牛気 (東薈城名店倉)

营业中

休息中

今天11月3號(星期日)13:10, 本想與太太到牛氣(東涌東薈城分店)午飯打邊爐, 去到門口需要撳票, 我很有禮貌地行前問他:「請問有冇人客準備離座呢?」那個男帶位員?/店長? 完全冇望我馬上答道: 「冇!!!!」, 冇禮貌到呢!!!! 令我非常不開心, 決定轉往他處。又話要救市, 令啲香港市民唔好北上, 要留喺香港消費, 咁嘅態度點留呀, 大佬。

行東涌outlet行到攰，又要醫吓肚，打個邊爐最滿足啦，事隔兩個幾月再嚟食牛気，環境氣氛無咩點變，一樣都係坐得好舒服。廢話少講，今次揀咗level 2 套餐，湯底亦選擇咗日式牛骨濃湯，微辛，辣辣地有啲刺激感又係我最愛嘅牛小排呀😂特選牛小排一樣都係咁嫩滑，入口即溶，食極都唔厭，加單速度又夠快速套餐仲有肉眼、牛肩肉等等，梗有一款令你滿意自助區有好多食材選擇，想食菜有菜，想食丸有丸，任君選擇熟食區都有唔少甜品揀，我覺得最好食都係榴槤炸蛋

前排去咗東薈城間牛気火鍋，估唔到佢間舖好大好闊落，坐得好舒服😌我哋揀左level 4個套餐，湯底揀咗北海道蛤蜊魚湯，話說呢個係和洋祭限定嚟㗎。個湯香濃鮮美，啲蜆夠大隻鮮嫩呢度度啲食物選擇好豐富，牛肉都已經有好幾款，澳洲穀飼黑安格斯牛肉味濃又大大塊。SRF美國極黑牛就油花豐富，入口即溶，仲有特選牛小排，一定有一款啱食海鮮方面都唔執輸，日本帆立貝同大海蝦都新鮮，其他配料仲有豬肉、雞肉、餃子、花膠，連牛骨髓都有，質素全部都中上～如果仲想食多啲唔同嘅嘢，佢仲有一堆熱葷，好似關東煮，紅酒燉牛肉咁最驚喜嘅係仲有三文魚刺身任你嗌，同埋期間限定嘅烤芝士生蠔，肥美到癲。甜品方面都幾有heart，除咗而家大熱嘅巴斯克蛋糕，仲有脆皮提拉米蘇，真係唔係周圍放題都食到。總括嚟講，呢度嘅嘢食真係多到你唔信，食材新鮮，味道又好。唯一嘅遺憾就係個胃實在太細，真係想多幾個位都唔夠。絕對值得再去試吓！

從來無係到寫過食評，因為太嬲所以要分享是次經歷。lunch叫左定量，60分鐘用餐時間，12:18分入座。本人食嘢較慢，所以全程無用手機無睇劇，默默地食我個飯。到左12:58分服務員走嚟放低張單兼要求埋單。我話等等先，仲食緊（講緊係食到一半）。「小姐你埋單先好嗎？我地截單喇」我話你俾d時間我食多少少先好無，依家都係1點姐。然後唔夠5分鐘，個阿姐又返嚟，「小姐你埋單先喇」，然後放低部卡機。放題30分鐘前俾單客人我完全明白，但我都係第一次逼人當犯咁樣逼住埋單。出面無人排隊，餐廳唔係滿座。好似驚死我食霸王餐咁。語氣態度極差，完全對客人無同理心，見到我成口嘢都逼住埋單。結果我係1點03就被個惡阿姐逼住埋單。好似唔埋單我就要即刻走咁。呢種服務態度同質素可以同九記齊名。

呢個9月去咗位於東薈城嘅牛気火鍋，我選咗和洋祭限定嘅北海道蛤蜊魚湯作為湯底，呢款湯底味道鮮美，仲帶有蛤蜊清新嘅海洋風味，非常適合火鍋。食材方面，我點咗唔少牛肉同海鮮。首先，澳洲穀飼黑安格斯牛肉質相當細嫩，薄切夾蔥花非常好食。SRF美國極黑牛就更加油花豐富，口感滑溜。特選牛小排嘅風味都唔錯，肉質鮮美，特別適合啲鍾意食肉嘅朋友。而加單既速度都幾快。我仲揀咗日本帆立貝同大海蝦，兩者都新鮮可口，令火鍋嘅層次更加豐富。特別係大海蝦，大隻之餘鮮甜多汁，真係令人印象深刻。火鍋配料方面，仲有各種豬肉同雞肉，質量都幾好。新鮮牛骨髓濃郁嘅風味更加係我至愛。而且呢度仲有好多甜品同其他熟食嘅選擇。例如楊枝甘露、芝士焗蠔、關東煮等。超豐富，多到食唔晒。

