牛気 (東薈城名店倉)

营业中

休息中

抵食又多款，平時不用排隊。一至五來最好，食60分鐘好夠食有多款菜，好乾淨又新鮮，又有熟食一堆，關東煮，糖水，雪糕都好好味。芝士蛋糕又係好食😋時間都有一個鐘，所以作為打工仔，食呢個餐做午歺係ok ge。

大吃特吃😋優質牛肉火鍋看到嗎看到嗎？連韓國遊客都慕名到訪的牛気火鍋放題，幾百元享受環境乾淨企理。現在很多人都北上火鍋，但牛気是小數我吃過引以為傲💁🏽的本土火鍋。由環境、食材質素、抵食幾方面十分優秀，食材新鮮，好印象100分。🥩🥓澳洲安格斯牛牛味濃，SAF美國黑牛較軟滑清新，但貓太太豬先生最愛是九州和牛肩胛肉眼😍一口氣吃了4盒呀！雪花油脂遠勝❤️❤️❤️🥘鴛鴦鍋湯底選了黑蒜豬骨湯，原個豬筒骨誠意十足。相信我，用豬骨湯的油脂刷牛，風味十足。另外是川椒麻辣湯🌶️，辣度不會太誇張，有水煮牛的風味。🥬🫑🥦🥒蔬菜乾淨無沙，有十多種常見瓜菜，罕見的有人參菜、水蓮菜、鮮蟲草花和羽衣甘藍。🦪🐚🦐🦑海鮮料方面，海蝦、扇貝、花膠😱、墨魚滑、魷魚都是必點的！🍚🍲🧆熟食有關東煮區域，貓太太反而很欣賞咖哩牛肉、糯米飯、洋蔥肥牛等😍配日本珍珠米飯，水準不下於吉家。甜品有🍦🍨🍧雪糕機，低糖北海道雪糕和香港風味的雞蛋仔口味雪糕。

三月頭因為喺東涌附近做嘢，同朋友順便去咗東薈城牛氣食日式邊爐。我哋揀咗一個壽喜燒湯底同一個微辣湯底。壽喜燒湯底甜中帶鹹，都幾適合攞嚟打邊爐。微辣湯底則完美平衡，帶有清新的香料味，微辣的程度亦剛好，唔會掩蓋食材的鮮味。值得一讚嘅係呢度嘅牛肉質素唔錯，肥瘦適中，肉質嫩滑，唔會因為係任食就拎啲質素差嘅牛肉肉出嚟。其他配菜如蔬菜和豆腐都夠新鮮，我好鍾意其中一隻有啲似粉皮嘅粉，煙靭度似寬粉。價錢方面就$300左右，整體的用餐體驗都愉快，大家都可以一試。

牛気十周年啦，琴日黎到位於東薈城1樓既牛気，依家仲做緊十周年主題。呢個十周年主題真係牛気充天，我地食既係lv4 set，除左有澳洲穀飼黑安格斯牛同SRF美國極黑牛之外，仲有好多其他唔同既肉類可以種類，而且仲有好多新鮮海鮮。-我今次湯底揀左秘傳牛肉清湯，湯底牛味好濃郁，無論配肉定係配蔬菜都好一流。食物方面。牛肉足足有6-7款，另外仲有豬肉同雞肉，特別鐘意澳洲穀飼黑安格斯牛，穀飼既牛果然係唔同d，食落好有牛味，口感都好唔錯，另外SRF美國極黑牛同牛小排都好不得了，我都encore左幾次。海鮮都好好食，除左有元貝、蝦、蝦滑之外，竟然仲有花膠添。花膠好大條，食落口感爽口，元貝同蝦都勁新鮮，CP值好高。-自助亦都有好多選擇，尤其係蔬菜，新鮮又清甜，估唔到仲有水蓮添，相當唔錯。另外仲有好多熟食，例如辣魚皮、關東煮、炸物等等，仲有炒肥牛、東風螺添。而且仲可以order刺身同壽司，種類都幾多架，我叫左三文魚刺身，食落都幾唔錯。-除此之外，牛気仲係雪條野飲任拎任食，亦都有好多甜品可以食，仲有自助唧雪糕機添，食到最後記得一定要食返個牛気布丁，大滿足。-

喜歡打邊爐，喜歡日式火鍋放題，尤其是牛肉火鍋。咁岩喺東涌，朋友約我打邊爐慶祝生日，撞正星期日，下午時間既東薈城依然好多人，好彩預早網上訂座。90分鐘放題，揀左特選件小排 + 肩胛肉眼放題，配豬骨湯底。呢間生日的話，會送"和牛蛋糕"，將和牛卷成玫瑰，幾有心思。

