牛涮鍋 (已結業)

自从葵芳新都会广场间牛涮锅执咗之后，要去最近嘅都要去到荃湾广场，难得老公能够喺行一放假所以就一齐出去荃湾广场行街顺便食个lunch，可能系因为闲日同埋我系好早去到所以就唔需要等位。一入到去仲以为铺头好细原来转角边仲有咁多嘅枱，唔知系唔系因为葵芳𠮶间分店嘅食物款式比较少，你都荃湾广场呢间就发觉有好多唔同款式嘅食物可以拣。我哋叫咗个＄158嘅套餐，估唔到啲肉有几OK。汤底我哋拣咗猪骨汤因为有我个细女一齐食所以唔敢叫辣嘅汤底， 𠮶个猪骨汤嘅味道就好似食紧出前一定嘅猪骨汤面味咁。其他可以拣嘅配料方面除左有唔同嘅菜外仲有唔同嘅丸，有豆腐有唔同嘅面，仲有唔同嘅菇菌。最令我感到意外嘅佢竟然有新鲜嘅沙律吧，仲有鸡肉tim啲鸡肉有腌过都几好味。甜品方面除咗有乳酪雪糕之外，估唔到仲有个款嘅蛋糕，不过啲蛋糕嘅味道就一般啦，不过同小朋友都还可以。不过听讲自从葵芳𠮶间分店执咗之后，都冲晒出嚟荃湾广场呢间分店，所以如果夜晚食嘅时候𠮶阵你就需要少少啦。