牛気 (雅蘭中心)

营业中

休息中

唔係第一次去，不過有幾點想提一提，希望餐廳有改善：1/ 講明係有人生日不過都係冇特別，咁其實唔需要比客人有類似 remarks，作為客人重以為會有啲咩優惠會提供。2/ 唔記得幾耐前有問重要唔要叫肉 - last order。但係用膳時間完時有員工突然嚟叫我哋停，夠鐘交枱。我哋馬上將枱面嘅肉人倒去滾然後盡快食，點知佢哋嘅工作人員走過嚟大叫：佢哋重有 2分鐘就走㗎喇..... 其實佢眼見 2分鐘又確實唔可能。3/ 女洗手間勁污穢 ～ 男唔知，一地都係尿同一陣臭味。

平時都會過黎依間食 但食食下有位員工講得返十分鐘時間食野 過左就會熄冷氣 當時11點半都未到 以前間鋪都開到2點 但又冇櫃台員工提過我地依樣野 覺得有d 失望 臨走個陣都趕啦 咪係門口坐陣跟住就聽到鬧交聲 記得個客好晏先入黎食 但坐左一陣就比經理趕走 聽到個經理仲要話返個客吾熟公司既last order 時間 個客同經理理論冇通告同門口處冇通知 又比經理同好無賴既理由打發走估吾列依家既服務已經差到咁欺騙客人 相信冇下次 我同朋友都吾會再黎

食物質數麻麻，服務態度超差，以後吾會再黎重點係經理勁冇禮貌 10點幾入去坐 11點半就趕我地走 又話營業時間轉左收12點但由樓下到店舖既兩個staff 完全冇提過今日收鋪時間改左12點既事 樓下樓梯位又冇痴通告 結果食吾夠90分鐘 就比人趕走當時同經理理論，仲要比經理講：係熟客都知我地last order 幾點 仲同我地講我地今日轉左12點關門既通告已經痴左係樓下我地比人趕走之後係接待處，樓梯，都完全見吾到任何通告。完全比人呃左。之前都有食開依間，但依家吾會再黎受氣

之前食過兩次，好好食又抵食。今日帶埋媽媽同3歲嘅仔仔一齊黎，想試$88lunch, 問佢地小朋友點計，佢地嘅答案係計人頭，數人頭照計，咁兩個月大bb都照計！？係咪痴線架！？4個人頭要叫4個餐！低能！

我們今日一行六人去牛氣涮涮鍋食火鍋，我們選了牛肩肉、美國豕肉同雞肉 ，肉類可以添加，保証你食到飽！在大堂中央有其他火鍋食品，有清甜的粟米、好甜的台灣香腸、美味的白魚蛋、墨魚滑、生菜、南瓜片、生薯片、雲耳、烏冬、日本面、米飯、、、等等！還有各式沙律配料、日本籌司、雪糕、各式的甜品，最神奇竟然有自己制棉花糖，我食了好多間火鍋店，只有這一家有自己做的棉花糖，放一枚長棒在棉花機放一放，就有棉花糖食！如果想試一試自制棉花糖就來這一家！今日有人生日，火鍋店送一個迷你生日蛋糕給我們，雖然份量少，但十分美味

過左年後，間間火鍋放題店都加曬價，要搵間抵食又冇伏既火鍋放題店都唔容易。德家既宵夜$188 牛頸脊優惠冇左，牛涮鍋過年轉餐牌後得返d 肥膏肉同瘦肉。有個fd 介紹牛氣，就入左去牛氣試試。揀左尾二價位既 $348 嚴選澳洲和牛放題Round 1 , 類似牛角C餐既牛板腱，但呢碟牛味更濃，唔嚡唔瘦，好彈牙。冇太多多餘肥膏，咬走脂肪後唔會碎濕濕。佢切肉既厚度剛剛好，有d 鋪切得太薄，冇曬口感，切得太厚又太韌。Round 2 , 肉質唔同，更好食，似係牛小排。肉味好濃，唔似係任食既肉，高分之選。Round 3 , 接近Round 2 ，外表差少少。Round 4 , 接近Round 1Round 5 , 接近Round 1。能夠保持水準，其實已經好難得。整體水準好好，好過食牛涮鍋既"熊本和牛肥膏放題"。$348 唔算好平，但物有所值。