牛氣最近做緊泰式主題，除咗平時有嘅火鍋放題之外，仲加入泰式元素，例如有泰式麵、泰式炒辣肉碎、冬陰功湯等等😎 夠晒特別，梗係要試吓🥰除咗QRcode 任點嘅食物之外，出面自助區都好多好高質嘅嘢食🫶🏻 除咗泰式主題嘅食物之外，今期出咗好多榴槤甜品😎 最有驚喜係榴槤巴斯克，勁重榴槤味😍😍 雪糕雪條都有好多款，榴槤雪條同埋泰式奶茶雪糕勁推介✅ 丸類同埋蔬菜款式超多，蔬菜夠晒新鮮🫶🏻 飲品方面選擇非常多，實有一款啱你😎🌟Lv4 澳洲轂飼黑安格斯牛+SRF美國極黑牛+海鮮放題 $298 （90分鐘）性價比超高😍😍😍 首先揀咗湯底，我哋揀咗壽喜燒，好啱我口味🥰 夠晒甜，夠晒味🫶🏻 配搭靚牛肉同埋日本蛋一齊食，勁開心😍Lv4 嘅牛肉肉質已經好靚😍 澳洲轂飼黑安格斯牛、SRF美國極黑牛同埋美國肩胛肉眼都係我嘅心水推薦✌️ 油脂分布均勻，牛味又夠，一定要encore多幾次😏海鮮方面，選擇亦都好多，有大蝦、花膠、帆立貝、三文魚刺身等等，今次最特別有泰式生蝦食😍😍 任食海鮮最忌就係唔新鮮，牛気啲海鮮出晒名正，特別推薦佢嘅大蝦，勁大隻新鮮爽口彈牙✌️ 花膠都唔錯，勁厚🥰 總括嚟講，呢個價錢可以食到咁多高質嘅嘢，真係

去東薈城行outlet行到攰咗梗係要醫肚啦🙊🙊今日就去咗牛氣度食火鍋放題，揀咗Level 4，因為俾佢個海鮮放題吸引咗，因為係可以任食三文魚刺身🤩呢個級數可以有四款牛選擇，包括澳洲安格斯牛同埋美國極黑牛，海鮮有青口、帆立貝、蝦，仲有花膠同埋蝦滑 湯底我哋揀咗日式牛骨濃湯同埋川椒麻辣湯，有驚喜喎，日式火鍋店既麻辣湯出奇好味喎，推介一試除咗三文魚刺身，原來仲有迷你丼可以揀，有吞拿魚腩蓉、三文魚明太子同埋芥辣八爪魚，刺身質素有驚喜，唔錯唔錯！出面火鍋材料都有大約10款丸、蔬菜類、麵等等，款式都唔少 而家做緊泰式主題，前菜有青木瓜沙律同泰式鳳爪，甜品方便做緊榴槤主題，有榴槤糯米糍、榴槤巴斯克蛋糕、榴槤酥皮撻、榴槤蛋撻等等 軟雪糕除咗有牛奶味仲有泰式奶茶味，好特別呀熟食都有好多選擇，樣樣都想試，真係行到頭都暈🤣🤣🤣🤣呢個價錢可以食到火鍋放題仲有三文魚刺身，仲有咁多甜品選擇真係cp值好高呀！

食壽喜燒竟然沒有生蛋，入座前職員並沒有通知我沒有提供生蛋，食壽喜燒配生蛋是常識吧😅😅。而且出面自助區的葛絲我在食之前已經沒有了，然後我已經吃了半小時再出去望，職員並沒有refill，但出面仍然有寫住葛絲的牌，體驗十分之差，而且我舉手職員要我舉了成分鐘才會過來，但明明職員與我是有眼神交流的，建議加強培訓員工，並希望該舖頭食材供應充足，我真的不能接受食壽喜燒沒有生蛋與葛絲。而且在食的時間竟然會在維修天花板，這樣的情況不是應該在收舖後才做的嗎？

