牛気 (雅蘭中心)

营业中

休息中

覓食女子組又出發啦，凍冰冰就當然要打個邊爐，行完旺角上個Openrice睇下就搵到呢間牛氣，以牛為名嘅餐廳真係令我呢個牛肉迷好興奮！Walkin見到小小嘅人龍，不過都只係等左10分鐘左右，地方都幾大下放眼望入去坐到七八十人到，不過就算係卡位都好闊落。 辛苦左一日，當然要叫個378極上澳洲和牛放題啦，有和牛又有海鮮，一次過滿足曬我兩個願望！ 不得不講，佢地呢到D火鍋配料真係好齊全！先講醬汁配料：豉油、炸蒜、蔥花、辣椒呢D好基本，驚喜嘅係居然連七味粉、芝麻醬同酸汁都有，完全附合佢地日式火鍋店嘅形象，對熱愛芝麻醬同酸汁嘅我，呢到真係照顧到吾同人仕嘅需要。然後到火鍋配料：基本蔬菜豆品全部都好新鮮，仲有各種嘅麵食，相入面一樽樽嘅就係吾同味道嘅麵食，見佢裝得咁靚都忍吾住拎左個韓國粉絲試下，第一次食韓國粉絲都幾彈牙，同平時食開嘅中式粉絲好吾同，粗身小小～彈牙得黎吾會「鞋」口～值得一試！ 海鮮率先登埸～一個拼盤咁上真係好方便我呢D懶人，吾係慢慢一碟碟夾XDD就的最中意食嘅元貝同魷魚，黎個短評先！元貝：大大集，見到圖就知有幾多膏，鮮甜就不在話下，重點係乾淨！我好怕食海鮮洗得吾乾淨，不過呢到就無呢個問題

牛摩王囝囝遇着超人氣的牛氣，朋友知道囝囝超鍾意吃牛，無牛不歡，天氣開始漸凍，就推介這店任吃火煱。環境好簡潔，坐位較大，坐得好舒服自助位置，好整潔，食品衛生，有熟食，沙律，甜品，雪糕，牛肉飯，壽司，種類和一般自助餐看齊，好驚喜有這個級數，可给10分 湯底自選了濃湯豬骨可自選牛肉级數，因囝囝好識吃，今次就order了（極上澳洲和牛肩肉放題$378)但這價格好超值，它包括極上，嚴選，還有兩種吾同價錢的牛肉，三文魚刺生，雞肉，䐁肉，海鮮拼盤，外面自助吧的美食，你話幾超值，大胃王囝囝都吃到飽足，真的很超值 牛肉太吸晴，看見以流口水，牛肉味濃，入口即溶，文理分明，雪花平均，雞肉大大件，䐁肉鮮嫩多汁海鲜拼盤超豐富，海蝦最愛，鲜甜爽口，還有是無限供應，只要吃得就可以，不要浪費三文魚也是超讚，我地order了兩輪都吾相部分，真好，魚文油分平均，魚腩更正 自助部更出色，不同食品，合不同有需要，攞一輪巳足夠，真太飽 最後到甜品時間，太多選擇，真的大滿足，因太多種類，不可以一次吃吧！下次一定要再來，今次一定要給滿分。

講真因為成日見到open rice食評介紹話呢間日式火鍋放題好正，而且開始有點涼意，所以一直心郁郁想試。趁住食生日飯就終於試到啦～抱住一個覺得野食好好味又多元化既心態黎到～～雖然要排左一陣隊，但話因為有客人book左冇黎所以我地5個女仔作為後補，坐左佢張枱，結果其實係4人car位黎既，5個人坐加埋袋同嬲已經好迫。湯底我地揀左甜醬油湯，感覺好似吉野家既日式湯底味咁，都唔錯出面有菇啊，丸有芝士丸，壽喜燒丸，其實都算多元化，不過我只係出左去拎左一至兩轉左右。牛黎左都算可以，第二三碟再黎都冇話特別差 l 肉質唔太差亦可以接受，不過店員服務態度麻麻通知我地話差唔到夠鐘，我地唔想浪費食物，就盡量繼續食埋，店員已經喺旁邊不繼投擲眼光同閒語閒語，之後成個煲收走左 ，煲入面仲有野食， 所以最後我連雪糕都冇食，雖然明白佢地好看重90分鐘呢個規則，但我地出到門口睇番，其實我地只係食過左六分鐘...所以雖然食物冇好差，以佢咁既服務態度，我地都唔會再幫襯.........因為同樣既價錢，會有更多更好既選擇.\

