牛気 (雅蘭中心)

营业中

休息中

端午節快樂~!!端午節的晚上去左食牛気, 其實之前都食過不下5次架啦,今次先第一次有keep住上次惠顧後的coupon,食滿$200可減$20 =D我地大約7:30pm去到,無book位就例牌要排隊等...好在都唔算等太耐, 我地8pm就有得入坐~揀左最便宜的牛肉set (因為飯伴不吃牛, 就只有我在吃就不吃貴價的喇),要了日式甜醬油湯底,有coupon的朋友記得要在落單時就提供coupon喇!因為佢地就會即時把優惠都印在單上喇!先說湯底 - 甜醬油比之前食冇咁甜, 不過有好有唔好喇, 因為唔係個個客人都好似我地2個咁中意食太甜 之前食呢個湯底我地係唔加其他醬油的, 今次我地都冇加, 不過就覺得冇咁濃郁喇!另外甜醬油湯底係會跟一隻生雞蛋的~之後好快就上左肉食喇, 近鏡頭的是牛肉, 遠一點的是豬肉和雞肉~外面任吃的配料也很多, 目測的蔬菜也很新鮮, 而且refill得都幾快, 唔會只係得一隻隻的空碟而沒食物可拿.由於我地2個悶蛋次次都係食果D野, 我就只可以提供我有吃的食物的意見喇!牛肉 - 這兒的牛味很重, 薄薄的又不會很硬身要咬好耐, 我覺得很不錯!豬/雞肉 - 這個我沒有吃, 不

星期六放假日等於放縱日可以同男朋友行下街食下飯。唔知點解食過一次牛氣之後又好想成日去食，上次食過晚餐之後好唔夠喉，所以成日都心思思想黎食。今日終於等到喇！今次我地選擇食午餐心裏懷著一個以興奮既心情我地叫左$178個set因為午市做優惠減$40最後加埋一就$152一位哩個價錢食個午餐還可以啦⋯⋯一開始黎第一碟既牛係幾靚既，午市少左好多野食，都少左好多款食物，令我突然覺得好唔低之後叫第二碟牛就分別大了，沒有肉味的，感覺怪怪地咁，再同店員溝通一下原來發覺俾錯我地！原來咁都會錯！有待改善！本人真係覺得90分鐘真係唔夠時間食..........

突然想食日式火鍋,於是就去了牛気到試下由於無訂位,所以要walk in 等我地揀左個豬骨湯,呢個湯底好好味,好重豬骨湯味,一讚配埋D生菜娃娃菜食一流!我地點左極上美國牛肩肉+海鮮放題,第一碟牛肉色好靚好好味,入口即渦既感覺!~非常好味,可惜只限第一碟牛!!!到我想再食第二碟既時候,好明顯佢比左第款牛我地,我地睇到就同佢講,結果都係換返次一級比我地,呢款級數次一級無咁好食,一食落口就知,感覺唔同左,有相為證,你地睇完自己諗下係唔係一樣不過佢D海鮮唔錯,大海蝦啖啖肉,肉質好實,超新鮮,青口都好好,配上個豬骨湯一流!敗筆係第二次黎既牛,如果咁做生意,真係好失望

生活在香港真係幸運, 一個便宜既價錢, 往往都可以品嘗到各種美食。放題係其中表表者。市面上多如牛毛之放題店, 撇開油淋淋既韓燒同牛燒。我最鍾意日式火鍋。牛氣絕對係其中較令我滿意的同類食店。晚市由百零元起跳, 豐儉由人! 我通常選擇中低價餐。因為自助吧上岩自已食既, 已遠遠超越所能裝載的。最鍾意係鍋中放上滿滿的食物(鮮菇、粟米、金菇、蘿蔔、豆皮、台灣腸、芝士丸、墨魚丸生菜...), 煮的過程, 先食牛!墨魚丸、台灣腸同日式魚蛋令我食不停口。特別係一身黑的墨魚丸, 既新鮮又彈牙, 印象中無係其它地方食過。香菇、炸芋頭、日式餃子、芝心丸、娃娃菜都係我最愛!自助吧除左呢D之外, 仲有凍食、甜品、糖水、雪糕、罐裝飲品/啤酒、日式食品(如壽司...)最正係, 無論你係最平, 亦或最貴的套餐, 都可以無限任添, 享用此精彩萬分的自助吧!我會最來!

