牛摩 (荃灣千色匯I) (已結業)

平時去開葵芳但馬屋食，今日想轉吓場，所以去咗荃灣牛摩，佢開咗咁耐，每次經過都好多人，今日就下午2點先到，唔駛等位。喺門口點定個壽喜燒湯底，特選牛肉90分鐘，入到去先到自助區攞嘢，蔬菜選擇很多，丸類都有5、6樣，但係冇我最鍾意嘅豆卜 / 響鈴。湯底嚟到即刻涮牛肉，……點知中伏，個湯底完全係普通醬油加水，甜都唔甜下，牛肉入口只有咸味，烏冬仲慘，好彩攞咗唔多，但係湯底影響晒食物嘅味道，令我好失望，明明我選嘅餐可以encore豬牛肉，我都放棄了。跟住同個員工反映，佢話係咁，咁我只有攞燒汁去食餘下嘅食物。最後決定都唔會嚟呢度！

第一次食 覺得佢啲肉幾好食特別係牛肉 雖然佢都有雞肉同埋豬肉 不過牛肉有驚喜實在忍唔住叫咗第二round 雖然今次冇叫到海鮮 但係佢啲配菜都好新鮮選擇多同埋好味特別係玉子豆腐 你可以喺呢度自製雪糕 百零蚊幾低食 但係唔知點解得我地一台喺度食緊？其他人呢？

星期四晚同家人第一次去食牛摩, 由7:15pm 等左一個䭚先入到去食, 唔肚餓等到肚锇。3個人有兩個唔食牛, 選左豬肉雞肉火鍋, 每位148元+10%。見做緊牛小排晚餐買一送一, 好抵食, 平均一個先150元, 好多人選。3個人可以選3個湯底, 最後選左昆布, 蕃茄及蕃茄薯仔湯㡳, 其實豆乳湯底都好似幾有新意。除左肉食外, 其他蔬菜, 飲品, 甜品都係自助, 仲有小量熟食及壽司。籮白豬軟骨好味, 壽司望到都唔想食, 反而蔬菜好新鮮。豬肉雞肉都好正, 芝麻雪糕唔錯。普通refill 食物慢, 限時90分鐘, 會否再來嗎?不會了, 對面整座樓是食店火鍋, 競爭咁大, 最少不用等一個鐘。

3月29日中午約1:25pm, 打算試試一人一鍋的日式火鍋。可惜一到步，店員說未能提供一人一鍋（細鍋）的枱，因已全滿，當時還說如果要等一人一鍋的枱起碼要等一小時！由於同行小孩已很肚餓嚷著要吃，最終唯有接受入座（大鍋枱），怎料一進餐廳,已經見到一張「吉」的小鍋枱，當我問職員時，他不禮貌地回應枱預留給他的客人。我不以為然，心想餐廳12:00開始營業，大部分客人應該會於1:30-1:50離座（如我所料，大部分客人在1:50pm後陸續離坐）既然預約的客人未到，為何不可以彈性處理，先把枱給有需要的客人？心想我不也是客人嗎！當我再往前走往取食物時，又發現有另一張提供小鍋的枱，上面也是放著「留座」的牌，噢！原來尚有這麼多枱。最初我只以為他們是未能彈性處理，但當我吃完整餐後（90分鐘）發現所謂的「留座」根本是假的，由始至終從沒有客人出現過，兩張枱一路是「吉」的，最終其中一張是用作職工用膳。既然是慌話，何不說那些小鍋枱的爐已壞，真是侮辱客人的智慧，非常差的待客之道。食物質素方面，牛肉質素差（我們吃的是美國牛小排）添加速度亦慢，其他食物、飲品選擇亦不多.......吃過幾間連鎖日式牛肉涮鍋放題，這一間的服

女女這個星期生日，原本以為可以有買3 送1 優惠，怎料星期六、日及公眾假期不適用。但已去到了門口，還是光顧。女女最喜歡這兒的烏冬，有日本風味，滾多久也不會太「林」。我則喜歡這兒的肉片，望去也很新鮮，吃下去肉味濃，又香滑。這兒的魚蛋類豐富，應有盡有。最特別是一人一鍋，一家四口分別選了清湯、豬骨湯、豆乳湯和番茄薯仔湯四個湯底。因媽媽天生愛吃孩子吃不完的食物，所以除了清湯外，試了三個湯底，全都很惹味，令媽媽食慾大增。這兒的食材選擇較多，環境也較青衣城分店寬敞。