叔仔由澳洲回來了，自然要找地方吃頓好。身處旺角不期然又想起雅蘭中心一帶的食肆，其中這間牛気可有無限和牛任吃，初訪後一直回味不己，於是成了最後選擇。來吃牛気，首要條件是夠早！及盡可能要訂位！因為到訪的食客實在很多。由於相機沒電，這頓只以手機拍攝，質素較差請見諒。喜歡這裡，除了任吃和牛夠吸引，環境不賴同時抽風一流，還有相比同區另一間和牛任吃，這裡自助餐的部分選擇較優良；如非特別慶典只想普通一餐，選吃最便宜的美國牛，加上外邊任吃的火鍋配料，2小時的晚餐真會十分滿足。個人最愛場內供應大量新鮮蔬菜，建議各位可先吃大量的蔬菜打底，有助消化接下來的大量肉類。特別推介芝心丸，芝士味香濃，一咬入口就爆出熱辣辣的香濃芝士，好正啊！ 當然要洗塵就吃好點，一起選了「極上澳洲和牛牛肩肉」放題 ($378)，除了極上澳洲和牛牛肩肉，也同時兼得嚴選澳洲和牛牛肩肉、極上美國牛肩肉、嚴選美國牛肩肉、精選巴西雞腿肉、特級美國豚腩肉，以及多款海鮮任點任吃，非常豐富！其於多款湯底中，選了味道清甜的甜醬油湯，以配襯和牛。這裡的極上澳洲和牛牛肩肉，取自牛的背肩部位，肩肉的間隙脂肪含量較多，肉質鮮嫩肥美，非常可口，可以任吃實在太

中式火鍋以外，日式火鍋我都幾鍾意，耐不時就去食下，食得最多就係牛涮鍋同牛陣。牛気比較新，價錢同前兩者差無幾。先講湯底，有昆布、豬骨、番茄龍蝦、泡菜等等選擇。上次試左番茄龍蝦，冇咩味，今次轉泡菜湯，都係冇咩味，呢方面牛涮鍋就做得好d。跟住選肉，每個套餐都有牛、豬、雞（部分有埋海鮮），價錢就以牛的唔同級別區別。我地選左最平的 「嚴選美國牛肩肉放題」（每人$158）。雖然最平，但牛肉質素已經唔錯，色澤鮮紅，咬落去軟綿綿，冇筋，同埋唔會第一碟靚，之後的就唔靚，每碟都keep到水準。豬腩肉都非常嫩滑，雞肉切得比較大舊，但都唔會鞋。其他自助配料都有幾多選擇，比較特別有翡翠螺、墨魚汁墨丸、台灣腸、鱈場蟹柳，仲有常見的丸類、瓜類、菜類、麵條、豆腐等。飲品採自助式，有各款罐裝汽水、檸檬茶，唔係斟汽水機咁行貨。呢度有埋甜品食，布甸、和菓子，仲有自己整的綿花糖，有得食又有得玩。值得去指數：