我同朋友一早用左openrice book左平日6點半嘅時段。可能book得比較早啦入去都唔係好多客，又有靚位坐有街景睇仲好近拎嘢食嘅地方喎，唔知係咪訂位有優待呢？我地簡左嚴選澳洲和牛加海鮮放題。聽到店員話呢一個set like左facebook page仲可以減20蚊，又見到佢貼住加時半個鐘，即係由90分免費升到兩個鐘喎……啱哂我呢啲食嘢慢又多嘢講嘅人啦～不過呢我都係用會員卡嘅9折最扺嘅。我地簡左韓式辛味泡菜湯。個人唔推薦韓式辛味泡菜湯唔韓式辛味泡菜湯唔夠辣，都係差啲嘢咁啦，都係壽喜燒個底最正。飲品都係個啲啦～最中意有仙草個款熟食選擇都唔錯架，有葡撻，春卷，窩夫，燒賣，冷盤都有沙律，壽司架，另外仲有兩款湯品架配料都唔少款架，淨係面都有烏冬啊，蕎麥麵，公仔面各種啦～不過稍嫌無我最中意嘅 雞髀菇啦!不過都好夠食啦。主菜到!海鮮正正正，尤其帶子好鮮甜，我地兩個人十隻十隻十隻咁番兜左好多次。蝦都4隻4隻4隻食到傻……次次都大大隻架。不過青口就扣分啦～味道好怪好似洗唔乾淨咁仲有三文魚刺身架諗落唔記得影下啲肉嘅獨照喎!肉有牛豬雞仲有羊，質素我覺得都好穩定唔會越叫越差，值呢個價嘅，羊肉唔會好大羊騷

31/12/2018一年嘅最後一日梗係要打邊爐啦，是日食宵夜時段book咗枱可以直入不用等位，到去見到嘢食吧嘅嘢食有好多款式可以揀😋，原本以為宵夜時段可以喺嘢食吧拎到嘅嘢食已經得返很少但見到職員不停加食材抵讚👍👍👍今次揀左貴少少既餐有牛小排而依個真係性價比高牛小排超好味再加上我最愛嘅蕃茄湯👍👍超正呀👍

Share返某個星期五 首領帶左我去食好西呀😍🤩哩度係入座起計90分鐘🕖🕗🕣哩度真係平靚正 食物又有質素 抵食👍🏽😋我地揀了極上美國牛小排放題 🈶️::極上美國牛小排 美國牛肩肉 美國豚肉 精選雞腿肉 🐮🐷🐔肉質非常新鮮又靚又好味呀👍🏽👍🏽識叫湯底緊係order壽喜燒 喇😉☺️蔬菜類 🈶️娃娃菜 金菇菜 冬菇🍄粟米🌽啲粟米好甜呀🤤🤤攞左兩轉🌽🌽🤤真係高質 抵食！其他仲🈶️餃子🥟龍蝦沙律丸芝士年糕🧀墨魚丸 芝士豆腐 響鈴 全部食物都真係好有質素 味道都唔差喔👏🏽👏🏽甜品 🈶️唔同的糕點 係有椰汁紅豆糕 杞子桂花糕 芒果糯米飯🥭🍚泡葵 薯仔沙律🥔🥗等等 有好多選擇 雪糕有原味有🍈味 仲係自助自己整架 想食幾多都得喔😋😀味道都唔錯 唔伏喎👍🏽👍🏽

跟老公一起享用晚餐.好久沒有跟老公外出吃大餐了.他提議吃火鍋.就選了這間.大致上服務都算不錯.只是香港的放題菜色都很少.價格算可以.如果菜色上再多樣話.生意一定更好

