUS和牛比較，始終都係日本和牛優勝D。AUS和牛D肉會瘦些少，無日本和牛咁多雪花。個人就鐘意肥美D多雪花D。鐘意無咁肥既可以試AUS和牛。我地叫左日本極上黑毛牛所以會有海鮮送，但海鮮期望不要太高。話晒主要食牛放題丫嘛！今次我地叫左好多和都無咩點出去拎配菜食。

難得同家人一齊放假，齊齊到荃灣牛涮鍋食餐勁，平時都係得188一位的美國牛，但今晚一於豪食，食了388的日本和牛，之前食過澳洲牛都都無日本黑毛和牛咁好味，而且還有海鮮任食，一家人食到很滿足!這個價錢是值得的，期待下次再吃

HSBC 半價 晚市火煱放題優惠由下午四點四十五分 要等到晚上八時半才可入座自助蔬菜夾晒都無添加，豆腐有怪味。食物種類唔算多，服務態度又麻麻。中伏！下次都係去其他火煱店食 如牛陣或牛一 種類多過佢。

首先，我家姐朋友聚會，就去左頌富個邊新開個間牛涮鍋食野，點知佢食完返黎無幾耐就肚屙，我本身以為可能係佢身體問題，所以就冇左件事啦。但前幾日我同朋友聚會，就去左荃灣呢間午涮鍋食野，點知食完返到屋企，我就開始胃痛到第二日中午，我朋友就肚屙左成晚……我有懷疑過自己係咪因為食左藥所以先胃痛（瞓前食左感冒藥），但第二朝食左早餐都係繼續胃痛。我朋友更係肚屙完胃痛又再肚屙……去左兩間分店，都咁好彩中招，令到我嚴重懷疑佢全部分店啲食物到底衛唔衛生

牛涮鍋門牌已经吸引我入去裝修好靚,乾淨企理,2人坐位寬闊乳酪位置有多款配料提供大人及小朋友囗味都合適仲有6款甜品,(朱古力,綠茶和風大褔)雪呢拿泡芙,檸檬蛋糕沙律及火煱配料$118美国進口牛肉放題丹麥皇冠豚肉及美洲特選雞腿肉

星期日放假，黎荃灣睇完戲已黃昏，咁肚餓又未食晏晝，就黎打個邊爐啦，我同朋友只有兩人，都要等起碼15-20mins, 可能假日多人客啦叫左最平既套餐，分別豚肉同雞肉放題，叫了鴛鴦湯抵，方便就是每人一個鍋的，還有多款海鮮食材在自助吧供自取，本人最喜愛食個芋頭丸、雜丸，打邊爐超好味😋豚肉同雞🐔肉都很新鮮啊！這裏所有甜品和汽水飲品都是自助的不過肚子有限，並沒有試甜品了又一火煱放題既餐廳，價錢合理，隨了等位太耐，其他都不錯