香港既日式火鍋有好多，但好食既就唔多! 見呢間牛氣價錢有返咁上下，質素應該不錯，所以約埋成班朋友上黎試一試!正所謂一係唔食，一食就要食最好既! 所以一坐低我地就決定左叫最貴果個set，貪佢咩都有得食丫嘛! 望住個menu已經流哂口水，好期待擺上枱既牛牛^^襯啲牛未黎，就出去拎住啲菜同其他食得既野食住先啦! 拎夥食既位置係鋪頭既中間，方便周圍既人出去拎野，值得讚一讚既!菜類選擇好多，基本上係出面放題有既菜佢都有咁滯，而且望落好新鮮，唔係瘀哂黑哂咁。就算連麵都有成4,5款選擇，岩哂腌腌尖尖既朋友仔!登登登登! 主角終於登場啦! 嘩真係好吸引，牛肉既脂肪分佈好合理，一睇就知會入口即融，呢度分別有4隻牛，上面兩隻就係澳洲既，下面兩隻就係美國既。我個人黎講就中意食澳洲牛多啲，特別係第一款極上和牛，細細塊，擺落去唔洗十秒就可以拎返上黎食得啦! 味道黎講牢味唔算好重，但就好滑，雖然雪花比較多，但口感好好唔會食完覺得好肥。相反，嚴選和牛就比較瘦一啲，但相對地肉味較濃，大家中意邊款多啲就任君選擇啦!揀呢個set仲有一個主要原因就係因為有海鮮食啊! 你睇下隻帶子幾肥美>.<食完罪惡感好重，

天氣轉涼,睇左食評話呢度有棉花糖湯底就衝過嚟試 星期五既夜晚10點幾walk in唔算多人,即刻入坐。卡位坐低舒服,餐具乾淨 由於我和女友都唔太好海鮮,所以揀左178既套餐,加10蚊甜醬油湯底。牛肉質素好  仲可無限添加 前後叫左3 round  仲有必食既墨魚滑都係任取另外出面亦有丸,腸,菜,甜品,汽水呢啲例牌野任取。(唐生菜非常鮮綠  )雪糕係乳酪雪糕,自己斟出嚟果隻,另外仲有棉花糖自己整,有得玩又有得食 90分鐘真係唔夠時間俾我地食同玩 另外要讚讚呢度服務員非常有禮貌 同埋發覺佢地做野好好笑容 最後總結,呢個價錢有咁高既性價比簡直一流,下次諗起想食火鍋,我就會諗起:牛氣

原本期待試下網友寫的東西但由於中午去基本上大多數的東西都沒有又是一間中午款式比晚上少的一間店中午去食的話,很多東西都沒有,可供的選擇少很多收費亦較其他同類的店貴中午的60分鐘套餐,沒有提供雞肉選擇,其他同類的店是有提供雞肉選擇幫襯過咁多間日式火鍋店,這一間服務是最好由於沒雞肉選擇的情況下,唯有食豬肉嗯,豬肉好難食,好彩得6片千萬不要叫豬肉,好難食,一整個伏來唯有試下其他,結果一看就失望了見到的場面,根本不如網友貼圖的這樣子可選擇的東西很少這邊的選擇不多,我就每樣都試一點吧這邊有西洋菜,其他店沒有這邊的丸類應該係咁多同類店之中,最好食的一間丸類是最好食的了,沒其他另外重有綿花糖,爆谷綿花糖得意,但食完好似無食咁...好似食甜氣的空氣一樣爆谷亦是一般,我覺得唔太夠味道日式甜點,忘了叫什麼透明這種,味道一般,可以不試另外提供的碗洗唔淨,有上手的污漬佢提供的餃子質素應該算係咁多間之中最好佢的餃子味道似八方雲集的煎餃鳥冬差,拉麵更差...個拉麵煮極都痴埋一舊...變左麵團咁....烏冬普通野湯底好夠味,唔洗醬油都得,我叫的係豬骨湯蔬菜就咁配豬骨湯都非常好食另外醬油選擇偏少,比其他同類店少另外佢有