今天晚上 ，我們去到東涌東薈城1樓牛氣晚餐。在這個寒冷的 晚上，來一場美味的火鍋盛宴，實在是最佳選擇！我們 點了 LV4黑安格斯牛與SRF極黑毛海鮮放題，讓您享受到頂級的肉質與新鮮的海鮮。火鍋湯底選用北海道昆布，鮮香四溢，讓每一口都充滿海洋的味道。美國肩胛肉眼及SRF美國極黑牛，肉質鮮嫩，口感絕佳，搭配澳洲穀飼黑安格斯牛與特選牛小排，保證讓您滿足。此外，日式山椒大蔥焗生蠔與三文魚刺身，都是不可錯過的美味。生菜與冬菇的搭配，增添了清爽的口感。各式凍飲、豆腐花、菠蘿雪糕等甜品，讓您的餐後時光更加完美。更重要的是， 牛氣 餐廳 提供優質的 顧客服務，讓 客人 在享受美食的同時，感受到賓至如歸的溫馨氛圍，實在值得一讚。

冬天最開心就係可以瘋狂打邊爐 今次同朋友lunch去牛氣打邊爐 呢排仲有和洋祭 有多款嘅西日熟食一樣選擇意式蕃茄肉丸 焦糖巴斯克芝士蛋糕都值得一試我地揀咗lv4套餐 一澳洲穀飼黑安格斯牛 SRF美國極黑牛同海鮮放題一坐底侍應就送上第一轉肉類同海鮮 主打嘅澳洲牛比較瘦 而美國牛相對肥美啲 但我地最like嘅係之後再點嘅牛小排🤗海鮮有帆立貝 大蝦 魷魚 花膠帆立貝啖啖肉大大隻 大蝦亦係彈牙有咬口🤭呢度仲有多款配料 熟食同甜品 食到大家都飽到攬住個肚

最近天氣涷冰冰成日都想打邊爐😍🍲最近同朋友去牛気叫咗個Lv4火鍋包含：澳洲穀飼黑安格斯牛 + SRF 美國極黑牛放題 + 海鮮放題 + 再仲有和洋祭更有關東煮仲有勁多熟食壽司燒蠔等等同埋各種汽水雪糕甜品仲有棉花糖機可以自己整😍而作為四圍打邊爐的火鍋愛好者覺得牛気呢個價錢可以一口氣食曬都算幾抵重點係牛肉夠嫩滑上菜又夠快✨唔洗等嚟等去分享相去社交平台仲可以送三文魚/Movenpick!東薈城都幾大行完outlet去坐下食下幾正～

天氣轉涼！又可以瘋狂打邊爐🍲，黎到朋友介紹位於東薈城的「牛氣」順手shopping 。剛好撞正和洋祭主題，Lv4 放題除咗有任食安格斯牛海鮮放題仲有焗生蠔，決意大快朵頤。門面有隻牛牛🐮招牌公仔，好易認。店舖以黑金色做主調，時尚又大方。仲設有卡位雅座，自助區域闊落，不怕人多逼。想補充蛋白質和鐵質，簡左LV4 套餐， 可以任食澳洲穀飼安格斯牛+SRF美國極黑牛放題+ 海鮮放題+ 自助區等。多汁澳洲穀飼鮮嫩安格斯牛肉肉質細膩,富含良好的大理石紋理和豐富的脂肪,嫩滑爽口。纖維細膩,口感非常柔軟嫩滑,咀嚼起來非常爽口。韌性適中,不會過於軟爛，滾十秒仲保持粉嫩，仲保留適當的肌紅蛋白，而且我哋揀蕃茄濃湯，新鮮蕃茄煲滾至軟硬熟透，湯底蕃味香濃，連飲都可以飲埋。海鮮方面，擺盤精美，有彈口大蝦、肥美厚扇貝、墨魚滑、青口、點少得花膠，花膠都可以任食真係回曬本。重點推介必食芝士焗生蠔、包括法式蒜香芝士、美式煙肉白汁，生蠔脹卜卜熱辣辣，配埋拉絲芝士，不得了，仲可以無限任叫。仲意想不到竟然有新鮮肥美挪威三文魚刺身😍。火鍋配料款式眾多，有各類丸子和新鮮日本直送蔬菜、大推特別日本人參菜、仲有日本農家直送蛋，同時都有同

年尾咁多慶祝活動🎉🪅又要開party又要買禮物去咗東涌睇禮物行到肚餓去左打邊爐放題而家做緊和洋祭有新湯底😍梗係要試下佢北海道蛤蜊魚湯🐟🐟🐟🐟用海魚加蛤蜊煲左幾個鐘鮮甜得來唔會腥😋😋😋😋今次揀左level 4牛有澳洲黑安格斯同美國SRF仲有海鮮放題🦐🦑🦐🦑D牛肉滾兩滾就好食啦🤤咪就過熟啦意式奶油香草焗生蠔🦪忌廉加香草唔會膩，好清新可以食好多隻甜品特別推介焦糖芝士巴斯克細細舊😋好濕潤唔止有飲品區，蔬菜區，甜品區仲有沙律區同熟食區仲有刺身同迷你魚生丼