其實我是牛氣東涌店的忠實粉絲，已經第五次食，每隔一段時間就會好想食一食。見佢今次有新主題，於是又來潮撐：期間限定主題: 泰式美食😋 詳細如下👇🌟可免費升級新湯底：泰式船麵湯 😋自助吧熱食：手搗黃咖喱牛筋腩 // 泰式酸辣炒飯 // 金不換炒肉碎 // 海鮮冬蔭功湯 // MAMA 麵 (酸辣蝦湯麵、清湯冬粉、碎豬肉麵）// 榴槤蛋撻 // 榴槤炸彈 // 炸鮮奶😋自助吧冷盤：泰式燒豬頸肉木瓜沙律 // 泰式無骨鳳爪😋自助吧甜品：榴槤糯米糍 // 榴槤巴斯克蛋糕 // 泰式奶茶雪糕 (雪糕機任吱)😋其他小食：泰式生蝦 // 榴槤雪條 // D24 榴槤酥皮撻 // 猫山王榴槤酥皮撻今次套餐揀咗Lv 4套餐 + 船麵湯底😀主打包括：📍澳洲穀飼黑安格斯牛📍SRF 美國極黑牛放題📍海鮮放題 (日本帆立貝、三文魚刺身、花膠及青口等)整體來講牛肉好出色，泰國主題食品好多，好有新鮮感，可以一次過試好多唔同嘢！

Hotpot & ingredients 火鍋、配料呢一款極尚和牛加海鮮放題嘅配料相當高質，好似有雪花紋嘅澳洲極上和牛❄️🥩、SRF美國極黑牛🇺🇸、矜貴嘅補腦牛骨髓🦴、相當有口感嘅日本赤雞雞爽肉🍖、新鮮原隻鮑魚、大大粒嘅日本帆立貝、超級彈牙嘅墨魚滑🐙、完全冇雪藏味嘅大海蝦🦐、滋補養顏花膠、肥美嘅挪威三文魚刺身🐟，每一款都好食，另外有大概八至九款湯底選擇🍲，啱晒唔同朋友口味Cooked food & dishes 🍲 熟食、煮食類 除咗火鍋嘅配料之外，仲有唔少熟食選擇，包括有充滿泰國特色嘅刺激冬陰功海鮮湯🌶️🦀、滿滿日本風味嘅特色關東煮🍢、日式咖喱、而家好Hit嘅爽脆麻辣魚皮冷盤🐠、香脆可口嘅炸魚皮、熱辣辣嘅炸鮮奶🥛、homemade 迷你榴槤撻等，款式真係好廣泛！Beverages & desserts 🍨 飲品、甜品食火鍋放題點少得無窮無盡嘅甜品同飲品😍，飲品方面由罐裝、支裝嘅茶類☕️、酒類、汽水🥤去到咖啡機同果汁機🍹都有，而甜品就有兩款口味嘅時令軟雪糕🍦、雪條、滑捋捋嘅士多啤梨牛奶布甸🍓🍮、彩色嘅泡芙🌈、楊枝甘露🥭、自家製榴槤巴斯克蛋糕🧀🍰，食埋之後勁滿足

心血來潮行完山想打邊爐🍲，黎到朋友介紹位於東薈城的「牛氣」順手shopping 。剛好撞正泰式主題，決意大快朵頤。門面有隻牛牛🐮招牌公仔，好易認。店舖以黑金色做主調，時尚又大方。仲設有卡位雅座，自助區域闊落，不怕人多逼。想補充蛋白質和鐵質，簡左LV4 套餐， 可以任食澳洲穀飼安格斯牛+SRF美國極黑牛放題+ 海鮮放題+ 泰式生蝦刺身等。澳洲穀飼安格斯：多汁鮮嫩安格斯牛肉肉質細膩,富含良好的大理石紋理和豐富的脂肪,嫩滑爽口:安格斯牛肉的纖維細膩,口感非常柔軟嫩滑,咀嚼起來非常爽口。韌性適中,不會過於軟爛。直接涮在真係有一大舊豬骨熬製的黑蒜豬骨濃湯，根本不用蘸醬都夠曬味。海鮮方面，擺盤精美，有彈口大蝦、肥美厚扇貝、墨魚滑、青口、點少得脆鯛魚片同水魷魚🦑， 好新鮮而且仲有挪威三文魚刺身。火鍋配料款式眾多，有各類丸子和新鮮日本直送蔬菜、大推特別日本人參菜、京蔥打邊爐都好清甜，蟲草花都有。自助區域有加入泰式元素，多款即食熱食，有酸辣炒飯、金不煥炒肉碎、冬陰公湯、仲有必食泰式生蝦刺身配其甜酸海鮮醬，食多幾隻都回本。記得食埋D24榴連酥皮，榴連雪條！夠曬當造。總結：泰式主題好吸引 高質牛外仲有海鮮大