今日係旺角放工，見放得工比較遲，於是就諗住同同事食埋飯先走。行下就見到牛氣，諗住好耐無食就去食下咁。一上到呢間旺角嘅牛氣就發現原來地方都幾大下，好在同同事黎得早唔洗點等都有位。一入到位，職員就好熱情向我地推介新湯底。呢個新湯底首先係用小小較肥嘅豬肉同埋洋蔥炒香個鍋。之後再加入綿花糖，最後加入甜醬油湯。呢個湯底就正式完成喇，呢個湯底係偏甜架，而且係會愈煲愈甜，大家如果怕就可以之後乾水嘅時候叫侍應加番啲水喇，就可以中和同減輕啲果份甜味架喇。野食方面，我地叫左極上美國牛肩肉+海鮮放題。頭先侍應送上左一碟三文魚刺身，跟住同我講話可以無限量任加，聽到呢句真係好開心，因為本身都幾鐘意三文魚刺身，呢個餐廳真係做得幾周到。海鮮拼盤，除左三文魚餐廳仲送左個海鮮拼盤，裡面包括左有大蝦，魷魚，同埋青口。不過可惜呢樣唔係無限量架，一次消費只係送一碟。大蝦入口唔錯有口感又夠晒彈牙，而且大大隻，淨係都好有滿足感。魷魚煮左之後無咩點縮水架，有堅實嘅口感之餘，又唔會有果種爛嘅感覺。。。牛肉，牛肉我地簡左極上美國牛肩肉煮完之後真係好有牛肉味，一啲雪味都無，而且厚度又適中，煮完入口岩岩好。不過俾小貼士大家，牛肉真係唔需要

終於開始踏進秋天，又到了打邊爐的好季節，開設在旺角還要有特色的火鍋店尤其多人。早前看到有朋友竟把一整舊綿花糖掉進邊爐湯底內，起初還以為是惡作劇，後來才知道原來的確是有綿花糖湯底的...友人覺得又美味又過癮，但又鹹又甜的感覺還是有點怪怪的，不過既然朋友推薦也不仿試一下吧!雖然突意選了閒日到訪，不過門外竟排有長長人龍...想要試新品還是乖乖的等候吧店內地方蠻寬闊的，環境比一般的任食火鍋店大，主要以梳化卡座為主。木系的傢私加上一個個木製的燈罩，有著日式餐廳的感覺之餘亦帶有時尚感餐牌上有7款湯底可供選擇，分別有北海道昆布、蕃茄龍蝦湯、博多豬骨湯、韓式辛味泡菜湯、三文魚味噌湯、昆布辛口地獄湯及甜醬油湯。但為了綿花糖湯底而來的我當然要問問侍應，原來因為新推不久所以沒有寫到餐牌上，只需另+$10即可套餐方面有5款選擇，豐儉由人，而我們就選了中等價格的極上美國牛肩肉+海鮮放題，套餐價格如下:嚴選美國牛肩肉放題 $158(成人) $118(小童/長者)極上美國牛肩肉放題 $178(成人) $138(小童/長者)極上美國牛肩肉+海鮮放題 $268(成人) $198(小童/長者)嚴選澳洲和牛肩肉放題 $31

朋友生日, 見D評語唔錯...等埋佢收工就行黎...WALK IN唔洗排...坐到2人卡位, 感覺幾好...HEEHEE, 落左個壽喜燒湯底...要加$10...不過唔緊要啦...出去拎野食...款式好多, 特別中意佢有舊4方形魚蛋, 唔記得叫咩名... 入面有D年糕, 食落好彈牙,又IN-UN好得意!!!汽水可以任飲, 另外佢有d沙律, 有隻mini sweet potato好好味 但唔敢食太多...驚好快飽><肉類叫左最平果隻, 好似$168/人...雖然係最平果個...但我覺得都幾好喎d質素, d牛都肥瘦適中同埋幾新鮮, 我不太好豬肉...朋友食完話唔錯!最後當然係我期待已久ge自製棉花糖波波啦  冇味揀....即係得最原始果隻白砂糖...有得食又有得玩...唔知係咪個staff驚我整壞部機lol 係咁教我... 仲有forzen yogurt ice-cream可以食 最衰後尾冇哂cone, 埋單果時令我好surprise, 原本預左一定over $300, 因為2人仲要加1點知張單$29x, $300有找...原來係因為我地入黎果陣已經係宵夜...sta