這三數年已很少出旺角，因遊客多車多廢氣多，出旺角都要鼓起很大的勇氣今日為食行先，再到熟悉而陌生的旺角覓食！食物種類多，而且排放整齊雖然選的是最平那個plan，牛肉質素也不錯！叫了3,4轉牛肉，質素也不會越來越差。肥牛吸收了甜醬油的味道，再沾上旦汁，滑溜溜的軟滑口感，香甜旦汁配上濃香牛肉，真是最佳配搭！黑色墨魚丸也十分出色！用餐尾聲以乳酪雪糕畫上句號，大滿足！牛氣質素比同類任食餐廳做得出色，日後一定會再光顧

朋友喺附近返工，只有一個鐘食飯時間，我哋衝咗上牛氣，被遍排坐𥦬口卡位，環境舒適~安頓好後，就要揀湯底了，其實我同我朋友兩個都唔食牛嘅,於是揀咗60分鐘放題嘅A餐-特級美國豚腩肉~而湯底方面就揀咗博多豬骨湯湯底好快就到了，我哋亦急不及待出去攞其他嘢食，如芝士腸，蟹子丸，磨茹忌廉丸，金茹，芋絲，豆腐，烏冬，出前一丁丫等等，不過有一樣食物可以介紹吓俾大家,就係叫葛絲，如果唔係我朋友攞咗嚟，我係唔會揀嘅，不過佢煮咗，我就試吓，點知一入口，超彈牙，煙煙韌韌，又真係幾好食喎！最後當然揀埋甜品啦～有綠茶雪糕同原味乳酪揀，兩樣都噤正！

 呢期火鍋店愈開愈多，身為牛之達人既我見到以牛為名既火鍋當然不能放過！呢間日式火鍋聽聞係近排大熱，佢雖然唔平，但質素好高，值得一試！鋪頭座位舒適闊落，我地就就六人卡位都唔逼，拎野食又近，very nice！放題有個半小時任食，而牛既種類就有分澳洲和牛牛肩肉、美國牛肩肉同普通海鮮，我地既然一場黎到就揀左$378既極上澳洲和牛牛肩肉放題！主角來臨，碟鮮紅色既和牛牛肩肉令人眼前一亮，油花同肉質分佈都十分平均，連視覺都極度享受！每款牛肉大約有五至六片，份量相當足夠，而且厚薄度岩岩好，牛味十分之出色！另外梗係要試試美國牛肩肉，比起岩岩既極上澳洲和牛，牛味不遑多讓，但美國牛肩肉就比較有咀嚼感。但對於牛之達人黎講，都係鐘情於岩岩既極上澳洲和牛多啲。其他既丸類菜類都好多，而且幾新鮮，我就唔一一多講啦！總括而言，出色，值得！

這次要介紹的是香港非常流行的日式涮涮鍋餐廳—牛気。在香港，無論是在夏天還是冬天，會跑去吃涮涮鍋的人也是那麼多。而這次文章中主要記述的已經是二次體驗了。還記得第一次惠顧所選的是 $178 極上美國牛肩肉放題，該次牛肉不過不失，和香港另一間著名涮涮鍋—牛一 的牛肉質量不相伯仲。套餐內包含的巴西雞腿肉還是值得一試的，雞肉是滑溜的。而另一項甚麼特級美國豚腩肉則讓人感到失望。身為牛魔的我很直接便把所有 quota 都奉獻給牛肉之神。事隔兩星期，再次來到牛気挑選了價值 $318 的嚴選澳洲和牛牛肩肉放題。自助食品區的選擇仍然是多得讓人眼花撩亂，應有盡有。單是蔬菜類，就有：芽菜、金針菇、大白菜、娃娃菜、唐生菜、蕃茄、翠玉瓜、蘿蔔片、木耳等，多不勝數。而丸子類的款式也很多，大大粒的龍蝦丸、蟹粉丸、菠菜丸、全黑的墨魚丸（特別推薦！外表不討好，但絕對好吃，好吃到想買幾磅回家吃）等等。除此之外，更有不少面吃如讚崎烏冬、米粉等。而最值得稱讚的是食材依舊新鮮，每次出去拿蔬菜，都看見侍應在 refill 各類蔬菜，籃子裡永遠都是盆滿缽滿。 而當中最討我歡喜的莫過於一大鍋的日式咖哩牛肉，旁邊還有白飯和牛肉炒飯供應。

牛肉很好，寿喜烧锅恬淡适中，性价比极高。蔬菜丸子等也都很好吃。甜点也不错～ 粘了生鸡蛋和自己配的酱油醋的辣料～彩色的像kisses巧克力一样的丸子推荐。龙虾丸子也好吃～

今次來這裏品嚐牛涮涮鍋, 點選了最平的套餐$158, 已經十分滿足。 是次點選了三文魚湯底, 但三文魚味不濃, 亦没有三文魚, 味道一般。先來了兩盤肉, 包括雞, 牛及豬肉。 第一盤牛的牛脂分量較少, 肉是鮮紅色的, 十分新鮮。 等二盤牛肉的牛脂驚人, 牛脂佔肉的一半, 分佈十分均混, 肉滑, 入口即溶, 值得encore。 芝心丸亦不錯, 不只是流心, 是爆心, 要小心吃。 內裏芝心很多, 芝士味香濃, 咬一口, 芝心隨即流出, 包心皮亦很彈牙。墨魚滑是用仿竹筒盛載, 很精美。 肉質爽口彈牙, 墨魚味鮮香, 沒有腥味, 好味。 甜品推介是乳酪雪糕, 乳酪香味十足, 牛奶味亦很重, 雪糕沉實, 吃完一杯要來多一杯。 這裏還有抹茶雪糕, 但抹茶味不重, 很一般的雪糕。

