牛気 (雅蘭中心)

营业中

休息中

Japanese style shabu shabu with nice soup,i have been here often because this place near from station,you can choose two type of soup on your table and enjoyi live in Thailand so whenever i arrived hongkong this is the first place i must go to eat lol

Encore過不下十次的火鍋店🙈以呢個質素只需要俾百幾蚊的價錢來講，真係好抵既！今次點極上牛餐，有雞同豬，飲品汽水任飲。好多的食材都新鮮，最愛是台灣蜜糖腸refill速度好快，執碟都快速！

We arrived around 8:45pm, no need to wait for table. Beef very fresh and thin cutting. Lot of sauce variety, self serve selection are great: different fish balls, sausages, mushrooms, noodles... maybe just not enough green veggies choices. Desserts are great too! Self serve ice cream & cotton candy, also other western & Chinese desserts. Drinks are great too!

今晚係同老婆記念日，食餐好既！佢推薦呢間牛氣，話啲和牛唔錯，好！就試試看！門面不錯可惜二人台太細碟又太長，原來300多既任食有三文魚刺身！仲要魚腩！即刻放入口食完不到一會和來就來了，原來即切架，入口鬆軟易咬，感覺真係和普通火鍋牛肉唔同，吃完立即再叫！店員態度都唔錯，只係收碗有點慢，無辦法張台太多野食了至於其他配料都係個啲，唔多講了！蜜糖腸幾好食，仲有乳酪雪糕，又帶著大大個肚走了，會有下次！

一開始黎到條友話等5 6張台 點知等左成個鐘 等完再等 我地3位 明明有4人枱都俾晒2人飛 完全冇效率 搞到人地遲黎我地成個鐘仲快過我搵到枱我明白一間食店多人光顧受歡迎要等係正常 但你唔好為左呃我話淨係等5 6張 又話好快有位 點知等到下世都未食得啦 食物方面,其實真係還可以,牛其實幾好味,野食種類算多,湯底幾入味,食物方面其實真係唔差,只係甜品種類比較少你walk in入去一定會好燥底,想黎記住book左先

黎到walk in 冇位要等 上到去wing(門口個女仔)同我哋講等多十分鐘點知等完十分鐘又叫我哋等多陣等左好耐都未有入得去 好聲好氣問多次仲要等幾耐 wing黑口黑面大大聲話「咁佢唔走我都無辦法咖! 」之後都冇答過要等幾耐等左陣之後另一個女仔帶左我地入去其實我真係唔介意等 但前提要你有道理...嗌人等十分鐘之後又等多十分鐘都未有枱 火都黎 比百幾蚊買成肚氣野食方面都係大路野 唔算多 味道ok但咁既態度唔會再黎

總結:食物味道ok，火鍋配料選擇多，職員都幾親切，座位都算闊，但飲品選擇少。整體黎講值得推介。本黎諗住等到10點先食，但職員話10點full左，所以9點半就拎飛等位。等左10幾分鐘就有位揀左$158+豬骨湯底，丸類、蔬菜類、面類既選擇都好多牛肉味道ok，但唔可以浸太耐，會un豬肉味道幾好，夠薄雞我嫌佢太大件，要浸耐啲先熟飲品選擇比較少，除左普通汽水，有康師傅同啤酒。另外有少量雪糕另有茶包，冷熱水供應甜品及沙律壽司有3款，冷盤有火腿、中華沙律、螺肉、芝麻八爪魚最後有熟食

出到旺角太多選擇, 成日唸唔到食乜, 廢事唸就直接去食個乜都有的火鍋放題平日7 點幾去到, 唔洗等位, 不過坐多陣已經全院滿座了入到去就看到自助配料counter每次火鍋我都會點最平的, 因為我真係分唔出貴一等同最平有乜分別 , 除非叫最貴啦~湯底都有好幾款揀, 呢度的壽喜燒湯底要另加$10肉類是向店員直接order, 配料自己去取~先黎一個雜錦拼盤, 呢度的配菜款式真係幾多,除左平時有既, 仲有蝦條,紫洋蔥牛肉正正常常, 一向不會對任食的肉抱太大期望飲品除左可樂雪碧, 仲有祖國康師父系列亦有日式小食, 壽司, 和菓子,奶凍甜品有乳酪,雪糕仲有唔係度度都有的棉花糖機, 自己都可以試下捲棉花糖, 好岩小朋友食物質素和其他放題一樣, 感覺上款式比較多, 最緊要唔洗大排長龍

同朋友係旺角行完街行到好累，最後決定左要食d任食的餐廳。於是就試左食牛氣，去到等左一陣就有位！我地叫左個蕃茄湯底，味道幾濃，但係番到屋企開始口乾， 唔知係味味精黎,算。講番d食物，出去夾左丸、拉麵、蟹柳、較子、姑食， 坦白講，食物水準一般，但又唔可以話難食，但無樣食物俾到驚喜我，唯讀拉麵可能會好小小，因為麵質唔錯，埋可以自己控制個軟硬度！食到飽飽地，走左去整杯甜筒食下，綠茶味道，唔太甜，可以食多杯，但其實最重要無你可以自己去整甜筒，可以享受下整個過程，都幾過癮！