日本菜中, shabu shabu必然是我的心頭好. 這次, 就跟CEO來旺角雅蘭中心的牛気吃晚餐. 牛気是吃放題的地方, 是日我們吃的, 是澳洲和牛牛肩肉放題.極上澳洲和牛牛肩肉放題 $378每位$378的極上澳洲和牛牛肩肉放題, 限時90分鐘, 好像價位比較高, 但其實所有項目皆是放題, 包括澳洲和牛牛肩肉也是任食的, 計起上來, 就真的幾抵.飲品先來點喝的, 供應的主要是罐裝飲品, 這天我們要喝這個吧!北海道昆布湯吃shabu shabu, 湯底就選來清淡的北海道昆布湯, 當然, 愛吃辣的, 也有不少辣湯底供應呢.極上澳洲和牛牛肩肉重頭戲就是極上澳洲和牛牛肩肉, 想不到的高水準, 肉質嫩滑, 帶油脂, 雪花均勻, 我就最喜歡點上麻醬. 麻醬加和牛, 超吸引呢! 愛吃牛的朋友, 應該吃到起碼三碟呢.日本帆立貝 / 日本廣島蠔 / 日本魷魚 / 大海蝦 / 紐西蘭青口這個放題的另外一個重心是海鮮, 五款選擇分別是日本帆立貝, 日本廣島蠔, 日本魷魚, 大海蝦, 以及紐西蘭青口. 全部皆是新鮮的貨色, 特別是日本廣島蠔以及日本帆立貝, 是必吃之選.特級美國豚腩肉 / 精選巴西雞腿肉除了

跟文迪也很愛吃shabu shabu, 是晚就來到旺角雅蘭中心的牛気, 來一個和牛放題, 這才叫滿足吧. 星期四的晚上, 店子全場爆滿, 七時過後, 等位的人龍越來越長, 看來牛気的人氣很高呢.極上澳洲和牛牛肩肉放題 $378: 8.5分, 店子的選擇也不少, 這次選來的是極上澳洲和牛牛肩肉放題, 限時90分鐘, 所有項目皆是放題, 任飲任食.北海道昆布湯: 湯底選來北海道昆布湯, 吃shabu shabu, 還是傳統的昆布湯底最合宜, 當然, 店方也有不少帶點辣的湯底, 且看您是否愛吃辣吧.極上澳洲和牛牛肩肉: 當然由牛開始吃起, 這客極上澳洲和牛牛肩肉, 水準真的相當高, 雪花分佈平均, 肉質細嫩, 點上麻醬同吃, 大美味. 有食力的朋友, 要注意, 這客和牛是任食的, 回本無難度.特級美國豚腩肉 / 精選巴西雞腿肉: 除了牛, 也有豚肉跟雞肉. 特級美國豚腩肉切得夠薄身, 肉質肥美, 而精選巴西雞腿肉也有水準, 吃牛之餘, 不妨淺嚐一下.日本帆立貝 / 日本廣島蠔 / 日本魷魚 / 大海蝦 / 紐西蘭青口: 海鮮方面一共有五款, 第一輪來的時候每人一件, 可以吃完後才再決定那款值

日式邊爐試過2次有都保持到水準，比同區的火鍋店更有保證，配料選擇多，又有可選配魚生，海鮮的價錢選擇，不同級數的肉類選擇，免費任取亦有壽司，棉花糖，甜品雲糕，有正牌可樂，10時後更再特價，比同區其他選擇好，希望保持水準。是次選了番茄龍蝦湯，龍蝦味欠奉，但可再配多些番茄，湯底甜。外面多種丸類，真的推介黑色墨丸，勁有墨魚味，與超市買的黑墨丸不同!台灣腸也當然是最愛。仲有好多唔同丸類，年糕，讚!最鍾意可以任拎壽司 ， 每次出的都有點不同，而翡翠螺任攞任食，都好大隻!如果like佢地fb,仲送刺身地方乾淨舒服

假期前, 過去旺角見完客, 諗起之前係附近間越南餐廳幾好環境, 於是想話再去幫襯下。點知去到先發覺人多要等, 見隔籬牛気即時有位, 俾個機會佢!一個人, 叫左個100有找既套餐, 有牛有豬, 夠豐盛啦! 服務主動抵讚! BAR枱款式多。咁既收費, 有咁好野食, 真係有衝動係附近搵份工, 比起平日係港島150左右都比唔上牛気。