影片
更多
2017-11-08
453 浏览
星期六本身打算同朋友去食午市放題，但因為我哋太遲，原來好多都兩點半就截單。🤦🏻♀️🤦🏻♀️🤦🏻♀️食唔到放題，就食日式火鍋。尼間嘅位置都唔錯，仲有個玻璃天幕，如果夜晚來，應該會幾靚。尼度有唔同嘅牛肉套餐選擇，唔同等級價錢各異。亦都有半自助嘅形式。（沙律吧任食。）不過得意嘅係，係門口就要揀定要邊個套餐，好似無咩時間去研究個menu。雖然無人催，但好似要好趕住落單咁。我哋揀咗地獄湯底同豬骨湯。其他配菜都好豐富，基本嘅蔬果都有，值得一提嘅係粟米幾好味。因為個人好鐘食打邊爐時食粟米，所以粟米都可以影響我對間餐廳嘅評論。🤣🤣我哋揀咗HK$149特級牛肉套餐，會有埋雞肉同豬肉，食完可以再refill。而當中雞肉都算唔錯，就算我哋煮耐咗，都不會“鞋”。調料方面，除咗一啲日式調料，仲有中式嘅葱、辣椒同蒜泥等，令客人有更多選擇。飲品方面，選擇都算多，一般汽水之外，仲有冰沙同熱飲。熱飲有咖啡、奶茶、鴛鴦、朱古力同蜂蜜柚子綠茶。柚子綠茶幾令人驚喜，如果唔想飲太凍嘅汽水，可以試試尼個熱柚子綠茶，飲落幾舒服。但唯一不足之處係我想斟朱古力時，機器流出來係好淡嘅水，同侍應講話無朱古力，佢剩係應咗我一聲，然後斟咗自己
食唔到放題，就食日式火鍋。尼間嘅位置都唔錯，仲有個玻璃天幕，如果夜晚來，應該會幾靚。
尼度有唔同嘅牛肉套餐選擇，唔同等級價錢各異。亦都有半自助嘅形式。（沙律吧任食。）
不過得意嘅係，係門口就要揀定要邊個套餐，好似無咩時間去研究個menu。雖然無人催，但好似要好趕住落單咁。
我哋揀咗地獄湯底同豬骨湯。其他配菜都好豐富，基本嘅蔬果都有，值得一提嘅係粟米幾好味。因為個人好鐘食打邊爐時食粟米，所以粟米都可以影響我對間餐廳嘅評論。🤣🤣
我哋揀咗HK$149特級牛肉套餐，會有埋雞肉同豬肉，食完可以再refill。而當中雞肉都算唔錯，就算我哋煮耐咗，都不會“鞋”。
調料方面，除咗一啲日式調料，仲有中式嘅葱、辣椒同蒜泥等，令客人有更多選擇。
飲品方面，選擇都算多，一般汽水之外，仲有冰沙同熱飲。熱飲有咖啡、奶茶、鴛鴦、朱古力同蜂蜜柚子綠茶。柚子綠茶幾令人驚喜，如果唔想飲太凍嘅汽水，可以試試尼個熱柚子綠茶，飲落幾舒服。
但唯一不足之處係我想斟朱古力時，機器流出來係好淡嘅水，同侍應講話無朱古力，佢剩係應咗我一聲，然後斟咗自己杯嘢飲就走咗去。(無錯，啲員工都可以自由地來斟嘢飲。)
食物味道都算唔錯，不過就係服務需要加強。
张贴