店名: 牛気地址: 東涌達東路20號東薈城名店倉1樓119號舖東涌站 B 出口，行1分鐘環境: 4.5/5價錢: 4/5味道: 4/5今日心血來潮想去東薈城行下🛍，行完就黎左呢間日式火鍋店🍲～佢地推出左全新🎌和洋祭🎌主題，可免費升級期間限定既北海道蛤蜊魚湯🐚！另外，凡惠顧Lv4或以上級別既火鍋放題套餐，仲可無限享用法、美、意、日四國風味既焗生蠔添🦪LV4 黑安格斯牛+SRF極黑牛海鮮放題 ❤️❤️❤️❤️$338/190分鐘吃到飽！北海道蛤蜊魚湯有五大隻蛤蜊🖐🏻同大大磚豆腐，飲落湯頭清甜暖胃🤤，啱曬宜家逐漸轉涼既天氣！醬汁方面，特別推薦佢個泰國風情沙嗲醬🥜一上枱會黎一轉LV4主打既海鮮、牛、豬、雞，仲有色澤鮮艷既挪威三文魚刺身🍣！必點推介有肥瘦均勻既澳洲穀飼黑安格斯牛同牛味濃郁既PRIME美國肩胛肉眼🐂～仲有主打既SRF美國極黑牛都要試，肉質會較結實🤩！海鮮方面，有大大隻既海蝦🦐、鮮甜既日本帆立貝同爽滑彈牙既墨魚滑🦑，仲有青口、水魷同花膠等，呢個先上枱既海鮮盛合好豐富😍，之後仲可以無限添加，個人最鍾意墨魚滑同竹笙蝦滑😳食左咁多肉係時候行下自助吧有咩其他火鍋配料～蔬菜方面有娃娃菜、萵筍、水蓮等🥬

東涌喺我心目中一直都係美食沙漠，感覺上餐廳嘅選擇唔多。喺東薈城行完outlet，順路就入左去坐低打個邊爐。今次揀咗佢最貴嘅套餐，日本九州産黑毛和牛牛+海鮮放題，原價$698，即場下載佢個app做會員，最後埋單一個人$583。呢個餐基本上包晒所有唔同等級嘅牛，但當然主力就係會食呢個餐獨有嘅九州產黑毛和牛。第一盤肉上到嚟已經好吸引，和牛嘅脂肪比例比較高，入口即溶。之後再落單嘅幾round和牛都維持到水準。👍除咗牛肉之外，都有唔少海鮮嘅選擇，例如有松葉蟹腳、原隻鮑魚呢啲係出邊比較少見嘅海鮮火鍋配料，亦都有三文魚刺身供應。除咗落單嘅食物之外，自助吧亦都有唔同既蔬菜類火鍋配料同熟食可以拎，款式選擇都算多。

🍖湯底方面我個人非常喜歡月見壽喜燒湯底，甜甜的味道讓人食欲大開！🍲✨肉類精選：- 日本九州和牛肩胛肉眼- 澳洲極上和牛- 澳洲谷飼黑安格斯牛- SRF 美國極黑牛我最愛的是日本九州和牛肩胛肉眼，肉質大理石紋理均勻，脂肪豐潤多汁，簡直太美味了！其次是澳洲谷飼黑安格斯牛，牛味濃郁，口感軟嫩，令人難以抗拒！😍

我地簡左LV4 黑安格斯牛❤SRF極黑牛❤海鮮放題❤!! 湯底係黑蒜豚骨湯❤味道夠濃唔油膩，淡淡既黑蒜香味，岩哂我地口味!! 主打緊係食佢地既澳洲穀飼黑安格斯牛❤牛肉脂肪同組織較少，食多幾碟都唔會覺好膩，入口鮮嫩多汁，油脂香濃。而SRF美國極黑牛❤肉質仲柔嫩多汁，肉味濃郁，必點~ 有埋海鮮放題❤真係好豐富大滿足!自助區亦有大量選擇 蔬菜 丸 熟食 同 甜品 飲品，係呢區黎講，絕對係我打邊爐首選!!人多黎食，仲可以食多d開心d❤️

早兩日同老公去咗牛気食lunch，呢期做緊⛩️和洋祭🎏，我哋叫咗LV.6 ，主打九州黑毛和牛、豪州極上和牛同海鮮放題！正到呢🤤Order推薦九州黑毛和牛✨口感好滑之餘，肉質鮮嫩，脂肪比例較高，啖啖肉香啊！澳洲極上和牛✨同樣牛肉味香濃，冇前者咁肥美，不過都好好味。挪威三文魚刺身✨高質肥美新鮮原隻鮑魚✨打邊爐配埋牛氣嘅自助混合醬料，鮮味出晒嚟！大海蝦✨真係好大隻，肉質結實，十足蝦味！花膠✨越煲越入味，建議開頭就放落去慢煮自助推薦炸蝦❤️香脆可口焗蠔❤️大大隻，夠蠔氣榴槤炸彈❤️老公食咗勁多關東煮❤️八爪魚串好好味咖啡拖肥味雪糕❤️期間限定口味必食90分鐘不停食食飽飽夠晒滿足啦😋食材新鮮，服務好，冷氣好夠👍🏻