今晚我們去咗旺角雅蘭中心嘅「牛氣」食火鍋放題！我們叫咗個北海道昆布湯底，味道好清淡，感覺比較健康清新！嚴選美國牛肩肉嘅肉質好嫩滑，肉味好濃郁，色澤亦幾紅潤同切得好薄身！特級美國豚肩肉嘅肉質好爽口軟滑！精選巴西鷄腿肉嘅肉質好鬆軟！另外有炒飯炒得都幾乾身，撈上香濃嘅咖哩牛肉一齊食，都幾惹味！其他火鍋配料選擇都幾多同處理得都幾乾淨衛生！甜品有雪糕乳酪同夾餅，夾餅焗得好香脆鬆軟，而且可以自己選擇鍾意食嘅果醬味道！

部門同事生日飯，同事揀咗呢間，星期五好多人食，我地book咗枱，即刻就入得，真係好揀咗最貴嘅$378，原本真係好肉赤，但係值得嘅，牛肉真係好得！！仲有好多選擇，甜品同乳酪都好正！！原味乳酪一定要試，高水準！！要讚下嘅係店員服務態度好，不時問我地洗唔洗加牛 / 海鮮 / 加湯 / 換碟，好細心美中不足嘅係，用餐時間得90分鐘！女孩子食野比較慢覺得食得好趕btw，雖然好貴，但值得一試！！

今次係第2次黎,琴晚同左2個朋友去呢間, 門口已經排左好多人,因為訂左位, 好快就可以入去坐低.坐低無耐職員就問我哋揀好未,朋友叫佢推介, 咁人O地就推介$268有海鮮.當然得90分鐘, 出面又甜品, 又雪糕, 仲有棉花糖,梗係揀平D, 反正都食唔切.原本想揀$158, 職員話加20蚊, D牛肉滑好多,咁好啦, 揀$178. 出去拎完蔬菜返黎, 檯面有1碟牛, 1碟豬+雞，5-6片左右, 好快清左碟牛，職日員收走左個牛肉碟。過左好耐都無返黎。最後，　我問職員，佢話你要落ORDER先有,之前去牛陣, 涮涮鍋..... D職員收碟時主動會問你仲要唔要REFILL先收隻碟走. 如果D好少食放題嘅人以為得一碟, 就無洗REFILL 啦.咁我話要2碟牛, 10幾分鐘都無出碟牛, 距離last order得返15分鐘左右,於是再追另一個STAFF, 終於2碟靚D嘅牛(有完整d同埋有雪花).點解咁講?因為之前嗰一碟牛好似濕濕哋，個樣仲溶溶哋，十足酒樓任食嗰隻,淥完碎濕濕, 好鞋口, 食不知味.下次揀餐前, 影定相, 費時自己揀左d咩都唔得.後面兩碟牛好d, 但都唔係好有牛味.可能揀貴d嘅牛會好味d.

好耐冇黎過牛気食野 因為上次食完覺得麻麻 今次見朋友誠意拳拳話要黎食 唯有捨命陪君子 一於食多次今次冇上次咁多人 可能天氣都熱 吾係咁多人想打邊爐 所以好快就有位 叫左178果個 湯同肉都好快黎到 上次牛肉煮完比較乾身 冇肉汁 好似牛肉乾 今次就好好多 吾知係咪轉左牛肉 牛肉煮完好有肉汁 一D都吾乾身 即刻叫侍應追多兩三盒牛肉 即刻變左牛魔王上身 個侍應都嚇左嚇出面buffet bar 野食款色多左 墨汁墨魚丸依舊吸引 烏冬依舊咁滑咁彈口 有隻魚旦入面有d沙津汁 超好食新加既有我最中意既炸薯角 好脆好香 keep住熱一熱仲有碗仔翅 好足料 加埋紅醋好有街頭風味比較有驚喜既係竟然有凍腸食 有兩款 兩款都好好食搞到好似去左食buffet 多過打邊爐不過都希望牛気黎緊可以有埋炸三文魚頭 三文魚骨就正 不過要加埋椒鹽先吸引 仲有會吾會可以提供埋蟹粥等你地好消息做食客既都希望食肆保持水準 有增冇減 牛気正正就做到呢點 牛肉質素有改善 野食種類豐富 不過暫時牛気都只係得一間 既然保持到水準 始終多幾間方便D 起碼減少要客人等位既機會 期待你地開分店

大概都有成年冇嚟過牛気, 食材質素比之前差咗, 一睇飲品櫃見到得返可樂/fanta/康師傅已經冇乜興趣... 另外, 熟食以前會有炸三文魚骨, 而家就變咗炸薯角, 仲要淋哂... 🙄火鍋配料選擇比以前少咗, 隻烏冬亦冇以前咁靚, 不過豬肉/牛肉都keep 到, 碟牛肉都幾靚仔嘅呢個價錢嚟講都acceptable 嘅, 不過而家任食火鍋競爭咁激烈, 睇嚟佢都要提升下質素先可以留到D 客啦...🙈🙈🙈

朋友總係鐘意食，今次最平既餐係$98(加一)我地選左$98同$108餐，限時1小時，如想慢慢品嚐就有d難，但只求一飽，都還可以湯選左三文魚味噌湯，味道有如清水，先講下個豚肉餐，豚肉肉質較實淨，無麥豬蘇味，肉味都還有，胕皮配呢個湯唔甲，轉返來諗，清清淡淡都未嘗係件壞事！乳酪雪糕都好正，不過今次就酸左d，可能改左配方蛋壽司，蛋唔夠甜，壽司飯醋唔夠，成個味都唔特出，中華沙律好咸，肥牛唔錯，清甜，貨源提供得唔錯餃子反比其他地方既好味，肉地鮮味，皮唔會太厚，無d特別怪味