其實之前去沙田食過，但之前sha tin個間就冇得任添加牛肉 豬肉豚肉同雞肉 今次呢間吾同可以無限添加食牛肉食到抵番哂D staff好有禮貌，會主動加湯底加酱汁，d食物都種類幾多下，有熟食，有雪糕，有甜品，野飲有沙冰汽水之類😄😍但有d不足既係個湯底冇咩味，尤其芝士南瓜湯底，好似冇芝士冇南瓜味略嫌淡佐d同埋添加豚肉都比較少🤔每次只上四塊左右。但係牛肉豬肉就好多好多fd話雪糕最好食可以自己DIY😎而菠蘿又有得燒黎食整體上係幾好既

天氣太凍，午餐時間同事建議食邊爐，揾到喺荃灣城市中心有間牛摩，有邊爐放題，我哋就拉大隊去試下！入場前首先要order您想食既湯底，因為係一人一鍋，我哋點左個精選牛肉任食！每人$108免加一!我今日叫左個地獄湯底，除左顏色外，味道唔太辣！除左牛肉任食之外，其他配料都是自助形式任您選擇，其實選擇種類都多，由香腸丸類到各式各樣既蔬菜，美中不足的是欠左d餃子之類！除左啤酒之外，飲品都是任飲的除了生既邊爐配料外，其實都有少量熟食同沙律！醬料區都有好多配料選擇，想點就點！天氣咁凍，芝士包心丸係一個唔錯既選擇！總括嚟講$108 任食午餐都算唔錯，如果個湯底可以再濃郁d, 配菜有埋餃子食就更好！

天寒地凍阿女又出走，即興搵地方打邊爐！荃灣選擇應有盡有，未試過牛摩而且又有85折啖試下💪🏻💪🏻選擇左158最平個款有牛、豬、雞個餐...d肉食唔錯，但配料就差左d入座時只係八點半，熟食已經冇refill，我只係見到個吉既熱食盤...所以話唔到俾你知有乜食串燒用個2度火燒左成45分鐘都未食得😭😭😭所以冇乜人食，個半鐘只係燒左2串雞肉同一舊菠蘿，味道standard日本涮涮鍋竟然冇大䓤😤丸同菜選擇好小...比平時其他日式火鍋少好多飲品就唔差，有沙冰、汽水、茶個d雪糕就只有一款芝麻軟雪糕！

我叫小牛排，頭三碟，Ok無問題。跟住就比D平牛肉我。向佢查詢，佢就話呢D 就係小牛排，同之前嗰三碟完全不同，好，我倒哂落個火鍋爐內，叫 佢再比過一碟小牛排我，佢即刻O哂咀，我話不緊要，做湯底。即刻攞返一碟似樣嘅

差唔多TEA TIME個時去食，唔駛排隊。入到去，熟食已經無，諗住會加返，最後係無再出過。叫左南瓜芝士堂，無得好少芝士。啲牛都幾好，算新鮮，但有啲難咬。甜品：木糠蛋糕邊左蒜頭蛋糕！上面系蒜粉！問店員，佢地話系木糠，跟住成盤攞翻廚房，攞左啲新既甜品出黎。完全無再交代發生咩事。個蒜頭蛋糕系我食過最難食既甜品！其他甜品都OK，但系有少少蒜頭味

呢排天氣咁凍，好想食d暖笠笠既野，首選當然係打邊爐啦，午市日式火鍋放題又抵食又暖胃，牛摩係千色廣場開左唔係好耐，所以過來試下，呢度樓底高有玻璃幕天花所以餐廳有自然光透入幾舒服放題形式有兩款：60分鐘任食配料加限定一碟肉，另一款係90分鐘肉同配料無限任食，我選左60分鐘配特選肥牛肉，因為食配料都好飽，配料選擇比起其他放題以疏菜類較多，而丸類則不算多，另外亦有沙律吧但選擇亦較少，還有甜品、飲品及乳酪雪糕，另加$38仲可以任飲kirin啤酒添，呢度特別在有供應沙冰，推介水蜜桃沙冰好好飲