同屋企人聚餐，揀左牛氣入座前要揀定食咩餐由188蚊到368蚊都有我哋揀咗188蚊，另加10元要鴛鴦湯底 188元包牛豬雞各一份，食完再點，其實都幾實惠。湯底要左豬骨味同泡菜味豬骨味道好正常，泡菜味就唔夠辣牛豬雞肉食第1 round都係靚料，好薄嫩，不過去再第3 round 就見到明顯粗糙，一定要小心去灼，否則就會鞋口! 另外出面有唔少配菜: 丸類、菇類、餃子、蔬菜、仲有熟食… 甜品等等，都好新鮮又可以任拎。 幾抵! 最後like facebook仲有名牌M字雪糕送! yummy。

五個人比四個位，勁迫！都唔明點解仲迫過譚仔？一入座已經態度差！加錢要了蜆鍋，員工a落錯湯，員工b發現，話a落錯湯，行左去就算問經理，佢肯換，加其他湯就算？！野食又黎得慢，食到趕頭趕命咁，到底為咩？員工一直趕人走，夠鐘前30分鐘一直催催催..未夠時間一直催埋單，野未食完，連個鍋都收走？而家咩事？已經黎得慢，落order之後，平均20-30分鐘先黎，都唔知係咪特登..慘過去澳牛以後唔會再黎，唔會推薦人黎

同朋友今日突然好想打邊爐,佢話之前食過呢間幾好食,咁就帶我黎食下,晚飯時間,都算多人,大概十枱係門口等,但我地都好快,等左大概20min就入得～入枱之前姐姐會問要邊個set,咁我地揀左有刺身又有海鮮既set,本身覺得都幾貴,但一坐低就黎晒咁多海鮮,就覺得心理平衡d,牛肉唔錯,魚生都大概食左10碟,我地2個人,張枱長期都係擺滿野食,其實都有d唔好意思哈哈,不過牛肉既質素都唔錯,雖然係貴,但都貴得合理既咁多野食～

識我地都知我地經常打火鍋，一星期分分鐘打四次，相對而言，比起放題，我個人較傾好散叫，一來食物質素多數好啲，二來唔洗下下塞到自己好飽。不過身邊總有幾個放題控，今晚就黎牛気聚一聚，由於係星期五晚，明知多人，所以都一早預訂位置，八點幾黎到，已經人頭湧湧。咁佢有樣好，訂左位，就準時入座。餐廳位置唔算十分大，人流旺，週五晚感覺店員都有啲應接不暇，收碟唔夠頻密，慶幸上菜速度未受影響，值得一讚訂位失誤，七人坐六人枱，雖然個個好大隻，但都不至於逼狹或者太辛苦。喺門口安排位置時，已經要報上揀邊款套餐，一入座就可短時間內上湯底、牛肉，頗有效率。套餐有六款，分牛肩肉、極上美國牛小排、牛小排+海鮮、澳洲和牛+海鮮、極上澳洲和牛+海鮮、日本和牛，定價$188/258/298/348/398/488，湯底可選北海道昆布、蕃茄、豬骨、地獄、泡菜、味噌、甜豉油(+$10)，任飲任食90分鐘，另收加一。極上美國牛小排套餐 $258/位多數都係揀第二個餐，包括牛小排、牛肩肉、雞腿肉、美國豚肉，同其他配料例如蔬菜、丸類、麵食自取。一行七人，揀左兩個湯底，一邊甜豉油，一邊蕃茄湯底。一向對呢種日式火鍋放題嘅湯底不抱期望，呢度嘅

原本其實係想食牛角　buffet，但排哂長龍，見到呢個廣告，我同朋友都無試過，就一齊話試試！其實原本有少少擔心吾好食，因為我呢個朋友好咀刁，但我非常喜歡！！夾野食既地方，好乾淨，又光猛，感覺好似去左酒店食　buffet 甘！咀刁朋友揀左level 3 和牛+海鮮﹠三文魚味噌湯底！但個湯底湯而無味，無三文魚味，亦沒有味噌味！要激贊個牛，以為第一碟會係最靚最好味，因為出面既係甘做，但竟然　keep 住水準，我地食左5碟，最尾果兩碟仲要係牛小排！好淋，入口即溶！原來只淥一淥，紅紅地甘食，係好正架！海鮮+三文魚刺身任食，虾好大隻，又爽口，甘梗係只食貴野，專供帶子+大虾，其他海鮮可以不理！