係旺角唔知想食咩既時候，都有時會諗打邊爐...今日同男朋友食有海鮮個個任食有得無限添加豬、牛、雞、海鮮、三文魚刺身,算係個全餐啦!出面d火鍋食材都唔洗多介紹，都不外乎菜、丸、瓜、腸... ...仲有咖哩薯仔牛肉飯(其實好香，好想試，不過我當時太飽T^T)最好味既係...乳酪雪糕^^有埋雪糕筒比你唧雪糕，我食左兩轉，其中一轉唔係幾好彩，個雪糕筒"林"左@u@"真係好好味呀，乳酪味好濃香，又幼滑...另外d蝦都好大隻好新鮮，唔錯唔錯，encore左一次侍應姐姐服務唔錯，佢見我地牛肉冇晒，即刻主動問要唔要再加我地考慮左一陣，佢見我地想加與唔加之間侍應姐姐：你地係咪驚食唔晒呢？我：係...驚叫完食唔晒侍應姐姐：我幫你地落半份丫=)幾好!!!去食呢d任食既餐廳，最唔鐘意見到人地浪費食物，食唔晒好浪費咖嘛，係咪先？=) 

前排朋友介紹呢間涮涮鍋話好味之餘價錢同其他涮涮鍋差唔多，所以決定一試，結果發現真係唔錯！我地叫左豬骨湯底，豬骨味好濃好好味，一啲都唔油，加埋番茄同粟米，完全可以當湯飲！ 值得一讚既係牛氣既自助配料好岩我口味，黑色既墨魚丸好彈牙，而且真係有濃濃既墨魚汁味，另外墨魚挽好滑，好有墨魚味，令人食上癮，我地encore再encore咁拎拎左幾次最後當然唔少得既係啲肥牛，同豬肉，啲肥牛睇啲紋就知唔係平價貨，肉質嫩滑，入口即溶，呢個價錢黎講好抵食！總括黎講牛氣係我試過最岩我胃口同抵食既涮涮鍋，推薦大家一試！

天氣又凍番，決定同朋友打邊爐。見到牛氣無分時段就入去食啦，今次係第2次食。見左個極上牛加海鮮，因為海鮮有三文魚！正啊😋見到負責人有介紹我地佢地新出嘅冬陰公湯底，我個fd勁中意冬陰公，咁就試下啦！其實我對冬陰公無咩興趣。 好快湯底同材料都黎哂，仲有好厚切嘅三文魚！我地食到第2碟d野食都滾Lu! 黎牛氣梗係食肥牛。佢地嘅肥牛真係好軟，好正！最有驚喜係個冬陰功湯底，酸酸甜甜，無我想像到咁濃，好易接受。反而仲開胃！另外，佢地嘅大大隻蝦都好鮮甜。煮到岩岩好熟就要拎出黎食，特別鮮味！其他丸類都好新鮮，格錢又合理！下次一定黎食～

最近天氣咁凍係要打下邊爐嘅今次黎到同事一致好評嘅牛氣 二話不說點了最惹味的壽喜燒湯底 這裡單單是配料都有過十款每款都十分吸引不同的瓜菜 丸類都有亦有拉麵 烏冬 在這間邊爐店都有不錯的三文魚腩 這樣的牛 脂肪比例一流入口即溶又有香濃的牛肉味 大大隻海蝦任食 最後要食杯綠茶雪糕作結😚

牛氣經常經過雅蘭中心，早知這邊佈滿各式各樣的新食肆，而且都是以日式為首！作為日本控的Lizzy，總是可望而不可即，今次終於約到一班朋友，可以一探究竟！在一眾餐廳中，首間被本人「寵幸」的便是－牛氣！雖然有訂位，但可能人數眾多，所以還是需要等位，大約過了15分鐘，便入座。 湯底選擇很多，豬骨、昆布、泡菜、番茄龍蝦等等，還有個人最愛，同時亦係日式火鍋不敗之選－壽喜燒的甜醬油鍋！！不要以為「放題」的都是比較HEA／質素參差，自助式放題一邊的配料可是又齊又新鮮！還有日本烏冬及拉面呢！ 還有壽司及各式甜品，焦糖蛋、糯米滋、椰汁黑糯米等，超多選擇而且味道出奇地好味呢～～～趁著湯底還未滾，我已KO了好幾款 XD 不吃白不吃，很豪氣地分別叫了「極上澳洲和牛肩肉」及「嚴選澳洲和牛肩肉」兩款餐廳重量級牛肉。個人比較偏愛前者，色澤鮮明且雪花棉密，分佈平均，優雅得像一幅雪花紛飛圖般，但看賣相已經知道來頭不簡單！吃罷果真近乎入口即容，肥肪於舌齒間流動，牛味久而不散，香濃無比！至於「嚴選澳洲和牛肩肉」，牛味比較清新，同樣有濃郁牛香，只是少了雪花的襯托，有點單調。不過同為優質之作！