牛気 (雅蘭中心)

营业中

休息中

可能旺角實在太多選擇, 就算星期六既下午, 牛氣都唔洗等位, 2位即入午市同晚市一樣食90分鐘, 感覺上午市個價抵勁多揀左美國牛小排果set, 牛香肉滑符合理想反而最驚喜係個咖哩牛腩飯日式甜咖哩, 牛腩夠稔但不失牛味, 配埋珍珠米口感一流

之前仲係學生果陣成日都會食呢間，因為抵食又夠飽，相隔幾年，同朋友再去食，勁失望囉。我地叫左個特選和牛餐，318蚊一個人。一如既往，叫返最愛噶辛辣泡菜湯底，但一d都唔辣，仲越食越無味。d肉上碟後，望落都唔錯。但一試，就勁失望。所謂噶和牛，其實食落只係比一般牛多左d脂肪，只不過涮左幾下，係仲帶有小小粉紅噶情況下，都鞋到一個點，而且無牛味，朋友話直頭係肥牛級數，但收和牛價錢。雞肉就不流都係麻麻地噶拉，豚肉就不過不失啦，比較下算係好噶。海鮮方面，青口反而幾肥美，蝦都ok，大隻得離肉質算實，唔會霉。三文魚刺身係散噶，食左一兩舊就無食啦。配菜其實同幾年前無麼大分別，但質素都算唔錯，朋友話配菜仲出色過主菜。

想食牛氣好耐啦 但一直都冇時間 朋友約食lunch 突然間諗起牛氣所以就提議左食呢間我地十二點差唔多一點到 本身驚要等位 點知直接walk in 唔使等可能因為係lunch既關係有60分鐘同90分鐘放題揀 但係因為驚60分鐘唔夠食 所以揀咗90分鐘既美國牛肩肉放題 豬牛雞都有得食個人認為牛係最好食嘅 雖然好似講緊廢話 但真係好有牛味 誠意推薦牛豬同雞都唔錯 唔會覺得’鞋’不過食晒啲雞肉先記得要影相不過肉類真係食得唔多 淨係加左一轉牛同豬仲要唔夠一個鐘就已經覺得飽 可能因為係lunch嘅關係 同埋出面都幾多蔬菜同丸揀 搞到好飽肚 同埋即刻後悔冇揀到60分鐘嘅放題總括來講係值得推薦嘅放題火鍋 豬骨湯湯底唔錯 肉類唔錯 其他蔬菜同丸都過得去埋單167一位

第一次食呢間 選左澳洲和牛+海鮮 做緊九折優惠 和牛牛味很濃 海鮮有大蝦青口魷魚同螺 都幾新鮮 特別啲蝦隻隻都好大隻 like佢個page仲有雪糕送侍應服務幾好時不時會幫你換碟 會主動問你追唔追加牛/海鮮

個半鐘時間其實真係唔多夠，連甜品都無時間食就要急急腳走人。揀左$288牛小排、雞肉同豬任食，牛小排第一份係最靚，第二份偏肥。雖然係任叫但實際只叫了一轉牛就已經飽飽地無再叫了，因為係出面任拎既食物質素非常唔錯，特別推介：黑墨魚丸、拉麵、台灣香腸，淨係食依幾款都食到飽😂。不過飲品款式太少有點兒失望😞。當仲有半小時既時候，每隔15分鐘就會有人行埋你提你，最後10分鐘直頭5分鐘埋黎一次，食得非常唔過癮。

今日臨時臨急 同兩個小朋友 一班人 去搵食， 咁嘅環境小朋友話事， 佢話要食shabu shabu咁我哋就揀咗落旺角 試一試佢， 比一般Shabu shabu 出色, 牛肉豬肉任食 蔬菜任攞 甜品軟雪糕仲有一個好特別嘅 自己手製棉花糖， 當然小朋友就係畀棉花糖所吸引啦牛肉 新鮮有牛味 比出面一般嘅放題好食 豬肉略嫌鞋咗少少， 蔬菜選擇亦都有好多， 丸嘅種類亦都比出面嘅放題多， overall嚟講 200蚊一位 我覺得算係物超所值， 飲品啤酒亦都係任飲 我自己本人就推介樂天嘅蘋果梳打