喺東涌行吓outlet掃吓平貨買夠睇夠都要食嘢㗎晏晝想打個邊爐😂搵到呢間牛氣湯底選擇都多 今次叫咗個日式牛骨濃湯呢個湯底有微辛 覺得幾正揀好晒餐set之後侍應會上跟餐嘅肉類及配料有特選牛小排 PRIME 美國肩胛肉眼穀飼牛肩肉 特選豚肉等等呢間店嘅牛肉肉質都尚可牛小排煮完夠腍夠有肉味肉眼亦都好大塊😂食多兩塊都開始有啲飽出自助區行吓先 自助區算中規中矩基本嘅食物種類都有丸本身麻麻地唔太有興趣😂略過蔬菜種類都多 娃娃菜 生菜 粟米 南瓜等都齊全睇落都好新鮮甜品區唔知點解有幾款榴槤產品😂例如榴槤撻等等 味道意想不到地好食忍唔住都拎多兩件最後都有食個雪糕 有奶茶味同牛乳味但食落都無咩特別 當作呢餐嘅總結都還可以嘅

店內環境以黑金兩色為主，沉穩大氣又不失時尚，座位空間也適合家人朋友小聚，看到不少外國食客在此用餐，看來火鍋已經快成為中式料理代表了🙋🏻‍♀️因本人又想減肥又想吃一點肉又想吃海鮮，故選擇LV4套餐🥩牛肉和豬肉真的好鮮，第一口我是沒有蘸任何調味料，直接在昆布湯涮好，牛肉本味就已經感覺清甜，肉質細嫩口感柔軟，稍微再加上蒜蓉醬更提鮮，想必吃重口味的蘸上自己喜歡的各類蘸料更是美味🦐海鮮拼盤很豐富，有青口、大蝦🍤、日本帆立貝、墨魚滑、魷魚🦑、脆鯛魚片等特選海鮮，也有新鲜肥美的挪威三文魚刺身👉其他火鍋配料都很豐富，各類丸子和蔬菜等擺在藤編的圓盤上，極具視覺效果，乾淨又整齊衛生🫶🏻服務態度很讚，中英文切換自如，詳細介紹餐牌和各類自取食物👏 最近牛氣做緊期間限定泰式主題，加入船麵湯鍋底、榴槤食品、泰式生蝦，金不換炒肉碎，無骨鳳爪等等，比平時嘅菜品更加多款式。

其實啲食物算新鮮，同埋出邊任食嘅都多選擇，但係服務態度真係好差。 citygate裏面唔係淨係佢一間打邊爐，所以呢間咁嘅服務態度真係不值一試。本身想喺呢度同屋企人慶祝生日，所以又帶到蛋糕去餐廳叫咗佢哋幫我哋擺雪櫃。食到差唔多90分鐘嗰陣有個服務員叫我哋賣咗張單先，我哋都冇所謂，所以就買咗單先。其實我哋都食完㗎喇，所以就叫佢幫我哋攞返個蛋糕出嚟。個位女嘅服務員幫我哋攞完蛋糕出嚟之後我哋問佢可唔可以執一執枱？佢就即刻同我哋講你哋仲有3分鐘咋。大佬啊，我哋都係想喺度切個蛋糕吹個蠟燭啫，阻唔到你哋好多時間同埋你哋出邊都冇人等位。 同埋佢哋寫係90分鐘放題時間冇寫係入座時間喎。我哋都係想坐多幾分鐘啫。但係見佢咁講我哋都覺得算啦自己返屋企先再切蛋糕啦。呢個時候各位女服務員就黑口黑面喺我哋面前執枱。個服務員攞晒啲垃圾抌入個鑊裏面彈到啲湯周圍都係，我哋就同佢講你唔使執住先啦我哋依家走啦，但係佢繼續黑口黑面唔理我哋繼續抌嘢落個鑊度。我哋將枱有老人家，佢都喺個老人家面前攞啲垃圾拋離拋去真係態度好差。 如果啲熱湯彈到個老人家咁點算呀？其實佢係咪真係需要做到咁呢？出邊又冇人等位。見人哋要慶祝生日俾多5分鐘人都

於平日中午時間來用午𧬆，中午餐廳也是以自助打邊爐的形式提供食物，跟其他的自助打邊爐餐廳一樣都是根據你選的餐來提供相對的肉類，以中午來說，餐廳的性價比十分高，價錢不是貴，但食物種類十分多。醬料於自助吧自行添加，醬料種類多，補給也十分快，長期都是滿滿的，蔬菜種類多，有萵筍，和非常多的丸類，也是在自助吧夾取的，另外，有一些蝦滑，餃子，都可以用手機的形式落單，店員就會送上。另外自助吧近有熟食，有炸物和其他即食熟類。食物質素很好，食物都是新鮮的。飲品方面也十分多種類，有甜的也有不甜的，而甜品方面，有泡芙，有脆皮雪條，有軟雪糕可以自行提取。中午的客人不算很多，沒有坐滿，座位寬闊，可以枱之間的空隙，沒有逼夾的感覺。