這商場翻新後，原來連名字都轉了🤔，情況與英皇娛樂廣場改名做大鴻輝類似，又或是新元朗中心易名「形點」？明明荃灣城市中心，現今也叫作千色？商家之事真煩人。牛摩，比較奇怪的是，選擇餐牌竟然要在門口選擇完😒，才可以進內坐下。本人一早已經訂座，而內裏亦都有很多空位，但是店員卻堅持，說公司政策😒，是在門口先揀選肉類，再揀選湯底，方可進內。這個方法實在太不靈活了，我訂了座，內裏亦不算很多人，我也沒有覺得很趕時間，店員卻不肯讓我們進店內再從長計議😒，商討要哪一款肉、哪一款湯，實在苛刻。調味料還不少，炸蒜、生蒜、青荵、辣椒。霜降黑毛和牛及海鮮，廣島蠔、藍青口、帶子、海蝦，其實全部我都不算極之喜好，因為蠔熟了的味道我就不太喜歡，青口、以及帆立貝本來也不太喜歡。和牛，雪花般的紋理，賣相挺吸引，輕涮幾下，薄薄的，大片不斷，口感甚佳，肉味濃香。丸類沒牛一出色，沒中間夾層年糕那款；魚腐、魚蛋均一般。有些蕎麥麵（但幾條插在壺內像古時投壺遊戲）。拉麵更出色，雖不是粗拉麵/沾麵那質地，但亦非常彈牙有嚼勁。果然是「牛」摩，好像除了和牛、牛肉、豚肉、雞肉，不太見到有羊肉。飲料只有七喜、百事、梳打、橙汁，有熱飲機但不見小杯，

梗直中哂伏！ 食過最差差差差差既火鍋放題，如果唔食肉淨食素食既話 依到都唔會滿足到你 。食物選擇少之有少 蔬菜類仲多過丸類同熟食加埋 ，真係無咩野可以食，可能佢主打肉類喇 畢竟個名都叫牛摩 ，但真係完全唔稱得上係放題 。本身都係睇在佢一人一鍋夠特別 ，我地一行八人，係門口落湯底都落到R哂頭 未試過真係唔知落個湯底都可以搞禁大陣仗 點解唔整張紙俾人簡呢 係咪淨係諗住做2人/4人生意 唔打算接大枱單？ 搞到接待姐姐都炆埋 未入去食心情已經差哂 ！ 態度真係有待改善 食到八九點90分鐘都未夠就埋定單 打算執走枱面個爐 好趕住收工禁 🤔 依間野真係只此一次 下不為例 。。。。

我很喜歡食牛肉火鍋放題，不同價錢我也會去，當然貴至八百至一千元，相信都能食到好質素的牛，但說到平靚正，例如四百元左右，我還未找到我一間很滿意。今次我去試牛摩的晚市放題，我叫了最貴個款佐賀牛拼海鮮，呢個價錢，除了任食佐賀牛外，還可任食低一些價錢的澳洲和牛及美國牛肉。我試了三款牛，佐賀牛故然好味，入口即容，油份高並分佈得尚算平均，但相信一定不是高級的佐賀牛，因牛味不算強勁，但勝在夠滑。至於澳洲和牛就真係出奇地差，太多肥膏，肥得來又唔滑，價錢是第二貴，不值。反而，美國牛尚且有牛味。至於海鮮方面，有意外驚喜，海蝦生蠔扇貝樣樣有，還大隻爽口。另外，餐廳設有自助Bar檯，擺放了一些小熟食，還有很多不同款的新鮮蔬菜，幾款丸類，其中以貢丸最為出色，飲品及甜品選擇尚算足夠。整體來說，呢個價錢能吃到此食物，值得推介！

星期六本身打算同朋友去食午市放題，但因為我哋太遲，原來好多都兩點半就截單。🤦🏻‍♀️🤦🏻‍♀️🤦🏻‍♀️食唔到放題，就食日式火鍋。尼間嘅位置都唔錯，仲有個玻璃天幕，如果夜晚來，應該會幾靚。尼度有唔同嘅牛肉套餐選擇，唔同等級價錢各異。亦都有半自助嘅形式。（沙律吧任食。）不過得意嘅係，係門口就要揀定要邊個套餐，好似無咩時間去研究個menu。雖然無人催，但好似要好趕住落單咁。我哋揀咗地獄湯底同豬骨湯。其他配菜都好豐富，基本嘅蔬果都有，值得一提嘅係粟米幾好味。因為個人好鐘食打邊爐時食粟米，所以粟米都可以影響我對間餐廳嘅評論。🤣🤣我哋揀咗HK$149特級牛肉套餐，會有埋雞肉同豬肉，食完可以再refill。而當中雞肉都算唔錯，就算我哋煮耐咗，都不會“鞋”。調料方面，除咗一啲日式調料，仲有中式嘅葱、辣椒同蒜泥等，令客人有更多選擇。飲品方面，選擇都算多，一般汽水之外，仲有冰沙同熱飲。熱飲有咖啡、奶茶、鴛鴦、朱古力同蜂蜜柚子綠茶。柚子綠茶幾令人驚喜，如果唔想飲太凍嘅汽水，可以試試尼個熱柚子綠茶，飲落幾舒服。但唯一不足之處係我想斟朱古力時，機器流出來係好淡嘅水，同侍應講話無朱古力，佢剩係應咗我一聲，然後斟咗自己