坐得舒服  環境舒適平時係旺角都經過都見好多人食，撞岩近日秋風起，就食下火鍋放題，一開頭見尼間都多人，令左飛就去其他火鍋店睇下有無位，最後都係尼反尼間食我地最後叫左最便哦個set（牛豬雞），雖然職員介紹我地食貴少少既，因為肉質點令點好，但覺得都係差吾多啦，所以都係要原本哦個，但尼到每碟（牛豬）肉色澤都好令，雞就略嫌有點兒遜色，湯就叫左味噌湯出面既配料，雖然吾多，但無諗過禁好食，如台灣腸墨汁丸，另外熟食配料都多，壽司火腿沙律甜品而且店面乾淨，坐得舒服，員工有禮，完全期待下次再尼食令肉

其實我都幾鍾意打邊爐，所以今日決定試吓牛氣放題，約左個朋友，預先已book枱，所以唔駛等就入得啦✌🏻✌🏻，入到去個環境都可以，都坐得好舒服，服務員都好有禮貌，揀咗美國牛小排加海鮮放題，個牛肉真係OK嘅，海鮮亦都唔差，另外仲有出邊有好多野食比你選擇，有雪糕同沙律都係我like既😝😝，其實佢有幾個價錢俾你選擇，如果唔食海鮮，可以揀一個平啲嘅，值得一試

the buffet section is clean and organize. i ordered the basic kind of beef here and the quality is surprisingly good! the soft serve are not the one we used to have in other hotpot beef buffet places(which is too sweet and watery), the one here is creamy! green tea and vanilla~ yum!!

今日好攰唔想煮飯所以決定出去食~ 七點半前埋單每位平50蚊掋! 叫咗三文魚味噌湯底• 雖然佢冇三文魚味 ，不過好在唔係好咸， 叫咗最平嗰隻牛肉， 頭嗰一兩碟都好靚， 之後嗰啲好難咬， 不過178蚊 仲有咁多其他嘢食， 係掋既

懷孕期間真係有好多東西要戒口，不過也不阻要去打邊爐的決心。都有一段時間無來牛氣，餐牌多左包含海鮮的套餐，現在只有聽住先，生完有機會再試。店員好細心，重建議那款湯底啱我，最終選擇了鴛鴦鍋，我食蕃茄，朋友們食豬骨，各取所好。店員重介紹我們食小肉排的套餐，試完又真的不錯呀，係比最平那個餐貴少少，但每次俾的小肉排都好好味！晚餐最後，一定要食個甜品先完滿的，所以我參加左店內的宣傳，LIKE 牛氣 FB, 分享一張相，就有 MOVENPICK 雪糕食，啱晒唔食得軟雪糕的我

我個人對牛冇乜特別興趣，亦唔會主動食牛。適逢琴日屋企人約左朋友喺呢間食，我又跟埋嚟。初頭我怕成間鋪頭會以牛為主，萬一我唔中意食就會冇啖好食。但原來我錯 ! 除左牛之外仲有好多選擇，有好多款平日食火煱都會有嘅餸，例如各類型嘅丸，菜，肉，麵... 甚至甜品都有好多款任君選擇 ! 絕對唔洗怕唔食牛就會冇嘢好食。除左食物質素之外，啲侍應服務態度都好好，又有禮貌又有耐性。餐廳內部都算寛倘，都坐得幾舒服，而且幾乾淨整潔。至於價錢方面因為唔係我比錢，所以唔太清楚。總括而言，呢間餐廳無論你愛唔愛牛，都一樣啱食。

四日食三次，噚晚仲黎食生日飯，食物同服務質素滿意，環境舒服，價錢合理。生日仲有和牛生日蛋糕送，食左一餐好開心0既生日飯！大家食極唔悶，同一班人，上星期五，六，噚晚再食，正！六月再黎！

非常直得，所有食材新鮮，好食蒜蓉即炸勁趣，冬菇，蘿蔔，西洋菜，生菜，沙律，牛腩，魚蛋，烏冬，米線，炒飯，凍頂烏龍，綠茶雪糕，乳酪，番茄仔，娃娃菜，豉油，麻將，聰，辣椒............任食

放工再返學，仲要考試，趕頭趕命，到差不多十點，終於解脫！飯都未食，同學巧問：「何不食肉糜？」大伙兒當然不反對，就去了牛氣，黎個宵夜任食，好邪惡啊！餐廳環境不錯，地方尚算闊落！蕃茄湯底濃郁，又唔會太油膩。配料都幾多選擇，算係同類牛鍋，質素比較高的一間！最重要係飲品，竟然係罐裝可口可樂，so happy ! 我最怕無氣汽水機，任飲都等於無得飲！肉食都唔錯，肥瘦適中，又唔會好大陣羶味！最正係share 有movenpick 雪糕，簡直就為整餐邊爐畫上完美句號！總評：$150有飲有食，服務唔錯，環境ok , 值得推介！